婆婆珈琲屋

营业中

休息中

去到店員會先比一張印有QR code嘅單我哋，用黎點餐。之後再比一杯蝶豆花水、一杯青瓜水我哋。蝶豆花水除咗外表係藍色比較靚之外，實際味道同水一樣淡。沖繩海鹽·富士山 ($98)富士山其實係海綿蛋糕，藍色部分用蝶豆花造成。富士山嘅頂部淋咗芝士醬，食落好濃郁嘅芝士味。旁邊嘅海鹽雪糕味道帶有少少鹹味。富士山 ($78)呢款飲品係朱古力加蝶豆花 (如果冇聽錯店員講)。味道勁特別，一入口有朱古力嘅甜味，慢慢有白汁嘅味道，好似食緊鹹食咁。

相信各位對呢個陳設唔陌生當日誤打誤撞成為最後一枱𝚠𝚊𝚕𝚔-𝚒𝚗客人𝚕𝚞𝚌𝚔𝚢 𝚕𝚞𝚌𝚔𝚢☺️.雖然唔餓 但我貪心仔 揀兩冷兩熱四品料理擺盤真係打卡𝚊𝚋𝚕𝚎🥰！！.拿 整體味道平平～流心蛋唔多流心嘅(笑)最𝚜𝚒𝚐𝚗𝚊𝚝𝚞𝚛𝚎富士山飯團係幾可愛☺️但三文魚無乜味 飯都無乜味 同埋都𝚍𝚛𝚢 (我最後交左比對面果位食😂).唯獨沖繩烤甜薯條最得我心♥️粗身有咬口 外脆內軟 仲夠哂𝚜𝚠𝚎𝚎𝚝 .利伸成餐飯都係打卡成主如果想醫肚 建議另覓他方🤭......

又一間去食一定要記得訂位既餐廳用餐限時1個半小時第一次去好好彩被安排坐卡位日系復古木色感覺打卡一流可以選擇三品料理($88) 四品料理($108) 或者五品料理($128)我貪心d揀左五品料理可以揀兩款冷菜+三款熱菜或者三款冷菜+兩款熱菜其實因為每碟配菜都相當精緻所以女仔都絕對可以食得曬四品料理甚至五品料理簡單逐一介紹下今次試既五味油揚拌菠菜 比較普通清清地既菠菜清酒溏心蛋 夠入味有溏心黑松露野菜鮮蝦包 油揚包住雜菜鮮蝦 湯底味道偏甜蟹肉汁煮大根 蘿蔔夠淋 雖然蟹肉味道唔夠出北海道芝士薯餅 日式炸薯餅 唔太油主食方面叫左最受歡迎既三文魚富士山飯糰富士山造型特別三文魚魚肉碎有少少鹹味藍色飯糰其實無特別味道總括黎講食物方面不過不失份量可能就比較適合女仔裝修的確有用心可以一路食一路打卡餐廳仲有富士山系列既精品賣日系女仔可以考慮入手

近年因疫情關係，香港人冇得去旅行，生活非常苦悶。 今次去到呢間主打日式家庭料理吸婆婆珈琲屋，當作自己去咗一次旅行。 餐廳前身係婆婆雜貨店，由一位九十後打辨。 老闆鐘意儲住D野又唔扔，被人笑佢鐘意塗萬金油，所以讀大學嗰陣被人叫做婆婆。 之前佢見到粉色系嘅家品好靚，決定買D拎去市集賣，最後貨品居然全部賣光。 後來唔少人鼓勵佢開網店，開咗冇幾耐又開實體店，到而家已經有四間分店。 商品以簡約風為主，除咗有日本嘅工藝品之外，仲有泰國，台灣，韓國等嘅貨品。 而餐廳則主打日式小菜，一汁三菜，飯團等料理。 店內裝修有少少古董+木系feel，牆上有好多擺設同舊式海報等，連廁所都有亮點。我當日去係晚市時段，竟然冇咗自選料理，選擇少咗好多，仲要上網填資料，同埋晚市得兩個時段可以入坐，冇可能walk in，搞到好似好巴閉。 每個套餐都包三個小菜同味噌湯，性價比以晚市算係正常，除咗個富士山特飲之外，呢個轉頭再講。 蜂蜜蘋果咖哩雞肉烏冬$ 128個碗睇落好似幾大咁，但其實好矮。 份量偏多，聞到有少少香料味。 咖哩汁偏向厚身，食落好甜，甜中帶出果香與蜂蜜嘅甜美，但就冇咗咖哩應有嘅辛香，個人認為太甜，食到最後feel

