好燒式串燒專門店 (大南街)

营业中

休息中

早排同班友去咗太子一間人氣串燒店食串燒，果然唔失望！重點係佢營業到凌晨2點，啱晒宵夜時段，夜鬼嘅福音！食物質素真係有驚喜，先講海鮮類，煙肉燒蠔用煙肉包住肥蠔，燒完煙肉香脆，蠔嫩滑多汁，鹹香撲鼻，食完好滿足。蒜蓉燒蠔蒜香濃郁，蒜粒燒到金黃，配蠔嘅鮮味，簡單但惹味。什菌燒蠔就多咗份菇類嘅清香，幾款菇混搭，口感豐富又有咬口。白汁芝士燒蠔係芝士控必試，濃郁白汁同芝士熔喺蠔上，香滑得黎唔膩，飽感十足。小食有泰式炸蝦餅（4件），外脆內軟，蝦味好濃，帶點泰式香料嘅微辣，4件份量啱啱好，食完唔會太滯。肉類就試咗安格斯牛肋串，肉質嫩滑多汁，燒到微焦，牛香四溢，咬落有肉汁爆出，好正！西班牙黑毛豬肋串油脂豐富，肉味濃郁，燒完外皮脆口，內裏軟嫩，超香。鹽燒牛舌心厚切得來唔硬，咬落彈牙又有嚼勁，簡單鹽調味突出牛舌嘅鮮味。雞中翼燒得皮脆肉嫩，油脂同瘦肉平衡，食幾件都唔膩。雞軟骨卡，夠晒脆口，調味夠惹味，好啱送啤酒。豬頸肉串肉質結實但唔柴，燒到表面微焦，肉汁鎖得好，飽肚又過癮。煙肉露筍卷係驚喜，煙肉鹹香同露筍清甜好夾，燒完露筍仲keep到爽脆。**豬仔髀（兩支骨）**份量多，肉嫩多汁，骨邊嘅肉燒得香口，食完兩支真係

今次我地嚟到太子嘅一間串燒店 地鐵站c出口步行3分鐘 呢間鋪營業至零晨2點！其實佢就喺旺角睿景酒店前面蒜蓉燒扇貝新鮮多汁，蒜蓉的香氣充分浸入其中，增添了豐富的風味。外層微微焦香。陰公豬這道菜的陰公豬肉質鮮嫩，搭配獨特的調味，使每一口都充滿了濃郁的香氣。肉質油而不膩，口感豐富，搭配小菜更是絕佳，讓人一口接一口，欲罷不能。泡菜肥牛卷肥與泡菜的酸辣完美結合，讓這道菜既有肉的滋味，又有泡菜的爽口。安格斯牛肋串安格斯牛肋的肉質厚實且鮮嫩。鹽燒牛舌串牛舌的嚼勁十足，鹽燒的方式保留了肉的原汁原味，簡單卻不失美味。雞中翼這道雞中翼外脆內嫩，醬汁入味，十分可口。雞軟骨雞軟骨的口感獨特，外酥內嫩，嚼起來彈牙十足，搭配調味醬料後更加美味。佢哋嘅招牌燒牛小排絕對係非常出色，嫩滑而且好牛味好燒式串燒專門店 (大南街) (太子)太子大南街32-34號地舖

近排都鍾意夜晚去戲院睇返場戲 今晚睇完十一點幾 就行過去大南街嗰邊吃返個串燒 餐廳宵夜時段營業到凌晨2點 附近有中港旅遊巴士站 正正在旺角睿景酒店前面 位置都幾就腳方便 餐廳價錢都幾親民 性價比高 燒海鮮非常新鮮 火喉拿捏得剛剛好 一坐低老闆就送上兩碗南瓜湯 煲得好好味首先我地試咗蒜蓉燒聖子 鮮甜味十足 蒜蓉鋪滿整條聖子 燒得剛剛好的火候 肉質保持彈牙 不會過老 簡單而美味安格斯牛肋串 燒至微焦的外皮帶點焦香 裡面則仍然保持粉嫩多汁 牛肋的油脂分佈均勻 口感柔嫩 選用的食材不錯雞中翼肯定係必試之選 表皮燒得香脆 內裡肉質仍然保持嫩滑多汁 調味方面恰到好處雞軟骨 經過炭火燒烤後 外層微脆 爽口有咬勁 灑上少許鹽調味煙肉金菇卷煙肉本身油脂豐富 燒後帶有焦香 而金針菇則吸收了煙肉美味羊肉串羊騷味控制得宜 肉質燒得剛剛好 外層帶有微微焦香 內裡仍然保持嫩滑 翠玉瓜和蒜蓉燒茄子燒至外皮微皺 內裏保持juicy串燒除了肉類中間吃一點蔬菜也不錯日式汁燒魷魚這裏的海鮮真的做得不錯 魷魚燒得恰到好處 表面微焦但內裡仍然保持爽口彈牙 配上甜甜的日式醬汁 最重要係營業到凌晨兩點 有時和朋友夜晚逛完街 過來吃

