好姐小廚 (已結業)

其實 , 我一直有幫襯開 , 當呢度飯堂 , 因為價錢平 , 又近車站 , 我鐘意食泰式咖哩 , 天氣熱時都醒胃易入口 , 但呢度D水準越做越差 , 有幾次做唔好都算 , 最離譜係做生意手法 !首先講食物 , 之前有人提過 , 他們的飯好"林" , 我都試過幾次 , 有時仲要涷 ...佢地D雞掛門口做招牌 , 但我之是食過幾次 , 真係唔明點可以做招牌 .... 鞋 ,味道又唔好 , 點醬油先好食 . 咖哩越做越甜 , 完全唔辣 至於我的不滿 , 是今天晚上發生 , 晚上十時左右 , 入內照舊order一個"紅咖哩牛腩飯" , 果位服務員話只有 "咖哩肥牛飯" 或 "牛腩飯" , 當時心想 , "咖哩肥牛飯" 也沒有所謂 , 便照他的意思 , 怎料就此中計 , 那位服務員再問要 "春卷" 或 "雞腳" , 現在包埋 , 然後拿餐牌 "樣" 了一下 , 我知道 "咖哩牛腩飯" 是 32元的 , 轉套餐會貴了點 , 但算吧 , 也示意繼續 , 其後該小姐再問飲什麼 , 我答例湯 , 但他表示賣晒 , 為有選咖啡 . 不久 , 服務員走來 , 又說沒有油菜 , 改蘿蔔好不好 , 那刻我知道出

最近忽然想到旺角食飯,或者因太久沒有去旺角吃飯行街,和同事行街行到旺角就在附近隨便吃飯。泰式食品曾經是我晚飯選擇之一,但因為吃得多,近兩三年愛上吃越南菜。昨晚來到這間好姐小廚,旺角食店很多,要等位是正常,不用等位的就要想清楚到底是貴還是食物差勁環境衛生欠佳,而我選擇這店是因為不用等位而又可看到食物都是在一大塊玻璃窗前做,相信應該不會不衛生吧,試一試無訪,而且是隨便吃一頓飯。當時我猜這食店應該是做泰菜的,這菜館也不是做很正宗的泰國菜,因為沒有香茅香味,沒有咖哩香味,只有很多雞放在大門口的玻璃窗內,讓人客未踏進入店內即望見很多雞,會猜這店可能“拿手”做海南雞。海南雞例牌一碟$48,雞味沒有,雞油也不多,但有些雞油已乾在底部,不知這是否海南雞的特色。油菜要西生菜$15,菜是無味的,要點跟碟的蠔油吃。肥牛湯河$25,也沒有香香的雞湯味,普普通通的河粉太“lum”了,以一碗$25來說應該做得好些, 河粉不是難處理的。磨菇粒飯$9,比吃白飯多了點味,但較濕,我做白飯會較好吧。

經過被門口掛住d雞吸引左, 睇下menu都係39蚊, 就入去試下..先講飯, 吾香又無咩味道, 最慘係好林 雞就反而吾錯, 因為佢比左雞脾, d肉比較嫩 好彩, 佢跟飯有豉油同醬汁... 這一餐都係普普通通咁啦!

剛剛今天叫了這一間好姐外賣做午餐我叫了個海南雞飯 D飯太油 好難食 而且好凍D雞 好鞋 亦唔好食我同事就叫咗個春卷同我分O黎食D皮好硬 我冇打錯 唔係好脆 而係好硬絕對唔爽口D檬粉亦唔好食 我同事吃不到幾口就停吃D蘿白先最出位 一D都唔淋 附近車仔麵D蘿白都好食過佢相信 我應該唔會再光顧PS. 因為是吃外賣 所以環境服務同衛生全選3

今日lunch諗住去試下新野...點知選擇錯o左...後悔莫及...食飯時間應該係好多人既...但係得小貓三四隻...點了一碟海南雞油飯...d飯睇落去就ok...但係食落去就兩回事...d飯凍既...同埋都唔似油飯...我諗佢只係係咁倚撈d油落去~唔配得上叫油飯~雞...鞋拾拾又無味...至於服務~樓面得一個阿姐...執野又係佢~落單又係佢...傳菜又係佢...阿姐都做到無咩反應...叫佢又唔應...o係旺角是但搵一間都好食過佢...成四十蚊...真係完全唔值...

