婆婆珈琲屋

营业中

休息中

最近婆婆咖啡屋係Openrice長企人氣高企，試過打電話去預約都一直打唔通，估計太繁忙都接唔切電話，早幾日決定放工後walk in一試運氣，店員話當晚已full但都幫我地留定wait list，正當諗住機會甚微打算搵定其他餐廳，過左15分鐘店員打電話來話有位！於是我地即刻衝返餐廳，幸運地俾我地walk in 成功！原本係睇中佢個富士山飯團而來，但原來dinner set全部跟熱飯唔跟飯團，另外再叫飯團我地又怕食唔落，所以就只叫了兩個定食，留待下次lunch嚟先試佢最出名嘅飯團。我地叫左個蜂蜜蘋果咖喱烏冬定食 ($128) 同豚肉生薑燒定食 ($138)，首先見到賣相已經先興奮，選用嘅碗碟都十分精緻，而且食物相當豐富，每個定食都附上柚子醬醃蘿蔔、芝麻醬菠菜、半熟蛋同茶碗蒸。特別一提茶碗蒸做得出色，每碗都有隻大而彈口嘅蝦肉在內，蒸蛋做得滑口，食左一半都仲熱辣辣！主食方面，咖喱汁加了蜂蜜嘅關係味道偏甜，而且口感偏杰方便撈烏冬食，另外薯仔煮得夠冧且入味，加上雞肉件煮得嫩而保留到肉汁，濃濃嘅咖喱汁都唔會遮蓋到雞肉嘅香味。至於豚肉生薑燒同樣做得高質，鋪面嘅先係一堆薑蓉，豚肉份量都頗多，味道煎得香口

終於試左婆婆珈琲屋。晚市18:30 先開始, 中間會休場, 我18:30去到, 都多人架, 所以最好book 一book 枱先。佢話食飯限時90分鐘。叫左兩個dinner set (+drinks) + 一個富士山飯團總共 $362, 可以簽卡。 我叫左個咖喱雞肉飯, 朋友就叫左個生姜豚肉飯。每個set 都會跟三個小菜 + 蒸蛋, 我個人唔食糖心蛋, 都可以轉多做一碟菠菜, 幾flexible, 唔錯。食物質素都唔差。個富士山叫黎純粹為打卡影相用, 但味道都OK架, 明太子味.. 唔係伏野。不過始終店內環境細細, 唔係話坐得好舒服, 所以佢限時90分鐘都變左合理, 你都唔會想坐好耐。餐廳同一層, 有個位係賣下日本雜貨, D 野都幾特別下, 可以睇埋。

難得平日放假，來到這家人氣的婆婆咖啡屋嘆個早餐。店內裝潢以日式木製傢具為主調，早上人流較少，清閒自在，能好好放鬆一下。早餐餐牌很簡單，點一杯咖啡加$26-32，3選1款主食。我這次點了一杯熱美式和婆婆皇牌吐司。吐司SIZE很小，薄方包舖上少少沙律菜、兩片煙肉、炒滑蛋和大量甜沙律醬。個人認為製作吐司至少要用厚多士，而不是三文治薄方包，而且過量的甜沙律醬太喧賓奪主。這「皇牌」吐司，令我頗失望...熱美式咖啡不過不失，較MILD的口味，附上LOTUS小餅乾有心思。總括而言，人少的時候咖啡店環境的確很寫意，但食物質素令人失望，早餐再加一服務費盛惠$70，性價比低。光靠打卡環境，不足以吸引我再度光顧多次了....

見到好多人過來影相📸️打卡，朋友提前一個星期book 星期日過來試。.環境好復古 木式餐具 檯凳 ，好有feel。.自己出去點餐俾錢🤌。.🌼金平牛肉定食 $138前菜係菠菜 有茶碗蒸 一個溏心蛋 牛肉 飯。茶碗蒸好好食，d蛋好嫩，溏心蛋都唔差 有淡淡酒味。牛肉定食味道啱啱好。.🌼北海道三文魚奶油燉菜定食 $148三文魚奶油燉菜味道淡淡d，三文魚切到細細塊，份量唔多，覺得唔值呢個價。😅.🌼富士山明太子飯團 🍙 $18 跟餐外觀好好睇，中間有明太子，味道微微鹹。.🌼沖繩海鹽 · 富士山🗻 $98最好食嘅係呢個甜品。戚風蛋糕🍰上面有一層奶油 ，仲有粒粒海鹽，鹹味 口感唔錯。雪糕係海鹽味。個人覺得定價有d高😅.🌼富士山特飲 $78呢杯係特飲，所以冇跟餐價。味道係淡淡牛奶味。.🌼雜莓 kombucha $28雜莓同酒味都頗濃 酸味適中。.總體來講，好岩影相打卡。但來一次就夠。價錢偏高 性價比低。

