姚姚酸菜魚 (港威商場)

营业中

休息中

最近人人北上消費，但一般打工人都只能假日才上個一兩天。平時晚飯都仍然要留港消費。我愛酸菜魚，所以要食酸菜魚，一定會回到姚姚。晚市時間，捧場客也不少，但明顯比疫情時少了。照樣點了麻辣香鍋，每次都點的食物，因為辣可以驅寒。食完其實幾舒服。今次揀了重慶酥肉、脆皮肥腸、茶樹菇、魷魚鬚和花菜。滿滿的一大盤，酥肉香口，肥腸微焦帶脆，茶樹菇有嚼勁，花菜鮮甜，魷魚鬚彈牙，配合埋各種辣椒配料，香中帶辣又帶麻，大大一盤食得好滿足！酸菜魚拼水煮牛肉份量如舊，味道依然保持到。雙拼的設計，一盤可滿足兩個愿望。魚片好足，大大塊又嫩滑，酸菜好多！湯底淡淡芝麻香但又唔覺肥膩。牛肉又厚又滑，麻辣好惹味!!小辣剛好，辣中帶少少麻！底下有好多芽菜，煙韌的薯粉依然，易咬又滑嘟嘟，是食過最好食的數一數二薯粉！最後食埋個解辣的彩虹烏龍冰粉，便滿足收手！這個冰粉又是令人回頭的一大原因，可以說他的質素比甜品店的還高質，不可不吃。食過好幾次，仍然覺得性價比好高，雖然也會回內地食酸菜魚，但平日想食，仍會返黎姚姚！

我最近光顧了這家餐廳，點了他們的招牌菜麻辣乾鍋，留下了深刻的印象。麻辣乾鍋的份量非常十足，大滿足的一道料理。我在這道菜中選擇了魷魚鬚、嫩牛肉、脆皮肥腸、土豆和雞軟骨等食材。特別值得一提的是，土豆和雞軟骨都是先炸後炒，這樣的烹調方式使它們更加入味，質地更加酥脆，口感更加豐富。吃起來，這些食材的香氣四溢，入口後更是嫩滑多汁，令人回味無窮。麻辣的調味料與食材完美融合，營造出一種辛辣香濃的美味，讓人欲罷不能。除了麻辣乾鍋，我還點了他們的手撕包菜。這道菜以新鮮的包菜為基礎，搭配豐富的調味料和香料，經過炒製後，呈現出獨特的風味。手撕包菜的口感爽脆，帶有微微的甜味和淡淡的辣味，非常開胃。它提供了適中的口感和平衡的味道，是一道絕佳的配菜。整體而言，姚姚酸菜魚給我留下了非常好的印象。他們的麻辣乾鍋份量十足，而且土豆和雞軟骨的烹飪方式使它們更加入味。手撕包菜則是一道美味的配菜，帶有爽脆的口感和獨特的風味。無論是辛辣愛好者還是喜歡品嚐川菜的人，這裡都是一個值得一試的好去處。無論是與家人朋友一起用餐還是單獨光顧，這裡都能提供一個令人愉快的用餐體驗。

【粉藍打卡中菜店？—Tiffany Blue x 酸菜魚 x片皮鴨】.一講到酸菜魚，好多店舖一般都係用上中式紅，但呢間姚姚酸菜魚卻全店用上少女Tiffany Blue，清新自然，打卡指數爆燈！座位亦好舒適寬敞，啱哂一班朋友聚舊。💖💙.我哋叫咗呢款套餐，酸菜魚拼北京填鴨（2-3人餐）（$438），套餐包括：🔹酸菜魚🔸北京填鴨（半隻）🔹 孜然椒鹽鴨架🔸 酸辣土豆絲酸菜魚食落好嫩滑、開胃，而片皮鴨亦香脆嫩滑，用於包裹片皮鴨的餅皮薄如蟬翼，雖薄但卻不輕易戳穿，配合蔥絲、黃瓜絲🥒和山楂，最後鴨肉沾上兩款醬料（咸醬/糖），口感豐富，啖啖滋味(˶‾᷄ ⁻̫ ‾᷅˵)。🤤QR code下單有齊唔同酸辣度選擇，可以揀啱自己嘅口味。（不過建議可以加酸，正常酸度個人覺得好似唔夠酸～）另外，酸菜魚亦可加配不同的配菜，我哋就叫咗千葉豆腐（$38）、寬薯粉條（$38）、萵筍片（$35）。仲有好多配菜、小菜、主食、甜品和飲品選擇添！.......#尖沙咀#尖沙咀海港城#海港城#中菜#川菜#酸菜魚#片皮鴨#姚姚酸菜魚#打卡餐廳