食物質素不錯第一次去，朋友介紹，晚餐共聚。坐包廂幾舒服。不過個落單個app廢到爆，撳唔到都唔知！飲咗杯熱蜂蜜奶，不是跟餐。好飲，如果熱d仲開心。叫了咖喱烏冬餐，d咖喱好味！果杯蛋好好味。不過，個碗原來好細，個碗底好淺架咋。如果大食一定唔的個糖心蛋好正，夠曬糖心。菜都好味。個雲石芝士蛋糕好細，一啖食咗。不過算平，加六蚊而已。而味道則average ，無乜特別。最後除開一人一百幾十，咁多嘢食喎，算ok啦。

呢間Cafe見過好多人推薦，一直都想試一試，咁啱朋友生日，所以我哋最後決定嚟呢度食生日飯慶祝。Book三點可能因為過咗lunch時間所以好多想食嘅嘢都已經賣晒。 🙁嘢食全部都不過不失,冇咩特別,只能說期望太大…講到明係生日飯所以我嚟之前已經打定電話問可唔可以安排一個生日碟。餐廳職員同我講佢哋冇生日碟,但係可以嗌甜品可以加返一個生日牌。我仲有喺電話度確認係咪就咁嗌個甜品就OK？職員仲同我講已經幫我mark低咗叫我放心。由於本身想食嘅獅子山甜品賣晒，最後我哋揀咗布丁，呢個甜品壓軸出場，一拎到出嚟我同朋友都呆咗，係一個普通嘅布丁冇生日牌。我都feel到朋友好失望，忍唔住叫返職員問，佢話因為係布甸所以加唔到生日牌。我好詫異問佢咁點解我喺電話度安排個陣你哋冇提出？佢問我哋需唔需要嗌另一個甜品，咁個布丁點處理？你明知係咁點解出之前唔同我哋講？個職員話送返張即影即有比我地，我哋婉拒左（因為都冇生日甜品，野又食晒，得個布丁，仲有乜好影？）我哋話咗唔洗，但佢轉個頭又拎個即影即有相機出嚟話要幫我哋影相……最後我哋嗱嗱臨食完個甜品就埋單走人。

位於尖咀嘅婆婆珈琲屋，一入去見到店鋪裝修得好靚，鋪頭採用日式木系做主調，再加上枱上會放有小清新既花💐做擺設，打卡影相一流。🍽：四品料理，北海道牛乳芒果千層蛋糕食評：四品料理 $108四品料理可以簡三個冷菜加一個熱菜或者兩個冷菜兩個熱菜。飯團方面，A Day 叫左五目飯團，由於想食多d 熱野，就叫左兩個冷菜同兩個熱菜。冷菜分別係醬酒糖心蛋同馬鈴薯沙律，而熱菜就叫咗婆婆咖喱同蒲燒鰻魚。五目飯團🍙：上網search 過五目飯團就係雜錦飯嘅意思，入面應該就加左牛蒡同紅蘿蔔絲，食落有少少既甜味，但整個飯團味道頗淡亦食唔到任何米香。醬酒糖心蛋🥚：賣相非常討好，蛋黃橙紅，中間會有少少軟心效果。食落有少少酒香，但醬汁味唔重，感覺唔係好入味，普通拉麵鋪既糖心蛋會好食好多。🤓薯仔沙津：好普通既薯仔沙津，可能為左擺到一個靚靚嘅圓形造型，所以口感都非常紮實，但都冇左綿密嘅口感🥺婆婆咖喱：入面有雞肉，薯仔同蘿蔔，食材比得都好足👍👍但可惜雞肉冇咩味道🤭🤭。咖喱嘅味道甜甜地，係好熟悉，自己屋企都可以用日式咖喱磚整到既味道🤭🤭蒲燒鰻魚：醬汁入味，口感軟身，正常水平。甜品：北海道牛乳芒果千層蛋糕 $52🥭甜品叫左芒果千

