好好粥麵 (已結業)

午市曾多次光顧 之前做燒味飯同湯粉麵都唔差 比起隔離美心同其他好好分店做得用心近來兼售焗飯 食過都算OK 糯米雞 好足料又惹味尼道炒麵好細碟 麵又碎濕濕幾漉口 咸肉糭無料又唔係熱 今次想讚彈既係招牌好好粥/麵 散點約$22-28粥~肉丸粥(有六粒) 粥底夠熱又好綿 肉丸夠爽彈 GREAT 彈既~皮蛋瘦肉粥 得兩小粒皮蛋碎麵~餛飩麵(有五粒) 麵質爽彈 餛飩真係皮薄餡靚 湯底係大地魚湯GREAT彈既~牛腩麵 湯底濃郁 牛腩多根同肥另讚水吧 奶茶,咖啡,鴛鴦 幾香又滑#收得客錢而香港人又興食熱騰騰既野 首要改善食物熱度 同埋餸料平均比例

我第一個藍田的食評.可見我對呢個地方有幾陌生.上藍田的目的係探一個伯伯.我得到的係一個生命教育的課程.有時付出.表面上係蝕底.事實上自己係獲益良多.間店.係伯伯選的..坐得舒服,好好粥麵 .多左燒味食.不過我信心不大.都係叫左魚旦河....加埋杯好立克..呢間店的品質同其分店差不多.好立克:比較淡.明顯係水多過好立克粉.幸好味道仲有的...魚旦河.魚旦食落口感覺.有點硬..魚味係有的,不過帶點腥,幸好河粉好滑,每一條都分明...湯底白色.都係有點腥的湯.總括而言唔算難食.加上呢間店服務唔差....價錢都唔貴......無要求下呢間店都唔錯的...

食物選擇‧紫菜四寶河 ($26)環境‧晚上10時多吃宵夜，已經沒什麼客人，被迫一邊吃一邊看店員準備打烊服務．店員很體貼和有禮味道‧四寶的份量頗多，有魚蛋、魚腐、墨魚丸和另外一隻不知什麼丸，不過大部分都偏咸，而且粒墨魚丸有陣怪味，吐了出來不敢吃．河粉的份量略少

是日下午茶嚟咗好好食碗雲吞粉麵，去到已經成五點鐘，人不太多，好易搵到位。要了個鮮蝦雲吞麵，同即叫即整叉燒腸粉加杯凍檸茶。小時候，食雲吞粉麵，一定要河粉，大了發覺雲吞皮同河粉一樣都滑滑的，都是揀麵口感會突出一些，對比清晰點吧。鮮蝦雲吞麵湯味道基本上是普通標準那款「Standard湯味」，碗麵有5隻雲吞，雲吞皮好簿好滑，內有大大隻蝦，蝦咬下，肉質超爽，粒雲吞除了蝦外只有兩三條荀，雖然清寡了點，但勝在集中，鮮蝦味不會給其他配菜遮蓋，好。幼麵夠爽，成碗麵OK好，若果連湯都用自家「餚」製那種，就very good啦。叉燒腸粉即叫即整要等10分鐘，上枱時熱騰騰，皮幾簿幾滑，但滑得來又有一丁點念住的口感，好特別；叉燒真係好瘦，不過當食到一半無咁熱嘅時候，開始出事，太瘦嘅叉燒變得越來越乾乾的，叉燒還是有一丁點肥的較好，由上枱到就食完都有種濕潤嘅口感。整體都OK啦，滑得可以吧。香港人廣東人基本都愛雲吞粉麵，你會發覺係屋企左近一定至少有一間，多過便利店呢；落街宵夜嘆番碗細容亦是我小時候係公公家裡的指定動作呢，點解？一來小妹無認真研究過，而且小妹覺得無需太過深究，率性一點，喜歡就喜歡吧，何須原因呢！

食物選擇‧$22的魚蛋河下午茶餐，連凍豆漿環境‧坐得舒服，座位不會太迫，不過地下很污糟卻沒人打掃。‧有幾個女侍應落場，坐在其中一個卡位，一邊吃東西一邊高聲談笑，比食客還要大聲......服務‧入到去沒人主動招呼，侍應也沒有主動給杯水，紙巾要開聲問才有。‧只是3時左右，落單時侍應已經說沒有魚蛋，要轉魚角。‧只是一碗河粉，略嫌等候食物的時間久了一點。味道‧河粉不錯，不會很易就斷。‧魚角有三大塊，不過稍咸了點。

