好運印尼餐廳

营业中

休息中

新一年的米芝蓮名單已經公佈了, 在星店那邊的變動是不少, 但必比登的選擇更是每年也有大更新. 看看是年的名單, 其中一家未算被大家聚焦的就是好運印尼餐廳. 見這裡近近地, 就趁工作天的午飯時間一個人走上通明街試試. 這裡環境是幾舊式的, 但尚算簡潔. 由於沒有午餐供應, 只能吃正常的散點菜色, 或者如此, 客人不算太多. 一個人, 不能吃得太多, 就要了一客飯, 再加一串沙爹.印尼黃錦飯 $45: 8分, 份量不少, 一個人吃一客黃錦飯, 其實相當足夠. 黃錦飯當然是有不少材料, 巴東牛肉的肉質不錯, 不會實實的, 帶點香辣, 是相當惹味的. 花生幾香口, 而小魚乾也帶點香脆. 蘿蔔絲質感對辦, 肉鬆用來送飯吃, 是令人忍不住吃完一口又一口的. 加上雞肉, 雞蛋, 青瓜等等, 真是一個大雜錦. 當然, 還有底下的黃薑飯, 夠乾身, 也幾香口. 這客印尼黃錦飯, 是水準之作. 沙爹雞肉 $42: 9分, 至於沙爹串燒, 只選擇了雞肉串燒, 一客六串, 賣$42. 都要等上好一陣子, 當聞到那陣炭香味的時候, 就知道快有得吃了. 這客沙爹雞肉串燒, 炭香突出, 對我這個長期要對著炭工作的人

在觀塘這個地區，有不少印尼菜館，而且風味也正宗的．要數我最喜歡的，就是這間位於鈄路上的好運．不可錯過串燒，充滿炭火香，原來真的是同炭爐，即叫即燒的．因為店子後面有個露天的地方，用炭燒出來的串燒肉質充滿水份，不會過乾．必吃！

今日係觀塘行行下,點知見到有間印尼餐廳又餓餓地就入左去入到去第一時間搵位坐底有個伯伯即刻過黎問我食咩諗左一陣就叫左炸雞飯 炸雞好滑 但係我最鐘意係果個汁 好香但係又講唔出係咩味另外叫左珍多冰同豬牛沙嗲半打((不過唔記得影相落左沙嗲既單之後等左好耐冇未上我就問老闆娘點解咁耐都冇未上,點知佢話仲燒緊我呆左一呆 心諗:吓原來係炭燒架?等左一陣沙嗲上啦!!離遠就聞都好香既炭燒味成碟串燒既精華就係個沙嗲汁珍多冰好重椰奶香 不過整體價錢有啲貴間唔中先會去一次

其實，看完前面的食評，都不有太大希望！但是，並不是想象中差的，食物也很好食！今晚食了雜錦飯，飯是一般，以為不夠食的，叫了一打沙嗲，不錯的！最推介是魚，這魚的味道有些像臭豆腐的，完全炸骨都可以食的！所以，總體來說是不錯的！

此店地點是極斜的斜路上,店內十分殘舊七時幾,店內只有三枱客,心裡冷了一下但係朋友話想吃,就試一下吧!叫了1)咖喱牛腩飯 $38 牛腩夠「淋」,但個汁像湯,而且又不辣,很古怪(2)巴東牛肉飯 $38牛肉亦夠「淋」,不錯(3)栗米餅 $38此處是煎,不星是炸,不多油,但好似是翻煎,水準一般價錢比同區的印尼餐廳貴約20%,但水準一般而且行這條斜路要付上大量體力唯一優點是不須等位,因為無人食!