食物&環境都好靚🤍🤍適合幾個女仔去傾下計影下相🥰同朋友叫左個五品同埋一個甜品share!!🥰5樣野食都好食！我地最中意蕃薯條🍠🍠🍠甜品有驚喜💛睇得又食得！擺盤好有心思！海鹽雪糕竟然唔會好咸～戚風蛋糕口感唔會太乾好鬆軟😍推薦俾幾個女仔傾吓計影吓相😋😋😋

今次呢間餐廳已經係第二次去食～每次去食都係因為朋友想去餐廳打卡🥰的確餐廳環境係幾靚嘅 因為佢係根據日本一啲咖啡廳嘅設計去裝修 再加上嗰日佢係日落時間 所以餐廳打卡的確幾靚💕今次都係食咗四品料理同埋一份甜品。其實食物上冇乜特別，但係今次第一次試咗佢個番薯條，番薯條再配埋芥末醬真係幾好食👍🏻👍🏻但係佢個杯蘋果茶就真係冇乜特別 就好似apple cider一樣🤣但係佢嘅服務態度有少少差～店員不停催我哋落單 同埋態度比較差 感覺上就係唔係好想serve我哋咁樣🤢😵‍💫

早一日係網上預約, 12點準時到達餐廳, 隨即被安排入座, 用餐時間係1.5小時。一坐低店員會送上兩杯水, 分別係青瓜水同碟豆花水, 碟豆花水飲落無味但有色, 青瓜水就有青瓜味, 可能有啲人會唔鍾意。叫咗兩個三品料理($88), 每份可以簡兩冷一熱, 叫咗兩份馬鈴薯沙律, 胡麻菠菜, 糖心蛋, 婆婆咖喱同埋金平牛肉, 跟烏冬。每個餸都好細碟, 男仔食應該唔係好夠飽。冷菜好普通, 自己係屋企都整到, 胡麻菠菜幾好食同開胃。婆婆咖喱偏甜, 用杯仔裝住, 望落好少, 入面都有幾舊雞肉同紅蘿蔔, 撈飯應該唔錯。金平牛肉有少少辣, 我幾鍾意, 牛肉係肥牛, 有幾塊蓮藕同洋蔥, 食到底有少少油。食物普通, 量偏少, 裝修同環境幾舒服, 座位唔多, 去之前記得book位

婆婆珈琲屋主要係食日式輕食，佢既三品/四品/五品定食都幾受歡迎，而晚餐就有四款唔同既定食選擇。呢度既除左用餐既位置之外，仲有個雜貨店，食完野都可以行下，有好多日系手作、茶具同埋唔同既精品賣🥰店鋪係行日式復古風，食物既擺盤都好靚，啱曬黎打卡😍不過個人覺得呢度既價錢略為進取左啲。1⃣️金平牛肉定食（$138）一坐低店員會擺低兩杯水，一杯係青瓜水，一杯係蝶豆花水，都幾清新😌定食包括胡麻波菜、啤酒柚子蘿蔔漬、溏心蛋、麵豉湯。特別鍾意佢既醃蘿蔔，酸酸甜甜好開胃。另外溏心蛋都好有驚喜🤩食落帶酒香同甜味，做得唔錯！金平牛肉醬汁唔會好濃味，微辣，入面仲有啲爽脆既蓮藕片。另外白飯配上一粒梅子，就咁食都幾酸下🙈但係伴飯食都唔錯，解膩一流！  2⃣️北海道三文魚奶油燉菇定食（$148）個醬汁夠結身，食落係甜甜地，帶鮮味🤤入面仲有啲煮淋既薯仔、菇、西蘭花。呢個醬汁送飯食真係好正👍好推薦呢款！同係出面食到既真係有唔同！   

