媽咪雞蛋仔

营业中

休息中

本來冇諗住買雞蛋仔食，但係路過見到好多人排隊同好香，8掛行埋去~嘩一聲！$20 就一底雞蛋仔？！ 真係咁抵咩？同一個位置有幾間有賣雞蛋仔嘅，都買25至$30 ，呢間米芝蓮推薦嘅只係$20就有一底原味雞蛋仔， 隔籬嗰間我都食過好一般，呢度嘅味道微甜好香雞蛋味，每啖都脆卜卜脆到好似食薯片咁好誇張，真係好好食， 唔怪得知咁多年都米芝蓮推薦啦仲有好多唔同味都好吸引， 仲加以加錢配唔同配料例如雪糕、芝士等等超邪惡，儲下quota 一定要再食🫶🏻

新年推出一個芝麻湯圓雞蛋仔，佢入邊個餡係好似麻糬咁，好拉得。芝麻味好出又夠香，外皮亦夠脆。唯獨是係價錢偏貴，要$49，個人認為食一次就夠。如果想抵食啲，都係嗌返原味雞蛋仔，只需要$20。