姚姚酸菜魚 (港威商場)

营业中

休息中

好耐冇食川菜 呢間人氣酸菜魚長期都好多人排隊🔥 餐廳以tiffany blue色為主 入座用QR code落單 再由機械人送餐 好快就上菜有得食🤖✿ 麻辣香鍋($299) - 魷魚鬚 巴掌肥牛 豬頸肉 千葉豆腐 四季豆-香鍋可以自己揀配料組合 最少要揀五個餸可以自由搭配辣度 麻度 酸度等等 好貼心～ 我地就全部揀咗正常 上枱好大鍋好香辣椒味 仲有用火興住個鍋 唔會擺到凍晒👍🏻每款配料都有好多 炒得好入味好香口🤤 麻辣味香濃 辣得好過癮😆 特別推薦魷魚鬚同豬頸肉！同埋食呢個記得一定要叫飯一齊食🍚✿ 麻麻辣辣口水雞 ($98)分量幾多 辣到適中～佢冇乜骨 雞肉都好滑🐤另外仲有大量芝麻喺面 令到醬汁更香😆✿ 紅糖糯米糍粑($68)呢個要趁熱食！外皮香脆 中間好煙韌 食落唔會太甜建議可以揀多紅糖同黃豆粉👅✿ 茉莉香橙($38)揀咗少甜 味道清新 唔錯～✿ 白飯($18)

今日同女友在尖沙咀行街，之後就去揾野食，呢間特別多人在入面食，所以最後選擇左食等左一陣有人走我地就入左去食。我見唔算好貴，以為份量應該比較少，結果樣樣都食唔晒，最後仲可以外賣做第二日午餐🥰我同女友兩個人食，我就唔食得辣，所以叫左少麻少辣，味道唔錯，不過我邊食邊出汗，個感覺幾得意。1. 麻辣口水雞味道少少辣但份量都唔少，我見旁邊另一枱都有點，所以照點，都算值得一試2. 雞絲粉皮正常水準，份量還可以，味道跟我平日食的差不多，但我個人喜愛麻醬，如果更多麻醬我會更鍾意😬3. 麻辣香鍋肥牛、千葉豆腐、寬粉、豬頸肉超多料，原本想叫酸菜魚，但成日都有得試，所以今次試下食香鍋，我都係第一次食，感覺有d似係撈麵嘅感覺，每樣都勁多料👍4. 烏龍冰粉我個人認為一定要一試，第一次食冰粉，口感好似蒟蒻，但唔算好甜，而且份量大。最好的係可以解辣，一邊食辣一邊食冷粉，最適合唔食得辣的我🤣

呢日去尖沙咀行街shopping 聽聞呢間酸菜魚經常排長龍要等位 今日見未有太多顧客 就入去試吓先😉餐廳以Tiffany Blue 藍綠色及白色為主 裝修得好靚 門面已經好搶眼好吸精🤩 座位寬敞又舒適 入座後用QR code 落單🐟姚姚酸菜魚（2人份）（$288）嘩 上枱係一大盆 份量非常多 兩個人食唔晒囉😆上桌一窩配有小蠟燭座熱住盆酸菜魚 湯底好濃郁 又有香濃花椒八角味 酸菜味再加上辣味 味道再提升左入口非常惹味 送白飯一流 轉頭就食晒碗飯😆鱸魚份量超多 魚肉入口新鮮嫩滑 無碎骨魚片索晒酸菜湯汁好入味 食得好滿足呀😋我地加左兩個配菜入酸菜魚中🔸寬薯粉條 （$38）寬薯粉好厚身 口感超級煙靭又彈牙 滾住到最尾都唔會散開 好正🤤🔸脆魔芋絲 （$38）芋絲爽脆口感 滾多陣再索埋酸菜魚湯又係超級正😋🍚特級米飯（$18）白飯份量又係一碗滿滿的 好大碗🍹手打檸檬茶（$38）清香檸檬味 甜度適中

