好好甜品

营业中

休息中

是日又要到大埔中心, 因要留肚吃晚飯, 於是又來一客甜品, 對彩虹已失興趣, 惟有走遠點到印象不錯的好好。下午茶時段客人不多, 餐牌內甜品選擇頗多, 額外的餐牌是專攻芒果及榴槤的, 但只有冷凍甜品供應, 老板娘說冬天才有熱的糖水, 於是試了榴槤甘露, 本身用先雪好的楊枝甘露再後加榴槤肉, 榴槤入口香軟且甘, 甜味不會過濃, 食後口裡還留下榴槤的餘香, 喜歡吃榴槤甜味重者可能會覺得這個會有些少苦澀味(甘), 但這品種多吃也不會那麼膩, 再配上楊枝甘露口味也相當合襯, 若楊枝甘露配上新鮮材料是即做的話相信會更加美味可口, 驟眼看似細碗的榴槤甘露, 其實份量也不少, 食後也頗滿足, 下次想吃榴槤甜品的話會再來。

哩度雖然係遠左DD..但係真係好食過大中果DD..鐘意食榴槤既真係一定要試下呀!!!!20蚊唔洗就有碗榴槤糖水..仲真係要有榴槤肉..正!!

以前在這裡試過不錯的榴槤布甸，今趟來吃想試試其他的，如熱糖水，但要待十月才有供應。那麼就從一系列芝麻產品中揀選了芝麻豆腐花，入口的芝麻糊夠凍，吃落有自磨黑芝麻的口感，但香味仍與玉葉的出品還有一段距離。而豆腐花可說比起在超市買回來的還差，沒有豆香味之餘也完全用不上"滑溜"二字來形容。

食左個椰果甘露，真係好大舊芒果呀，但椰果就切到細細粒～另外士多啤梨豆腐撈都好正！甜甜地撞埋一齊好好食～仲見到有芒果燸米飯等熱食，但唔知有冇人會叫呢？夜晚去好多人呀～不過服務幾好，ｄ伙記都好樂意解釋甜品。下次會再黎呀～平過ｒainbow 但水準都差唔多。

雖呢間以芒果馳名作為招牌甜品！但其實芒果只係另一個經營手法！呢間Ｄ中式糖水仲完全唔掂！甜品水準都下降！我覺得仲差過＜彩ｘｘｘ屋＞o添！點解可以連最基本中式糖水都整到o甘様！只係用＜芒果大王＞作為招牌！！原來呢間Ｄ芒果都唔係上等！！簡直係失敗！！＜芒果大王＞只係一個名並唔係真真正正是＜芒果大王＞原因係以芒果馳名Ｄ甜品一Ｄ都唔好食！因為我星期日來到食"芒果紫米撈"果然非常難食！！以芒果馳名的＜芒果大王＞呢個名係我心中粉碎！！！但係以後都唔會再去！！！

十蚊一碗既淨涼粉, 竟然可以得三份一係涼粉, 其餘只係加大量既冰!!! 個外賣碗已經唔大架啦, 仲要得咁少!! 以前食過其他甜品, 份量已經少, 今次仲要咁樣呃人法... 又唔係好食, 都唔明點解仲會有人去食... 我雖然住得近, 但係以後都唔會再去!!!

間野原來叫好好....不過我同d fd都係叫佢做芒果大王, 叫慣左d糈靈都幾好食ga, 我覺得呢到d野食好食過rainbow個d不過我最鍾意既係士多啤梨西米露,正呀~!!不過位就迫左少少囉

情況copy自小弟日記↓2人齊到好好甜品食糖水,e間店鋪的甜品以芒果馳名,而我所選的"芒果紫米撈"果真不錯,芒味十足,紫米亦軟硬適中..........但係果度的廁所卻相當有問題,小弟小解時, 頭頂突然爆屎渠,我走慢半步恐怕都屎水照頭淋..........