book 位真係好難~ 有得揀都係dinner time 8點🤦‍♀️店員話如果要晏晝食一係就book 平日or 早兩個星期book 星期六日既晏晝😥😥佔地全層, 一半係賣日系衫同家品👘🧵另一半係餐廳🍱 入座後店員介紹番夜晚有fix既menu 😂✅金平牛肉料理定食🍱金平牛肉帶些少辣,本身以為係面頭既香草配料, 但點知食到落底都仲有d辣椒絲🤪🤪 搞到有d 辣🤦‍♀️✅北海道三文魚奶油燉菜定食🐟係幾足料既奶油味,但比想像中"杰"好多!!!! 🤪食得多會覺得"漏"🙈 三文魚就得4-5 粒, 又唔係太大舊😢其他配菜如下:主要有一大碗白飯加番一粒梅(ps一打開令我諗起白米地獄副puzzle😂)茶碗蒸比較失望, 印象中食好多既茶碗蒸係連蓋上,熱辣辣咁食!! 但佢只係暖暖地既茶碗蒸😩溏心蛋呢,算係成個set 中唔錯既仲帶些少清酒味😌...其他既麻醬波菜同埋柚子汁配蘿蔔屬正常範圍另外仲加左HK$18試佢個富士山形既明太子飯糰👀 入面明太子偏乾身....um....好似都係華御結個個好味d😂飲品跟餐既半價都係一般既咖啡同紅茶之類....特飲要原價飲...覺得太貴....唔捨得飲🤦‍♀️🤦‍♀️總結, 都係一次

{伏伏伏伏伏}一次咩都夠 / 影富士山要五分鐘內KO 唔係唔好叫🗻復活節終於去左呢間ig 洗晒版既婆婆咖啡屋潮聖，講緊早成個星期就上網book左真係...萬水千山～我地book 左一點半，三點就要交枱，我地叫左個五點料理$128，半價$28加左婆婆杯茶，再加左杯富士山 $78，但因為富士山係special drink所以唔可以半價加，另叫多個焦糖布甸🍮$42📍其實一開始對佢地啲野食已無咩期望，因為十個十個都話間野係用黎打卡 only，但我親身黎到睇到呢幕，印象再大減：佢地啲一碟碟其實已整好晒擺喺度，店員就執藥咁執比你，比我感覺就好似去左啲食堂咁😕（佢地高端啲既嗰種)📍 富士山 🗻 $78 無得跟餐半價 嚴重overpriced 到評評最signature嘅嗰杯富士山，其實係一個 最 重 點 既災難！！因為佢黎到五分鐘後，上面既白泡泡已塌晒，你再諗諗點整plating 你已miss左打卡既機會。無得打卡，你諗住未enjoy 下杯野？唉之前未提左你囉，佢地啲野食飲品係災難，份量當啲泡泡無晒，啲藍色野係得返10 ml ，味道？淨係飲到啲奶精、假甜既味，跟住呢杯打卡用 d

趁住復活節假期,  就諗住約朋友去婆婆珈琲屋食下飯聚下傾下計😍一出lift就見到婆婆雜貨店,入面有好多飾品同衣物可以買,穿過雜貨店就黎到我地食嘢嘅地方啦!入到去店員就問我地要青瓜水定蝶豆花水,  真係好特別🤣而且入面裝修好靚,好多打卡位,每個座位都有花花嘅擺設比大家影相打卡🥰我今次就坐近窗邊嘅位置,可以望住靚靚嘅街景食飯🤤四品料理 ($108)佢有三品四品五品料理可以揀,大家可以視乎自己嘅食量去揀要幾多品.我今次揀嘅係四品料理啦,冷菜方面揀左胡麻菠菜同清酒溏心蛋,熱菜方面揀左照燒雞扒同黑醋唐揚雞,飯糰方面就揀左明太子富士山飯糰🤤成個餐上到黎真係忍唔住不斷影相打卡先呀,真係靚到爆炸💥個飯糰充滿麻油味,食落好香!而個溏心蛋真係好流心,一夾起d蛋汁已經開始流出黎,感覺好正🥺🥺而照燒雞扒就肉汁滿滿皮香肉嫩,食落好滋味!最後至於個唐揚雞,雖然唔係即炸但係食落都好脆,而且啖啖肉,唔會好似出面d炸雞咁食落好厚粉或者好大塊皮咁👏🏻昭和焦糖布甸 ($42)呢個布甸嘅賣相真係同漫畫同卡通真係一模一樣呀🤣滿足曬漫畫迷同少女心嘅我嘅需求,而且拍落去仲要十分動L添!😆布甸食落十分軟滑,甜度啱啱好,焦糖味都好出,