《#Japanese_taltal | #TsimShaTsui_taltal 》🇭🇰 婆婆珈琲屋 𝔾𝕣𝕒𝕟𝕕𝕞𝕒𝕞𝕒 ℂ𝕒𝕗𝕖 @ 𝕋𝕤𝕚𝕞 𝕊𝕙𝕒 𝕋𝕤𝕦𝕚一直都係人氣打卡餐廳📸試過未到lunch hour上去試試Walk-in，都係唔成功。所以提提大家一定要book位！上到樓，先係婆婆雜貨店，再行入少少就係餐廳。Dinner時段6點半開始，當日早咗少少到，一直企係門口等帶位，但等極D侍應都唔出嚟，繼續圍埋傾計。門口任何指示都冇，一直等都冇指示/溝通，人愈嚟愈多，塞滿店舖位置先有雜貨店同事出聲，然後先潛在地形成咗一條隊🤷🏻‍♀️🔸金平牛肉定食 𝐊𝐢𝐧𝐩𝐢𝐫𝐚 𝐁𝐞𝐞𝐟 $𝟏𝟑𝟖一個定食包含一個主菜料理、梅子白飯、溏心蛋、湯、冷菜、漬物🍚主菜料理係帶有微辣嘅牛肉，當中仲有入哂味嘅洋蔥及爽口嘅蓮藕。溏心蛋欠缺調味，冷菜漬物普通，不過漬物特別在醃蘿蔔淋上柚子醬，相對唔會太酸。料理份量偏少，男士真係三扒兩撥就食完，要加返個飯團先得🍙🍙🔸 豚肉生薑燒定食 𝐆𝐫𝐢𝐥𝐥𝐞𝐝 𝐏𝐨𝐫𝐤 𝐰𝐢𝐭𝐡 𝐆𝐢𝐧𝐠𝐞𝐫 $𝟏𝟑𝟖一樣包含一個主菜料理、梅子白飯、溏心蛋、湯、冷菜、漬物。豚肉生薑燒嘅生薑蓉只加係加

之前成日見到有人介紹婆婆珈琲屋印象最深刻係佢哋嘅杯碟擺盤都好靚🌸 我哋試咗北海道三文魚奶油燉菜定食 ($148)，一拎上枱我忍唔住嘩咗一聲，每樣都好精緻😍個三文魚奶油燉菜好creamy，食食下好想要多碗飯因為真係好送飯同好好味！我哋仲加咗明太子富士山飯團 ($18)，賣相好靚不過味道就還好🤣叫甜品嘅時候我哋糾結咗好耐，因為每款賣相都好靚，最後決定要香港奶茶 •獅子山 ($98)，無論係個戚風蛋糕定個雪糕都有濃濃嘅奶茶味，奶茶控必試，正👍🏻當日為朋友慶祝生日，一早同餐廳講咗想加蠟燭，佢哋仲好貼心幫我哋影即影即有留念📸食完呢餐飯係勁滿足有一種慰藉咗心靈嘅感覺🥰推介！

成日搭車都見到，想試好耐！今次終於去咗同朋友食farewell lunch。食物同環境都非常可愛，令人一見傾心 🥰 真係靚到唔捨得食我哋兩個人叫咗一個五品料理同一個芒果千層蛋糕share... 最鍾意個流心🥚，真係食多幾隻都可以

好耐無去cafe，今次揀左呢間日式cafe食晏，見佢Menu有得揀二品、三品、四品料理，scan QR code 就可以落單好方便🌱揀左個四品料理，分別可以揀3個冷菜+1個熱菜 或 2個冷菜及熱菜冷菜：馬鈴薯沙律🥗清酒糖心蛋熱菜：照燒雞扒+蟹肉汁煮大根主食：富士山明太子飯團個飯團好靚💕最欣賞係個清酒糖心蛋，有淡淡清酒味又唔會好濃🌟另外個大根煮得好腍又好入味，個定食又靚又好味