酸菜魚店好多時都用上中式紅但姚姚酸菜魚偏與眾不同用上少女喜愛嘅Tiffany blue令人感覺更清新更年輕用上QR code落單時尚方便姚姚酸菜魚味道辛辣酸香我成日都會忍唔住想食偏偏男朋友喜歡嘗鮮今日就試另一款麻辣香鍋麻辣香鍋除左底料要再配五款配料選擇好多肉類、素菜都可以揀我地揀左豬頸肉、肥牛、花菜、金菇、寬薯粉條辣度喺選單入面無得揀但可以叫侍應下單小辣香鍋份量絕對對得住價錢滿滿一大鍋配粉全部好入味小辣後惹味不太辣絕對白飯殺手！仲有寬薯粉條，唔加飯就咁食又得四川回鍋肉既然叫左飯男朋友又想試多款回鍋肉回鍋肉醬香味濃辣度唔會太高肉量充足唔會菜多肉少食完辣當然要食冰粉解辣紅豆烏龍冰粉比普通冰粉多啲茶香頂上配料有紅豆、花生碎、提子乾同小粉圓紅豆綿，花生脆，提子甜，粉圓糯口感豐富味道多姿多多桃膠椰奶有桃膠版嘅紅豆椰汁鮮奶紅茶凍紅茶凍嫩嫩滑滑茶底濃郁

今日朋友想食酸菜魚，但又唔想去到深圳食，我即時想起尖沙咀海港城有間唔錯的酸菜魚餐廳，環境唔錯，以藍色海洋為設計，係我在香港目前試過最好味的酸菜魚，我立刻帶朋友去試試呢間酸菜魚特色可以一鍋兩食，所以我們叫左個姚姚酸菜魚拼水煮牛肉，招牌酸菜魚魚肉爽口，香味十足，酸菜味濃，試完想再試的感覺，十分惹味，而水煮牛肉肉質嫩滑，辣道十足，十分過癮，加上份量十足，大大一鍋，性質比十分高彩虹烏龍冰粉含有多種材料，口感豐富，剛食完重口味食物食碗冰粉可清濟解膩，而且甜度適中，一款唔錯的甜品

同朋友都好鍾意食酸菜魚 仲有鍾意辣嘢係尖沙咀見到呢間Tiffany Blue色嘅餐廳呢到裝修好靚又得意唔似食川菜 但意外地完全滿足到我哋想食嘅嘢 好啱我哋口味麻辣香鍋 - 香鍋需要揀最少五款配菜揀咗 重慶酥肉，土豆，千葉豆腐，萵筍片，寬薯粉條喜歡食辣嘅朋友 一定要試試呢個香鍋滿滿辣椒超級香 而且炒得乾身唔油膩全部材料好入味 味道濃郁 充滿麻香特別推薦重慶酥肉 好香口又夠肉汁雙併酸菜魚姚姚酸菜魚拼蕃茄魚（2人份）有得雙併表示開心 一次試到兩個湯底魚肉份量好夠 肉質鮮嫩 配埋湯底好食蕃茄魚唔辣但鮮甜好味 同魚肉好夾呀酸菜魚可少油有加分 湯底酸辣惹味👍🏻落單系統好細心 有得揀好多選項辣度有得揀 仲有少鹽少油呢d揀唔食得辣同樣可以嚟食酸菜魚架

尖沙咀人氣酸菜魚今日去香港尖沙咀海港城逛街，最近天氣很冷，適合吃辣暖身，看到這家酸菜魚非常出名，深圳也有很多分店，而且還有神仙組合，可以酸菜魚拼北京烤鴨，兩樣都是我喜歡吃的。餐廳座位舒適，裝修以湖水藍色與白色的配搭，夢幻得來有少女心，冷氣充足，另收加一服務費。麻辣香鍋（麻辣鍋底）$48香辣惹味，自選香鍋煮法，非常個性化，點了：少麻，少辣，免花生。另外香鍋配菜需要最少點五款式，逐樣加錢：嫩牛肉很滑（+$55），豬手（+$50）脆皮肥腸（+$40），鮮秀珍菇（+$38），炸豆皮（+$38），加起來總共$269姚姚酸菜魚拼北京烤鴨（雙人套餐$338）套餐有齊想吃的，姚姚酸菜魚（精裝版）魚肉嫩滑，足料酸菜，有蠟燭keep住保溫。還有得選擇做法，點了小辣、加酸加麻少油免花生🥜跟住你的個人口味去調配。跟餐還有北京烤鴨（半隻）和孜然椒鹽鴨架，飽肚之選。片皮鴨餅皮夠薄，包住超級肥美的烤鴨皮，非常邪惡。服務質素：7/10環境舒適度：7/10ᶘ ᵒᴥᵒᶅ個人口味評分：7/10

