娜姐健康糖水

营业中

休息中

本來只是想捉住冬天的尾巴求其食碗蛇羹，無諗到在元朗國小店不但遇到質素高的蛇羹，更有真材實料有藥膳功效的龜湯。金錢龜湯我是第一次飲，不苦不澀，少許藥材味，很易入口，飲多幾啖就已經覺得喉嚨好舒服。聽老闆娘（我猜是娜姐吧）說，她的龜湯用16種藥材煲足8小時以上，特別去濕，對失眠、濕疹和骨痛有很大療效。我一路聽一路飲，飲到湯底見到啲精華，就知她所言非虛，所有烏龜藥材都差不多溶於湯中。娜姐還說男女老幼都可以飲，也不分季節，全年飲得。龜湯宜空肚飲，所以應先飲湯後食蛇羹或飯。於是我聽話飲完湯才食蛇羹。每年冬天都會食蛇，眾多「蛇王X」都食過不少，但論肉嫩和湯濃，全都不及娜姐這碗五蛇羹。這碗蛇羹的蛇肉軟滑細緻，不會嚡熠熠，木耳、冬菇、肉絲等配料充足，尤其薑絲甚多，卻又不會辛辣，同時由於火喉夠，不會一路食一路出水。最後我還外賣了一碗龜湯回家，娜姐話我晚上飲完一定會好好瞓，如果第二朝才飲就教我要蒸熱或用微波爐叮熱，不要煲滾。老闆娘雖然有點長氣，但看得出她是想用自己的配方和屋企開藥材鋪兩大優勢，煮出能幫助別人的食物。

「你濕，好濕！飲我呢碗龜湯啦！」然後阿娜姐就埋個爐度攪啊攪，就盛出一碗龜湯。「個同人唔同，用嘅係石金錢龜！」金錢龜我真係識條鐵，本身因我見凍凍地又可以食碗蛇羹飲個蛇湯，點知變咗飲龜湯，有啲疑惑，之後娜姐就滔滔不絕解話。方知道原來蛇湯燥熱，而呢碗獨家藥方熬製嘅龜湯用咗成16種藥材，可以行氣活血同清熱解毒，啱我多啲，亦可以化痰止咳，夜尿都去少啲咁話喎！「曾經有個小朋友嚴重 #濕疹，都係飲呢碗湯醫返好！」嘩大家都知濕疹一發冇斷尾，仲要香港呢種咁嘅氣候根本係不利皮膚健康，如果碗湯咁掂，我就真係買夠1L返屋企派街坊嘞！當然中醫調補係長遠之䇿，想有功效都要持之以恆，所以我都決定一入元朗就去會一會娜姐！至於個主菜蛇羹，又真係堅重料！入口冇話好濃嘅中藥材味，反而好清，而蛇肉好大條食到底都仲有，而且冇話食到中間就變水，係足料嘅見證。至於臘味糯米就正常，食得出冇味精唔頸渴！

天氣最近好凍，年長一輩帶左我去食蛇羹暖身，之前一直未食過，聽到名字都有d怕怕，無諗過食完之後對蛇羹改觀！呢間係我d長輩間中會黎食既店鋪，鋪頭座位得幾個，主要賣蛇羹、龜湯等呢d補身食物，亦有糖水提供。不過長輩叫我試下蛇羹所以就叫左個龜湯套餐，套餐內有龜湯、糯米飯同蛇羹，好豐富。龜湯我都係第1次見識，聽老闆講用左18種材料去煮，用上新鮮生龜，功效多多！店鋪有龜湯、蛇湯同蛤蚧湯，但老闆話見我濕氣重，飲龜湯比較適合我，所以就揀左龜湯。龜湯有行氣活血、去濕解毒功效，對老人家既膝關節痛或曾經骨折過既人有幫助，老闆亦同我地講要先飲龜湯，後食糯米飯同蛇羹。講返味道先，因為用左多種藥材去煮龜湯，所以顏色上看似苦茶，但味道一d都唔苦，藥材味都唔會好重，所以個人認為味道係大家可以接受。糯米飯既材料有花生、臘肉、蔥等等，飯屬於偏硬身，幾乾身，調味適中。蛇羹味道原來唔會好奇怪，食落似食碗仔翅既味道，入面有蛇肉、冬茹、木耳、果皮等材料。食蛇羹除左可以補暖外，亦有驅風去濕功效。蛇肉都可以清楚見到大大舊。旁邊有薄脆提供，可以自由選擇加配與否。餐牌：

