威記海鮮酒家

营业中

休息中

上星期帶個老友去lamma island食海鮮,所以之前,睇下D食評,研究下lamma island邊間食海鮮價錢合理又好食. 結果想試下威記.點知原來佢地裝修中,環境自然麻麻地, 不過都有開. 入到去點了四道菜.1, 清蒸海上鮮(盲鰽) -D魚蒸到啱啱好, 魚肉鮮甜, 新鮮! , 2, 清蒸扇貝兩隻 -呢兩隻扇貝都幾大隻, 又係蒸到恰到好處, 粉絲和扇貝好鮮甜3, 白灼海生蝦半斤 -半斤足, 好老實, 不過新鮮度一般, D蝦好腥,如果D蝦大番少少,就好 la, (其實應該叫豉油皇炒蝦ma), 真失策!4, 豉椒炒蜆例 - 蝶蜆炒得好入味, D汁好正!份量足唯一要彈是D飯太軟, 落太多水) , 我係唔鍾意食軟飯ga.總結來說, 它是一間實而不華的食店! 我老友都讚好,抵食!

不經不覺已於這小島住上一年多，亦吃過好幾家飯店的出品。論海鮮種類之多當然(天虹)為之最吧，但相對地花費亦高出幾截！若果人少又不想吃那些隆重得獎菜、星班蘇眉的話，其實這種家庭小店同樣可以吃得開懷。跟太太每次都是兩個撑枱脚，點吃的也不能太多，今晚見有金鼓魚，若比手掌小一圈的有三條，新鮮游水，用果皮蒸。吃肉時不甚特出，魚皮煙un脆口，當然蒸魚豉油無得書啦。而最引人入勝是背脊骨帶点肉的位置，咀嚼時會有点似苦而甘的味道出來，這個很獨特，而是我首次吃這種海鮮的感受。相信好魚的食友都該一試！瀨尿蝦兩隻；拖過油再以豉油皇炒，比甚麽椒塩來的清一点，蝦肉鮮甜爽脆帶点膏，我就覺得蔥末跟豉油汁最為吸引。只用這汁料跟白飯都能吃兩碗！跟住的炒蜆果然如(亞達)所言，是削了些，不過吃完整碟亦未有一粒沙，又可加点分！兩罐啤酒，三碗白飯，一片海景，笑話家常，四樂也！

上星期平日去南丫島一日遊，食海鮮都算係必然既目的所以去之前上OR搵定邊間好食，揀左大家所講既呢間老實小店的確，呢間係幾老實，老闆炒既都大大碟可能當時全場只有我地一台客以名氣相比，鄰邊的比較多客，或者是平日，名氣店都只有數台人客叫左4XX　6味送既SET揚州炒飯：比較淡左少少，我地冇叫白飯，所以呢個淡淡地OK炸鮮魷：熱lala上碟，沾上酸甜汁好開胃炒白菜仔：淋上豪油既白菜仔我地清得好快薑蔥炒蟹：估唔到都OK多蟹膏，好入味，岩晒重口味既我XX炒聖子：其實本來係炒'顯'，不過冇晒，佢上左台先話我地知轉左==不過好夠份量，好好味，算佢啦^^蒸魚(唔記得)：好新鮮，雖然好多油淋係豉油上面，不過點晒一齊食好惹味，食唔停汽水$8罐最後送上生果盤及桂花糕＾＾

