妹記大排檔

营业中

休息中

同事嚟咗香港都有段時間，但仲未有機會見識戰鬥碗😳😳所以決定2個人都照去！食飽飽再去night market!.除咗冇傳統大排檔個種熱辣辣的感覺，基本上其他擺設都同大排檔冇乜分別！好彩我地早咗少少到，如果唔係應該要等幾耐🫢.要有戰鬥碗，梗係要叫返枝啤酒🤣.蠔餅，唔太油膩但粉漿唔厚！有少少脆口的感覺，而且好足料！每一啖都有蠔仔！.鬼馬油炸鬼，外脆內軟！入面的墨魚膠都幾彈牙！.最後加多碟馬拉盞通菜🤣🤣

🥢 魚香茄子煲🍆 💰$62🥢 菠蘿生炒骨🍍 💰$62🥤 凍飲+$4味道正常，份量算多，飯偏硬如果想選擇價錢更平，其實有💰$48-52揀雖然係碟頭飯，但真心好大碟🍚店舖地理位置好方便一出尖沙咀地鐵站🚇行一分鐘就到入面環境都好夠大1pm就會坐滿🈵

同舊同事及行家聚餐, 交換情報次之, 最緊要是大家可以吹吹水, 談天說地, 說一下老細和公司的事情, 抒發一下壓力. 尖沙咀妹記我們其中一個最常去的聚腳點, 食物質素次之, 位置最緊要方便之餘, 也不太會擔心隔牆有耳, 更為相對平民. 年輕的行家朋友問起大排檔是否這個模樣, 不禁有點唏噓,畢竟他們活在的是除了沒有冷氣就生存不了, 也是街頭美食及文化被打壓的時代, 不知道大排檔吃的時候應該是汗流浹背才有Feel, 也是情有可原的.大排檔小食就是簡單, 直接而有鑊氣, 豉椒鵝腸濃味爽彈, 縮水度不高, 豉椒香味密出. 炸墨魚嘴略嫌亁了一點, 炸皮厚了一點, 但作為佐酒小食, 其脆度再加上辣椒, 絕對ok! 至於蠔仔粥和沙嗲牛肉煲, 味道和口感不太生有特別, 就是在飲酒之前有些碳水化合物填飽肚子, 比什麼千杯不醉的秘笈更正接和有用.

三號風球下的大排檔晚餐，到妹記大排檔，位於尖沙咀金馬倫道5號太興廣場3樓。原來尖沙咀都有大排檔，店內樓底比較低，所以都幾嘈吵，但大排檔就是這樣的風味吧！ 點了大約有九至十個菜式， 每款都平均水準， 味道不過不失， 而我最喜歡就是魚腸蒸蛋， 食到鮮味和蛋香，已經唔係好多地方有得食。 菜式選擇多，可以一試😊。 🏷️溫馨提示～ 整個用餐體驗均屬個人分享意見， 只作參考😊。     妹記大排檔地址: 尖沙咀金馬倫道5號太興廣場3樓

即興同朋友食飯，中午才打去book位，食晚上七點，去到已經大排長龍滿滿的人，3個人食，叫左3個餸再加多個鴛鴦炒飯，一支啤酒，3個餸份量都好小，食完番到樓下就已經肚餓了🙈，真大獲😂🤣，價錢偏貴，不過個戰鬥碗又幾盞鬼😏

呢間嘢可一不可再，7點入坐，入坐前餐廳講明1.5hr用餐時間，3個人4碟餸+大支啤，未到8點見我哋食得7788，就走埋嚟一路收餐具一路問：仲食唔食，留意返餸都未食哂就話收我哋嘢，朋友同佢講未食完，佢照收走咗，之後淨係拎返對未用筷子俾我哋，食物真係見仁見智，完全冇鍋氣，同勁油，食完勁口渴。

