威匙咖啡店 (已結業)

十二月中旬．晴給邀請了去附近的一星中菜店試菜（詳情：http://gourmetkc.blogspot.com/2011/01/blog-post_27.html），之前約了年青食友有事商談，來了這裡。飯市未到，反而很多人也在吃東西的，感覺上這裡不是咖啡室嗎？要了新地，就是雪糕加上生果的組合，味道不太特別。雪糕不見得十分滑，吃起來也不見佳處，但要賣近五十元一客的，有點貴。何況地方又不是太好坐。多謝食友請客。

一行7女子去isquare睇 “青蜂俠”, 睇完就去咗key west食。散叫share食：腸仔：好似切得太細, 不過味道幾香口, 因為有蒜蓉。沙律(有意粉的) with麻汁：凍食的, 一般。感覺上”魚一X”的拉麵沙律好味好多。芝士白汁飯：呢個好正, 好cream, 一口飯就feel到似飲咗成碗cream soup咁濃郁。泡菜明太子意粉：我無食, 因為唔like泡菜。友人話好味。三文魚pizza (唔記得影相)：好大塊, 長方型, 已切開8份。面頭的三文魚ok好, 不過個pizza底好硬, 好難切開。本來大家都話再叫嘢食, 不過無咩心水, 反而大家好期待叫甜品。芝麻雪人：好可愛, 一上枱我地就不停影相…哈哈。雪糕幾好味, 唔會太快溶。ice cream with brownie ：雲呢拿雪糕配熱的brownie…正。嚿brownie唔會太甜, 內有杏仔, 有咬口。飲品：朱古力香蕉滑冰：幾香香蕉味。其他友人飲抹茶紅豆(熱)Total: $620食物幾好、service好好, 個個都有笑容、環境ok, 不過間唔中有蚊滋飛過。

今日約咗兩位好姊妹食飯，book咗Key West試下。好姊妹打去訂位時已知只有1.5小時用餐時間，8:30pm要還枱。因為大家太耐無見，一坐低就先談近況。其間餐廳經理及侍應不停來回我地張枱數次，又不停"裝"下我地叫得嘢食未，好似要催你落order咁。跟住我地叫咗個溫泉蛋沙律﹑一客墨魚汁扁意粉﹑一客蒜蓉大蝦同一客無骨豬扒。個沙律同蒜蓉蝦味道ok，不過d蝦得兩隻，仲要係set dinner。如果一個男仔食就一定唔夠飽，不過佢伴碟嘅雜菜同薯蓉都幾好味。客無骨豬扒"un"到用刀都要切成5﹑6下先切得開，擺入口"趙"到牙都甩。個墨魚汁扁意粉無乜特別，不過佢面頭d材料,乾蔥仲多過d墨魚。仲有隨餐附送嗰個紫色雪糕(我估係blueberry)，陣藥水味勁到我食咗一啖就擺低。除咗d食物麻麻外，佢地d侍應仲成晚喺我地身邊團團轉，驚死我地8:30pm交唔到枱咁。佢地擾民嘅程度，連我地都忍唔住要出聲同佢地講,我地8:30pm可以埋單走人，佢地唔去再過嚟騷擾我地。個侍應先話唔好意思。到8:30pm我地叫咗埋單，拎張單嚟個女侍應仲喺度講"因為你地張枱8:30pm夠鐘，所以要埋單先。"我地真係火都嚟，就答佢"係我

為左上次雪糕而再來, 今次轉了叫第2個意粉, 份量比上次還要細, 我地唔洗幾十秒就食晒 ,係好味, 但真係細碟 ~我諗2個女仔勉強岩食囉 ~今次老公再叫返 PIZZA , 出奇地佢竟然話好特別 (指個 PIZZA 底)原來 +$8 有一個當日指定味的單球.....其實我地坐底先發現, 隔離果間仲抵食 ~

尖沙咀iSquare有這麼多食店，本著隨便一間都應該不錯的心理，就隨便的進了這間Key West。可惜非常失望。燒汁八爪魚意粉 $68 - 份量很小，八爪魚片也很細，和menu相片相距甚遠。還好味道不錯，燒汁是日式的味道。加$10要了餐飲，選了咖啡，普普通通。Cake Set $42 - 選了綠茶cheesecake，想不到可以這麼難食。與其說是綠茶味，更像是用綠茶香油營造的香料味道，食了兩口就想放棄了。加錢要了cappuccino，奶泡粗糙，味道偏淡，說實在不太值得加錢叫。