情人節晚上，我和另一半打算食點辣的，來一個火辣辣的晚上。行完尖沙咀，來到這間「姚姚酸菜魚」。在情人節這樣特殊的日子裡，餐廳並沒有加價，讓人感受到了他們對顧客的誠意。姚姚除了酸菜魚外，其他辣味料理其實亦是非常出色，為喜愛吃辣味的食客提供多款選擇。✷ 1. 麻辣香鍋（魷魚鬚、豬腩肉、土豆、萵筍片、豬耳）麻辣香鍋是姚姚酸菜魚的招牌菜之一。香鍋裡面可以選擇多種配菜，我們就選了魷魚鬚、豬腩肉、土豆、萵筍片和豬耳。食材搭配上辣味的鍋底和香料，味道濃郁辣香。我特別推薦土豆和萵筍片，除了肉類之外，萵筍片和土豆在香鍋內完全吸收辣香，兩款都爽脆入味，比起肉類更加吸引。點配菜時不要忘記要加點蔬菜類呀。✷ 2. 辣子雞軟骨肥腸第二道辣菜，不如就嚐嚐辣子雞軟骨肥腸，可以一次過食我最喜歡的兩個食物。雞軟骨和肥腸的口感味道和辣椒的香辣完美結合，鹹香得來又夠惹味，實在是完美組合，絕對是大人小朋友都喜歡食的一道菜。✷ 3. 紅糖糯米糍粑食得川菜，當然要叫個紅糖糯米糍粑作甜點結尾。糍粑具黏軟的質地和甜美的味道，每一口都散發出糯米和紅糖的香氣。✷ 4. 低糖紫米豆漿紫米豆漿是一個健康的飲品選擇，具有豐富的營養價值，並帶有一

L以為酸菜魚餐廳係好傳統好中式感覺嘅勇者係絕對無諗過呢間餐廳係行Tiffany Blue超優雅ig able嘅設計，差啲揾唔到！😆 下星期天氣又涷返。。。好適合食D 麻麻辣辣既野暖返個胃🤪🌶️1️⃣ 麻辣香鍋 （$ 242）香鍋可以客製化調味，仲可以選少油少辣🫣岩哂我地呢D又想食重口味又想健康D既人😆 配料亦好多選擇，勇者選左肥腸，雞翼，土豆，萵筍片同金菇。香鍋味道十分惹味，勇者揀咗小辣，辣度啱啱好，而且份量都好多😳當中勇者極力推薦雞翼，雞翼炸得又脆又香，而且仲好大隻好多肉汁👍🏻👍🏻喺香鍋必點之選呢2️⃣ 姚姚酸菜魚 +寬粉（$326）黎得酸菜魚專門店，點可以唔食酸菜魚呢！勇者點咗一個二人份嘅酸菜魚，酸菜腌得幾入味，魚片份量都好多，而且魚肉都好嫩滑同新鮮，而且勇者認為寬粉係必須加的，寬粉嘅煙靭又爽口 仲吸晒湯底嘅味道👍🏻3️⃣ 彩虹烏龍冰粉 （$68）彩虹烏龍冰粉口感豐富，食完咁多重口味嘅嘢，食返碗冰粉可以消濟解膩~而且冰粉甜度適中，做飯後甜品一流呢- - - - - - - - - - - - - - - - - - - - - - - - - - - - - - - - - -總括而言，餐廳食

姚姚酸菜魚 📍尖沙咀廣東道3-27號海港城港威商場2樓2307號舖💁🏻‍♀️自從幾年前係深圳食過一次🐠酸菜魚之後就好似上咗癮咁！😍香港都係比較後期先有酸菜魚專門店進駐，所以每當心癮起都會search下邊度有得食，今次揀咗呢間姚姚！😊🌶️😈見到麻辣鍋又口痕想食，所以最後兩個人叫咗一份酸菜魚，再加一個麻辣鍋！走果時飽到申直唔到個人😂🐠酸菜魚二人份 $288二人份入邊都見到有兩個魚頭，份量比想像中多！魚片非常滑溜，黃金湯底亦都好濃郁全程都不斷加熱，想避免魚片過熟就建議要快快趣食啦！🌶️麻辣香鍋 （加料後 $257）（必須加配至少五個配料）麻辣香鍋本身$48，其後至少要加5個配料！我哋就揀咗田雞、花菜、土豆、蓮藕片、同埋寬薯粉條，每款大概$38-$55 左右。值得一讚佢哋嘅田雞非常厚肉，經過油炸後感覺有少少似食炸雞！非常之惹味！

