姊妹龍眼泰菜 (已結業)

三個人食叫，叫四樣野等左25分鐘先黎第一樣(串燒) $72/4串 ，又鞋又鹹。🥵隔多5分鐘 來個波蘿炒飯 $80 ，又濕 又無味 又細碟🥵🥵再隔多5分鐘， 來個豬肉生菜包$98本來叫鴨肉生菜包，等左咁耐，廢事換。硬食味道正常，碟頭正常。😕最後仲有個炒金邊粉$88，接唔上，食曬之前所有野，仲等左好耐，約10分鐘，吹左倆次 先上到。難食 濕 無料 無味 細碟😡😡加三枝啤酒 埋單 $4xx😡😡😡😡總體: 家庭式， 無技術，唔好食 唔平 等好耐 。無下次 ！🤬🤬🤬🤯🤯🤯😡😡😡

自從無堂食 一如既往好熱情嘅老板娘 見佢賣甜品就膽粗粗試下(以前食開啲燒雞翼 冬陰公而家都食唔倒了😭)買左一盒椰汁西米糕 好香椰汁味 白色層椰汁唔會好似其他地方咁實咁固態一個字正😍😍😍真係值得一試見佢有芒果糯米飯下次經過再試下

特登走嚟深水埗呢間姊妹龍眼泰菜，以前食泰國嘢一定係去九龍城點知一次機緣巧合聽到個朋友講深水埗有一間好正嘅泰菜，今日放假就去試吓！總之令我決定以後都嚟呢間食bk左枱坐枱坐室外，天氣涼涼地吹着自然風好舒服野食有好多樣都好好味必食嘅有薄餅、蒜蓉包、生菜包豬肉🥬、串燒雞牛豬同生蝦生蝦真係要一提，好新鮮！薄餅同蒜蓉包都係即整，仲熱辣辣架！串燒個咖哩醬係重要，我地仲問佢拎多碟醬

前幾晚在深水埗區想食泰國菜，睇過 openrice 評語到這間泰菜館試一下 。這餐廳佈置都幾精緻 及清潔程度可接受 。先叫了一支啤酒及泰國生蝦 ，生蝦汁做得唔錯及蝦肉夠大隻反好新鮮。跟住叫了一個鹹肉炒椰菜苗 及飛天通菜， 兩個菜都炒得好入味及有水準。冬蔭功 稍為覺得椰奶加得太多了， 湯裏面的蝦夠大但不太 新鮮。 再加一個豬肉生菜包， 豬肉炒得好好，生菜份量很足夠。 兩個人食五個菜足份量夠有餘了。這餐廳不錯可以稍後再來光顧多次。

老闆有禮貌，食物味道好，3樣餸菜已足夠食飽3個大人，環境乾淨企理，有室外和室內座位方便客人，只是位置不太顯和隔壁有間好出名的食小菜，所以平日時間好靜，最初擔心食物差，點知有驚喜，下次有機會一定再來。

朋友同我慶祝生日，求其搵間泰國菜諗住食物一般👉🏼👈🏻但點知幾好味，想坐Outdoor 但外邊沒有位，但裏便環境都好舒服好闊落，食物好味，尤其佢個馬拉盞炒通菜，同炸皮蛋👍🏼夠特別。招呼服務一流夠熱情🤗值得去嘅泰國菜店👍🏼👍🏼下次我也會同朋友再光臨。

朋友介紹呢間，第一個賣點係有outdoor 坐，聽到已經覺得正！食物質素唔差，但唔算平，生蝦要$98，好似偏貴少少，但堅係大大隻又爽口既，所以都算值得食！炒通菜少少辣、好惹味！又大份！唔錯👍🏼唯一缺點係佢飲品無得叫少甜，對我呢d慣性少甜/走甜既人黎講就甜左少少。

食泰國菜一定係食炒椰苗，但係今日咁啱佢冇椰苗，於是我哋就揀咗個炒通菜，嘩，估唔到呢個通菜非常惹味，第一係佢夠嫩，第二係小小嘅辣椒絲配上佢嘅香蝦醬， 比起食開香港既好唔同，冇咁喊但係好惹味!串燒點嘅醬好香花生味，正!泰式海鮮炒米粉，米粉非常入味， 蝦既分量都足夠我哋四個人食 ，加埋側邊嘅花生同埋辣椒粉，成碟一分鐘都唔使畀大家搶哂嚟食呢個椰子雞湯好好味，其實大至同冬陰公既味一樣，佢冇冬陰公咁辣，多咗椰汁味同雞味，仍好有泰國風味，唔食辣嘅人可以叫呢個。呢個燒魷魚如果加啲蜜糖上去就更加好!椰汁同珍多冰有著好香濃嘅椰子味，冰涼又甜，最啱食泰國菜飲!

