影片
呢间茶餐厅D食物不嬲都系好足料，好大碟😛😛价钱正常，唔太贵。仲有好多款式既食物拣。无论早餐，常餐，下午茶，以及小菜我都食过😹正😹今晚叫左酱爆鲜鱿煲，D鱿鱼大大块，又好多片😋😋配埋辣椒酱，正。再叫多个黑椒腰果西芹炒牛柳粒，牛柳好淋，份量几多的，腰果麻麻，唔脆口，是淋身的。不过整体上都好惹味。😁😁😁😁有两碗中汤，饮品和白饭。埋单14x蚊左右。😬😬仲有呢到D员工叔叔都好好人呀😀😀
继续阅读
以前都有帮衬开既茶餐厅，今日真系变太多之前无呢个九大声既员工，今日有，而且怀疑是老板之一入到铺，找位置坐，有个四眼男叫我坐圆枱。最后我要求坐卡位成功。问佢厕所系边，佢就话：自己行入去入面丫...当然系自己行啦！跟住我就点餐，餐牌中的猪柳汉堡拼薯条沙律，上枱时惊觉是汉堡排，我便问一问呢位哥仔...佢好大声好理所当然咁答我，呢个咪汉堡啰，咩呀，你呢个沙律餐来wor下，无包唔紧要，最多下次叫第二样，但本人一直以为汉堡不等于汉堡排的。呢个哥仔在餐厅内不停讲粗口，如想找个不受气食野既地方就真系唔好去呢间喇
继续阅读
今次已经系近期第三次帮衬，每次去深水埗都好挣扎，因为深水埗实在有太多又平又好食既地道野，但系呢间茶餐厅我实在系印象深刻，因为位置超近地铁站出口，行几步就到，而且环境比起一般茶餐厅舒服卫生，唔会有湿立立同笠痴痴既感觉，而且坐位好阔落坐得好舒服，野食选择好多而且有质素份量又多，见到都开心！而且我真系念念不忘佢既热奶茶，奶味浓郁又有茶味，又够幼滑，唔系好多地方做到！男朋友觉得炸脾同薯条最好食都系茶餐厅既，我又好中意食茶餐厅沙律，所以我地好疯狂咁两个人食左三个餐，饱到晚饭都唔太食得落摆到满哂，真系大件夹抵食嫁，而且无乜油腻既感觉，炸得好干身，当堂觉得无咁唔健康，但又有肉汁，好劲回锅肉炒公仔面，好多肉好多荀好多芽菜同韮菜，而且又系唔太油同好干身👍🏻瑞士汁鸡翼炒乌冬，又系乜都好多，虽然我中意食焖鸡翼多过炸鸡翼，但整体都好好食，食完真心觉得唔洗比咁贵去太平馆
继续阅读
无啦啦劲想食焗猪排饭。。 系深水埗周围睇。。都无咩心水。。最后男朋友话求其是但一间。。 最后入左好运阁。。 本来无咩期望。。不过真系意想不到。。 叫左个焗駌鸯排饭。。热奶茶。。 同埋焗海虾伊面。。冻柠茶。。本来以为系鸡排同猪排。。点知系猪排同牛排。。超开心。。 上面铺面ge芝士唔算多。。亦都唔会太少。。 排又唔会用得太多肉松粉。。 唔会太“林”。。 热奶茶就仲正。。 饮左半杯先见到佢系用某只牌子茶叶冲。。 所以好好饮。。 个海虾伊面又系好好味。。有几可茶餐厅系比成4-5只虾。。 仲要只只都好大只。。 食落唔似雪藏虾。。 个冲又系唔太多唔太少。。 反而杯冻柠茶麻麻地。。 食左一半先醒起影相。。 同埋食完。。我地两个都话可以再帮衬。。 正呀。。
继续阅读
平安夜去咗深水埗附近一间茶记医肚。点咗碟鼓油皇鸡丝抄面连冻奶茶。送中汤都系$44。等咗约15分钟先有等食。先黎个中汤，系西洋菜汤。但中汤好够火喉。好入味。之后食碟鼓油皇鸡丝抄面，个鼓油味恰到好处。鸡丝好嫩，混入鼓油味，好正。加上个抄面好弹牙。但系杯冻茶因为放太多冰块，最终冲淡咗杯奶茶原味。价钱公道。
继续阅读