好好粥麵 (已結業)

今星期特價係豬軟骨湯麵, 廣告圖中見到有三大舊好像用橙紅醬汁炆得好入味的豬軟骨, 好似幾惹味實樣如圖: 豬軟骨有兩大舊, 加一些碎肉 並非如廣告圖有橙紅色的醬汁 肉及軟骨都浸得夠稔, 因係全瘦肉的關係, 肉質會較粗鞋好好的牛腩比豬軟骨好食, 因為牛腩有花椒八角腩汁炆過香味會濃些

晚上八時後七折 (除了特價品及小菜), 所以差不多滿座叫了兩個$35的套餐, 共$70, 七折後 $49價錢用新label貼著, 唔知之前做緊幾多錢, 不過$49都唔係貴 蒸飯 -- 鳳爪排骨飯, 北菇滑雞飯--一早蒸定, 用碗蒸, 故不夠熱, 只是微暖--飯及餸都蒸到乾乾的, 其中鳳爪超乾 蝦米腸, 蘿蔔糕 --以前只係早市或下午茶食小點, 第一次係晚市食, 發覺晚市質量高些--蝦米腸唔會蒸得過稔, 且多蝦米及葱花--蘿蔔糕會再返煎, 外層煎得夠香夠脆 送熱飲--熱豆漿好有豆味

買了個下午茶餐，有一碗及第粥同一大盒炒面。及底粥粥底不算太綿，較稀。有豬心、豬潤、肉丸、豬肚、粉腸各一。全部都唔錯，無異味。不過豬潤有少少被嗱過的味道。炒面好好，好多料。通常食親炒面，都係淨得好多面，而芽菜都只係得幾條。反而今次有好多椰菜，紅蘿蔔絲同火腿。令到整體無咁膩。面質幾好，幼身幾爽口，唔削唔淋。炒得唔油膩。

免費報紙有個飲食專欄曾經提及過好好的炸醬麵都唔錯, 撞啱今期特價 (以前炸醬麵好似未試過做 "共渡時艱"價的), 當然唔會錯過 炸醬麵 --炸醬酸甜度適中, 多甜少酸, 一d都唔辣, 好似帶甜的茄汁, 但更惹味 --炸醬已與肉拌勻, 初時以為炸醬唔夠多, 不過把成碗湯倒入炸醬麵後, d炸醬湯仍好夠味--以為係一條條肉絲, 原來大部份都係好碎的肉丁, 始終鍾意肉絲多d. 肉質都幾稔滑

今周特價係牛筋腩麵 $12共有三舊牛腩, 兩舊牛筋, 同幅圖片一樣喎 其他舖牛腩通常薄切帶些少肥, 這兒就全瘦且厚切 望落去以為d牛腩會好鞋, 但竟然係炆得夠稔及好入味 牛筋稔得來有嚼勁, 可惜只有兩舊, 其中一舊還細小得可憐 這兒的牛腩汁除了慣常的花椒八角外, 還帶有果皮

魚腐唔係好多地方有得食, 即使有都做得麻麻, 好多時都太油及有種油"益"味, 外觀亦炸到扁晒變晒形.見好好粥麵今期特價係 -----魚旦魚腐河, 故為了魚腐又來幫襯: 魚腐--脹卜卜, 外層好似魚片頭炸得好香--食到鮮魚肉味, 溝了蛋黃的魚肉令質感真的好似豆腐咁滑, 又唔腥--完全唔油膩, 做得出色 白魚旦--亦係用鮮魚打成, 不過此種靚魚旦好多地方都做得到, 不太特別

幫襯好好粥麵咁耐, 都未食過菜肉雲吞, 見今日做特價就試下 諗住鮮蝦雲吞咁好食, 菜肉雲吞應該唔會太差可惜好失望菜肉雲吞一咬落去, 覺得好鬆散, 跟住用刀切開一半睇下d餡, 裏面有過多水份, 令豬肉餡鬆散不結實 餡料豬肉及白菜味道好淡 菜肉雲吞可能因為做緊特價, 會一早預先淥定, 不是即叫即淥,令雲吞偏稔, 亦唔夠熱

今晚在黃大仙間好好粥麵叫咗個菜肉雲吞酸辣米線。等咗一陣就嚟咗，望落去，一碗跟以前舊式粉麵舖既碗差不多大少，裡面５粒菜肉雲吞，同外邊其它食舖差不多。第一樣先試佢啖湯，唔飲都無咁火，一飲一啖，成碗米線已經覺得無乜會好食，佢所謂既酸辣湯，感覺就只有一個：普通粉麵用既味精湯上面倒半樽辣椒油再放少少啲酸菜粒係面就叫做酸辣湯！！啖湯除咗飲落好似飲咗樽辣椒油落口之外，完全feel唔到佢有酸味！！跟住試佢啲米線，好冧，冧到我會覺得佢長時間用水浸住啲米線，啲米線無晒咬口，只有被發漲既感覺，再試佢啲菜肉雲吞，係一種未煮熟既感覺：硬同些少粉口！！一碗咁既菜肉雲吞酸辣米線收我$24，真係覺得掉落鹹水海都無咁嬲！！我食嘢唔算講究，一般放得入口既嘢，好食既會記住，唔好食既下次唔叫，但食到今次要上網公諸人知既差，"好好粥麵"都真係第一家食店！！