📍好燒式串燒專門店😍太子高質素宵夜👍～夜晚11點喺旺角搵唔到嘢食🥹是但入咗嚟😍點知又有驚喜喎👍☺️～香煎鵝肝配多士配紅酒汁😍超級大嚿鵝肝😍入口即溶☺️配上紅酒汁同牛油多士食真係人間絕頂享受😘～頂級安格斯牛小排🥰估唔到係串燒店都可以食到咁正嘅牛小排😘雖然未至於入口即溶🤪但係非常有牛味🥰肉質鮮嫩👍～墨西哥芝士雞肉薄餅😘餐廳嘅招牌菜😘非常重芝士🥰雞肉嫩滑☺️配上青椒紅椒食味道真係一流😗～龍蝦汁大蝦意粉😘新鮮又大隻嘅大蝦😘配上爽口彈牙嘅龍蝦汁意粉😍食到雪雪聲🤪～順帶一提😛餐廳環境靚😍食物質素高🥳店員服務態度好👍下次一定再嚟食😎📍好燒式串燒專門店 (大南街) (太子)太子大南街32-34號地舖

今日約了朋友到太子地鐵站，大南街街邊有一眾小店，搵D小食之後搭車北上，位於旺角睿景酒店前面#好燒式串燒專門店 ，餐牌有詳細介紹串燒有豬/牛/羊/海鮮/雞，可選辣度，即點即燒，上檯熱辣辣，食飽飽就可行過去中港旅遊巴士站北上。✅避風塘爆炸蟹依個係避風塘軟殼蟹，蒜爆得好香，味道好spicy，辣度中至大左右，軟殼蟹蟹肉都脹卜卜，食落又多汁！✅安格斯牛肋串好美味嘅和牛串，香味色澤俱存。撲滿孜然粉，爽彈之餘仲好有牛味！✅西班牙黑毛豬肋串燒得焦香微脆，油脂分佈均勻，肉味濃郁。✅芝士焗西蘭花有一大塊芝士系西蘭花，牛油太香，真係好好味！✅鹽燒油甘魚骹師傅手勢好好，燒得剛剛好，油甘魚魚油亦在。燒到外皮焦脆，肉質好彈牙，亦唔算多骨，就咁鹽燒真係最好食的！✅龍蝦汁大蝦意粉一大隻牛油燒開邊大蝦，龍蝦汁拌意粉，龍蝦汁為意粉提鮮，整體味道偏濃。添了豐富的口感和香味。食材用料非常好，價錢合理， 燒烤有質素， 宵夜時段到 凌晨2點，坐得舒服，又食得開心!

今日同朋友去新世紀行完街，朋友提議食下串燒，飲下啤酒，傾下偈。剛巧位置又近太子，就令我諗起之前經過的呢一間串燒店。每次經過都見到人客滿滿，望個餐牌除咗一般串燒店有的款式之外，燒海鮮種類亦都好多，仲有啲出面更加少見嘅小食燒無骨乳鴿，芝士煙肉大啡菇，松葉蟹蓋多士等。呢度嘅串燒即叫即燒，唔會燒到乾柴。店面雖然唔系好大，但坐得好舒服，眼見鋪內大多數的客人都是比較斯文，環境唔會好似其他嘅串燒店好嘈吵，好適合三五知己，閨蜜談天。而且呢度嘅老闆都好窩心，經常會問客人食物嘅味道同質素，同客傾嚇偈，相信座上好多都已成為佢哋的熟客仔，最值得稱贊佢會照顧到每張枱客人進食嘅速度而安排食物慢慢上。當日我哋選擇緊要叫咩嘢食嘅時候，老闆仲送咗兩碗自家制嘅南瓜湯俾我哋😍鹽燒大眼雞$248大眼雞比想像中大條，燒得好有水準，一啲焦燶都沒有，魚肉鮮嫩可口，老闆仲提我地要一定要試埋塊魚皮，系佢哋特別研制點樣去燒到脆卜卜成塊薯片咁，一點之下才知塊魚皮都可以食😂蒜蓉燒蟶子皇$80/只蟶子除咗新鮮同好大只之外，佢哋會把蟶子切開幾段方便細口嘗鮮，配埋蒜蓉同金菇更加有口感燒海蝦$68/3只海蝦大大只，肉質彈牙鮮甜，外殼燒到脆卜卜，咸咸