有時行經過見到呢間見佢又有得坐出面又有串燒好似幾chill就終於有一日放工有機會試到，一入到去店員都無咩點理我地，過左陣我地叫落單先行過黎拎水比我地，落單時同店員有少少溝通唔到==佢好似唔係幾聽得明本身幾期待架，一試個冬蔭功已經覺得茄膏味好重無咩椰奶味，酸多過辣~~燒豬頸肉就可能燒得耐左D搞到D肉好老，炒韭菜就炒得太甜，完全唔似泰國菜，好失望！！沒有下次了

成日經過呢間泰國菜 見到佢有outside 都好想試下佢好吾好食 大約8點去到 我地係第一枱客人 可能係平日既關係、 可能由於我地一去到就坐係outside到 所以里面個樓面個姐姐吾知過左幾多分鐘先知我地坐低左好！入正題第1樣上既係椰汁冰 味道吾錯 吾太甜 但下次會叫少冰 飲幾啖都冇哂第2樣 飛天通菜 味道係吾錯 微微辣 加左啲木耳炒 幾match 可惜既係 吾知係咪通菜吾係當造季節 好老 但味道搭救 第3樣 當然係必點既生蝦 老實講 食過附近幾間 都吾及佢 雖然吾平 但又大隻又新鮮 第4樣 串燒 ～雞翼 吾好睇佢燶燶地 嘩！好食 味道吾錯 絕對可以 encore 第5樣 生菜包 唔……冇乜特別 不過不失 最後 本身叫左碟 泰式辣炒粉絲 但佢上左碟金邊粉 咁我就問返個姐姐 佢走黎同我講 係丫係粉絲 粉絲係下面 遮住左…… 我再問多佢一次 呢隻係粉絲？？ 因為我都驚係咪自己搞錯……跟住佢就拎住碟野話入去問問出返黎就同我地講 話今日冇粉絲 所以炒左金邊粉其實我真係無言了……我吾知道係邊個既問題啦 但嗰刻既感覺真係非常之吾好 最後我堅持吾要 因為我地真係吾食金邊粉 同冇會覺得

尋晚入完屯門今日都係留返喺屋企附近食經過呢間泰國菜好多次終於記得嚟試下😅😅首先係炸蝦餅呢個幾有驚喜！新鮮炸起，熱辣辣，又唔會好油而且唔會女似食粉咁值得一試！炒雜菜雖然無乜期望但咁樣，又好似頹咗啲😕羊架味道幾女，但略嫌細隻啲🤔普普通通鐵板蠔仔煎蛋嗞嗞嗞~~好香呀！蠔仔大大粒，加埋煎蛋真係好正如果蛋煎到脆邊就更好啦！冬蔭公烏頭好好味，湯夠味夠辣魚都幾大條下飲埋湯堅飽！加2支泰啤，埋單540幾，合理！

2016-10-04姊妹龍眼泰菜******************小編超喜歡食泰國同越南嘢，今日就嚟咗試呢間姊妹龍眼泰菜。一入到去坐低，又焗又熱，以為佢冇裝冷氣，抬頭一望先知原來有。跟住小編點咗泰菜必選嘅青木瓜沙律、冬蔭公、飛天通菜、蝦醬炒飯、蠔仔煎蛋同一杯龍眼冰。先剛剛落完單，就聽到隔離枱話等咗50分鐘，一樣嘢都未上過枱，就開始好擔心。店員解釋因為只得一個爐，所以出菜比較慢。但小編觀察到，廚房偏向出晒一枱嘅嘢先開始整另一枱，而唔係同一樣嘢一次過煮，加上另一枱又叫咗好多嘢，所以就搞咗好耐。*******************講番食物, 蠔仔煎蛋, D蠔仔算好大隻, 而且幾多, 但食得呢個你遇左多油。而飛天通菜唔算好多油 (對比起大排檔果D), 而且加左少少木耳, 味道偏辣。冬蔭公湯一個細既已經大概有3-4碗,椰漿味偏重左D, 飲落感覺比較厚。蝦膏炒飯, 足料, 香味一般, 唯獨兩隻蝦冇乜味。青木瓜沙律係重點, 一上枱見冇乜色水, 食一啖又冇乜味, 就決定外賣番屋企。雪到第二日, 本來乾爭爭既青木瓜沙律出左水, 加埋原本既調味, 入左味, 變成左一個比新鮮做出來仲好味既青木瓜沙律。但

話說細佬我做完個intern之後，就去左做中期人口啦，每日都會係深水埗，以下幾篇食評都會關於深水埗的。 最近天氣超熱，我地都想食少少酸酸辣辣既菜餚，就係附近搵左呢間食。 首先，冬陰公湯配料有唔少海鮮，好似魷魚，海蝦，味道都叫做鮮甜，湯底味道就偏向酸酸甜甜，稍稍缺少了一種辣味。其次，我地叫左生菜包，肉涵味道偏辣，而且多油，一定要用生菜夾埋黎食，否則味道就過激，一定要連埋生菜味道先中和得到。 另外，炸蝦餅絕對係必推之選，外脆內滑，係我地狂食之選⊙ω⊙最後，佢地會送個生菜糕做甜品，味道鮮甜又可以解辣 正

啲燒烤真係無得頂，烤羊架同燒雞翼好難得咁又香又滑，估唔到鋪仔細細都幾多驚喜老板又好好人，食後又有甜品送相對附近嘅泰式餐廳，價錢便差唔多一半，仲有荷葉包雞，正呀！