係太子食到已經無咩好食..... 今日CS 突然想食煲仔飯, 所以諗住出去碰碰運氣,去旺角睇下有無? 點知係無.但又好好彩搵到間叫"好姐小廚"GE地方, 講真句好耐無食過好食GE海南雞飯.呢間確實係做得出色. 雞肉好嫰, 飯夠晒味, 但有一些為硬及不均勻, 不得不提就係圖左上角的醬汁真係令本來有85分GE雞飯加上多一個85分. 真係好好食.走時去問下個阿姐個汁叫咩名係邊度買, 阿姐話呢個醬係自己做, 個工序仲好煩. 所以個飯$39.00加一杯熱飲都算物超所值

食咁多間所謂正宗海南雞飯, 里間都算係最唔掂果間你叫嘅野食唔係上你張枱, 係上隔離張冇人坐嘅枱 (阿姐真係等你自己拎)都算啦, 到食喇, 根本就係白切雞, 勁鞋口, 飯又凍又有飯焦, 我問阿姐啲飯係咪咁望住我傻笑唔識答, 最攪笑同陰濕就係個價錢:套餐價 58蚊: 連雞飯共5款同價飯選擇 / 油菜 / 湯或熱飲以上各樣單價為: 雞飯39(送湯或熱飲) / 油菜15我唔明點解要俾多4蚊去食個套餐???下次都係咪貪新鮮試新野, 都係去番轉彎間泰妃雞迫下好過

2008年12月11號 - 夜晚7點半左右去了炮台山之後就去左旺角。 去到旺角就看看有什麼野食。 當時我在登打士街同山東街中間的花園街。 但是這裡有好幾間餐廳。 真係好難揀呀。 最後揀左食海南雞飯+凍奶茶 (HK$41,-)。等左一會兒個奶茶來la。 覺得味道好好, 但偏向甜。 之後個飯來la。 試試先。 Um。 個雞同飯都好味, 但是覺得比較肥膩。 同埋來果時已經覺得凍左。 所以有一點失望。環境方面都滿意。 坐得舒服。

今日下午5:30見肚餓,咁岩行到佢門口,見有小弟愛吃既海南雞飯就入去一試~先講服務,入到去得一位食客用膳,大把位,自己搵左個位坐,坐左5分鐘都冇人黎同我落單,可能佢地真係好忙啦,見有個侍應係傳菜個位同裡面位呀姐不停吹緊水~小弟真係唔好意思打斷佢地既話題~最後都係忍唔住大嗌,終於有人黎幫我寫野啦!海南雞飯凍奶茶,唔該晒~!好快就上枱,唔知點解得幾滴豉油,真係點舊雞都冇左,但唔緊要啦,因小弟唔喜愛點豉油~!好啦,講返個重點海南雞飯啦,真係唔錯.........講既係個泰式酸辣醬,至於個飯同雞?不提也罷,雞"鞋"而不滑,飯就最慘,又軟又硬,有撈左冷飯既感覺~係香港好容易搵到間食店食到海南雞飯,講好好食既,真係未有一間~但呢間簡直稱得上係難食~!至於佢既服務態度,真係係mk數一數二~!見到之前有唔少好評,真係想講句"朋友,試多2,3間就知"龍與鳳", 呢間就真係"雞"啦~不過係mk,絕對呃得下人既~不過想客人返轉頭???真係幾難啦!

落雨絲濕 , 夜晚八點條波鞋街冇乜人 , 想去邊間 '吔 ' 都得 .俾門口啲雞吸引咗我好耐 , 但係次次因為太多人等所以無試過嘅一間食店 ,今晚終於有位喇 . . . 呵呵 ~ ~海南雞飯首選 , 但係又想試吓其他食品同埋比較特別嘅 ' 蘑菇飯 ' , 所以就嗌咗兩碟飯 ( 豬頸肉、香茅豬扒 ) 另加半隻雞 , 後悔非常 ! 應該嗌一隻雞 ! 好耐未食過咁滑溜、咁好味嘅白切雞喇 , 仲要起哂骨添 , 方便進食 . ( 不過原來可以要求連骨嘅 , 下次試吓先 ! ) 另外要嚟點雞嘅辣汁非常正宗 , 刺激香辣 .香芧豬扒都好好味 , 反而豬頸肉味道雖好 , 下過好似乾咗少少唧 . . . . 蘑菇飯幾清新 , 值得一試 .平均 40 蚊一個飯餐 , 質素不錯 , 環境又乾淨 , 期待下一餐嘅來臨 ( 又要等落雨 ). . . 缺點有少少 , 如果配雞用嘅豉油可以採用泰國出產嗰隻 ' 黑油 ' , 咁就完美喇 .

