媽咪雞蛋仔

营业中

休息中

媽咪雞蛋仔開左唔少分店，食開尖沙咀果間，水準唔錯，不過人就有d多。今次就試下佐敦呢間啦。店係廟街牌坊，我大約8點去到，人流唔算多，等緊既大多都係遊客，叫左排名第二既粒粒朱古力味，等左大約10分鐘後就有得食。熱辣辣既雞蛋仔真係最好味，加上真實既朱古力粒，雖然有少少甜但都接受到。一底雞蛋仔一個人食算多，建議同朋友分享！而果日既收銀員態度都好好，雖然有唔少訂單但佢都好清楚分到邊個客人先後，唔會出現混亂！

我試過依一間野食過兩種唔同味既雞蛋仔！1. 麻辣肉鬆雞蛋仔因佢個menu 食住‘非試不可’，但整份雞蛋仔其中幾粒，就頂唔順掉咗。主要原因係：肉鬆本身係帶有咸味，冇饀既雞蛋仔係甜既，再加麻辣上去，本身係幾有創意組合；但係食咗之後，就覺得肉鬆&麻辣既味道搶走咗雞蛋仔本身既味道。2. 香蕉朱古力雞蛋仔依個雞蛋仔既味道相對好一啲，食依個雞蛋仔時覺得朱古力既味道較重，而香蕉味較少，同時依個味道既雞蛋仔都較甜少少。另外見到朱古力&香蕉既分佈唔係咁平均，有啲朱古力多啲，有啲香蕉較多。其實兩款味道既雞蛋仔都有兩個共通點：1. 即叫即整，所以我攞雞蛋仔時都熱辣辣。2. 雞蛋仔每粒都幾硬（可能粉多既原故），唔係平時食開既外脆內軟。

今次有朋友黎香港玩～盡地主之誼⋯梗係要帶佢去食香港特色既美食啦～落高鐵第一時間帶佢去醫肚，梗係帶佢去比較近高鐵站既佐敦分店食雞蛋仔啦～呢間雞蛋仔我食過好多次～就算唔同分店⋯都次次保持到水準～我個人係比較中意食栗子味雞蛋仔～真係有一粒粒栗子係入面！另外冬天出過紫薯味雞蛋仔都係好正！紫薯味好濃！又有一粒粒可以咬下～而且雞蛋仔外脆內軟～食左一粒就停唔到口～不過朋友第一次黎香港～所以今次揀左原味～都一樣咁好食～唔會太甜⋯我買既時候朋友本身係唔太想試咁，我堅持係超好食～所以佢先肯試⋯⋯但佢食左之後就一粒接一粒⋯好快食晒！我問佢覺得點，佢話估唔到咁好食～因爲佢係上海食過標榜「香港雞蛋仔」既店⋯但⋯⋯⋯⋯感覺唔良好！但今次試完⋯佢話原來係差咁遠～對雞蛋仔完全改觀～所以媽咪雞蛋仔真係超好食⋯⋯（不過價錢就真係有點貴⋯⋯但都值得既）

宜間雞蛋仔我超級愛🥰幾年前佢地未開分店既時候，每次都要去到紅磡先可以食到，宜家就非常方便了，因為開左好多分店，重連續拎左四年米芝蓮，超人氣👍🏻👍🏻排長龍架。粒粒朱古力 $25美味指數 : ⭐️⭐️⭐️⭐⭐️每日新鮮製造，即叫即做熱辣辣，外脆內軟既口感，每粒雞蛋仔都非常飽滿，重包住好多朱古力，食落真係滿口朱古力，滿足到爆炸，經過不妨去試一試。🥰環境 : ⭐️⭐️⭐️⭐️服務 : ⭐️⭐️⭐️⭐️價錢 : ⭐️⭐️⭐️⭐️美味 : ⭐️⭐️⭐️⭐⭐️媽咪雞蛋仔 (佐敦)佐敦廟街219號地下

最近同朋友去咗柯士甸上堂👨🏻‍🏫咁啱經過媽咪雞蛋仔又有啲肚餓就買咗啲野嚟食😛今次試買咗咖啡格仔餅嚟食😆一拎上手都覺得個格仔餅都幾大個，而且食落口感都脆卜卜😎而且食落去個格仔餅都幾重咖啡味😆不過唯獨是啲醬有啲唔太平均，一開始食就偏少，之後就愈食愈多🤔

好耐冇食雞蛋仔! 今日行過呢間超多口味揀既媽咪雞蛋仔, 幾番掙扎之下, 決定揀個最新既產品 - 墨魚汁黃金雞蛋仔試下! 墨魚汁黃金雞蛋仔: 呢度每底雞蛋仔都係即叫即製, 包熱辣辣送到你手! 雞蛋仔真係成底黑色既! 不過基本上食唔到墨汁味。黃金就係邪惡既咸蛋黃啦! 咬開真係粒粒雞蛋仔都有咸蛋黃碎, 好邪惡。估唔到雞蛋仔同咸蛋黃都幾夾。鐘意呢度d雞蛋仔, 唔會一陣風咁, 係有彈性既雞蛋仔。下次試下其他味先!

