妙法齋 (已結業)

當天因為要帶一班去土瓜灣一間老人院做義工探訪 , 完結後到附近食野和檢討 , 之前我已上網在 openrice 找地方食野 , 終於決定試呢間素食館 因為是下午茶時間 , 不太多人 , 我們一行 8 人點了一些下午茶餐 ,這店似乎是很傳統的素菜館 , 所有食物都不會加蛋 ( 有些素食館是會加蛋炒飯的 )我們分別點了 6 樣野食 : 兩碟灼菜 , 一碟松子什錦炒飯 , 羅漢齋炒麵 , 紅燒豆腐 , 雀巢海中寶 ( 海鮮 )其中雀巢海中寶做得好靚 , 增加食慾 , 好快就俾人掃清 松子什錦炒飯味道清淡 , 適合追求健康我們 ,店員的態度亦不錯 , 我見到他們招呼客人都很快手 , 餸菜亦不用等很久 , 縱使後來全店滿座 留意此店面積並不很大 , 因此大枱不多 , 如果一班人來就要早些來取枱喇 ~下次再來呢頭都一定會再來

最鐘意週圍食嘅我,近呢半年愛上食素,但總未找到啱口味,哈哈...啱啱嘅星期日,看完open rice 介紹妙法齋,結果一同四行走了去試,咦....果然OK 喎,當時order 了小食,甜酸素(小),主菜:咕嚕雞球/炸芋卷/梅菜扣肉/羅漢齋,仲叫左個粟米蛋花湯,每樣餸味道都唔錯,最正梅菜扣肉,妨去試,good good good

呢間齋鋪的食物一向不錯,以前都不時光顧其任叫任食自助餐。但因近年來生意好左及素食漸受歡迎後,個任叫任食自助餐就加到$7x(另加一服務費)。光顧非自助餐的人客多左,所以老板娘對於d光顧自助餐的客人的待遇差好多。席間, 時時遲/不太願落單,但就對非自助餐客特別優待,即叫即有似的....真是等得把鬼火!!!明明有的食物,卻又推說無,但非自助餐客就可享用...過份!你打開門做生意,又加左價, 收到成$80就好應該有番d好的服務態度啦,點可以咁不平等地對待光顧你的客人ga?!食物雖然美味, 可惜服務態度不太好,奉勸各位想光顧妙法齋前真的好好想一想,費事買氣受啦...

在寫食評之前，讓我先告訴大家一個小知識吧！猜猜在日本的關東地區，最家傳户曉的素菜是甚麼？就是一道名叫「けんちん汁(Kenchinjiru)」的菜了。聽說這道菜的起源是謙倉(Kamakura)的建長寺(Kenchotera)僧侶發明的。做法是用手把豆腐撕難，再加上白蘿蔔、紅蘿蔔、牛蒡等蔬菜，用昆布湯來煮製。雖然沒有半點肉類，但味道十分清甜，對於缺乏食物纖維的現代人來說，絕對是健康的選擇！並且，如果讀者有機會到謙倉一遊時，不防到一間叫謙倉五山(Kamakuragozan)的店子，它是以「けんちん汁」為招牌菜的。還是回到正題去吧！由于我媽媽是信奉觀音的人，所以每月的初一及十五都是吃素日。昨天，姊妹及母親一行四人因為不想煮的關係，便決定到外邊的素菜館子去吃飯了！店的面積並不大，而且放的都是大桌子，所以一進店就被安排跟其他人共用，實在很不習慣。而因為我妹妹是套餐之后，根據她的提議我們點了一個３人套餐(＄138)和一客枝竹羊腩煲(＄48)。首先打頭陣的是雞絲金菇素翅。味道比真翅淡一點，但仍然不錯。靈芝菇鱈魚扒時蔬，不論賣相、口感及味道都跟普通的炸魚塊豪無分別，實在很叫人感動。為了滿足肉食獸的妹妹，

素來不愛甜點,去到齋舖也如是,所有點心全部都要咸點.每件盛惠$2.5揀夠四件剛好齊頭$10,阿姐揀多兩件啦,都係收你$10)咸點得五樣,實有一樣重複,好,就吃多件素粉果吧.五管齊下,味道得一樣,好假.)糯米包餡料近乎零,花生都係得一粒半粒.兩件粉果一味咸,外皮如塑料.蘿蔔糕味道近乎無味,口感很散.最後的齋燒賣,吃下味如午餐肉?連個texture都似足九成九.恕我真的未能食素,善哉善哉.

5.1.2007 (Fri)今日我係度食lunch，主要係食齋心。我兩個人叫鮑絲金菰粥($13)、素蝦腸粉($10.5)、蘿蔔糕($7)、馬拉糕($7) & 蛋撻($7)。樣樣都好味，尤其係個粥同腸粉，碗粥好綿，腸粉裡面蝦好似真，好有口感，一都唔似粉團。唯一係個蛋撻嘛嘛，撻皮唔夠脆，而且已經凍。舖頭員工服務都過得去，而且價錢中肯，都食得過。

哩度d酸辣魚翅好好味~!!好食過肉既魚翅多多聲!!<br />雖然環境一般,但勝在美食搭救!!<br />炸禾虫好好味~!!!<br />仲有鐵板燒鰻魚好野味~<br />又平又抵食~值得推介!!!

客飯套餐:粟米花生眉豆湯- OK啦! 冇咩特別, 咪又係例湯碗.八珍豆腐配白飯- 唔錯! 當中的素午餐肉幾特別, 口感和味道同真既午餐肉差唔多.另加齋鹵味- 好唔掂! 好似擺左好耐, 又硬, 好唔新鮮.

每位$68,3人行只收2人價錢0既素食自助餐,有好多選擇,先來一碗酸辣湯,齋拼盤,茄旦,五柳芋塊...唔好食太多咸點, 因為要留肚食超正0既合桃糊,一口氣可以食兩大碗!!!!

今日lunch同家人係呢度食,諗住清清地,我叫左一窩粟米粥,一窩羅漢窩麵同午餐既三菇炒河:粟米粥: 好大窩,有生菜絲,草菇,雪耳都好足料,但粥底好'杰'個人唔鐘意,不過好易飽肚.羅漢窩麵: 用幼麵,不過我鐘意用粗麵,'皂'水好重,麵條好快'淋',落好多醋都無用,直頭唔想食.三菇炒河: d粉味道似乾炒牛河,用上冬菇,草菇同蘑菇,都幾好味,點知食到底,d油多到可以炒菜,唔駛咁多ar?埋單$115, 一般啦

價錢大眾化, 味道亦都唔錯, 午餐大致上都係$30上下, 好多齋菜都係即叫即煮, 最緊要的是他們不會將d齋菜煮得油淋淋, 值得一讚服務方面, 侍應對d熟客仔特別親切, 雖然我唔係其中一份子, 至於環境及杯碟則比較殘舊