放工同同事去傾野, 同事話不如去食印尼野,我第一時間係諗印尼野觀塘得兩間食得下.同事話佢帶道.一去黎到. 哦!!!!n年前食過Lunch, 都幾好食.同事推介燒雞飯.3個男人18串串燒(雞,豬,牛各半打)3碟飯. 燒雞飯x2 , 黃錦飯x1我杯珍多冰就一般.燒雞飯 d醬汁真係好野!串燒都係醬汁驘晒. (沙爹) 不過就欠缺左肉本身的鮮味.不過都好好食. 特別係豬!

埋完數, 攰到爆, 唔想返屋企又煮又洗, 就在家樓下呢間餐廳解決. 每次經過, 都唔係好多人, 但好多時係一家大細. 黃色的燈光, 印尼風味的擺設, 加上七十年代的裝修, 好似離開左香港咁.叫了牛肉卷及黃錦飯. 以蛋製成皮, 卷著牛肉切片, 味道不是很濃烈, 很容易入口. 至於黃錦飯則材料豐富, 有雞肉, 牛肉, 半隻蛋, 肉鬆, 辣椒及幾種不知名的菜. 黃色的飯好爽口, 無多餘的汁, 不會被浸林. 辣與不辣, 只在乎撈唔撈辣椒.下次會試下蝦片及湯麵.

今日同朋友冒雨黎搵野食黎到好運 , 見冇乜人就產入去喇 !嗌左個 雜錦飯 ($ 35)同埋個 龍東十五夜 ($ 40)我個人就喜歡吃雜錦飯龍東十五夜就椰汁味較重同埋都有d 濟食得多十五夜就係d飯卷雜錦飯 就係有d菜 雞肉, 牛肉 ,雞蛋臨走仲買左2隻糕點打包 $ 7/@

26May2007 1426小弟都係第1次食印尼菜，今日要搵的食店搵唔到，行下行下有間印尼食店，又唔係咁多人，便入去試下。點了一道幾特別的食物，便是龍東十五夜(lontong capgome)，裡面有鹹菜片、牛肉粒、細細條不知名的豆等等，然後配上用飯搓成的飯團條再切片，很有糯米的質感，望落對我來說極不討好，食落又唔係咁差，不是人間美食，也叫做接受兼食得落。所以笑臉有個，但願下次再試多的不同類型的地道印尼菜。

即興想吃印尼菜，於是在搜尋器當中選了這家同區的。此店關門時間是晚上九時（九時半？！）左右。和朋友各自各抵達此店，發現無論由觀塘工業區或某公屋村抄小路過去都一樣遠，還要走一段斜路才到，感覺好無言。此店大概是做街坊生意，要不就做學生生意，否則地點的優勢是零。時間是晚上八時，四人同行。卡位有點窄，四人同坐不建議。另有住家式木枱可選擇，如果人客不多的話可以一坐。格局很住家，晚市不會太吵，還有柔和的英語流行曲作背景音樂。老板娘（？）態度親切，不厭其煩地為我們解析餐牌上的地道名詞；侍應的服務亦算中上。觀察過餐牌，發現碟頭飯價錢約為四十以下，小菜五十元一碟值不值得就因人而異。最後四十都點了碟頭飯，分別是咖喱雞飯，咖喱牛腩飯（轉黃薑飯底），印尼黃錦飯和酸辣雞（？）飯。咖喱雖不算是很上等的貨色，但香而不辣，就本人而言已經覺得很難得。黃薑飯沒預想中的油膩，值得一讚；可是飯身較硬，這點倒要留意。吃印尼黃錦飯的那位仁兄沒有任何評語，以肉眼觀察，這碟飯的分量算是頗大。酸辣雞方面亦沒有任何評語，然而吃這一碟的小姐在那邊是常客，感覺上應該不會煮得差吧，否則不會再吃啦。這兒是沒有套餐的，所以飯和飲品要分開點。飲品如紅