呢間婆婆咖啡屋係一定一定要book位！琴日係假期，所以一定要book定位如果唔係就會摸門釘我唔到呢間小店勁多人幫襯，成個場都坐滿晒人除咗餐廳之外，悶千仲有小店可以買日式餐具等✰ 四 品 料 理 ✰呢度最低消費係一個料理餐四品料理 $108價錢唔算太平不過嘢食方面比我想像中好食開頭以為明太子富士山飯團係一款好普通嘅飯團🍙食落去飯團嘅米原來都加咗鹽味食落去鹹鹹香香除此之外清酒糖心蛋做得幾好糖心蛋真係做到呈半流心狀態🤤🤤🤤而其他嘢食就中規中矩啦昭和焦糖布甸$42呢個價錢真係有啲高望落去個樣真係相當日式不過食落就好似統一布甸😂🙈用嚟影相都OK，不過性價比就有啲低❤️❤️❤️

呢間近期火熱嘅餐廳真係多人到連平日去都差啲無位😂 勁!婆婆珈琲屋出面係賣精緻小品 / 日系服飾等位嗰陣不妨逛一逛 分分鐘搵到合眼緣嘅嘢🥰🔖 三品料理/五品料理 食完咁多款後 小編私心推薦以下🙋‍♀️～日式咖喱雞肉～唔辣甜咖喱 有軟腍雞肉、超入味薯仔、紅蘿蔔好食到真係想添碗白飯呢😍～胡麻菠菜～簡單配搭 無得輸地好好食～醬酒糖心蛋～比平常糖心蛋多咗種微微酒味 別有一番風味!～鰹魚昆布湯烏冬～覺得比供打卡用嘅飯團CP值更高 烏冬超彈牙❤️🔖 富士山特飲 賣相的確幾靚 上面奶泡下面似荳奶飲落一般 價錢有點過高 下次會揀叫多份三品算

復古風格既日系餐廳🙌🏻🇯🇵入到去有種懷舊感覺👵🏻周圍既裝修都好唯美🥰今次食呢間系因為好靚既富士山飯糰🍙同朋友仔叫左三品同四品料理🍱::::::::::::::::::::::::::::::$88 三品料理 ( 2冷 1熱)▫胡麻菠菜 【冷】9/10呢個菠菜採用既系日式胡麻醬菠菜比較爽口 醬既分佈都幾均勻▫️清酒溏心蛋【冷】8/10溏心蛋有少少過熟 甜甜地吾太覺有清酒味但系幾岩驚有酒味既人都可以叫▫️婆婆咖喱【熱】7/10黎到婆婆屋 好奇婆婆咖喱系咩風味食落系日式咖喱 🍛味道會同普通日式咖喱磚相近入面都有薯蔔 薯仔等配料▫️明太子富士山飯團 6.5/10因為外型美麗 禁不住對佢有啲期待🧐印象中飯團比較乾身 而材料都系乾身所以整體都比較乾吾夠濕潤$108 四品料理 ( 2冷2熱/3冷1熱)▫️山賊汁雞卷【冷】7/10本身以為系卷狀 原來一片片🤨一片片雞肉 淋上左汁食落較普通 鹹鹹地但雞肉系幾滑嫩既▫️馬鈴薯沙律 【冷】6/10呢個沙律應該落咗少少清新醬汁所以食落系酸味既口感上系薯蓉 有吾同水果▫️蒲燒鰻魚 【熱】6.5/10冇乜骨既鰻魚 okay既但都系比較乾身🤣▫️金平牛肉 【熱】9.5/10驚喜中

實在太掛住日本啦🇯🇵，今次去一間日式料理小店懷舊一下先～ 大家黎打卡記得上網訂位，當日平時去都好full, 聽講walkin都要等幾小時，所以記得訂位啊😚店舖裝飾到昭和風格裝潢，有懷舊掛牆電話、包廂設計既sofa位得一個，想影相就要訂位時mark低啦。我地叫左一個五品料理套餐，有冷熱盤、飯團都可以自己選擇。我揀了選擇了明太子富士山飯團、溏心蛋、二色薯餅、鰻魚、波菜、蓮藕冷盤。我最鐘意粒成個富士山咁樣的飯團🍙 甜品的造型都好可愛架，可惜太飽食唔落無叫到😔