好好粥麵 中西早餐都有粥麵 豬排火腿 奶茶 豆漿 咩都有與男友第二次光顧再臨的原因是一碟炒麵 豉油皇炒麵 真係炒得好好d 麵上碟仲好爽身Yummy!!!!仲記得上個月光顧時雞排足足大塊過今次三分一 今次豬排雖然細塊左但香芧味十足 而且不是又乾又鞋身Yummy!一人一個餐巳足夠為食所以叫多一個牛肉腸餐價錢：餐包 忌廉栗米公仔麵 配 豬排＋腸仔 檸水 ＄２１＋３(凍飲) 餐包 火腿蛋 配 豉油皇炒麵 豆漿 ＄２１ 牛肉腸餐 豆漿 ＄1 8

又是同百彈齋主老豆去食飯的大喜日子，問佢去邊食佢又話要去平田美心，真係無佢收。大佬美心0的野咁鬼難食，一於應承住佢先，行到門口一腳踢佢過對面間好好粥麵﹗唔係話"好好"真係好好食，不過點都好過美心MX，快餐店其實如果偶一吃之並無不妥，但係經常食就自然會發覺佢有幾不濟不善，老豆全無要求，只求就手貪平，一個人食我就唔理佢，有我在佢都好難再去到美心食飯﹗之前試過一條友在"好好"吃過，發覺佢地0的燒味做得不錯，睇餐牌八十幾蚊有個二人餐，二話不說點了﹗點完後老豆又依依哦哦，又話成九十蚊一個二人餐唔抵，又話咩美心而家有咩兩餸飯廿幾蚊包野飲好抵，真係聽到都已經扯火，不過難得同佢二人食飯我也抑壓住心中那團小宇宙，只吃不說，睇你有咩乎﹗雙拼燒味要了叉燒同埋燒腩仔，叉燒兩肥八瘦，色水上得靚，入口軟糯肉味出眾，蜜汁亦香濃，叉燒能做到肥肉包著瘦肉似的，確是好吃﹔燒腩仔外皮相當鬆脆，咬落卜卜聲，腩肉半肥瘦油脂豐腴帶鹹香，烤得出色，超好送飯﹗老豆吃完之後無野好講，大佬美心邊到做到呢0的貨色，貴0個十幾廿蚊又唔洗佢俾錢成日嘈嘈閉，真係家山發﹗套餐包兩個白飯及通菜，仲有三粒炸鯪魚球，吃得出自家打製，魚味香，彈勁十足，不

昨晚去了藍田買嘢餓與唔餓之間,路經這裡給大大個餐牌吸引了,見套餐都有啱心水ga嘢食,咪入了這間好好粥麵食飯,店內地方寬闊幾好座 點了一個$42套餐 - 生滾豬潤肉丸粥,味道清淡肉丸新鮮,粥底夠綿唔錯+糯米雞用料ok,不過不失,單叫了一碟叉燒燒腩飯$27-叉燒睇落唔靚仔,但食落輕軟味道又好,燒腩層皮脆卜卜肉唔太咸,飯軟硬適中 這餐飯吃了$69沒有加一收費,而這裡的服務員勤快友善有問必答,有機會會再嚟

放左工黎到藍田, 仲未食野, 2點幾鐘剛好下午茶.見到哩間看似出名食燒腩仔, $17 一碗瀨粉, 總好過到隔離美記食黎食去都係o個兩款燒味.服務唔錯. 店長好快幫我搵左位. 地方尚算乾淨, 夠大又坐得舒服.瀨粉頗為細碗. 始終係下午茶份量.燒腩仔有點失望. 凍冰冰的. 層皮有點係林, 但有點係脆. 真係一啖砂糖一啖_.但腩仔層次分明, 5層一層瘦肉一層肥膏, 食落都不錯.奶茶都幾滑

難忘的星期日：個日同老婆、2個仔仔去食早餐，諗住叫番星期六(27-Nov)同樣3個早餐：皮旦瘦肉粥+糯米雞，白粥+蘿蔔糕，朱扒炒旦+火腿通粉，都係約$55.00。首先講食物質素-皮旦瘦肉粥：裡面D皮旦同瘦肉，(那)埋一大舊成個波咁，D粥又唔熱(只可以話係比和暖熱多少少)，蘿蔔糕都唔知係唔係番'叮'，外面熱但裡面暖，朱扒炒旦：塊朱扒上面起碼可以'不'起多半湯匙油，因為係我親手'不'起D油。直誇張！！！睇見D咁嘢以經唔開胃，跟住加埋D services就更加火滚！當日約10:30am左右到，裡面已經有8-9成人度，等咗一陣就有位，跟住就叫嘢食，其間都好多人等位，但係D staff 就係10:50am開始同人講話冇早餐啦，唔使咁誇張嗎？？有人座咗係度你都應該比佢叫埋先啦，都未到11:00点，攪到好多人嬲爆爆咁走咗，但係最攪笑就係我叫咗3個早餐，(係先叫咗2個然後再後加1個)，明明冇叫炒麵，佢照比我地，講真：佢比得我，肯定佢地有check咗單先比我，唔通我叫10樣嘢要問10次-係唔係我架？初頭冇為意佢地落錯單，但係食食下發覺唔對路.......点解張單有4個早餐價錢出現？？？跟住就揾個staf

