姚姚酸菜魚 (港威商場)

营业中

休息中

同老公去尖沙咀買嘢，最後行到港威商場，見到一食店門前企滿人等位，細望之下原來是內地著名酸菜魚品牌「姚姚酸菜魚」進軍香港，老公之前跟朋友上過內地食，品質同味道都超正，而家香港有分店，老公即刻話要回味下！機械人送餐，請讓路！姚姚酸菜魚均為二人份量，一大鍋上檯份量十足，鍋下有小火熱住，保持熱度，餐廳選用新鮮鱸魚起肉，魚肉片片晶瑩雪白，鮮味嫩滑，並用經過90天醃製的水東新酸菜，集麻、辣、香、酸於一身，口感酸爽，美味可口！麻辣香鍋：麻辣香鍋是一道麻辣菜，以麻、辣、鮮、香、油、混搭為特點，口味多樣化，經過顧客自主選菜之後由廚師加工炒成。在多款食材中揀咗午餐肉、香酥豬扒、雞翼、土豆、炸豆皮，所有食材炸至金黃色，再加入香鍋料、辣椒、香料等炒勻。因為揀咗小辣，所以味道微辣且香，醇厚温和。食材炒得入味香口，尤其香酥豬扒口感豐富，脂香味濃。沙棘原汁：沙棘是一種富含維生素C的野果子，由於其樹上長滿了尖刺，一般很少直接吃，都是榨成沙棘汁飲用，味帶酸。

係尖沙咀行大商場，首選會揀海港城，幾個商場連成，店舖也特別多。行下時經過大排長龍既餐廳 "姚姚酸菜魚"，見到價錢合理就入去試吓啦！店內以清新既Tiffany Blue為主色調，裝潢簡約有質感，地方都幾闊落，潔淨舒適。入座用QR  code落單，而且出餐用機械人代替相對安全。餐牌有好多選擇，包括姚姚首創雙拼酸菜魚、麻辣香鍋、四川小菜、麻辣小食、冰粉等，川菜地道特色美食。姚姚蕃茄魚  二人份    $288雖然餐廳招牌菜係酸菜魚，但會有辣椒，唔係好食得辣嘅我，就揀咗呢款蕃茄魚，依個二人份量個鍋超大，餐廳係用上有身份証嘅鱸魚，食得安心又健康，而魚肉既份量都好多，鱸魚肉質鮮嫩結實，湯底係用咗新鮮蕃茄熬出，飲起嚟好清甜，鮮味十足。另外加咗嫩牛肉 $50，肉味濃郁，又嫩又滑，火鍋必備。黃金脆炸小酥肉    $78每塊酥肉炸得非常脆口，味道甘香，面層攦上辣椒粉，帶少少四川微辣風味，鬆脆小食很惹味。姚姚脆奶    $58  外皮香脆可口，咬一啖軟綿綿嘅口感，牛奶味非常濃厚，滑滑的，好似食緊布甸一樣，太美味。茉莉香橙     $38透明杯可清楚看到片片柳橙，清甜潤喉，橙味香濃，口感清爽，消膩解渴。低糖紫