🍢 我推的串燒店新年流流想食豪D, 就去咗呢間有多款單品提供嘅串燒店賀一賀佢🍻 見佢有海鮮，肉類，蔬菜，連意粉都有🤣 應該想食咩都可以嗌到好彩有book位，晚飯時間7:30去到見到座無虛席，人頭湧湧，氣氛一流～🐚 蕃茄清酒煮沙白 $128如果你鍾意食海鮮，小熊貓真心推介你呢味菜～ 擺盤好靚，作為頭盤好開胃吸引😆 沙白隻隻大粒厚肉，食落鮮甜爆汁，粉絲吸收晒沙白嘅海水味同清酒嘅甜味，食到停唔到口🦆 香煎鵝肝配紅酒汁 $138呢道菜式性價比好高，有兩件鵝肝，而且係大大件！鵝肝煎到外脆內軟，調味恰到好處，配上烤脆左嘅麵包及紅酒汁，啖啖滋味～ 已經無暇理會卡路里😅🐮 澳洲M4和牛封門柳 $298小熊貓叫咗五成熟～ 餐廳好貼心，上碟嘅時候已經將牛柳切好～ 夾起見到牛肉粉嫩，食入口感受到香濃嘅牛味，軟嫩嘅肉質令人難以忘懷～ 身為配菜嘅薯格都十分出色，脆卜卜，熱辣辣，點埋芝士醬，超惹味～ 份量亦都算多，食完就好飽啦😆 滿足地捧住個肚走

星期三要同朋友去上堂，收工之後搵間餐廳食咗先。我哋喺太子見到呢間串燒專門店，門口都見到種類好多，決定入去試吓！環境幾舒服。菜單有勁多頁，多到眼花撩亂，肉類菜類你想食乜都有啊！除咗串燒，仲有乳鴿啊煮蜆意粉等等。飲品方面有汽水、茶、啤酒等等。重點介紹竟然最好食㗎啦。原條燒茄子調味條都好好，仲要真係勁大條，茄子嘅質地好軟滑好多汁。牛舌超級彈牙，而且真係厚切，加上佢哋秘製醬汁好好食。雞中翼嘅外皮就好酥脆，咬入去就香嫩多汁，欲罷不能。除咗主菜單佢哋仲有啲特別精選，見到有個陰公豬個名勁得意就叫咗。原來係點上冬陰功口味嘅豬肉，少少辣食落去一啲都唔肥膩！一路食一路傾偈特別開胃，傾吓傾吓，差啲遲到。不過原來佢哋開到凌晨兩點，下次上完堂過嚟食宵夜，飲下酒都仲得呀！

在旺角看完戲之後都九點多，晚餐都沒有吃，兩個人還沒有想到吃什麼，唯有一邊逛街邊看，在旺角睿景酒店前面附近有中港旅遊巴士站看到有間吃串燒,想不到這間店營業時間可以去到凌晨兩點，那麼不用太趕。首先我們先叫蒜蓉燒茄子茄子燒得一啲都唔乾，茄子肉好軟淋，蒜味好濃，非常好食。燒日本鯖魚鯖魚燒得有焦香味，肉質鮮嫩爽滑，好食到停唔到口。泰式炸蝦餅蝦餅炸得金黃色，非常香脆，蟹肉彈牙，令人一絲難忘。黑松露菌蝦多士蝦多士炸得甘香鬆脆，黑松露非常香口，味道濃郁，兩者非常配合，值得encore!雞腎串,魷魚鬚雞腎醃得好夠味，魷魚鬚有嚼勁，令人想食完又食雞全翼燒到金黃色，增強食欲，種類繁多，不停的再叫最後吃完滿足的回家！

