好麵線 (已結業)

今日發現"好麵線"靜雞雞轉咗名叫"四方八麵",入去食再發現原來連老闆都轉埋,但食物就差唔多,但覺得比之前好咗,員工態度勁友善,仲見到好多名人,如民主黨的狄志遠,同名星黃子華來幫襯添.

基本上食物不是難食到嘔都好難得到喊樣，但此舖以麵線作招來，米線卻又少又碎，如食粉仔，已經抵比一個大喊樣!腩肉是白灼五花腩，香味不足，無甚特別; 水餃是自家製，但皮多菜多; 魚腐又是自家製，但其實唔夠魚米之家好食不如買外來貨好了，何必仲要推介人食呢!?其實都不求服務了，但基本給客人一分鐘諗食也不是很過分吧?!32蚊寧願去食有質素的車仔麵。

由於行去中央圖書館時有點肚餓, 所以諗住一試行入去, 落order後不久, 我睇住個待應, 佢抺完枱後隻手就咁攞我碗麵出來, 肯定佢隻手掂到我碗邊外, 仲掂到食物, 而且仲向住我碗面咳, 我巳經無晒胃口, 無食到就咁埋單(注: 味道我比3分係因為我無食到, 所以唔知幾分)

來這裏，是因為天寒地凍，吃麻辣米線的癮頭大發，卻又厭倦了譚仔記的擠，亂和髒。點了鴨血豆腐雞絲米線（中辣），不算辣，也足夠了，早餐不用拼命。鴨血嫩滑，香港不常吃到；豆腐也不錯，惜兩者份量太少；雞絲亦有鮮香，米線似過軟，是浸發時間太長嗎？口感未算煙韌。另有番薯粉和粉絲，番薯粉不錯，粉絲就...很港式，入口幼而硬，俗點說是嚡"，還是台/韓/日的粉絲好吃一點。羊肉串$25六串，不過原來每串份量很少，只是竹簽黏著一點肉那種，很正宗，但價錢似乎略貴。氣鍋雞嘛...有湯未見雞，不知是不是我不喜田七的味道，總覺怪怪的...有趣的是有一款洗澡麻辣泡菜，不辣，鹹鹹的帶酸味，可能是要來替麻辣的口腔來個洗澡吧。縱觀此店，乾淨整潔，湯頭鮮甜，惟木櫈有點不好坐；其餘的均尚可，可以一試。

這家店子位處培正附近, 主打米線及四川小食. 我們兩口子是街坊, 常常在這兒開飯, 一個愛吃上湯底, 一個喜歡吃酸辣底.上湯喝得出湯底熬了很久(相信是雞湯), 比譚仔的好得多! 至於酸辣則是"辣"比"酸"多, 非常惹味, 開胃最岩...麻辣則尚未有機會試...米線軟硬適中, 有口感, 原來al dente的追求不限於意粉的!可選的配料很多,我們最愛吃貢丸,羊肉和手撕雞.這兒的餐牌很用心地介紹各樣四川小食, 等上菜的時候不妨看看吧!飲品方面, 豆漿是來貨的枝裝豆漿, 味道嫌淡了點, 反而其他自家製的一般熱飲都ok丫.平心而言, 食物水準不俗, 惟店內人手在繁忙時間便見吃力, 偶然出現漏單情況, 但店員的態度很好, 環境也乾淨, 還有甚麼好抱怨的呢?對於我們這些懶人, 固然樂見有得送外賣, 只是想到他們人丁單薄, 打去叫外賣也覺得很不好意思...加油啊!

作為LUNCH真係可以一試,可能係呢個地點所以有D貴啦~唯一要鬧而且係最重要一點,D 侍應個個食左幾斤豬油,淨係識清潔張檯,係唔係都攞住條毛巾,人地叫佢點菜,佢居然叫人等陣,之後再去擦檯,幾檯人O係度嘈,O的學生得一個鐘頭食飯,最緊要快,得2個樓面,佢地仲要叻到2個一齊去送外賣!個收銀姐姐自己一個做到上氣唔接下氣.所以呢.員工請得好唔好,都會影響到D客仲去唔去食.我就唔會再去受氣,等得佢碗麵黎我都遲到左返學囉!!!