女人街食飯公司

营业中

休息中

收埋喺間類似商業大廈，但裝修到大排檔咁嘅樣🤣🤣🤣有冷氣夏天啱哂👍同埋好闊落👍👍食物質素都ok 但又未至於好高質🙈黄金鮮魷肉質好爽，但炸皮有啲淋，同魷魚分得好開，咸蛋味唔重，有少少失望😕馬拉盞芥蘭煲幾好食😋仲有啲蝦乾🤩芥蘭唔苦無渣，好翠綠，好推介大家order 呢味椒鹽排骨新鮮熱辣炸起😋都算多肉，唔會油笠笠ok👍人均~$100，唔算平但可以接受不過睇隔離枱嘅午市套餐就好大份勁抵食，下次可以試下

今日食大排檔，由門口已經feel到佢陣懷舊味，好似搭左個七八十年代既棚咁，好有拍劇feel🤣。極速就上晒菜😮秘製蔥油雞明明叫咗招牌瑤柱走地雞，但個伙記落錯咗😅，廢事換。雖然唔係我order想食嘅，但係食落都唔錯嘅，雞既肉質幾嫩滑。八味脆鮮魷其實係椒鹽鮮魷，有鑊氣嘅惹味小炒，夠乾身、夠入味！👍鳳梨懷舊咕嚕肉即炸上枱，脆漿好薄，好味！好想試佢個招牌杏汁燉豬肺湯，不過佢係4人份，我地得2丁友😕，唯有下次拉大隊去！

香港愈黎愈多打卡餐廳, 最近就係友人社交平台見到旺角一間以懷舊做主題嘅中式餐廳, 吸引我同丫妹今晚去打卡, 順道食餐dinner。門外至餐廳內任何一個角落都富有懷舊色彩, 無論安排坐任何一個位, 都能拍出懷舊風。食物都以中式為主, 傳統菜式, 亦有部分加入新煮法, 滿足不同年代食客口味。【鳳梨懷舊咕嚕肉】HK$108每件咕嚕肉表面平均沾上了甜酸醬汁, 炸皮薄帶微脆, 肉質偏瘦札實, 有口感, keep到些少肉汁。伴有三色椒、多汁又林嘅嘅菠蘿肉, 相當醒胃。【青芥沙拉骨】HK$108沙拉骨肉質札實, 偏乾咗少少, 唔係每件都連帶骨, 肉比例較多, 表面沾了青芥醬, 甜中帶微微wasabi, 唔會太攻鼻。【老虎大蝦龍蝦湯脆米泡飯】HK$128湯跟一碗仔脆米飯分開上, 超大隻老虎蝦極為吸晴, 鮮味彈牙, 湯底甘香清甜, 入面有少少菇類、蜆肉加添層次, 將湯加入脆米中即時入口, 脆米半吸湯狀態下, 微脆鮮甜, 唔錯!

同爹哋媽咪黎到旺角，行完街就帶咗佢哋去通菜街呢邊，樓上嘅大排檔，呢間餐廳採用懷舊嘅裝修，但係價錢依然係大排檔嘅價錢，最緊要有冷氣嘆，又乾淨，啱晒爹哋媽咪。啤酒🍻～帶得爹哋黎，又點少得同佢啤一啤，呢度嘅啤酒用碗飲，特別有氣氛😚✨豉汁蒸鱔～白鱔厚肉，撈埋豉汁，惹味得黎又嫩滑，店家仲落咗少少陳皮去辟腥，幾甘香。✨XO醬海鮮小炒王～幾乎每台都有order嘅小炒王，材料有椒絲、蒜芯、蝦、蝦乾、腰果，有咸香、鑊氣，啱晒配搭啤酒✨風沙九肚魚～表面佈滿炸蒜，上枱已經聞到香噴噴，表皮酥脆，入面魚肉仲好滑溜，下面鋪咗啲生菜，隔咗油份添👍✨屋村三鮮～有生腸、墨魚、鴨腎，以前真係街邊檔先至食到，而家疫情關係，買少見少，呢度夠乾淨，真係好難得，食落冰冰涼涼，口感爽脆。

