好姨美食 (已結業)

小弟早幾個月先介紹過好姨，佢個價錢非常受學生歡迎呢，但係好似又加價左HKD1，有點小失望。今次叫左炸雞同茄子　炸雞夠熱夠脆，而茄子就好入味，水準依然呢。整體評分 6/10(CP值高)

難得今日放假，又訓晏左就試下屋企樓下嘅車仔飯啦，因為唔想煮 ＼大家估下個飯幾銀，答案小弟會系最低同大家講今次叫嘅菜有炸雞，太陽蛋，炸魚，豆腐。炸雞有少少肉汁，但又好似係烚過再炸太陽蛋就係姐姐送嘅，味道就正正常常，不過不失。炸魚就幾滑豆腐就鞋左少少，但總算有少少豆味好啦開估啦，價錢只係23蚊包含3個送，超平呢

一大清早八點幾去搵好姨..第一次黎..係網上得知早餐又抵又好味所以一定要黎試下..舖頭細細得四, 五張枱, 多數人都係外賣腸粉..燒賣..三文治多.先看看餐牌..有很多選擇..重點係價錢$27!!!!!!!!!!!!!!!!出面多數牛油方包...lee到雖然唔係厚多...但d醬搽滿成塊麵包...真係好好味呀~~雞扒新鮮煎熱辣辣...食得出係自己醃....炸菜肉絲係底...不過肉絲唔多炸菜多...加埋辣油..好味~~鬆化但比較薄....又係新鮮熱辣...good~好味..仲有菜~~等左一段時間..因為我地早茶未得....奶茶味道香濃.等都抵!!其實即係三送麵....仲要塊包咁多醬...凍飲唔洗加錢..你話lee d舖頭係邊到搵..我地一定會多多幫襯小店..一定會再黎!!!

本身係附近返學...之前lunch都幫襯開玉記美食..不過上個月開始玉記冇做..咁岩係佢隔離開左間好姨美食..咁就幫襯下la~十五蚊三餸.....我揀左茄子,咖喱雞同埋枝竹粉絲...茄子: 炆都好淋好入味咖喱雞: d薯仔好好味ar...咖喱汁對我黎講都好岩味(因本人唔食得太辣)枝竹粉絲: 另外仲有d菇配ga.....送飯最岩整體黎講餸既賣相同個味道都幾好...十五蚊黎講...真係物超所值..一定會再去幫襯ga...試曬唔同款式既餸~gd!!