上次去過榕樹灣既南江唔錯今次去索罟灣威記都係老實小店一行五人叫左個四人餐 + 兩個餸 椒鹽蝦 : 正, 味道調得好好,非常香口, 除了頭尾我沒有剝殼因為脆,而家誋返起都好想再食! 吉列鮮魷 : 又係幾好味的, 以前食開都係椒鹽,今次係吉列, 味冇椒鹽咁重,但都好味,蝦同蜆都好濃, 配返個吉列鮮魷岩晒 豉椒炒蜆 : 唔錯, d蜆細隻, 但係d肉唔少,而且冇甩晒出尼 炒菜 : 正常 蒸魚 : 正常 揚州炒飯 : 好似屋企自己炒 唔落油果d咁.... 一d都唔香口, 我當佢係普通白飯要尼撈餸食 (另外叫):蒜容粉絲扇貝 : 好鬼大隻,好多好多粉絲同蒜容,d粉絲好好食!! 粒肉大過五蚊銀又厚, 但我覺得唔夠甜, 可能隻扇貝生長到咁大隻,年紀唔已經細啦, 但總之尼到一定要食啦! (講鮮甜就南江正d,講份量就呢間勁呀!), 岩岩熟! 荔芋扣肉 : 講到好出名咁,但係食落普普通通啦, 唔係唔好, 而唔係想像中咁好, 好有酒味 d芋頭都好什味, d肉亦唔油膩, 但係d肉唔夠淋啦,都唔化,唔夠肥! 唔建議大家食, 留返個肚叫多碟海鮮好過仲叫左兩罐汽水埋單 6xx (個餐4xx, 計返d扇貝應

到南丫島吃海鮮，如果貪有免費船，就預左要食集團式經營既海鮮酒家! 預左被掠一筆!我都係支持老街坊海鮮店，起碼用心做菜!威記沒特別餐牌，但叫老細為你點菜一定無死!必吃推介：1) 芋頭扣肉 (要預訂)肥瘦均勻，有酒香，芋頭又淋又入味，可以送兩碗飯!2) (應該是新出品) 芝士炒蝦配烏冬有香濃cheese x 黑椒，配烏冬仲好味過伊麵!!! d 蝦開邊唔駛用手剝，好正!3) 紅燒豆腐雖然唔係海鮮但都好好食!! 4) 炒飯 唔濕唔油剛剛好，越食越開胃!通常我會由模達灣落船行過索罟灣食威記，次次都捧住個肚走!街渡往返香港仔都相當方便!

到左索古灣, 我地去威記食seafood, 之前去過天虹, 今次諗住轉換下試第二間, 最令我難忘既係招牌牛油香草煮龍蝦烏冬, 真係好香, 好野味...., 龍蝦係用本地龍蝦, 如果嫌龍蝦太貴, 我諗可以叫佢以大蝦代替, 我地仲有叫椒鹽魷魚, 蒸扇貝, 鼓椒抄聖子, 欖菜抄飯, 生抄骨, 抄A菜, 同埋芉頭扣肉, 海鮮大至上都係新鮮, 唔多講, 魷魚唔太乾, 抄飯幾乾身, 味教得好, 芉頭好林同埋有龍烈既酒味, 不過佢地唔太LIKE用南乳煮呢味, 我就無乜問題, 總括黎講可以再ENCORE

上星期六一行六個中七同學暢遊南丫島，由榕樹灣行到索罟灣，最後在威記食晚飯我地六個女仔叫左六個餸1. 白灼海中蝦2. 薑汁芥蘭3. 清酒煮蜆4. 意式香草龍蝦5. 蒜蓉粉絲蒸扇貝6. 荔芋扣肉初初上第一味白灼海中蝦既時候, 大家都驚訝得咁少, 不過到食落先知真功夫！ d 蝦全部都好彈牙而且有鮮味, 雖然每人食得五隻左右, 但係都好滿意之前到蜆同菜上枱 ..... 蜆呢, 大家都食唔出清酒味之餘, 仲覺得「擺明」係油鹽水蜆，不過老細話係咁架喎 雖然係咁, 但係都好味, 只係同我地預期既味道有分別！ 芥蘭炒得好夠"淋" , 而且夠嫰, 正！全晚最好食既龍蝦出場啦！講真, 我唔係好知「意式香草」應該係咩味, 但係總之食落好creamy, 而且好香, 龍蝦又嫰, 對我黎講已經好好味！而且最最最緊要係佢用烏冬黎做底, 而唔係伊麵底(本人係唔食伊麵既) ....... 扇貝我覺得中規中矩, 因為其實大家都係食蒜蓉粉絲最滯既荔芋扣肉竟然最後先黎, 好彩份量只係每人一舊, 如果唔係實飽死！扣肉雖然肥, 但係唔膩, 加埋荔芋一齊食 ....... 好味到暈！最後到埋單時, 我仲問唔知每人二百蚊夠唔夠呢?