🔅娜姐糖水🔅位於元朗🔅每次食完飯都會諗去邊到食糖水🤣好多時食飽左又唔想食西式甜品，會想食啲中式糖水，黎元朗食娜姐糖水，佢強調佢整既糖水係唔會口渴，依到用蜜糖做，而出面多數用精緻糖～🥣椰汁雪燕雪耳 （細）💵30🍀🍀🍀🍀🍀入面有好多雪耳同雪燕，亦有啲菠蘿🍍，另外我加左$5芋圓🤤🍀🍀🍀🍀🍀有大碗有細碗，但食完晚飯仲好飽就叫細碗，大碗$35而細碗$30，好重椰汁味，甜度亦岩岩好～另外娜姐話食碗糖水補水，好滋潤🤣強烈推介依碗比客人～🍡糍粑🍀🍀🍀🍀🍀原來叫2碗糖水仲送糍粑☺️原價要$25先有，糍粑唔係成日有架，所以我地都好好彩地食到～口感好煙韌,配埋花生🥜好搭配🤤🔅整體而言，老闆2夫婦都好好人又好好傾👍🏻糖水價錢都正常亦足料，最緊要食完唔口渴👍🏻👍🏻

今晚經過舊B仔附近，發現有間新開的糖水舖，主打不用砂糖、糖精，所以就試試。點了一碗海帶綠豆沙，味道不太甜，食落水係潤喉感覺，舒服的另外，點了一碗椰汁雪燕雪耳，很特別，入面有雪耳、西米、植物燕窩、蜂蜜、椰奶。很好味😋推介😀😀再點了一份一口糍粑，很足料，但可惜唔夠熱，但都煙韌的。

元朗獨立國有好多糖水店㗎，呢一間個位置非常好，啱啱就係最旺嘅食街上。附近有好多好多嘅餐廳，佢嘅位置就係真台客附近，一番嘅對面。間鋪名好易記㗎，娜姐娜姐周秀娜吖，小店真係好家庭式㗎得個兩張枱嘅咋。娜姐話所有嘢都係自家製，特別係一口糍粑（即糖不甩)佢哋做嘅數量唔多放喺一個小小嘅冷凍筒裡面，要試下嘅就快手喇唔好錯過啦。賣完就冇啦！分別買咗綠豆沙，芒果涼粉，特色芋圓仙草芒果涼粉：當你食落去就知道個涼粉係真係要別不同，個口感完全唔係我哋喺街買嗰隻，味道雖然比較清淡啲，但係佢個口感係好軟滑，比較似煮淋左嘅蒟蒻。特色芋圓仙草：裏面係有黑白涼粉，個人就唔係好鍾意有生果喺芋圓糖水，味道好似唔係好夾。唔知係唔係因為自家製嘅關係，甜品真係比較輕怡少甜，好天然咁。所以娜姐就有附送2包蜜糖，可以自行調味。綠豆沙：可能食慣咗香港加甜嘅糖水啦，呢個綠豆沙媽咪食完即係話冇味，就冇其他形容詞在形容了

本人一向很支持小店, 今日天氣很冷, 很想吃一碗自己最愛的白果腐竹糖水; 這小店開業以來 我都未曾幫襯過, 而我已經在元朗區都差不多試過晒有賣白果腐竹糖水的糖水舖, 只有這家想試還未試;加上這一家標榜自己是自家湯水,聽其更吸引期待。店內座位窄小,但我不介意店內裝修如何,亦不會因此而卻步,都想試試其自家糖水的味道; 因天氣寒冷而不想堂食, 就索性外賣帶走回家慢慢歎; 一碗熱的腐竹白果薏米糖水售價港幣30蚊, 比元朗任何一家都要貴, 心想如果好食我一定會再幫襯。等了十分鐘, 原來老闆在雪櫃裏拿出來翻熱,心知不妙了, 不是一貫糖水舖的售賣方式...回到家還是暖暖的, 一打開水汪汪的而腐竹渣沉底, 見第一眼感覺已經差矣, 再試兩口, 酸的!!再試,變壞的酸! 而本身腐竹是散的,不是靚腐竹! 靚的腐竹係會和糖水水乳交融的,好不!?!? 這切切實實令我太失望了😭隨即我致電到這家店投訴, 老闆問我有沒有時間回去他店了解; 天寒地凍還要我再踏出家門嗎？ 他們處理食物的態度, 使我往後都不敢再恭維了! 如果我隨後有肚痛, 一定會再投訴跟進。