以前間中都會返深圳食下野🥩🥘🍲唱下K🎙️眨吓眼已經三年冇返去💃🏻突然心心念酸菜魚嘅味道🐟麻麻辣辣🌶️一於約女食神🧚🏻‍♀️開餐🍽️依間姚姚酸菜魚好似新開冇幾耐🧚🏻‍♀️女食神準時到達已經心心眼要食麻辣鍋🍲望見隔籬枱已經流口水🤤麻辣香鍋🍲裏面有嫩牛肉🥩千葉豆腐🧈萵筍🥒豬頸肉🍖寬薯粉條🍜用火興住個鍋🔥越食越辣🌶️越食越香😋每種食材都非常入味👍🏻我覺得千葉豆腐非常滑🫶🏻牛肉配上麻辣鍋底真係冇得輸😘椒麻皮蛋🥚其實我真係好想問點解皮蛋可以整到變橙色🧡非常吸睛👀皮蛋本身味道唔算太濃烈，但係加上麻辣汁🌶️放入口咬落去爆發出嚟嗰種震撼，絕對流口水💦麻麻辣辣口水雞🐔麻辣汁已經完全滲透雞肉裏面🧚🏻‍♀️女食神非常欣賞雞皮，我就要食雞胸protein🤣所以我哋唔會爭嘢食🥰雞肉超滑彩虹烏龍冰粉🥙依個真的不能不吃😱食完一餐重口味嘅晚餐🫦最尾食依個甜品做結尾簡直係Perfect🙌🏻黑芝麻花生🥜再加上提子乾🍇撈埋烏龍冰粉，一口清涼感覺完全將剛才既刺激平靜落嚟沙棘原汁🍹老闆娘送咗兩杯沙棘原汁🍹俾我哋試吓😋沙棘係一種北方水果🍊香港未曾見過，上網睇過非常有益健康💪🏻甜度類似橙汁，連女食神🧚🏻‍♀️戒左糖都飲咗大半杯，解辣效果一流👍🏻非常足

前幾日摷野先發現4張今日到期餐飲券😌去到已經人山人海，6點黎到排左大半小時才有檯，用餐時間為90分鐘。2個人又想食呢野、又想食果樣，最後叫了酸菜魚拼水煮牛加薯粉、麻辣豬手、大盆花菜同藍妹，加左薯粉都飽，淨返一半豬手、花菜打包。剛剛用到2張券、浪費左2張。見大部份人堂食/外賣埋單也是手揸一疊餐飲券，反而其他可用餐飲券既餐廳又吾多人。

六點半拎飛，八點五十分先入到去嘢食唔差，最差係人等位期間，見到佢地不斷將5位放入3，4人台度，冇俾3，4人入有幾台，我六點半去拎位時，佢地已經坐喺度，到8點嘅時候，我問個戴眼鏡男職員，點解佢地過晒90分鐘用餐時間都唔趕佢走佢夠膽死話我睇佢地未食完，未叫埋單，我唔可以叫人走咁你喺門口咁大隻字寫住90分鐘用餐時間用意係咩呢？到我食嘅時候，未上齊嘢，同一個男職員就擺低張單叫我埋單，咁你又咩意思呢？一肚氣，唔會有下次，呢間餐廳有咁嘅員工，我真係恭喜你

最近都聽得多姚姚酸菜魚呢間新起之秀，平時都見到好多人推薦佢有幾好食，今次就黎試試佢既真面目！！😍店家主打酸菜魚同埋小龍蝦、水煮牛肉等，款式多之餘，質素亦都十分上乘，😙今次係夜晚8點半去到，已經大排長龍，推薦想食既朋友可以提早黎到或者book定位啦～～ ☺️ 姚姚酸菜魚拼避風塘大蝦（$308）🐟🦐店家提供好人性化既選擇，酸度、辣度、麻度，更加可以雙拼，一上檯真係好大盤！！😍酸菜魚魚骨去得非常乾淨，入口嫩滑唔腥，酸菜用既係經過90日醃製既水東新酸菜，入口脆爽有口感，非常惹味，湯底亦都非常濃味，推薦配飯或著嗌多個薯粉搭配！！🥳避風塘大蝦用大量既炸蒜同埋辣椒炒得非常惹味，蝦肉鮮甜，搭配埋外層酥脆既薯條做底，口感豐富無比，停唔到口！ 🤩 千葉豆腐（$38）豆腐嫩滑Q彈，擺喺酸菜魚入面吸收下啲湯底，味道更加有層次！ 🤤 紅糖糯米糍粑（$68）非常推薦呢個糯米糍粑！糍粑炸完外層非常酥脆，內層既糯米口感Q彈，搭配埋黃豆粉同埋黑糖既甜，好好食！ 😍 麻醬雞絲粉皮（$68）🐔粉皮口感清爽，滑溜溜咁，冰冰爽爽好啱做開胃前菜！ 😝 多多桃膠椰奶（$48）🥥椰奶香甜冰爽，底下仲有桃膠、紅豆等唔同既配料，同出面既台