27-07-2008OR research 完，唔想俾名牌劏，所以揀定o左呢間六點二，未肚餓，但入座坐o下先，一路海邊位睇住天色漸變，正。見隔離桌開o左支唔知咩紅酒，好大個玻璃壺盛著。問那個鬍鬚肥老闆，佢講完我都唔知咩o黎……叫佢隨意開o左支白酒，$168，我唔知得唔得o架，我始終對酒一竅不通到咁上下先叫o野食，其實都係指定似的。◎ 4人，每人一隻$60 o既瀨尿蝦，o的蒜苦苦o地……但蝦新鮮係絕對的◎ 椒鹽鮮魷，真係好香口好正，唔韌◎ 牛油焗龍蝦 + 伊麵底 (湯o個款先可以烏冬底喎)，佢龍蝦放入桶俾我o地睇。$4xx，係好鮮o既，但伊麵唔知點解唔係好伊麵。其實牛油味聞落/食落都唔重◎ 粉絲蒜蓉蒸扇貝，總之就鮮啦◎ 炒o左碟腐乳通菜，但最簡單最後先上?◎ 最後老闆自覺地見我o地開始坐o係度，就端上生果同甜品 但甜品上好多黑色o野唔知乜o黎，我o地又出奇地無人想問，照食晒……兩件週邊事(1) 原本無叫菜而叫招牌荔芋扣肉，佢見我o地叫o左牛油龍蝦好"洩"會食唔晒，就叫我o地唔好叫呢個。夠老實！(2) 上通菜時，老太一o野將我個friend 隻杯撞到跌爆，碎片正正落o係最貴o既龍蝦身上…

母親節當日唔想同人係巿區逼~所以決定同媽咪黎南丫島享受下大自然~~出發前已決定黎威記~店主安排左近海邊的枱俾我地叫左幾樣海鮮豉椒炒蜆- 略嫌細碟左少少,但係炒得好惹味~算是ok椒鹽鮮魷- 好正~粉少,魷魚炒得夠嫩~好味!蒸扇貝-好好味~蒸得剛好!!!大概9成熟~好好味,唔駛落其它額外調味料已經好鮮味!上湯龍蝦- 勁正!!d肉好嫩!!總括而言我覺得算是不錯~d人都算好老實~~~亦算抵食免加一免茶介,真好!!!唯一唔好係唔夠多菜式揀~本身想食辣酒煮花螺,但店主話冇花螺.........店主說來貨少~~~都明白既~~佢地生意唔夠隔離「名店」黎....入得多貨驚蝕不過無論如何~媽媽對呢餐好滿意~~有機會都會入黎食過!!!一行四人,埋單$713

20080501同事推薦這一間，雖然開始也有些擔心店面外面看起來海鮮不多，還好我們也不是太過為食，平平安安點出一桌子菜來。蒜茸菜心與蝦醬通菜：後者多少帶點“當地菜色”的意思，碟頭不小，味道不見特出，油多了些；白灼基圍蝦：應該不是新鮮蝦，當然也不是死了很久，湊合吧；椒鹽瀨尿蝦：其實像是“避風塘”的做法，怕熱氣沒吃，距同伴說是當晚最為突出的一道菜；蒜茸粉絲蒸帶子：鮮甜好味，不錯；豉油皇炒蟹：還好吧，至少有肉地；雲呢拿汁龍蝦烏冬：典型的“fusion”菜，卻不討好，大家覺得還是傳統的芝士伊面味道好些。餐後有果盤，服務態度不錯，出菜也快，一眼就看到碼頭，可以等船到了才起身。也難怪這間與隔壁“名店”相比“門前冷落車馬稀”，不過若只想看看海景簡單吃吃海鮮不要與人爭又不在乎免費船票的，但來無妨。