去大埔食甜品，個個都話Rainbow但係我覺得lee間都唔錯，不比Rainbow差我鍾意lee度既榴槤珍珠露~榴槤好香同埋唔稀，都幾足料。同埋有一舊榴槤肉~都係好似$17~我覺得ok~幾好~又有toilet唯一要彈既係間舖頭細左d~不過朋友們要迫下迫下傾計先開心

我最鍾意都係芒果豆腐撈，芒果同冰打埋一齊，入口好凍，芒果帶少少酸，但係同豆腐花味道偏偏又好配合，想食甜少少，可以諗諗忌廉芒果豆腐撈。

先叫左個榴槤椰果撈同埋榴槤芒果紅豆撈, 一啖食落凍到牙軟, 只因呢個撈係張d榴槤同冰打埋一齊, 再落其他材料, 個椰果撈較多榴槤肉, 較甜, 所以後來叫個係槤豆腐撈, 加左d豆腐就平衡返d甜度, 唔鍾意食咁甜o既話, 呢款就剛剛好, 近區都冇咩出色甜品店, 呢間都總叫食得下。埋單總計$5x

一字記之︰差估唔到吪度除O左食她的招牌芒果甜品外，其他甜品都不好味。是晚要了一碗熱南北杏雪耳木瓜糖水和芝麻糊，我見住個店員從雪櫃拿出數舊木瓜放入個白碗裡面，然後從一個"梯"兜了一"喝"水(我估係糖水)，再放入微潻爐入面叮熱，端上來時我真係想破口大，但又被姐住(唔知點解次次都有人阻止我>_<)佢咁做生意，真係令我好不屑，雖則芒果係列O既甜品係幾出色，但咁樣欺騙消費者實在極之過分。我沒有吃那碗木瓜糖水，一想起佢整O既過程，乜食慾都冇，另姐要了一碗芝麻碗和一碗綠豆沙讓我下火，那碗芝麻糊一望就知係開粉O個種，所以不用置評；綠豆沙煲得未夠火候，而且好甜，基本上我不會再來這兒！

原本以為會好似以前咁好食，但昨天跟妹妹來吃，發覺啲芒果汁加了很多糖，好甜，難以入口。但芒果依然好好味。

今晚試埋佢地o既"精靈" 系列, 紅黃綠三款之中我要o左"綠精靈" ($23).呢個係大堆頭o既刨冰甜品, 生果有蜜瓜球, 哈蜜瓜球, 西瓜球同芒果; 汁底有椰汁, 兩種珍珠, 椰果, 蘆薈, 同埋淋o係面o既綠色神秘糖漿.o的生果球同芒果都好鮮甜, 汁底料足又有趙口, 份量同質素絕不欺場, 但成個甜品o既靈魂就係綠色糖漿裡面o既一粒粒神秘果肉, 酸酸地又有o的芒果同柑橘味, 問老闆娘至知o個o的原來係泰國o既青芒, 唔怪知得咁好味啦! 23蚊我覺得好味又抵食. 黃精靈o既"黃" 應該係熱情果漿, 紅精靈o既"紅" 就唔清楚係乜, 下次o黎食再試埋佢.

作為"芒果大王" o既新店, "好好" 推出o左好多新款甜品. 今晚我就試o左佢地新o既'雪花飛飛' 系列之中o既其中一種- 雪花芒果($15).雪花芒果原來係椰汁同冰打成o既薄沙冰, 質感同食芒果XX撈o既芒果冰一樣. 碗底有唔少甜紅豆同綠豆, 面頭有三塊蘸有熱情果漿o既鮮芒果肉, 撈埋一齊o黎食真係好味到難以形容! 15蚊食味道同創意絕對超值!聽老闆娘話"芒果大王" 同"好好" 係細舖搬大舖, 遲少少"芒大" 老舖會結束, 專心經營"好好". 一向幫襯開"芒大" o既顧客記住返o黎幫襯"好好" 啦!下次試埋其他o既新款甜品先再評啦!