📍姚姚酸菜魚尖沙咀廣東道3-27號海港城港威商場2樓2307號舖開左咁耐終於都有機會去到食呢間酸菜魚啦🩷次次經過都見到好多人等位果然真係有好多人鍾意食酸菜魚！🥳姚姚酸菜魚（2人份） $288必叫一大盤酸菜魚🐟魚肉嫩滑而且大大嚿！咬落去啖啖肉🤤麻辣香鍋 $284心郁郁見到有香鍋就好想嗌，但又怕好辣好彩辣度有得自選！佢都有幾多配料選擇架我就揀左以下配料💜魷魚鬚、牛百葉、巴掌肥牛、鮮茶樹菇及魔芋結非常惹味！

今日天氣終於凍啦，啱哂食啲麻麻辣辣嘅野暖下身😆今日小編去咗食酸菜魚，地理位置方便，仲要係有得打卡嘅地方，成間餐廳都Tiffany blue新潮嘅裝修，食野之餘仲可以打卡，一舉兩得😘呢度係酸菜魚麻、辣、酸都有得加減，今次嗌左所有野都係小辣仲加左寬薯粉條🤭魚嘅份量係偏多，食落去魚質好鮮嫩細滑，而酸菜嘅份量亦都好適中，食落去好爽口🤤黃金脆炸小酥肉嚟到已經香噴噴，食落去炸得好脆好香口，佢唔會話好多炸粉，薄薄脆脆帶上少少辣味，小食必推

每次黎都忍唔住食酸菜魚, 今次終於試左新野, 而且都一樣咁好味!!! 唔試唔知哩度個麻辣香鍋同埋片皮鴨都係咁高質! 有得揀先至係老闆。麻辣香鍋($279) 好中意佢比我揀少油同少辣, 另外你中意多麻少麻又得, 實可以岩自己口味。上枱大大盤香氣十足, 賣相非常之咁吸引~ 配料揀左豬扒, 嫩牛肉, 豬手, 蓮藕片, 炸豆皮共五款, 每款都唔留手大大件! 豬扒同牛肉都厚身唔柴皮, 豬手腍得黎Q彈, 蓮藕片都係我好中意食既因為好爽口! 豆皮索到入哂味, 哩鍋野必定要配白飯呀,  超惹味輕鬆撈兩碗!北京烤鴨（半隻）($188)好似有新野?! 之前唔覺有烤鴨食, 見到即叫半隻試下, 質素唔輸蝕過出面既酒家/烤鴨店!  醬料齊備, 片皮鴨半隻份量好足, 唔會好似有D地方咁比得勁少皮~~ 鴨皮薄脆一咬落去有咔嚓一聲鴨油溢出, 非常之香! 另外剩餘既鴨架店家仲會拎去炒, 咸咸香香, 如果送酒慢慢啃係一流。食完咁多油膩野飲哩杯茉莉香橙 ($38)解膩一流, 酸酸地微甜好清新。

內地人氣元祖酸菜魚終於游到黎香港啦。得兩個人食，簡左人氣招牌嘅酸菜魚。本身驚唔夠飽，諗住加菜，好彩冇加到。味道同係內地食嘅差唔多，辣味好易入口而且唔會一味夠麻。花椒份量岩岩好，而桂花魚都好滑。酸菜洗得好乾淨，冇沙，酸味岩岩好。酸酸辣辣，配埋飯食就岩岩好等緊上菜期間都可以係到打下卡，影下靚相。一身Tiffany Blue,點唔可以打下卡呢最後都食唔曬，打包拎左返屋企食。兩個人食嘅話記得唔好加咁多送，陣問做大嘥鬼啊。

姚姚酸菜魚係尖沙咀同銅鑼灣都有分店，好鍾意佢個Tiffany Blue主色，襯埋魚仔公仔，令到食酸菜魚成件事感覺young左同好潮！😆🥢🌶🐟姚姚酸菜魚拼宮保田雞黎到無理由唔食酸菜魚既‼️🤩揀左中辣，不過其實都唔係好辣架咋，辣度大家可以放心d叫。用既係有認證嘅魚，保證源頭日日新鮮。咁食落去都真係感覺到個魚新鮮既！魚味濃，又入味。仲有用水東芥菜做嘅水東新酸菜。成個鍋下面一路熱住，一邊食一路滴汗，勁過焗桑拿😆貪心試多樣所以雙併左個宮保田雞。宮保田雞帶少少甜味，um，有啲港式小菜嘅感覺，下次專心食酸菜魚。🥢🌶麻辣香鍋 (麻辣鍋底)要揀至少5種，我地揀左牛百葉,重慶酥肉,脆皮肥腸,四季豆,寬薯粉條一上台見到超級豐富大盤！下面會有火一路熱住。個咀越食越麻，麻辣控啱晒！通常賣辣嘢食嘅餐廳，好多時都冇跟茶/水，所以特別要讚下，呢度有免費蜜桃烏龍茶供應，個茶本身都好飲