琴晚約左朋友仔食飯但佢因為工作遲到見佢為公事饒恕佢等到八點先食飯餓到我胃痛叫左印尼黃錦飯($35),加多加多($25),半打羊肉串燒($33),巴東牛肉飯($32)同凍檸茶($15)印尼黃錦飯～即係黃薑飯,配料有巴東牛肉,椰絲雞粒,炸雞,魚仔,花生,雞蛋同唔知咩醃菜,巴東牛肉淋但好辣;椰絲炸過好乾,雞粒同炸雞全部炸過好乾,連對食無乜要求既朋友仔都話太乾好難食;花生淋左唔脆口;反而個醃菜係最好食加多加多～個汁好香花生同椰味,料有白豆,菜,豆芽,豆腐泡,蛋,青瓜同蝦片,最好味係呢個,豆腐泡出奇地有口感又唔油,推介羊肉串燒～羊肉串燒應該唔係燒既,全靠個汁野味取勝,肉都叫唔韌,ok啦巴東牛肉飯～comment過唔重覆凍檸茶～嘩,叫左佢少甜,甜到飲左一啖即刻想嘔,茶味又啖,一定唔好叫全部食物一早整定由落單至上檯唔駛三分鐘地點唔方便食物又唔係出色八點都只係得三四檯有d擔心佢仲做唔做得住一定無下次觀塘有好多其他更好既選擇囉!!

之前聽朋友講過呢一間印尼餐廳食物都幾正宗，又好味，所以就算交通唔係好方便，都要嚟一嚟試試。今次一行二人，叫了幾款菜式，而最好味的莫過羊肉沙嗲同埋十五夜（圖左上角的兩碟）。曾經去過唔同的印尼餐廳試過羊肉沙嗲（即係串燒），有的羊肉本身又硬又凍，再加上非常普通而又冰凍花生醬（有幾間分店嘅年份印尼餐廳）；有另一間不錯，但水準不穩定而且沙嗲汁欠缺特色。而呢一間，印尼廚師將肉串放上烤爐上，未食肉香就已經由廚房傳出。出來的串燒夠哂火喉，又新鮮又夠熱，配上辣辣地沙嗲醬，有濃沃花生醬香味，淨係個醬汁用送其他餸都已經好好味～！十五夜是由圓形飯團、豆角、牛肉、雞蛋，配上特色醬汁充滿椰汁香味。右下角的是巴東牛肉飯，不過不失，都幾辣吓，唔吃得辣的朋友就唔好叫喇！

星期六晚一行五人去到依間餐廳食野,以前細個個時成日去架!七點度去到都唔係咁多人,可能係仲早掛!!叫左黃薑什錦飯($36--如冇記錯)---有幾樣配菜,有牛,魚仔花生,青瓜,等.. 好食,我最鐘意食架咖喱牛肉---好食,但辣左小小串燒一打$60左右(半打豬肉和半打雞肉)----好食,點多D醬仲好食加多加多(係印尼沙律黎架!D醬有D似花生味既,有菜,豆卜,雞蛋,蝦片)--好食炒貴刁---本來以為一般啦!!但出奇咁好食!!炒得幾好十五夜飯---唔好食,好似D飯團撈汁咁!!梭多雞肉---幾好!依度食飯就冇乜環境可言架啦!食完就走,但係官塘又想食下特別D既食物,依間都係不錯既選擇.價錢方面,都OK啦!太概四十蚊到一個餸...

以前讀中學時經常幫襯呢間！覺得印尼炒麵同加多加多最正！好惹味又夠鑊氣，而且價錢唔貴！絕對值得推介！

四個，埋單一百五十二蚊，不過就唔收加一。四個分別係粟米餅、黃薑飯、印尼燒雞同埋印尼炒米。個粟米餅麻麻地，淡茂茂，比起其他印尼餐廳差好遠；個黃薑飯係餐間餐館所推薦，都係覺得麻麻地；印尼燒雞個賣相好差，黑咁！但係食落好好食，仲啖啖肉添！個印尼炒米最好食，同貴刁差唔多，但係冇星洲炒米咁鬼辣。總講，過得去啦！不過貴咁多，但貴得份量都幾足夠。