蒜蓉燒聖子王-店員推介話今日聖子大隻新鮮，真心好肥美！-有金菇鋪係底，吸聖子汁，撘配大量蒜蓉，非常美味！鹽燒牛舌芯-芯位特別脆口，牛味香濃👍🏻燒日本雞泡魚乾-$52黎講好抵食！份量好多好香口黑松露蝦多士-有4大件，蝦肉好多好厚。-松露獨有的鹹香好突出😋蒜蓉燒蠔-蒜蓉好重手毫不吝嗇，蠔肉唔係超大隻但蠔味鮮甜厚燒玉子-蛋味香濃，口感粉嫩串燒豆腐-見每張枱都有點我地都跟，外脆內嫩，簡單好食日式汁燒魷魚筒-姐最歡喜的一碟，魷魚腳燒到微焦，魷魚身啖啖肉

我們今日晚上看完夜場電影最後找到一間太子餐廳，去到餐廳不需要等位就可以入座 。我們叫了墨西哥薄餅芝士雞肉、芝士煙肉焗大啡菇、日式汁燒魷魚筒、西班牙黑毛豬肋串、雞中翼（2隻）、日式雞柳串、燒雞胸軟骨串（2串）、羊肉串、燒日本雞泡魚乾、翠玉瓜（1份）、娃娃菜、菠蘿、車厘茄、串燒豆腐和一支津路烏龍茶首先是墨西哥薄餅芝士雞肉，薄餅外脆內軟，搭配濃郁的芝士與嫩滑的雞肉，口感層次分明。接著是芝士煙肉焗大啡菇，香氣四溢的煙肉與鮮美的蘑菇完美結合。日式汁燒魷魚筒的魷魚鮮嫩，搭配特製的醬汁，讓人感受到海鮮的鮮甜。西班牙黑毛豬肋串則是肉質鮮美，火候掌控得宜，外焦內嫩，讓人回味無窮。雞中翼和日式雞柳串的調味也相當出色，特別是燒雞胸軟骨串，口感彈牙，令人驚喜。在飲品方面，我們選擇了津路烏龍茶，清新的茶香為整個用餐過程增添了不少清爽感。餐廳的服務態度熱情，服務生對菜單的了解也相當專業，讓我們能夠輕鬆選擇。整體而言，餐廳的性價比非常高，現在香港宵夜時段揾間餐廳的確有點難，而這餐廳時間由開四點收凌晨兩點，方便我們這夜貓人士揾食 。

平時放工夜少少，街上面嘅餐廳都收好早冇咩選擇，見到呢間串燒店開到凌晨兩點，坐耐啲都唔怕，即刻決定今晚食串燒！一坐低老闆就一人送咗一碗蘑菇忌廉湯，天氣凍冰冰飲碗熱辣辣嘅湯好暖胃，老闆好貼心！燒馬友 $148外皮烤得金黃酥脆，內裡的肉質鮮嫩多汁，每一口都充滿了濃郁的燒烤香氣。用鹽燒馬友，完美地提升了肉質的鮮美，非常出色。鹽燒白鱔 $147肉質滑嫩肥美，非常爽脆，鹽燒的手法讓魚肉的鮮味得以充分釋放。鹽的調味適中，不會掩蓋魚肉本身的鮮甜，簡單卻極致的美味。安格斯牛肋串 $30肉質厚實，烤得恰到好處，外焦內嫩，牛肉的油脂在口中融化，帶來極致的滿足感。每一口都能感受到牛肉的鮮香。西班牙黑毛豬肋串 $30豬肉的香氣濃郁，每一口都能品嚐到肉質的彈性。鹽燒牛舌心 $48牛舌心肉質柔軟，鹽燒的調味恰到好處，感受到肉的原汁原味，口感滑順。雞軟骨 $20外脆內嫩，咬下去的瞬間有著淡淡的煙燻香氣，十分開胃，非常適合下酒。雞腎串 $20鮮嫩爽脆，搭配的調味讓整體風味更加突出。燒日本芝士年糕 (2件) $26外焦內軟，芝士的香濃與年糕的Q彈形成絕妙的搭配，每一口都讓人感受到芝士的濃郁，口感極佳。墨西哥薄餅芝士雞肉