食完牛陣（i-square），好飽，乘扶手電梯離開，每層行吓，去到六樓，見到此店門口寫住外賣綠茶雪糕，十二元，好吸引。朋友即時話食，我就“順從民意”，試吓啦。食物：-綠茶雪糕：雪糕很滑，顏色是很淺的綠色，心裹已經驚綠茶味是否足夠。果然不出所料，綠茶味不濃。我覺得HA字頭那款好食好多，但只是十二元，不可以要有高水準的要求。按十二元的價錢，絕對值得再食。雪糕上面有少少黑糖醬、黃豆粉：無特別服務：-普通，無特別

第一次去 I SQUARE DINNER !選了 KEY WEST !位與位之間有 D 逼, 其實人流唔多, 冇必要放得咁密. 當日咁岩有位外籍人士.待應都好好心由原本張2人枱, 同佢轉左張 4人枱 ! 哈哈 ...cafe 招牌雪糕 , 黃豆粉雪糕 : 紅豆 / 餅 / 大丸子 & 雪糕都好好味, $28 咁大杯好抵食我平時都唔太食 紅豆 ... 但, 佢真係好好味, 我食完一啖再一啖呢 !撞巧塊餅又有芝麻.... 我又唔太 LIKE, 點知一咬落口, 又幾好味 !所謂既溫泉蛋 PIZZA , 如果我冇估錯... 都係普通蛋 一隻.... 而且水狀咁放係 PIZZA 上面, 流黎流去 ! 老實說, 都幾嘔心 ... 有少少倒胃口 !!! PIZZA 底做到好硬 ! 好難切, 應轉用齒刀才方便客人吧 !另一個墨汁麵就更加不知所謂 .... 唔知係黑仔定係咩, 感覺只得甜品好味 !

三位小女子的gathering, 想搵個好坐d gei 地方坐下, 食下野, 舒服d反正大家都未試過Key West, 就一齊試下lu~佢d 飯,意粉, pizza 都可以加$10 有野飲咁當然要加啦!!很creamy 呀, 海鮮都好足料, 青口, 魷魚, 蜆... 每一口都有海鮮!Carbonara 都OK, 味道算可以, 不過個汁就水汪汪左D...三文魚pizza 個料是不錯, 很多的三文魚, 不過批底就"un"左D, 好難切食過咸的, 點可以無甜的呢??2件小小的cake只是一般的貨色, 沒有留下深刻的印象...值得一讚的是服務水準不錯我地三個小女子問題多多又麻麻煩煩但waiter 們都好樂意答我地GEI 問題感覺良好呀!!

雖然天氣涼左~~但無減我食雪糕的意欲 ! XDDD3點幾4點去到KEYWEST睇睇今日係咩味雪糕先~~~waiter好nice咁告知是greentea味呢~~~正~~!!! 即刻整番杯睇佢杯仔細細~原本拎上手都好''罪''手gar 雪糕好滑但greentea味不太重~~greentea 軟雪糕+黃豆粉+黑糖真的好配耶~~~~~食到下面冇黃豆粉+黑糖就有d單調la >< 下次要trytry佢個melon味先~^^

睇煙花前先去食個晚飯, 上左isquare 搵野食男友見到menu吸引又想吃飯, 於是試試這間餐廳~細看Menu, 價格偏貴, 牛扒餐全部$120以上麵飯類55~80左右...都可以接受既我男友點了一個肉醬焗飯 , 我就點了QP醬燒汁漢堡扒+湯的餐先來一個湯和麵包(+$18): 一個非常普通忌廉湯和一個小小的硬麵包, 價值$18...??肉醬焗飯(約$65): 一試才知這個飯不是西餐, 肉醬同大家樂既肉醬係無分別既 "港式肉醬" 聽到我評價的男友就笑笑口話: 「係呀，我當自己食緊大家樂^o^」QP醬燒汁漢堡扒(約$75): 外型有厚度, 是日式漢堡扒。可惜，好難食....因為零肉汁, 亁的！第一次食"鞋十十"既漢堡扒 在日本吃了那麼多次, 都沒試過這麼難吃的漢堡扒。日式超市的冷藏漢堡扒仲好食過佢>_<或者.... 去Cafe就應該飲coffee....唔應該當食飯.............埋單$173 ..食快餐店既質素。真係"你當我老襯"。

hea既一日,同d fd一齊去食晏,又唔知食咩好之下去左i square睇下有咩食,兜左陣決定去喱間呀,本身入去係想食意粉既,不過見又有蛋包飯之下又吸引左了,揀左陣之下食蛋包飯呀~!key咖啡~加$10有餐飲,揀左key咖啡(熱),聽講唔錯呀,加上好眼訓,最好飲咖啡提神,都幾香濃既咖啡味,最正係咖啡同奶係分開上既,可以自己調味(因為唔太鍾意太重奶味既咖啡呀),唔錯呀~!燴牛脷蛋包奄列飯,$65,好大塊牛脷呀,煮得都好淋,不過唔太入味,同埋有點鞋,普通質素啦,至於個蛋包蛋,賣相真係幾靚,食落都ok既,不過可能我太鍾意食蛋,嫌個蛋(皮)太薄,d飯都唔錯,飯混左一粒粒橙色既野(唔知係咩來好似魚子既樣),食落幾好味,不過個醬真係太少了,唔夠撈飯呀,要多返點好~!綜合來講偏貴,質素ok咁啦,個key咖啡最好呀~!