終於等到啦~ 和朋友上次食完佢地既酸菜魚，覺得好好味，今次就試埋其他啦，麻辣香鍋真係幾惹味刺激的，甜品冰粉心係必食，解辣靠佢。麻辣香鍋 $48+$214麻辣鍋底可自選麻、辣、油程度，我們來個正常的少麻少辣吧，味道可接受，不會邊吃邊抹汗，亦不會麻辣至失去味覺。 鍋底至少自選5款配料，按配料收費，我們揀選魷魚鬚，芝士豆腐，鮮秀珍菇，炸豆皮及蓮藕片，炸豆皮最出色，盡吸麻辣精華，魷魚鬚唔韌幾入味。 鍋內配有大量辣椒同香料，食到最後我地係個辣椒彩池度揾返啲配料出黎，有得食又有得玩。 宮爆蝦球 $188我地保守派都係揀返少辣，其實唔算辣，酸酸地辣辣地好易入口，蝦碌大大件爽口彈牙，配料有大蔥同茄子，茄子內軟外皮香脆。 彩虹烏龍冰粉 $68冰粉解辣一流，有花生、提子乾，酒釀，西米，芝麻及椰奶、黑芝麻、紅豆等配料，五彩繽紛望見開心，食完舒服晒。 沙棘原汁（凍）$38點選了比較少見的沙棘原汁，外貌呈黃橙色，味道似橙汁，酸酸甜甜。

11月9日中午時間點了2份商務餐，用餐時間未到60分鐘，服務員黑口黑面收枱，請我們交枱，去到收銀，更離譜，我明明連單同信用卡交比收銀員，過了1-2分鐘，突然講話我未比信用卡，叫比錢。我請收銀找經理睇CCTV，收銀只不停話，如果有擔心，叫我打去卡中心取消張卡，最後，我用另一張卡先比錢，收銀處理付款，又發現地下有一張信用卡，問係邊個，我反問佢，唔通係我掉入佢收銀範圍？你跌我張卡，道歉都無句，仲惡人先告狀。最後經理出場，先肯道歉。大家如果同重要人物去食飯，千萬唔去比錢受氣！我以後都唔會再去幫襯！

酸菜魚總是百吃不厭，相隔一段時間無食，呢晚就約咗好友嚟到呢間姚姚酸菜魚，之前每次經過總會見到有人等位，足以證明佢嘅酸菜魚和其他川菜菜品總有吸引力▶️姚姚酸菜魚 (2人份) 添加寬薯粉條 - 湯底集麻、辣、香，酸於一身，嚴選正宗水東芥菜，經24天發酵期而製成嘅酸菜咬落啖啖爽脆，魚片就用上鱸魚，食落非常滑溜，絲毫魚骨都無，而份量都好豐富，好似食極都有。我就添加咗寬薯粉條，食落爽滑彈牙，索晒酸菜魚湯，非常惹味▶️麻辣香鍋 - 揉合火鍋、川式乾鍋於一鍋，我哋就加咗脆皮肥腸、豬腩肉、金針菇、炸豆皮、萵筍片，食落麻辣味香濃▶️沙棘原汁 - 味道似橙汁，其果實具有豐富的營養價值，不妨一試