想食大排檔又怕唔衛生？可以試下嚟女人街食飯公司🙈同樣係大排檔既裝修. 但有冷氣又更乾淨係選擇困難症逼使下. 4個女人仔分別叫咗8樣野🤣.🍲招牌杏汁燉豬肺湯個湯充滿杏汁香味. 清甜滋潤每人都飲到2碗啲湯渣拎出亦有一碟餸既份量超值👍🏻.🥢餐前小食： 地道咖喱水魷魚&八味脆豆腐&家鄉鯪魚球$158有三碟.重要每碟都大大碟豆腐脆口嫩滑.鯪魚球每粒都脹卜卜好彈牙水魷魚咖喱味好濃. 爽口彈牙. 🥢XO醬馬拉盞芥蘭煲啱哂重口味人士. 非常有鑊氣芥蘭鮮嫩爽口.🥢黑椒蜜餞薯仔牛柳粒牛柳大大粒唔會鞋口大愛佢個薯仔🥔. 有炸過加上甜甜既味道令人一粒接一粒食唔停. 🥢黑松露鮮蝦多士蝦多士炸得透脆又唔油膩😍大大隻蝦.沾埋松露醬好好味.🥢砂煲臘味豬油撈飯上枱時店員會立即倒啲豉油落去再將佢撈勻. 焗一陣就食得啦啲臘味切碎左一粒粒撈埋係啲飯到充滿香味😳煲底仲有好脆嘅飯焦🍻青島啤酒食大排檔點可以無啤酒？！用碗飲特別好飲🤣爽呀

今日約左班fd 去旺角行街買波鞋買完野就喺附近搵食諗起呢間一直想試嘅懷舊中菜就一齊黎試下門口已經有對好懷舊嘅龍鳳裝飾真係好正！我地揀左最多人叫嘅黃金脆鮮魷彩椒黑醋脆豬柳金菇沙茶肥牛煲上菜速度好快食物感覺好新鮮黃金脆鮮魷果然係招牌菜又香又熱辣辣個皮好薄魷魚好鮮味正！本身想食咕嚕肉點知賣晒😮‍💨唯有試下差不多黑醋脆豬柳豬柳微酸唔會炸到好硬身連彩椒一齊食唔錯！金菇沙茶肥牛煲沙茶醬香而不辣唔會太膩配嫩肥牛超下飯！食飽飽再加碗我最愛嘅蛋白杏仁茶杏仁茶好香濃但無粉粒蛋白滑嘟嘟超養顏！

旺角懷舊特色大排檔 — 女人街食飯公司▫️呢間位於旺角嘅女人街食飯公司，店舖放置了充滿懷舊特色嘅霓虹燈，充滿香港本土特色，而且仲佈置左香港六七十年代嘅舊式髮廊、鐵閘等好多打卡位，真係設計用心！平時見到網上好多人都大讚呢間大排檔嘅食物質素唔錯，今次同朋友咁啱經過，就一於決定試吓啦🤩~▫️金沙脆鮮魷$108入口鬆化可口、內裏彈牙，皮肉唔會分離，每一舊都比滿滿嘅鹹蛋黃包圍，夠曬邪惡😈！▫️風沙九肚魚$88好耐冇食九肚魚啦🤩每一舊九肚魚都好大舊，真係外脆內軟！見到係好多汁好juicy，配埋炸蒜，真係好香脆可口！▫️青芥沙拉骨$108真係啖啖肉！肉質嫩滑，配上芥末醬好惹味！▫️咕嚕蝦球$168蝦球質地好爽口彈牙，感覺好新鮮，而且醬汁酸酸甜甜好開胃。▫️屋村三鮮$78即係生腸、雞腎、墨魚。滷水汁醃得好入味！墨魚好爽口！▫️鹹檸七$24好解渴▫️值得一讚嘅係每一碟菜嘅上菜速度都好快！全部都係新鮮整，熱辣辣！整體來講，覺得呢一間大排檔嘅質素不錯👍🏻回頭率高😋▫️地址：女人街食飯公司 (旺角)旺角通菜街1A-1L威達商業大廈1樓B室。▫️#goeat旺角#旺角美食#旺角大排檔#女人街食飯公司#旺角通菜街#旺角女人街#通菜街

屋村三鮮-豬生腸、鴨腎、墨魚$78黎大排檔梗係要食下啲滷味先夠過癮😆呢個菜一食就有超凍嘅感覺🤣🤣🤣連隻碟都好凍❄️啱晒夏天消暑食💨三款都非常爽口😋有口感😝同個甜醬同埋芥末都好夾黑松露厚蝦多士🦐$28/個(最少要叫3個)都好大舊🤣超飽肚☺️一食就知係新鮮炸😚所以脆過薯片😌同個黑松露醬都幾夾隻蝦😊個沙律醬仲可以解膩😊麵包炸到金黃色好靚得來又好食😆又唔會搶走蝦本身嘅香味 😆鳳梨懷舊咕嚕肉🍍$108酸酸甜甜咕嚕肉超開胃😊啲豬嘅肥瘦比例適中😇炸粉都唔算多😆又唔會好乾身😌伴碟嘅菠蘿酸酸的🤣更加帶出咕嚕肉嘅香味😆金銀蛋浸時蔬🥚$88好可惜個莧菜賣晒所以試咗白菜🤣🤣🤣金銀蛋+白菜配搭好似好特別🤣另外估唔到佢嘅鹹蛋同皮蛋都切都好細份量好多😆莫名地神奇係佢個湯底勁撈飯勁好食🤣🤣🤣🤣用碗飲酒好特別🤣🤣🤣🤣🤣