最近好多好戲睇，睇完戲就自然會想食宵夜🤣咁啱依間串燒店收凌晨兩點，啱晒我哋！佢個名都幾得意，叫「好燒式」食完可能就會有好消息😌而且餐廳係旺角睿景酒店前面，附近有中港旅遊巴士站好方便-特色蒜蓉包（配原粒蒜頭）🧄蒜蓉包嚟到嘅時候，第一下覺得好有黑白大廚嘅感覺！因為第一次見蒜蓉包係搭配原粒蒜頭🧄好似整緊蒜頭辛辣麵🤣蒜蓉包外脆內軟，蒜頭鍾意搽幾多都得，香氣四溢！-安格斯牛肋串｜鹽燒牛舌串🐮燒烤火候掌握得當，鹽的調味恰到好處，讓牛肉的鮮味更為突出-雞腎串｜燒雞胸軟骨串｜燒雞髀🍗個人特別鍾意雞胸軟骨！有別於出邊一粒粒，佢係一塊塊👀 讓人驚喜-燒北寄貝🐚第一次試燒北寄貝！賣相勁靚～北寄貝新鮮，肉質鮮嫩～上面仲要有三文魚子-厚燒玉子🍳玉子厚切，有別於出邊嘅玉子燒，因為佢係鹹鹹地再加甜甜地-蒜蓉燒茄子（原條）去串燒舖必點～燒烤後的口感軟滑，不過再多啲蒜蓉就仲正-鹽燒白鱔🪱燒烤後的鹽味提升了魚肉的鮮香，唔錯！-香蒜白酒沙白扁意粉🍝本身因為見到佢賣相係成朵花好靚，所以先叫🤣係一個好有誠意嘅意粉！意粉口感彈牙，沙白比我想像中多！而且好新鮮，好鮮嫩！大推！！！-燒菠蘿🍍最後用燒菠蘿來做總結～焦糖加上甜甜嘅菠蘿畫

今日夜收工又想食串燒，選擇都唔多，完來呢間好燒式開到淩晨兩點，咁食晏d都唔驚俾人趕走,餐廳係旺角睿景酒店前面，附近有中港巴士站低溫去骨燒乳鴿 $118呢個乳鴿同平時哥d唔同，肉質超嫰滑，夠哂鴿香，個皮仲脆脆地，夠哂入味安格斯牛肋串 $30燒雞髀 $38司華力腸 $28豬頸肉串 $20韮菜 $19串燒燒得好香，有多種調味料同辣度選擇，牛肋串入口即溶，雞皮燒到脆卜卜，好juicy燒魷魚乾 $52燒雞中翼 $22雞腎串 $20墨魚丸 $18燒日本甜心蕃薯 $18第一次食燒魷魚乾，餸酒一流，香得黎又好惹味，雞腎夠爽口，蕃薯又甜又香1664 $78 買一送一，好抵飲

雙十一唔係去血拼而係同喺內地嚟香港公幹嘅表姐去食好西！我都係第一次食好燒式 因為佢係正旺角睿景酒店前面～🚌 附近仲有中港旅遊巴士站，方便到表姐！所以係佢提議同book枱嘅 🤣🕑 重點：開到凌晨兩點，對於想食宵夜嚟講係好方便嘅選擇👍👍好多海鮮係時價～要問返店員當晚用餐時扇貝詢問度好高～所以我哋即刻留起咗！記住留貨～如果唔係會後悔因為食到一半已經聽到店員話得返最後兩隻（同埋都好彩我哋早入座，好快已經座無虛席！）呢間串燒舖好有誠意～一落完單店員就即刻上左兩碗welcome soup!!!!!大癲！ 🎃 高質南瓜湯 🎃濃濃嘅香氣撲味～仲有啲打到好爛嘅南瓜皮只有用新鮮南瓜blend出黎煲成先會咁滿滿奶油口感！同罐頭湯冇得比～🌊蒜蓉燒聖子王 $160/2 蟶子 大大隻～份量好足！又燒得好好～一啲唔韌仲有小心思加左金菇墊底吸晒啲鮮甜嘅精華～無得頂🌊蒜蓉燒扇貝$100/2 帶子好彈牙同鮮甜 燒得啱啱好 配上大量蒜蓉同優質魚子 一見到已經胃口大增😍🍳 厚燒玉子 $22玉子準備到四四方方好似粒骰咁～外層燒到金金黃黃～脆脆地～鹹鹹甜甜咁～蛋香味濃🐽 陰公豬 $30見佢個名咁陰公同得意即刻忍唔住叫左客用冬陰功