有留意小妹嘅朋友都知道我好鍾意食酸菜魚～而且呢一間姚姚酸菜魚更加係年度最愛🫶🏻今次試下主食麻辣香鍋 非常驚喜絕對唔會被酸菜魚比下去🤗可以自選麻度、咸度、辣度、蔥、油度炒出嚟成個鍋都好香 份量亦都好夠～🍄麻辣香鍋 （$317）（豬頸肉、豬耳、魚片頭、土豆、花菜、炸豆皮）小妹揀咗要多麻少鹽少油少辣🌶️上枱呢鍋野真係好很大鍋 辣椒花椒麻香撲鼻👃🏻份量都算好多 最鍾意食豬頸肉土豆同炸豆皮全部都炒得好入味😋好香口 麻到個嘴仔痹痹地好正估唔到麻辣香鍋比起酸菜魚一啲都唔輸蝕😌🍄香辣豬扒串串（$98）哇哇哇！好大盤！仲要有五串小妹好怕串燒燒到燶哂 佢係完全唔燶而且咬落仲要係好林好juicy🥹🥹究竟咁做到架 豬扒串串成為左下次必嗌食物之一🫶🏻🍄涼拌萵荀絲（$58）當食緊咁多辣野既時候一碟萵荀絲就非常黎得岩時候一絲絲萵荀加埋蒜頭粒 好爽口好脆😂🍄新鮮水果烏龍茶（$48）有百香果、西瓜、青檸、檸檬等等既水果🍉酸酸甜甜好解辣 而且唔會太甜

今次趁新年，終於黎拜訪聞名不如一試的姚姚酸菜魚，一如所料，門口都堆滿排隊的人。幸好等左唔係好耐，就安排到個位。餐廳以水藍色為主調，簡潔明亮，晚市永遠坐無虛席。餐牌選擇好豐富，以QR code落單。雖然人多，但上菜都有效率！姚姚酸菜魚拼水煮牛肉有雙拼呢個設計真係好好，啱晒多心的香港人。大大一盤不過$308，比起其他連鎖來說，性價比好高。我地揀左中辣，辣度亦啱晒我地！酸菜同魚片都好多，又雪白又嫩滑，加上花椒、藤椒等香氣撲鼻，仲有蒜蓉香，著實令人追住想食！牛肉同樣令人食唔停口，因為肉厚好滑，望落好辣但又唔算，係啱啱好辣中帶麻，辣味係口腔徘徊，好過癮，冬天食啱晒。而且配料的芽菜夠多，薯粉煙韌，好味！麻辣香鍋可自選配料的組合，我地揀左雞軟骨、脆皮肥腸、茶樹菇、四季豆和花菜。上枱已經香氣滿滿，辣氣飄香！而且又紅又綠，顏色繽紛又吸引。香鍋炒得乾身，所以肥腸、雞軟 骨、茶樹菇等都吸晒配料啲香味，但食落又唔會好辣！只食到香口惹味！一粒粒咁摷出黎食，慢慢食，越食越滋味，大愛這個香鍋！彩虹烏龍冰粉因為想留肚食冰粉，所以我哋冇點嘢飲。但冰粉解辣也是一流！冰粉口感Q彈滑嘟嘟，好香烏龍茶味，紅豆、提子乾、黑芝麻、

酸菜魚嘅辣度，🥰最近全面升級，😙而且我最愛嘅姚姚蕃茄魚，都好開心，已經番嚟喇！超級鍾意🤓佢有得雙拼搭配，🍅同friend可以一次過可以試到兩款嘅招牌口味。每邊都有一個魚頭，👍相信係足足落咗兩條魚嘅份量，夠足料。夾落去，起曬骨，🐟好方便。而且魚片煮得幾滑，可以保持住魚肉嘅鮮嫩。❤湯底都好香，😍原味，更加可以體現香料嘅層次，而番茄，就酸甜可口。😚炒飯好靚，🔥金黃色，🍚粒粒晶瑩飽滿。

姚姚酸菜魚拼水煮牛肉 (小辣) $308.0黎姚姚酸菜煮梗係要叫返酸菜魚食，但又想試埋水煮就可以揀雙拼。首先酸菜合格，煮完都維持到酸爽，魚片嫩滑但佢都係令酸菜更好食既酸菜黎。水煮既汁好夠麻，亦有紅油既香，牛肉係醃過既嫩口。麻辣香鍋(麻辣鍋底) $252.0估唔到呢度既麻辣香鍋更有驚喜，配菜揀5樣，每款都出色，因為冇湯汁淡化麻，香，辣既味道包裹炒得火侯十足既餸菜，雖然好飽但停唔到口。🌭脆皮肥腸 - 炸得卜卜脆，又肥又香。🍖午餐肉 - 邪惡軸心唔使多講🌳花菜 - 爽口清甜，椰菜花沾滿香鍋精華🍄鮮茶樹菇 - 爽口有菇香🥒四季豆- 新鮮清甜，煮得剛好 全部都有得選擇少鹽，健康又岩口味啲。特級米飯 $18.0謹記食麻辣或者酸菜魚一定要叫飯，淡香米飯配麻辣令味道升華左，因為味蕾感覺辣辣地既時候又會有絲清甜平衡番。#test_tst______________________________🏠姚姚酸菜魚 (港威商場)📍尖沙咀廣東道3-27號海港城港威商場2樓2307號舖💵 HKD300 per head‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾#hkfood #hkfoodblog