好耐都冇嚟尖沙咀食呢一間妹記大排檔佢原來而家個地址已經搬咗，呢一間大排檔有好多唔同嘅菜式，我同朋友之前聚餐，非常鍾意來食，餐廳飲啤酒嘅時候，亦都會提供出名嘅戰鬥碗！非常有特色，可以用個碗飲啤酒非常搞笑 今日就叫咗幾個唔同嘅小炒，有我最鍾意嘅黃金炸魚皮，係鹹蛋黃醬，再加魚皮，即叫即炸脆卜卜非常好食，而且熱辣辣 另外叫咗炸大腸，炸大腸洗得非常乾淨，食落去絕對唔會有異味，呢個位非常值得加分，另外蠔餅亦都即叫即做，非常鍾意蠔餅嘅口感！有機會一定會再返嚟，美中不足嘅係佢有少少時間限制，食得有少少趕，如果食得慢嘅朋友要留意一下

每去到某個年紀嘅時候，就會想當年認起細細個嘅時候爸爸媽媽帶自己食大排檔諗起d 野食好道地，有獲氣但而家d屋村都唔係度度都有大排檔喇咁岩朋友介紹話食大排檔，梗係join 啦帶到去原來係新式大排檔黎有冷氣唔錯呀估你唔到係，地方都係好乾淨，呢點大讚既野食都有普通水準，d 餐具碟都乾乾淨淨咁既最特色係用戰鬥碗黎飲酒，ok 啊！ 女仔都好岩黎食！

Mui Kee was a place we used to go to with a group of friends. It was inexpensive and it was like  dai pai dong but with air conditioning! But times change and we moved on. And so did Mui Kee to this present location. Boyfriend and I walked by it for lunch and thought .... why not revisit it again?We had never been here for lunch but apparently they have lunch sets under $100 that come with a drink and the daily soup. Menu is in Chinese only. There is no 10% service charge and you pay on your way

早兩晚買完野 附近啲舖頭又閂晒 記得佢應該冇咁早收 就上去食少少嘢啦10:50去到 佢話11點截單 11:30閂門咁OK啦，就坐低叫咗個魚香茄子煲同京都骨咁以前食過都唔差嘅 食物都保持到水準 上菜速度都好快 點知食到11:15左右就開始嚟料有個男侍應行埋嚟 用普通話同我講「還有5分鐘 要下班」我望住佢心諗 你乜料咁其實我都好快手 嗱嗱臨食完 諗住都唔好阻人收工 點知另一個阿姐又收餐牌又呢樣果樣我食完擺低對筷子 個男侍應又想收晒我啲碗碟 我黑住面同佢講未食完呀去到11:20幾條友棟晒喺度睇住我食 監躉啊而家其實你唔催我食完都好快走啦，咁樣做生意真係冇下次 最嬲係用普通話同我講嘢 痴線

星期六勁大雨，仲要紅雨警告，就揀咗一間位置近地鐵站嘅大排檔試吓第一次食樓上舖嘅大排檔，環境舒服，人流亦多環境也算闊落，每枱座位也不算太逼夾座位也有櫈背，坐得都尚算舒適顧住同好耐冇眼嘅朋友聊天，很多相都忘記影低，只記得食物照一定要影🤣🤣5個人嚟食，我哋大概叫咗7樣菜式分別有脆皮炸大腸、椒鹽豆腐、金沙魚皮、鬼馬油炸鬼、沙爹粉絲牛肉煲、豉油皇銀芽炒麵，蠔仔煎餅金沙魚皮超級多咸蛋黃，魚皮又夠脆身，超吸引香濃可口，重口味之選好邪惡鬼馬油炸鬼佢唔係普通嘅油炸鬼，佢裏面釀了花枝丸的材料進去，外層炸得非常酥脆金黃，裏面是丸類的微彈口感，配上酸甜醬食，層次更豐富且冇咁油膩椒鹽豆腐呢個係自己最喜愛食嘅小菜之一，椒鹽嘅鹹香加上金磚豆腐炸得香脆嘅外層，豆腐非常滑嫩熱辣辣非常惹味蠔仔煎餅也叫蠔餅，炸得非常之乾身，份量亦十足咬落也酥脆不會太油，配上魚露一齊食更加提鮮豉油皇炒麵麵炒得乾身唔會油淋淋，調味亦不會過鹹有椰菜，芽菜增加爽脆口感屬於正常水準沙爹粉絲牛肉煲果然沙爹係同牛肉是最佳拍擋，肉的份量不少粉絲吸了沙爹汁的精華，沙爹味道如果再重些，相信會更美味另外也有青椒黃椒芽菜等配料，減少油膩感脆皮炸大腸外層的確夠脆口