好睇唔好食!WALK IN 失望之選牛朳太差了,肉質比超市的平價貨差!ORDER七成…結果十乘十成熟以上!OVER DONE了!意大利飯還可以吧!環境服務還可以啦!兩個人ORDER一個西冷朳餐加了個意大利飯…埋單加小費$280。又不是太貴,只是食物質素…真係有待改善吧!

星期五係邊度食飯都難搵位,係isquare搵左一間最少人等位既食店,但都等左一個鐘先等到位入座。一坐落位置尚算闊落,不太擠逼。睇menu,價錢都不太便宜,又未去到好貴。 櫻花蝦牛油果意粉 : 意粉好乾,牛油果同櫻花蝦都唔夾,好淡口!完全提唔起人既食慾。 玉子肉醬焗飯 : 比上一道菜味濃,雖然feel唔到加左隻玉子有幾特別,但起碼好過"乾掙掙"意粉。但勁膩,一個人一定食唔晒!! 煙肉芝士雜菌燴飯 : 都係濃味既菜色,呢個做得比較好味,入口好creamy,好濃既煙肉味,但芝士未溶得晒,如果半溶會更加好味。 餐湯及麵包 : 單點 +hk$8有是日雪糕, +hk$10/12 有餐茶 +hk$18 餐湯+麵包/沙律 。 我地加左餐湯 - 羅宋湯,略嫌稀左少少,但味道都ok,湯中有湯料。個麵包上到黎已經凍左。 我見他食評,有d人話服務好好。但就我當日所見,個個侍應行路速度係好快,但快到見唔到我舉手..."唔該"左好多次先有人理。落單時,侍應表情有唔耐煩,令我感到十分不滿。 飯後想叫甜品,見到等位期間出門塊牌話 hk$12有杯雪糕,眼見好靚同埋係綠茶味,偏好綠茶味既我,萬分期待諗住可以係甜品方面加返

今日約左響外國讀書o既幾個朋友仔去左經朋友介紹o既Key West,冇book位都唔需要等, 都算ok, 坐得都幾舒服同埋幾靜 我叫左一個紐西蘭西冷扒,朋友叫左一份雞扒+吉列蝦, 另一朋友就叫左黑豚肉扒.頭盤係麵包配搭周打蝦湯, 味道唔錯又唔會太濃本身自己好驚一係就好稀一係就好"澀"咁...不過主菜o既就真係大失所望 本人係比較鍾意食生d o既牛扒, 所以叫左5成熟,點知黎到切開之後起碼見到係8成熟...韌到好似咬車駄咁 好在佢都肯換過一塊比我! 但係因為把刀o既問題, 搞到我地都要好用力鋸開塊扒咁...自己就認真唔滿意, 俾咁o既價錢居然得d咁樣o既食物質素!!!!另外自己都試過友人o既雞扒同豬扒, 都係偏鹹同埋好普普通通甜品就係藍莓雪糕, 同行朋友有一位覺得好酸,但我自己就覺得冇乜味道, 可能係d食物太濃所致.下次唔會再幫襯key west啦, 除非食物質素真係有改善先再考慮.

在ISQUARE 看戲,然後在商埸逛同找東西食。ISQUARE 有很多食店,大部份都未見過,我同女友行完一輪之後決定好試CAFE KEY WEST,因為我被佢既SIPHON COFFEE 吸引住。牛脷蛋包奄列飯($60): 有三片牛脷,煮得好淋,雖然我平時唔鐘意食,但佢煮得好,我食左一片。煮牛脷的汁好膿,不過同茄汁蛋包飯就好似唔係咁夾。忌廉磨菇湯(+$18):無咩特別的湯。白酒煮海鮮($62): 好食,有魷魚圈,蝦,青口,帶子同蜆。煮得不錯,白酒味很香。黃豆粉黑糖軟雪糕($32): 雪糕加上小丸子,紅豆,淡奶,黃豆粉,黑糖,還有一塊餅,都佈置得幾靚啦,食落口有一點奶原來幾好味。紅豆好甜,小丸子煙煙靭靭,雪糕軟滑冰凍,一口食齊三樣,口感豐富。巴西咖啡($40): 上枱時,侍應係虹吸壺倒杯咖啡出來,好少見。好香,但飲到少少酸味。隨咖啡附送,曲奇餅一塊,真係high tea。再有機會就試埋其他既產地既咖啡同拼配啦。