好耐都冇嚟尖沙咀行街 今日得閒就過嚟行吓啦 行完街見到呢間舖頭好多人排隊 所以都湊吓熱鬧一齊排😊姚姚酸菜魚拼避風塘大蝦呢個酸菜魚加避風塘大蝦個份量大到嚇親我 個盤仲大過我塊面😂😂真係好驚食唔晒🫠因為叫咗酸菜魚所以加咗個寬薯粉條🤗寬粉吸收晒酸菜魚嘅湯汁 又酸又辣好惹味 原來酸菜魚辣度全面升級 同埋值得一提嘅係姚姚蕃茄魚蕃嚟喇🤣魚嘅份量比想像中多好多 魚肉嫩滑得嚟仲要冇骨 啱晒我呢啲唔鍾意吐魚骨嘅人🥹避風塘大蝦每一嚿蝦都好大個 就算唔食蝦殼 都好入味😍除咗蝦之外 仲有好多薯仔 同埋辣椒等等香料 令到成個菜式昇華咗☺️紅糖糯米茲粑平時最鍾意食啲煙煙韌韌嘅嘢 呢個小食真係必叫 紅糖可以中和返酸菜魚嘅辣味 真係食完一嚿之後再想食第二嚿第三嚿😋😋新鮮水果烏龍茶水果茶入面有奇異果西瓜熱情果等等嘅水果 飲得出全部都係新鮮嘅生果🤗再配埋幫助消化嘅烏龍茶 啱晒女仔飲😙低糖黑豆漿（冷）大家都知道奶同豆漿都可以解辣 唔使得辣嘅朋友仔可以叫呢杯豆漿飲幫助解辣🤣因為係低糖嘅緣故 所以唔會好甜 再加上即磨嘅黑豆 健康又解辣😇姚姚脆奶外面脆脆嘅皮包住甜而不漏嘅鮮奶 愛陳嘅脆皮一啲都唔厚 唔似有啲舖頭咁樣好厚粉 咬一啖之

終於食到酸菜魚界無人不曉既姚姚酸菜魚🤩辣度全面升級 梗係要試下佢😛==============================𝐅𝐨𝐨𝐝 𝐋𝐢𝐬𝐭📌🍲姚姚酸菜魚拼水煮牛肉 川菜梗係要食呢兩味😜黃花魚肉質嫩滑🐟湯底酸得黎唔會搶咗個辣度🌶️夠晒惹味🥰牛肉都好淋喎🐮另外仲加左萵筍片🍀吸收晒湯底嘅精華😍超好味😋🍼姚姚脆奶 即叫即炸 炸得好香脆🤤唔會太甜 做餐前小食很不錯😊🥦大盆花菜 豬腩肉炒椰菜🐷用咗川菜嘅味道 更加香更加好食😋🧋新鮮水果烏龍茶 食辣嘢梗係唔少得叫杯凍飲🧊呢杯水果茶夠晒足料😛咩水果都有👍🏻烏龍茶底清新小甜🍹好解渴💦==============================仲有呀 原來姚姚蕃茄魚蕃嚟喇😍下次一定要試吓你先🤤

今次品嘗的是港威商場裏面的姚姚酸菜。由於人數不多，我們一同三人只叫了一份一至兩人份量的酸菜魚，另外再有加寛薯和芋絲。魚來的時候很大盤，而且魚的份量亦不少，盤下還有兩個蠟燭把魚不斷加熱；湯底味道非常接近內地吃的味道，但可能是魚的種類問題，雖然他們所用的是鱸魚，但始終都有少許魚醒味趕不走，但可以接受。寛薯方面夠寛和超級彈口，吃多少少都很飽肚😂而且非常有口感份量也算多，竽絲也很入味，我們三人幾乎吃不完。

老實說真的有點名過於實，每次喺門口都見到好多人排隊還是幾有期望的，可惜有點失望。。。▪️姚姚酸菜魚拼蕃茄魚 $𝟹𝟶𝟾/𝟸 ᴘᴇᴏᴘʟᴇ 蕃茄湯底主要有蕃茄同粉絲，酸酸甜甜，感覺落咗幾多茄膏。酸辣嗰邊就有酸菜同我另外加嘅薯粉，薯粉就幾煙韌入味煙韌入味，湯底偏淡，叫咗小辣亦唔算辣，鍾意食辣嘅話可以試吓中辣。整體嚟講魚唔算難食，但亦唔算新鮮，有少少腥，有幾塊魚片都有少少骨，魚唔係好入味，好似烚完條魚之後再加落湯度▪️彩虹烏龍冰粉 $𝟺𝟾賣相幾有心思，食完濃味嘅魚食吓甜品幾適合食吓甜品幾適合，冰粉撈埋椰汁同其他配料甜度適中