公司有獎賞，津貼大班人去行山。下午出發，在索罟灣起程，沿著岸邊，經過有數百年歷史的模達村，走過石排灣，登上小丘，再返索罟灣。走了兩個小時，都已疲累。下山再行不久，終於見到已經預訂的威記，一坐下大夥兒便馬上要了些冷飲。負責訂位的同事，本來是訂了索罟灣無人不曉的另外一家飯店。其實在OR食評內，另外一家飯店也屬於好的，笑面比喊面比例是3比1。但相對這間威記的5比0，又差得多，所以最後都是選了威記。我們是事先寫好了菜的。兩千多元一圍，包一部分汽水啤酒，菜是威記介紹的拿手菜。豉油皇大蝦- 很有鑊氣，豉油皇美味，馬上給餓鬼掃清粉絲蒜茸蒸帶子–大堆頭也非常惹味豉汁炒聖子- 熱辣辣又鹹香，送飯一流吉列鮮魷–魷魚新鮮，炸得香口而不油膩清蒸大石斑–兩斤重，啖啖肉，火候剛好海鮮紫菜羹- 紫菜味清香，只嫌味精重牛油局龍蝦烏冬底- 龍蝦大，肉身夠厚，牛油汁撈埋烏冬香滑飽肚清炒菜心–這個菜炒得一般荔芋扣肉- 很夠火候，芋頭很綿很淋，扣肉選用了不太肥的，合胃口亦不滯這些菜都是很下飯的，因最後還有炒飯，沒有要白飯，所以很多同事都要了啤酒，喝多了不免也說得多，雖然是室外空曠的地方，氣氛很是熱鬧。此後再來個揚州炒飯。相信

今日試左(兩個人):鼓油王大蝦(半斤)---好大隻, 蝦肉結實, 味道唔錯牛油芝士大蝦(半斤)伊面---味道好好, 又大份, 蝦有開邊,夠入味,芝士又多好creamy蒜容蒸聖子----好多肉, 大隻, 新鮮好味椒鹽賴尿蝦---半斤, 我覺肉質唔夠新鮮, 但配料好味服務好, 主動加水,收拾桌面, 坐海景桌共$338, 不加一

一行11人約三時到達榕樹灣，行了兩個幾鍾，五時半就去到索罟灣威記食海鮮，有點過早吃晚飯，但大家已十分疲累了。我們叫了個八人餐，六百幾蚊，有齊湯,魚,蝦,蟹,蜆,菜,飯,甜品，另外加了扇貝和聖子。紫菜海鮮湯- 唔覺有任何海鮮清酒煮蜆- 亦唔覺有酒味，但蜆肉幾甜清蒸紅魚- 魚肉幾滑，但無魚味炒蟹- 蟹太瘦削，無肉，最後剩下很多蟹腳聖子- 味道幾好，如大隻些就更好豉油王蝦- 招牌菜最好扇貝- 有大有細，不夠平均，但味道很好炒時菜同楊州炒飯就普普通通，無評價。因為之前見其他食友的評價幾好，所以選了這裡。結果發現海鮮種類太少，想吃的瀨尿蝦和象拔蚌都無，雖然價錢好平，但一心想吃多種海鮮的，都係去試天虹吧﹗

無話可說，睇相！每人才＄８５一位，你說香港人，特別是為食的香港人，多幸福！抄蜆：味道好，不過都是蜆肉的死症－ｄ肉甩晒．抄蝦：胡椒的味道極為香口，全碟共有１５隻，且隻隻都很有份量！炸鮮魷：鮮魷鮮甜厚肉，炸粉的厚度亦剛好！海鮮中至正的一項！蒸紅魚：都算新鮮，但我魚的僻好只算一般．扇貝：味道鮮甜，完全不用落鼓油！荔芋扣肉：各位，公關都有吃肥的時候！不過是擇肥而噬．． 最出色的要數荔芋扣肉，一層香軟的扣肉夾一層芋頭．楊州抄飯：完全道出人不可以貌的真義！抄得極為乾身，用來撈扣肉，一流！

Price is very reasonable, with 2 free bottles of herbal tea.Good CS manner, the boss I mean.Food is quite good, up to the standard.Very recommenadable for trial.