位於尖沙咀的酸菜魚, 疫情前其實蠻常去深圳吃酸菜魚，姚姚酸菜魚在深圳已經略為聞名，所以得知進駐香港時便果斷去吃了，有點懷念酸菜魚獨有的酸酸辣辣味道；店舖的裝修和深圳一樣，主打Tiffany blue顏色，很有特色姚姚酸菜魚 (2人份) $288酸菜魚用陶瓷盤上菜，賣相已經很搶眼；酸菜的酸度適中，味道十分濃郁，而湯底加入大量花椒八角及籐椒粒，十分惹味；魚片方面，魚肉很厚肉，但不失嫩滑，很好吃！一口湯，一口魚片，十分開胃！但略嫌湯底有點太油，如果能減少油分會更容易入口；我點了少辣，不會太嗆鼻，酸辣度很剛好，拌飯一流麻辣口水雞 $88麻辣口水雞上碟時用一盤紅油浸著，本來很擔心會太辣，但結果辣度適中；雞肉醃得很入味，加配芝麻十分香口，麻辣真的十分惹味，因此真的會越吃越上癮 多多桃膠椰奶 $48最後點了一杯椰奶，果然吃酸辣麻辣的菜式時真的要搭配一杯奶類飲品，椰奶加酸菜魚，真的天作之合！桃膠份量很多，最後喝光還剩有大量桃膠，真材實料，很滿足

餐廳人流絡繹不絕就算平日八點幾去到都好多人排隊門口位置有熊頭魚公仔，好得意而店內掛畫都以熊頭魚為主並以Tiffany Blue 為主色調店內環境闊落，空間感大，座位舒適用QR Code落單十分方便！！ —-✄———-✄———-✄———-✄———-✄—-✾ 麻辣香鍋 $257脆皮肥腸｜花菜｜蓮藕片｜秀珍菇｜豬頸肉同樣可以自由選擇辣度麻度酸度，少油鹽自由選擇配料，最少五樣一上枱肥妹呆左，比想像中大盤表面滿滿辣椒，麻辣香味撲鼻，食指大動每款配料都入味，麻麻辣辣辣得過癮，香口入味🌶️🌶️脆皮肥腸外脆內煙韌；豬頸肉爽彈花菜同蓮藕片爽脆；秀珍菇仲好Juicy✾ 姚姚酸菜魚拼水煮牛肉 $308酸菜魚同水煮牛肥妹愛吃，見到雙拼當然要叫啦🤭可以自由選擇辣度麻度酸度，仲可以揀少油少鹽添鍋底下有小蠟燭，保持食物溫度🌡️酸菜魚採用新鮮鱸魚，無骨啖啖肉肉質嫩滑厚實， 唔會一夾就散而酸菜正宗水東芥菜，經24天發酵醃製所以會更爽脆！！湯底酸辣辣，好開胃❤️酸爽惹味水煮牛牛肉大大塊鮮嫩軟腍，非常入味配料仲有芽菜同Q彈寛粉兩樣都吸收湯底精華，辣勁十足👍🏻

海港城除了買鞋，其實還有好多美食呀！ 今次發現一間酸菜魚餐廳，平日排隊都好多人，尤其是7:00pm後，所以要提早到呀！餐廳要走到海港城港威商場最後段，差不多要到中港城呀！餐廳裝修新穎，座位非常闊落，光線很充足，整體環境很舒服！今次，愛玩小生跟朋友專程來到吃酸菜魚，在餐廳餐牌才發現，原來可以雙拼的，所以我們立刻選擇，酸菜魚及水煮牛肉！一上枱，就發現非常大碟，相信酸菜魚使用了半條新鮮魚肉，就連魚頭都有呀！魚片比較新鮮，彈牙亦香滑，酸菜湯底大有很多麻子，少少微辣，仍然可以入口，不錯！至於水煮牛肉，牛肉片非常嫩滑，而且帶有肉汁，似乎都是使用新鮮牛肉！每片牛肉吸收了香辣海底，少少油膩，但辣味令人胃口大開，愈食愈吸引呀！最後，建議必食是餐廳的甜品—紅豆烏龍冰粉！冰粉有點似仙草口感，但味道仍是青香的經典凍頂烏龍茶口味，甘甜可口，配上紅豆少少甜味，一碗都唔夠喉呀！超好味！姚姚酸菜魚尖沙咀海港城港威商場二樓2307號舖