以Tiffany blue主題顏色嘅人氣之地「姚姚酸菜魚」！每次嚟到都要排好耐隊！今次過哂最Peak時段嚟，終於唔洗等好耐就有得入😍姚姚酸菜魚$398 （4人份）酸菜魚有好多煮法同口味，而呢間就係久違嘅「深圳味道」酸菜魚。佢可以自選辣度麻度，而每件魚都好大件又滑口！仲要無乜骨！輕鬆一啖過！蕃茄魚配水煮牛肉 $308有雙拼真係為食人嘅福氣！可以試更多菜式！蕃茄魚好有驚喜喎！好重蕃茄味！酸酸甜甜又帶蒜香味！魚都係大件無骨！仲要有好多粉絲係底！吸哂啲湯omg😋 水煮牛肉就麻辣鮮香，肉質細嫩！彩虹烏龍冰粉 $68必點甜品！冰冰涼涼！食完咁多油膩野，呢個係100%解油解膩！

其實要好有愛，好有心至有動力寫食評，因為無任何利息、好處，又要最少寫80字，問過好多朋友都話要寫太多字，無心機寫。今次好想寫出嚟俾開飯fans 知，今次去呢家「姚姚酸菜魚」嘅實況。我地一行三人，點好餐，見未有得食，難得一聚（兩年半係見），隨便叫一位白恤衫戴眼鏡女侍應幫手影相，女職員聽到我地要求後，佢停咗兩秒，之後講：「我好忙架！叫第個幫你地啦！」吓！我地反應唔切，佢已轉身走，係嘅，唔係一定要幫忙影，但真係第一次遇到咁情況，我地後尾自拍，繼續等野食；後尾陸陸續續有野食，食下傾下，到某時間，食肆最高級男職員行嚟，講：「唔該，夠鐘埋單啦！」我地三人都呆一呆，問：「我地仲要叫甜品喎」最高級男職員：「入座90分鐘，你地夠鐘路喎！無得叫路喎！」朋友話：「我地唔知入座計90分鐘要交枱！？！？無人同我地講喎！」最高級男職員：「門口貼咗張紙，寫住咗。」朋友講：「真係唔知，同埋帶位時無職員提過。」（我地經open rice 訂位，都怕睇漏，再入個app 望清楚，真係無寫90分鐘要交枱。）最高級男職員見我地咁講，佢好勉為其難俾我地落埋個甜品。甜品到，我地未食晒都急急腳走。（因為個位最高級男職員成日望住我地張

姚姚酸菜魚是國內的名牌，亦是網紅店，今晚來到的時候已經差不多8:30 ，不過門前都很多人在等位，幸好已經訂了枱，都要等10分鐘。姚姚酸菜魚拼番茄魚小辣/少油/萵筍片（酸菜魚）$343.00，酸菜的味道不會過酸，湯底味道鮮甜，鱸魚的魚片差不多沒有幼骨，非常方便進食，份量亦頗多，就算看到旁邊的枱添加的鱸魚片，份量都不少。現在酸菜魚的辣度有很多不同的選擇，可以隨個人的味道調節。姚姚蕃茄魚 的蕃茄味道十足，味道酸酸，甜甜，是除了酸菜魚的另一最佳選擇。香辣豬扒串串$98.00，廚師將厚厚的豬扒切開，用串燒的方法烹調，味道惹味。寛薯粉條$38.00，粉條爽口彈牙，加在酸菜魚來，非常飽圖。彩虹烏龍冰粉 $68，分別有酒釀、提子乾、丸子、芝麻粒、花生粒、紅豆、椰奶和冰粉，不同的味道，不同的口感，混合在一起，重始咁豐富，差不多每台都會點一下這個甜品。

第二次來打卡姚姚酸菜魚。第一次來打卡的時候，因爲點了番茄魚，小朋友對番茄魚的口味念念不忘，於是我們這次又來。簡單點，這次點了一份番茄魚，再加一個辣的蝦，這個蝦，裏面還有薯條跟辣椒炒在一起，十分的香脆爆辣。我們還點了一杯桃膠，之前喝也覺得非常的好喝，椰汁加上桃膠，真的很愛。番茄濃湯配上爽滑的魚片，下面還有好多薯粉可以當主食，可謂是分量十足，大大的一盤。這種酸酸甜甜的口味很下飯，讓小朋友吃了一碗又一碗。姚姚酸菜魚 (港威商場) (尖沙咀)尖沙咀廣東道3-27號海港城港威商場2樓2307號舖