吃雞蛋仔一定要找有信心保證，一般又賣魚蛋、又賣小食的店鋪都斤兩未足，不能帶出雞蛋仔的精髓，今次來到佐敦這間媽咪雞蛋仔，連日本電視台都有廣泛報導，需知道這間人氣媽咪雞蛋仔現在愈開愈多分店，但每間都是人流不絕，質素有保證，不會因為多了分店而質素下降，而且這間味道多元化，適合不同口味的人。今晚吃飯前肚子餓，經過見不是太多人排隊，就點了一底朱古力香蕉雞蛋仔$32，大約等了五分鐘，雞蛋仔非常脆，香口，混了朱古力和香蕉，絕配！總評：下次會再試其它味道。

去完中南買文具，正朝往佐敦方向走時，竟然見到呢間好大的媽咪雞蛋仔，除了不同口味選擇外，仲有台灣飲品售賣添～～～呢度地理位置超好，正正就在油麻地站C出口隔離，相信生意都好好！雞蛋仔有多款口味架，上次係尖沙咀食左勁似蛋黃月餅的雞蛋仔，實在太「濟」，所以今次食朋友強烈推介的芝士味堅係外脆內軟，外表有芝士絲融化的痕跡，裡面軟軟腍腍，有芝味卻不濃烈，不會有吃得太多過濟的感覺，只會愈吃愈多，最後自己清左成袋雞蛋仔！

有次行過，又突然間好想食雞蛋仔，所以叫咗個粒粒朱古力雞蛋仔，佢唔係朱古力漿，而係有朱古力粒放落蛋漿度，整到有啲朱古力溶咗喺入面嘅感覺，食得出係有朱古力，但係我個人比較鍾意朱古力漿😅，好可惜嘅係，一攞起手，好硬，唔熱，一食落口，我同其餘兩個fd同一時間話好硬，可能吹得太耐，但我覺得22蚊，都幾貴！

今日啱啱落咗堂經過聞到好香好香好香原來喺媽咪雞蛋仔聽朋友講係米之蓮推介見到好多人排隊，但都忍唔住想試吓超級多味選擇！！！！冇諗過雞蛋仔都可以有咁多口味！😂紫薯、麻辣肉鬆、咖啡、咸蛋黃、粟米⋯⋯嘩！！！多到真係唔知點揀👀第一位係推介咸蛋黃味但因為想吃甜嘅，就揀咗第二位嘅香蕉朱古力味熱辣辣係熱辣辣架！好好味呀！外脆內軟呀！！！！！！軟得嚟唔係淋啤啤！同埋入面真係有真正嘅香蕉蓉架！！！！！！朱古力又溶左嘅狀態！真係超夾超好味！！！！！！朋友就叫左金莎味夾餅，我咬咗一啖超有口感，好厚！啲醬又多！好好味呀！下次一定要再嚟試下其他味😄

最愛食媽咪雞蛋仔路過呢頭通常都會買來食呢度超多款揀野飲都有好多款同埋幾特別不過下次先試有個電子顯示板留意住number攞野食coffee味道唔錯雖然無想像中咁濃味不過都好食口感外脆內軟

咁啱經過佐敦，本身諗住去髮品店買一些髮型用品，但望見對面就有一間媽咪雞蛋仔😍😍，比起之前我是在灣仔的那一家較大人很多不過照排隊，因為之前在灣仔食過一次覺得好好味好脆😋😋太多款式了，我都不知道揀那個味道好🤷🏼‍♀️，又有栗子雞蛋仔、朱古力雞蛋仔、抹茶雞蛋仔、咖啡雞蛋仔、芝士雞蛋仔、肉鬆雞蛋仔、紫薯雞蛋仔，其實還有很多味道都好想食架不過最後選擇了抹茶紅豆雞蛋仔😋😬😋😬。當飯後甜點都不錯喔👍🏿👍🏿裡面都有很多紅豆喔😍😍大愛

今日行過廟街見到有間媽咪雞蛋仔，心郁郁想買返個食下，站係度望左好耐睇下有咩口味，我印象記得有栗子，紫薯，芝士，朱古力等等。其實我最想買既係原咪雞蛋仔，但我好認真咁望左5分鐘，真係搵唔到😂😂唔知係咪我眼大睇過龍💔💔於是最後我叫左知粒粒朱古力雞蛋仔個雞蛋仔整得好靚，粒粒都好完整無缺，而且漲卜卜，見到都流口水，淨係睇相都feel到佢係脆既，不過係甜左d囉，我食食下都要搵水飲，如果可以更好地抵制個甜度我會更喜歡😂😂

放假周圍行, 經過媽咪雞蛋仔冇乜人排, 諗起佢好似幾出名咁喎, 咁就ORDER一個試下. 佢開放式廚房, 望入去都幾乾淨企理, 落ORDER既時候都係有禮貌既.  佢地有好多款唔同味既雞蛋仔, 但我只係揀左原味.價錢我覺得$20一底係比較貴, 雪糕亦要加$20, 就試下你先等左差唔多10分鐘, 應該係因為即叫即整既原因;  賣相好好, 拎上手都好夠份量, 雪糕份量都好多.  雞蛋仔都幾脆, 但厚身, 如果要比較, 北X雞蛋仔比較鬆脆好味. 

趁未食得飯，咁啱行經見到有媽咪雞蛋仔，一直都想試，於是行去睇下，望到原來都有好多款，有抹茶紅豆、紫薯、紫菜、芝士、芝麻等……我揀咗芝士雞蛋仔，33元，我在想吾知會係咩味呢，呢度係先購票，再睇電視顯示屏攞，等咗陣，有得食喇，搣第一下，都幾硬，少少黐，但脆，食落吾係好熱，可能攤咗陣先叫号碼，我覺得冇乜好香的芝士味，比較硬身，實實在在吾係得陣風果種，但有點失望，我以為會係外脆內軟，會有芝士流出來果種，但原來不是的……我一直都係喜歡食內軟果啲……下次要試下第二款，但又吾好抱太大希望