依間唔接受book位，只可以walk in.去到門口已經好多人等緊排隊入座。不過慶幸嘅係可以拎到飛唔洗白行一趟。入到去已經減少左好多人手工序，透過QR code自助落单， 自由搭配辣度、麻度、酸度，需唔需要走特别配料或增加配料，唔洗擔心姐姐聽錯oder ,完全按照自己口味去搭配。上菜嘅時候機器人會自己送餐去到你張檯面前、成個過程都幾得意。酸菜魚以及麻辣香鍋都好正宗。完全味道係鮮香麻辣，極力推薦俾鍾意食辣嘅人！🐟姚姚酸菜魚-2人份量💰288 雖然係二人份量但係份量完全足夠三個人食。除此之外，仲可以搭配其它嘅配料。姚姚主打每條魚都身分證，有政府認證，源頭日日新鮮。魚肉入口嫩滑，配搭爽脆酸菜加配泰國香米白飯真係勁開胃。麻辣香鍋底💰48 可以自由搭配辣度，自選配菜。我哋選左正常辣度，配料揀金針菇、魔芋絲、蓮藕片，萵筍片、魷魚。金針菇以及魔芋絲比較吸收辣味，滿滿食落，真係非常辣，但亦都覺得食得好爽。

天氣涼涼地，搵啲熱辣辣嘅嘢食下！見到呢個酸菜魚就試試，外表裝修簡約 Tiffany Blue色調，坐位寛度都OK 概！當然要叫個主菜： 二人份量的酸菜魚，可以自己選擇辣度、酸度，喜歡用可以另外加配料！味道酸酸地都有少少辣，魚的份量都算多，口感都滑滑的！麻辣豬手 ：都係揀咗少辣 ，成個視覺效果唔錯色彩繽紛，味道好濃郁，唔係太辣有少少麻辣味，豬手炆得好諗，感覺好有骨膠原，唔錯！大約有 6舊豬手！黃金脆炸小酥肉：十分之香口野味，香香脆脆咁！傳統擔擔拌麵：同平時食嘅擔擔面唔同，由於係拌麵水冇咁多，冇咗麻醬，有輕微嘅麻辣味，麵就有少少口感，唔會太諗，都幾特色！食完當然要整個 紅糖糍粑，可以選多黑糖，多黃豆粉，放低嘅時候熱辣辣，煙煙韌韌 ，口感十足！

餐廳以湖水綠為主色調，牆身和餐椅都係湖水綠，連杯、碟、水壼都襯曬色，帶出新鮮的視角效果。餐廳提供茶水，熱氣騰騰先暖一暖身。酸菜魚拼水煮牛肉：酸菜魚片採用鱸魚，切片，無骨，口感非常滑嫩。水煮牛肉嫩滑不韌，香辣味出色。有豆芽和寬薯粉做底，份量十足。麻辣香鍋：配料多到眼花撩亂，每款價錢由38-55不等。最後揀咗五款配菜，包括：牛柏葉、豬手、田雞、花菜和蓮藕片。牛柏葉爽口有嚼勁，越嚼越香。豬手本身用滷水汁加工，相當入味肉質淋嫩，奇怪地食豬皮都唔覺得有油貳的感覺。田雞吸收左香鍋嘅辣味。蓮藕片做到好乾身，厚度適中，外辣內甜。花菜煮到恰到好處，不會過淋又不會過硬，入味得黎又仍然保持口感。芝麻更加帶出香味。蓮藕厚度適中，非常爽口，識嘅過程中不小心咬中一個麻椒，包你精神爽利。沙棘原汁：酸酸甜甜的口感。人生第一次飲，心生好奇，普查一下，原來沙棘係一種古老的植物，源自青藏高原。營養丰富，含多種維他命，礦物質，抗氧化物，Omega - 3,6,9、及稀有的Omega-7。有助改善心腦血管問題。