好好吃飯公司 (已結業)

這家餐廳環境很好！食物不僅外型美觀！色味俱佳，做法保留了食材原有的味道！服务细心！招呼殷勤！上菜速度也非常快！空调环境设备都非常好！地点方面邻近地铁站！下次一定會再光顧

Lunch time 叫左個普通雞扒腸仔飯 12點20落單 等左20分鐘 仲要催佢先肯黎樓面唔夠人手 個餐我叫先 但又比左隔離枱 雖然本身都冇咩期望 但個餐一黎真係頹到不得了 無下次

由一開吃到今日愈來愈失望吃lunch12點22分落單然後12點46都未有然後問個伙計 係咪漏單個中坑呀叔話 千軍萬馬點同你check就行開左之後等多十分鐘個煲黎到 所謂煲仔小菜凍嘅沙嗲牛肉煲 汁還汁 牛肉還牛肉完全分開煮撈埋一齊ok仲有一個煲仔小菜再等多5分鐘西檸雞煲 啲汁凍嘅 連個煲仔都無埋 是旦比個碟上可能我concept 錯以為煲仔一定係熱辣辣同啫啫聲最後發現廚房係group晒單一次出吃晒 杯野飲差一杯凍奶茶未到 又係要催最後成餐飯一共等左50分鐘先齊晒啲野

公司附近無乜餐廳，有間個環境無咁頹嘅茶餐廳之前都同同事食開，而呢排忙得滯就少出去食飯，今日難得無帶飯就叫左個茶餐外賣返公司食啦！之前一直幾鍾意佢嘅西多，全份食真係幾爽，沾蛋漿滲入個包到，有次食到覺得都幾似法式西多，不過就要撞手神，好似今次就食唔返個種感覺啦！下午茶可以揀半份西多拼迷你包/雞髀個啲，今次就試下迷你豬扒包，個樣都幾似澳門豬扒包。豬扒個頭都無欺場，其實食落就唔迷你。豬扒有少少乾但仲接受到，邊位幾脆，厚薄度適中。仲有蕃茄片同菜夾係中間，加埋啲沙律醬。西多半份可以止下癮又無全份咁邪惡，入面嘅花生醬都算搽得厚，邊位仲有脆邊嘅效果。如果現場食會更正吧！茶餐外賣加埋盒錢$37唔算好平，但勝在夠近公司食物選擇又算多，都唔錯嘅！

有日喺葵涌做嘢，喺工廠區食午餐，同事帶我去咗呢間餐廳，本身冇咩期待，一入去比個招牌吸引咗😛🔸霸王雞套餐🐥薑蔥霸王雞好大碟，霸王雞啲豉油汁好入味，不過啲雞肉唔夠滑。睇見隔離枱啲煲仔小菜同鐵板餐幾吸引，下次可以試吓🤣

#葵興 終於寫呢篇食評, 呢餐飯其實係上月中食的!🤣😂 話說我又喺舊公司附近發掘咗間新餐廳! 係呀, 我轉咗工, 所以係舊公司! 😁.😙個餐牌根本光榮咁款, 有三眼仔飯, 又蔥油雞/豬扒, 仲有咖喱, 係無煲仔飯啫! 🐥我試咗個薑蔥霸王雞, 雞肉好嫩滑, 成份例牌咁大碟! .🐖當然唔少得蔥油豬扒煎蛋飯啦, 豬扒都煎得幾香, 肉唔算好厚! 🍳荷包蛋係反蛋, 有特別要求要事先說明! 蔥油超級香, 份量又多, 美中不足係太太太油, 同光榮比仲差一截！ 🍚飯係軟熟的, 非一段茶餐廳平價米飯, 讚!