影片
食家推介
原来糖水都可以健康，娜姐用心制作养生糖水，不含糖精，甜得自然，食得健康！食完真系唔会觉得甜到好口渴要饮水，好适合钟意食糖水既小朋友！小朋友一人拣一款糖水，分别系「红豆 🫘 莲子果皮」同「芒果 🥭 黑凉粉」，一碗 $30 大大碗，真系抵食夹大碗！「红豆🫘莲子果皮」补血宁神，好多红豆莲子好足料，最估唔到每啖都食到果皮味；「芒果 🥭 黑凉粉」清爽可口，芒果好新鲜，不过酸酸地，捞埋有蜂蜜 🍯 糖水既黑凉粉食，又唔觉得太酸，味道唔错！
继续阅读
话说昨天下午去食食管蛇羹，见里面冇人就入去嗌碗细蛇羹，娜姐已经话大就75蚊多三倍饱肚好多细蛇羹唔够饱个㖞，咁我都系细食，所以都嗌碗细吃算了因为已经入到店内唯有照食，嗌左又5好意思起身走，之后我匙羹（笔）第二匙脆卜卜时，阿娜姐就出声啦，话我食咁多热气嘢啊，呢啲好热气㗎，我即刻答佢，我吃第二匙羹咋㖞，娜姐即刻话我怕你热气咋，呢啲唔系我哋自己做由工厂交嚟嘅啲脆卜卜，又不停强调是怕我热气生痱滋，佢怕热气，佢自己六年都冇食过呢啲脆卜卜，我费时劳气，快趣食完就算了，唉。全程食尼碗娜姐蛇羹，真系是我吃过一世难忘的蛇羹了。
继续阅读
记得佢啱啱开𠮶时网上都多人赞佢哋嘅糖水好足料但一直都冇去试因为见铺面卖蛇羹龟汤唔系好吸引咁岩今日经过又秋风起 一于试一试佢既糖水今次叫左碗✨椰汁雪燕雪耳✨其实睇佢一路准备既过程都感受到伏伏地好似唔知系边到拎碗野出黎 唔似即日新鲜整….番到屋企打开个刻Er….点解有西米既🥴佢声称冇落糖系落蜜糖唔知系咪因为咁所以食落酸酸地🫠整体黎讲唔知食紧乜感觉我求其食个椰汁西米露总好食过佢哈哈 元朗咁多糖水铺 下次唔会再拣呢间😝
继续阅读
个女人唔知系咪老板娘所以口气都大好多，所有问题都有攻击性回复，我话要碗薏米糖水佢问我乜薏米，你成个餐牌得一个腐竹薏米糖水使唔使全部讲晒名畀你听，等咗阵佢喺舗入面走出嚟之后又俾佢闹话我唔出声话堂食就当咗我外卖要收我外卖盒钱，真系食咁耐嘢未听过唔讲外卖就当系外卖，我话叫佢收返外卖盒钱佢就掟返钱落张枱话唔收，最惨佢碗热糖水同蛋又冻又唔好食仲要句句都要受佢气，真系唔好怪个个都话要上去深圳食，希望佢生意兴隆上市指日可待，评分可唔可以唔畀一粒星都嫌多，受你气先系重点
继续阅读
老母介绍话佢成日去呢度食糖水，见滔滔排哂队无位，唯有转个弯粗粗地试下d糖水，本身都已经无期望，但估唔到系咁差。叫左个芋圆仙草冻 & 桃胶个仙草冻上面有一堆罐头生果，芋圆呢？原来得3粒⋯⋯ d生果好难食，咪就系罐头菠萝啰！其实乜野都无味，净系得糖水味，垃圾。然后食到一半太难食，打包半碗，问佢啰个盖，问佢个盖系咪唔驶钱？佢话唔收啦（因为净系啰左个盖，胶袋都无要佢）然后埋单走人，佢收我30+35+2。我问「佢果2蚊边度黎？」阿叔凶我话「外卖丫嘛！外卖加$1你睇唔到架咩？」我话「外咩卖呀？我堂食架㖞」阿叔话「你唔系用外卖碗咩？咁咪加$1啰，写左架啦！」我话「我无叫过你用外卖碗㖞 ! 系你自己用外卖碗！我明明坐系度堂食」阿叔话「你打包呢个咩黎？唔系外卖咩？」我话「我系将你个堂食个外卖兜啰个盖咋wo 我堂食架！ 岩岩问你话唔驶收钱我先啰个盖！」阿叔话「算啦唔驶比啦 咁计较果两蚊」我话「唔系我计较！系你而家堂食屈人比外卖钱！」非常差嘅服务态度，食物又唔系好食，无下次。
继续阅读