影片
港铁长沙湾站 C1 出口, 步行约6分钟
继续阅读
营业时间
星期一至日
06:00 - 14:00
公众假期
06:00 - 14:00
公众假期前夕
06:00 - 14:00
以上资料只供参考，请与餐厅确认详情
位于李郑屋商场嘅好旺茶餐厅格局虽然有啲地踎，但系又黄又有良心，会定期派饭，绝对值得支持💪。叫咗个劲量常餐，我拣咗沙嗲牛肉红肠公仔面，配多士同火腿奄列。食沙牛，个汁当然重要，但系我同样重视牛嘅质素，我最怕𠮶啲用松肉粉乸到软腍腍成块发水擦纸胶咁样嘅牛肉。呢度嘅牛肉虽然唔称得上好高质素，但至少松肉粉落得唔重手，有肉味有咬口，虽然某一、两块有少少韧。至于沙嗲汁就正常味道，唔算太浓，食完无须洗肾，配埋两块煎得微脆嘅红肠，个面其实都几丰富。至于个奄列，不但卖相靓仔，仲有好丰富嘅内涵，入面嘅火腿出乎意料之多。旁边𠮶两块多士都好有诚意，烘得好香，上面仲搽咗几重手嘅牛油（我最怕食𠮶啲只有丁屎咁多牛油、烘咗等于冇烘嘅多士）。我同（疑似）老板娘讲个奄列好好食，佢指一指大厨，笑言系佢得意之作。讲讲呀，佢又同其他阿伯食客吹水，喧寒问暖，尽显小店温馨。
继续阅读
间饭堂每日只开早上6时至下午2时。间饭堂每日中午派饭。我问老板，系有善长翁人赞助。我点咗个水蒸蛋饭，加个中汤章鱼汤。加杯冰奶茶共$47。因为个老板有善心，我个人付出$50免找。个水蒸蛋有鱼仔。加埋入白饭一齐食就非常好味。杯奶茶好重奶味。我觉得一般好饮。个中汤好足料，食到有章鱼肉。好饮。
继续阅读
老板表示奶茶既茶叶不是一般x荣的茶叶，系他们沟不同种类的茶叶整成的茶底！绝对好饮大家系附近买嘢不坊一试，就算走甜都一样出色！食物方面，我推荐沙嗲牛肉面。大家买开𩠌又或者嚟开依头就去试下啦支持小店。
继续阅读
琴日去李郑屋村探朋友 朋友极力推介呢间茶记 试左招牌热狗 红豆冰 新鲜热辣够好味 ，一睇价钱牌 眼都凸埋$22元 转红豆冰只加4大元 老板你是做公益的吗？价钱彷佛回到我学生年代 ，底赞下次经过 不要错过
继续阅读