多人食大排檔真係好開心💛妹記搬咗新舖後我真係覺得食物質素同環境質素都提升左好多即使只係飛天炒通菜都覺得好好食😂😂因為之前舊鋪嘅時候覺得質素一般但係而家的確改善咗每人百幾蚊已經可以飲埋啤酒食得好開心又扺食💛絕對係朋友聚會之選上菜嘅速度亦都好快選擇嘅款式實在太多下次會再返兜試吓其他😝🙌🏻

今日一行5人，揀左位於尖沙咀既妹記大排檔，估唔到平日都滿座。如果有訂位既就不限時離座。 我地總共叫左6樣餸菜。 👉🏻飛天通菜煲：調味剛好，不太咸或辣，有鑊氣👉🏻薯仔牛柳粒：牛柳粒肉質淋軟，口感佳👉🏻金沙蝦球：酸酸甜甜，唔會太多炸粉👉🏻豉椒炒蜆：蜆好大隻兼冇沙，炒得好好食👉🏻煎蠔餅：蠔既份量唔少，好足料，炸得好脆口👉🏻炸大腸：外皮炸得好酥脆 連埋4個白飯，最後埋單$7xx。總括黎講，妹記大排檔性價比都算高，係一家值得推薦既餐廳。如果你想品嚐大排檔既美食，不妨黎呢到一試。

星期六去尖沙咀搵食，都估計會好難搵位。朋友話想食中菜啦，搵搵搵，緊係食啲大排檔野啦！去到，7點多，而家見到好多人排緊隊，心諗，冇半個鐘都搞唔掂！由於我兩個人啦，大概等左10-15分鐘，好快手就到我啦！入到去睇下食咩好，見到咁大頁講 鬼馬油炸鬼即點啦！鬼馬油炸鬼 $98鬼馬油炸鬼，一共有 舊，連埋甜酸汁。食落去，外脆內軟，內面釀左好豐厚嘅墨魚滑。啲墨魚滑食落去好似芋頭蓉咁樣，好易咬呀。配埋外面嘅脆漿，一開始好好味，加埋啲甜酸汁，會令到你覺得冇咁肥膩。但食左好幾舊，覺得澱粉質好重，越食越飽，最後冇叫到飯食！另外，見到人食尖椒，好似好正 立即點左豉蒜虎皮尖椒 $75一碟都係尖椒，仲加埋啲豆豉、蒜頭🧄去炒，送過黎已經好香！食落去，嘩，好有鑊氣，啲尖椒好爽，淡淡都係豆豉味，好岩配飯，飲啤酒食。推介呀👍👍👍👍👍咸魚炒通菜煲 好多菜莖呀，原來啲菜葉係晒底。食落去咸香味都有啲啲嘅，但唔太濃郁。正正常常嘅菜味，一般水平啦！

食物質數差.. 尤其最出名的「鬼馬油炸鬼」..極度懷疑返炸，再返炸..難食到一個點..另外點左外下食物豉椒炒蟶子（差）沙拉蝦球 （可以..只因為個沙律醬..）椒鹽鮮魷 （差）沙嗲肥牛粉絲煲 （一般）馬拉盞通菜 （全部餸最似大排檔水準的一碟）食物質素差不在講…服務員態度咁更差..不斷進行趕客..最後個女服務員仲要突然用個板遮住我哋其中一個朋友…佢仲話係咁架..我地要擺枱…因當時還有其他客人進食中…真係唔知佢攪咩事….最後就係免費再叫我去都唔會再去😡😡