好好甜品

一场黎到大埔，专登去咗间33年嘅老字号 - 好好甜品 芒果大王。试咗佢哋嘅招牌芒果椰汁西米露。一上枱卖相都唔错，睇落几吸引。不过一食落去就觉得个芒果汁有啲失色，因为沟咗啲沙冰落去，搞到个味道偏淡，唔系好够芒果嘅香甜味，有少少失望。再捞多两捞，发现入面嘅芒果肉份量都唔算多，数埋数埋得三粒，对于我呢个芒果迷嚟讲真系有啲唔够喉。好彩个椰汁味够出，够香浓，叫做搭救返少少，整体味道都算可以接受。但讲到价钱，呢碗糖水要成四十几蚊，以咁嘅质素同份量嚟讲，真系有啲贵。性价比唔算高，同区其他舖头可能平少少但足料啲。如果唔系特别为咗个椰汁味，下次都可能未必会再翻叫呢款啦。…查看更多

刚刚游完水，谂住好耐冇食芒果大王-好好甜品，谂住叫个杨枝甘露嚟食（$43），但真心冇比较冇伤害，我成碗嘢都系得三细粒嘅芒果，落咗order 1分钟都冇就俾咗我啦，碗嘢好多西米，冇咩芒果味嘅汁底，仲要系劲细碗，真系喺对面7-Eleven买个鸿福堂嘅杨枝甘露好过。我谂呢一次系我最后一次俾机会，大埔区都有两三间开咗新嘅甜品舖，如果你要我俾$40至$50呢个价钱，我会宁愿俾佢哋，我知而家市道唔好，餐饮嘅好难做，但系食嘢都讲求质素。。…查看更多

大埔人嘅集体回忆，最近一年转咗手，多咗电子支付，多咗电子化点餐系统同埋二维码自助点餐，制服同形象唔同咗，餐牌个样唔同咗，而家个餐牌好睇咗同埋靓咗，食嘅嘢一样，价钱都系差唔多。𠮶度嘅同事比其他糖水舖有服务。餐厅四只大字芒果大王就系主打食芒果甜品，餐厅将啲新鲜芒果全部放晒喺店面玻璃，要用嘅时候就执入厨房。而家即叫即做港式糖水买少见少，落单之后见厨房即刻制作，芒果同其他生果好甜系新鲜嘅，小丸子西米𠮶啲底属于正常水准，隔篱枱食蛋白炖椰皇好香，不过已经卖晒，下次一定要试吓。…查看更多

「好好甜品」不单止甜品出色，连小食都好有水准！环境舒适，服务亦贴心，一定会再encore😋💡 推介程度：⭐⭐⭐⭐⭐芒果小丸子 $42 餐厅用嘅系鲜芒果，即叫即整。芒果肉够甜，汁底香甜又冰冻，小丸子烟靭弹牙，口感丰富，非常满足。蒜香鸡翼尖 $28 蒜香鸡翼尖煲得非常入味，每一啖都食得出浓郁嘅蒜香。呢个价钱加上呢个品质，真系抵食！…查看更多

#红豆沙味道正常，豆沙煮得够绵密，但甜咗少少#糖不甩怀旧甜品，汤圆都煮得烟烟韧韧，配埋香浓嘅花生粉！味道正常，虽然冇咩特别之处，但如果你想揾个地方食传统糖水，呢度都唔错！…查看更多