下午茶原來14:00就開始.這間店經常會有一款"特別優惠",今次就輪到 叉燒熏蹄飯$19~(雖然相比某些地方這個價錢不是特別吸引,但其實這個優勢亦適用於晚市)叉燒熏蹄飯 - 半肥瘦的叉燒,蜜味程度還可,加上平時少刻意叫的熏蹄,數量頗多,可惜飯的份量不足~牛腸 - 下午茶就極多款,其中牛腸是"走青"的 - 冇咩馬蹄同茜,而且腸粉頗滑,有驚喜.米線 - TEA TIME有些米線看來也不錯,$20不用,連燒肉也可選,有野飲,下次試試先.不過店內人手不足!上菜很慢~和隔離枱亦極近,即使坐到幾多人也是徒然!!!

呢間野真奇怪，推出六點後入座有八折，乜平日0的餐廳唔係話你六點前埋單有八折架咩？一條冷，立定決心連跑鞋都買埋為了要跑步做運動早食飯，6:00pm就來左好好﹗老豆話呢間野0的蒸飯幾好食，我就無咩興趣，決定試下佢個四寶飯﹗30蚊包野飲，四寶有雞、叉燒、燒腩仔同埋鹹蛋一隻﹗腩仔半肥瘦，皮脆而肉帶鹹香﹔叉燒色水做得幾好，雖軟熟但蜜味唔夠﹗鹹蛋大家一睇就知唔夠油水，普通貨色﹔白切雞我反而鍾意佢唔會太肥又肉嫩。四寶裡面兩讚兩彈，俾個ok啦﹗

未曾黎過啟田商場, 今日係約左 peter 仔俾書我先至第一次踏足。由地鐵上一路見好多店舖好多人好熱。攞完書一齊去食lunch, 本來佢提議去 3盞燈, 但去到門口見隔離好好粥麵門口大牌寫明爐燒味, 個樣好似幾正, 改變主意去好好食。雖然已經差唔多2點, 但店內居然幾滿人, 遠遠望見入面燒味檔幾吸引，以前食過佢地嘅雲吞麵, 估唔到而家出埋燒味 ! 叫左 叉燒飯 $23 連飲品 , 幾 juicy 兼好腍, 份量都頗足夠，peter 要左四寶飯 , 居然成碟食晒，佢話比美心好食, 見隔離都幾多人食燒味, 應該真係唔錯。埋單合共$51有飯有野飲, 算幾抵食，唯一不滿係座位幾迫。但估唔到好好做燒味都有驚喜, 第日又多一個地方食野！

2/4(四) 8:30pm兼職過後,與M先生來個短聚商討公事.到訪抗海嘯,與食客共度時艱的"好好粥麵 ".八時後入座除特價食品外,其餘菜式可享七折.我倆點了皮蛋瘦肉粥跟蝦米腸$34及小菜套餐:西蘭花斑球$44.蝦米腸--腸粉質薄卻粗糙,蝦米的體型相當迷你,鮮味給蔥花輕易搶奪,傾入獨立包裝的甜醬及麻醬食之,尚有不足.皮蛋瘦肉粥--粥底蠻綿稠的,鮮味適度;皮蛋則吃落質地糯口且沒石灰;而鹹瘦肉絲絲入味,簡單至上的粥品.西蘭花斑球--斑球味道直接,魚肉具厚度,而西蘭花則作低調的配角.年輕侍應禮貌周周,服務稱意.香港人,好好細味海嘯中的浪花...

今日同細佬去食叫左兩個套餐 嘩 使唔使呀 40 一個套餐兩個人就要成 80 食個午餐 我去花園食都仲得呀叫左個牛筋腩河 完全有筋就冇腩 跟住個雲吞酸辣米線先搞笑 完全唔辣同唔酸 要自己加 醋同辣椒油 同埋個湯係冇味架 真係搞笑食野仲搞笑 諗住俾錢 又冇EPS 又冇 信用卡 咩餐廳黎架同埋佢落左超多味精 我食完返屋企 要勁飲水呀 成2-3 鐘都仲感到口渴li間野真係令我好失望 一流既裝潢 同埋 極貴既收費 但係就九流既食物 同服務佢咁既價錢 我上去椰林閣食好過 有湯又有包又有野飲 食埋beef steak 都係30幾 好過去佢li間