原本同BF諗住去前面好好，不過經過好姐，又見未試過，即管一嘗!自已叫咗個海南雞飯，用筷子一夾，啲雞滑到"SIR"番落嚟!!個人對甜鼓油 興趣一般，不過都幾OK，對酸辣汁就實在係狂愛之極，至少加多兩碟至夠喉!!油飯夠香軟，較好時沙嗲既更啱胃口，雞既份量亦十足，又比泰國人既來得大方(泰國人真係次次都唔夠喉!!)；而咖喱牛肉飯係用牛腩肉，香、辣、腍三大元素集於一身，完全係五粒星推介

行過見呢間舖新開，見掛係門口d雞好似幾靚，就即管入去試試，地方無咩裝修，但都算整齊，最失敗就係個洗碗部，竟然廚房隔離，行入舖之前必需經過仲係實見倒，失敗！坐底梗係order個招牌介紹海南雞飯睇睇，我話唔要雞胸，個呀姐話唔得，不如要雞脾，我又唔想要雞脾，算哪！是但佢比，都唔知係唔係特登，成碟都係雞胸，都唔算鞋，但完全無雞味，不過冰鮮野係咁上，碟頭份量ok，個汁就幾好，至於d飯就真係唔掂，太淋又無味，仲話係油飯，失敗另外個order係香茅豬扒跟磨菇飯，d飯又係太淋，最岩d公公婆婆食，得幾粒好似磨菇嘰物體，至於豬扒，就幾淋，但又係無味，總括原來最好食嘰係豬扒嘰洋蔥，價錢方面：39蚊海南雞飯凍飲加3蚊，豬扒飯37蚊，價錢普通，不過食物無驚喜，無下次。

12- AUG-08 8PM 黃金時間, 旺角一帶食肆都要等位, 無意地經過"好姐", 門口看到海南雞看似不錯, 又不用等位.就在這裡醫肚. 第一次到訪, BF必試海南雞飯餐 , $39 已有交易, 還可選白飯 /油飯 (獨有磨菇飯, +$ 7, 後悔沒叫) 價格合理. 我比較想試湯粉類, 要了個雞絲紮肉檬, $33. 餐牌上仲有一個看似吸引的---泰式豬脾 ($45), 又追加一個淨食. 這裡的考牌菜: 海南雞入口嫩滑, 雞味一般, 我兩都認為是未算最好, 但算合格了.油飯不太香口, 而且還過油了一點, 愈吃愈膩, 碟底泛著陣陣油光, 扣了一點分數. 雞絲紮肉檬:湯底清, 應沒有"師傅"幫手.雞絲是意外的海南雞絲, 很幼細且嫩口.紮肉相信是一般貨色. 抵讚是份量頗多. 泰式豬脾: 樣子並不討好, 沒有太多人欣賞. 但食味認真一流. 整個豬脾被炆得很淋, 極入味. 筷子輕易掰開至皮肉分離, 皮層快到入口即溶境界. 真後悔沒要個磨菇飯撈汁, 如三五知已來佐酒更好! 最後二人努力地跟它角力一輪都吃不完呢~

好多人都話好姐小廚d野好食,即管一試。一入到去,幾乎人人都係叫海南雞飯,我同小牛另類一點,叫左,湯粉餐。我既雞絲檬粉($25),雞肉係幾好,因為肉質又淜又嫩,而且份量好多,雞絲粗身,似雞肉,不過係連雞皮既,最慘係雞皮令到碗湯成碗都係油,真係好油…小牛既牛腩女邊粉($19)睇落好正,但係食落佢話麻麻地,牛腩唔多肉,味道只係一般。不過,最奇突係,我地兩個食食下,都發覺愈食愈辣,我地叫時,全無意識到個湯底會係辣,而個湯底個樣亦完全睇唔出有辣既成份,但係真係到辣味個喎,真係唔知點解…另外,叫飲品呢度算係貴,食粉加個汽水要加$8,加凍飲就$9,散叫仲貴呢!或者呢度只係海雞好味卦,我地今次既經驗,係一般啦!

這店在旺角來說已算是一支新力軍。這裏就正正開在自己經常出沒的地方，不來試試，怎行 ?既然這裏主打的是泰式海南雞飯，那就不用費心神想那麼多了，一坐低就即來一客....轉眼間就已送來。望一望飯的色澤，微微金黃，看上去是頗對路，但吃上口卻是頗乾，明顯是油水不足，香味亦欠奉。雖知油飯是整個海南雞餐之靈魂，飯不好吃，已是大打折扣了....雞是雪藏的，雞味欠奉，乏善足陳....相比之下，小弟就情願到何文田勝利小廚光顧 (雖她的出品也不算是十分出色)....