昨天去見雲吞麵做緊 $11 , 11 pm後全日供應鮮蝦雲吞及幼麵保持一貫水準:雲吞雖然細細粒, 但每粒餡料內的蝦肉及豬肉比例均勻, 雲吞皮夠薄幼麵爽口彈牙

1月6號晚，要到黃大仙做點事，做完已七點半了．那就到附近龍翔中心找間食肆吃晚飯吧．沒來一段時間，食肆也轉了不少，除了大型連鎖店那幾間沒轉外，我看是因為領匯的關係吧．找了一陣子，看到一間叫金飯碗餐廳的食店，但人太多了，沒空位，便走落下一層．給我發現好好粥麵．這間店看來不是太多人，但亦不算無人光顧，大概有一半沒吉位吧．看看門外的餐牌，不算太貴，另有一些優惠食品，便步入坐下．一進入餐廳時，有個像高級侍應的阿姐熱情款待．再看清楚餐牌，其實在門外時，心中已打算要什麼食物，但有幾款不同的套餐．以今時今日的環境來看，消費當然要小心點吧．今天的優惠有$11的魚蛋粉，及$4的熱奶茶(但一定要跟一款正價食物)．原本它有一個套餐是魚蛋粉 + 一款小食 + 熱飲 ，價錢是$33或$36．因我原來已打算吃魚蛋粉跟熱奶茶，還有要多樣小食為糯米雞，套餐價為$36，但現在散叫價只是$31．我便問那阿姐：散叫不是比那個餐更平吧．她說：是呀，只是現在魚蛋粉及熱奶茶正做優惠，如要餐可選其他食品，其實它們每個星期也有不同食物的優惠．最後我便確定要這幾款食物．魚蛋粉 - 為食店主要菜式，魚蛋彈口，質素不錯．糯米雞 - 味道一般

佢既食物還可以 不過服務真係太差啦. 經理竟然可以比人打尖, 即係唔排隊都得, 真係好過分. 雖然說係向居村, 不過都唔可以甘架. 多人又唔會派飛仔, 都唔比d經理係做咩.講起食物老實說一向唔講得佢特別好食, 不過向龍翔中心真係想食congee只可以去佢, 甘就無法啦, 叫肉丸粥得2粒肉丸真係嚇死啦. 腸粉就ok啦當然唔可以同大排檔個d比, 不過真係仲有好大既改善空間lor.

若要食平價套餐, 就要等早餐及下午茶, 平日價錢還會比星期六,日,公眾假期便宜不過及弟粥只有下午茶有, 早餐無的及弟粥 + 牛肉腸粉 (平日下午茶 $22)及弟粥: 厚厚豬潤兩塊, 肉丸(豬肉粒打成的, 好有口感), 豬肚, 豬粉腸一碗粥有齊咁多豬什, 仲有出面街買唔到的肉丸, 好滿足牛肉腸粉: 仍然嗰句, 腸粉好滑溜, 正!不過原來另一款豬潤肉丸粥做緊超筍價 $13 (單售), 全日供應, 雖然無左豬肚及豬粉腸, 但咁抵, 下次無理由唔食

下午茶餐: 豬潤肉丸粥 + 豉油皇炒麵自從食完大 x 樂失望的炒麵後,好想食回正常的炒麵估不到這兒的炒麵夠水準,味道不會太咸,每條麵剛剛好軟身,且配料又足,麵夠熱另外,這兒的义燒腸及牛肉腸亦是至愛之選,雖然肉餡不是很多,但腸粉皮夠薄,夠滑腸粉及麵好好食,反而粥成了配角了

因為要陪妹妹攞鞋,所以就係黃大仙食埋野.因為趕忙關係,一定要食快點,今次又黎好好,這間店都幾貴.我就點了雲吞酸辣米線.酸唔覺,辣就勁覺.至於味道唔夠,又要狂落鼓油,自行調味又好點,至於米線真係煮得過淋.還有,雲吞是不錯的,但五粒入面有些好又有些差囉!不過,呢間雲吞麵係正宗的,因為雲吞係底唔係放係面.現在好多鋪頭都唔會再咁做了,總括而言味道強差人意.至於妹妹四寶米粉,米粉煮得唔夠透.至於四寶丸只有魚蛋同墨魚丸比較好.她都話好一般價錢每碗24唔算便宜,味道又唔算好.感覺唔抵啦

去黄大仙睇樓,樓就睇唔啱,去佐龍翔中心行街,到此食店TEA一TEA,點了牛肋腩麵加凍茶小甜,碗麵幾好食,但杯茶好甜可能錯左,換過.艇仔粥加牛腸粉,粥底不錯,腸粉幾好,下午茶共50蚊.可惜坐左一會也沒有給水比我,又口渴,唯有開聲叫人啦!