幾個禮拜前我同兩位朋友去食晚飯1850去到，本身話有一個半鐘食，但佢話八點要交枱我哋都話可以。之後逐個點餐，收銀態度唔係特別好之餘，佢話要加一，但事實上除咗送餐之外所有嘢都係自己搞掂，例如拎水、出去叫餐。1930: 等咗30分鐘之後都未有嘢食。職員過嚟話唔好意思係第一日有新餐牌，話俾我哋2015交枱。1950:都仲未有嘢食，職員話下兩張單就係，俾我哋2030交枱，比半個鐘我哋食😅 我直接話不如你啲餐到咗再講交枱啦。2000:兩個餐送到。2025:最後一個餐送到。（足足等咗個半鐘）至於味道，如果餐廳係sell即叫即整，呢曾我真係唔係好感受到，自己屋企整都快過佢，因為唔係特別好食，食材更加不是特別所謂新鮮。總之冇可能等個半鐘啦。最不滿係職員口中只係不斷要我哋交枱 ，好似只係講過一句唔好意思，話新餐牌所以廚房踢晒腳。我個朋友之後有反映番比餐廳聽，但我覺得要比多啲人知道呢件事，等其他食客自行判斷吧。

係尖沙咀The Nate 1樓有間隱蔽嘅昭和小cafe 主打食日式輕食🍱 本身我好鍾意食MUJI嗰啲小品料理 可以揀唔同款嘅小食感覺上好豐富但又唔會食到好飽滯👍🏻🤤 呢間啱曬我心意👏🏻 bookmark 咗好耐終於book到位食🎉.▫️四品料理($108）我同朋友每人嗌左個四品料理 .Set 1: 清酒溏心蛋 金平牛肉 辛口明太子手羽 醉雞捲 + 五目飯團Set 2: 馬鈴薯沙律 二式薯餅 醉雞捲 辛口明太子手羽 + 明太子富士山飯團.最推薦個辛口明太子手羽 其實係釀咗明太子既雞翼 辣辣哋幾好食 清酒溏心蛋都有驚喜 雖然真係細隻咗少少 但係好重清酒味 個明太子富士山飯團味道就一般般 都係用嚟打卡 入面可以多番少少明太子個醉雞捲都幾好食😋😋.雖然每一樣份量都唔係太多 但係最後都幾飽吓 想試嘅記得要book位 另外餐廳嘅環境好靚 走復古style 但係都幾多人 坐位有少少迫 不過食物好味就ok啦~

四品料理($108) 加飲品(半價)3 cold dishes + 1 hot dish / 2 cold + 2 hot 推介應該只有富士山名太子飯團🗻賣相好加分，唔洗擔心藍色飯會好奇怪，其實食落無咩特別。不過明太子比較少，飯相對比較多，令到味道唔夠😩其他菜式：·清酒糖心蛋🥚無咩酒味·山賊汁雞卷🍗感覺似白煮肉加黑椒燒汁😅·婆婆咖哩🍛用杯仔裝住日式甜咖哩配紅蘿蔔、薯仔同雞肉，個人覺得食材可以再煮稔啲😣·黑醋唐揚雞🍗比起其他菜都可以一試既•金平牛肉🥩少辣，肉既份量比較少•辛口明太子手羽🍗明太子份量好足但係口感同平時食既好似唔太相似😣食物味道整體比較普通，份量唔算多，所以選四/五品都可以。餐廳係日本昭和風格，擺設都比較懷舊復古。而餐廳入口係小小既雜貨店，部份餐廳既餐具都有得買☺️

早前睇到不少網誌介紹婆婆咖啡屋，決定於平日晚上去食。6半walk in去到，要等，嗰時先知原來可以打電話book。等到差唔多7點就有位，不過要8點還檯。Order左一個三文魚set同一個日式咖哩set，由於負責煮食既員工比較少，佢地會煮哂同一檯客既餐先會煮下一檯，等左半個鐘以上野食先到。以呢個價錢黎講，食物份量都幾大，而且碗碟都好靚，加分唔少。味道唔錯，但未至於好食到會想再黎食，但打卡就一流。食完飯就上埋個甜品布甸，好好食，值得一試。