大排檔一向都係港人三五知己至愛聚腳開飯地之一，小炒款式多，加上一班朋友開懷暢飲汽水啤酒吹水，一樂也！較地道大排檔一般位處半露天無冷氣位置，衛生環境未必太理想。開係女人街呢間女人街食飯公司將呢份情懷延續到上樓鋪，餐廳乾淨整潔冷氣滿滿。餐牌保留傳統有海量即炒小菜選擇，一班朋友可以各適其適，黎到一定會搵到合心水既菜式。.餐廳設計走70年代港式風格，四處都係打卡位。佔地足全層，地方闊落兩次黎到都接近全場爆滿十分熱鬧。已經係第二次光顧，第一次同一班朋友來，小菜一落檯已經被人掃清唔太方便相機食先。今次人少少再訪可以慢慢影再試一下新菜式。.黑松露鮮蝦多士 💲28/件 (三件起)⭐️4.2/5餐廳必點招牌餐前小食，上一次大家都讚不絕口既鮮蝦多士絕對要Encore。呢款懷舊小食麵包炸得酥脆香口，蝦膠彈牙配黑松露香味突出。.咕嚕蝦球 💲168⭐️4/5上次試過懷舊鳳梨咕嚕肉，今次試埋蝦球版本。蝦球超大隻，炸粉皮薄脆口，菠蘿鮮甜，酸甜度剛好幾開胃。 .古法豉油王鮮鵝腸💲148⭐️4/5朋友話越來越難搵到好食既新鮮靚鵝腸。呢份鵝腸擺盤好靚，蔥絲、大量鵝腸再配爽甜芽菜底。鵝腸口感鮮甜爽脆，不過我更加欣賞佢份芽菜底😂，

來到女人街大牌檔食嘢啦，你唔好呃我啦，女人街有大牌檔咩？石硖尾街就有。查實我係來到女人街，即係通菜街樓上一間叫做『女人街食飯公司』嘅餐廳，係有個朋友知道我鍾意『豬肺湯』而推介的。第一個嗌嘅就係『招牌杏汁燉豬肺』，留意吓，係『燉』嘅，唔係『煲』嘅，一個大盅可以提供4人份量，待應幫我哋『bat』啲湯渣出來，嘩，真係勁多材料，最重要係主角豬肺都有4～5大舊，以前飲開『xx紅』可能都有4～5舊嘅，不過好細舊囉，一個咁嘥工夫嘅湯屋企冇人可以煲畀我飲，唯有出街飲，目前為止，呢間係最多材料又最軟腍又有口感的top1，真係多謝朋友推介。『屋邨三鮮』有魷魚，雞腎，生腸，三樣嘢都各有特色又滋味，食到舔舔脷的食物，價錢又實惠，70零蚊就食到。『黑松露厚蝦多士』蝦爽口，多士香脆，仲有黑松露增添富貴感，彌補了昨天喺坪州食唔到的遺憾。『香菇油渣蝦子撈麵』味道適中，又有久違的油渣，真係懷舊又好嘆的一餐，唔怪得咁多人幫襯啦。

大排檔絕對係香港獨有既飲食文化，但隨左時代既轉變，加上衛生問題同連所集團既冒起，大排檔漸漸式微，成為大家既集體回憶，慶幸旺角竟然有間以懷舊本土大排檔作賣點既中菜館，真係要約返三五知己去懷舊下店內裝修真係花左好多花思，舊式既招牌、霓虹燈、鐵閘、圓形既木紋摺枱、連枱上既茶壺都係彷照舊有大排檔，完完全全咁將大排檔既特色一一呈現出來嘉士伯啤酒去大排檔緊係要飲大啤啦，仲要用碗飲先爽黑松露蝦多士蝦多士配上黑松露醬，融入左傳統與fusion既概念，蝦多士炸得夠鬆脆，原隻蝦放在係面，同黑松露醬都夾到鐵板黑椒原隻豬手豬手好嫩好滑，鐵板上夠晒熱再淋埋黑椒汁，好惹味招牌瑤柱走地雞隻雞好滑，上面鋪左d瑤柱絲、炸蒜、蔥絲，再配埋薑蓉，泰式酸辣汁，有點海南雞既風味金蒜銀絲蒸大元貝蒸元貝最能食到元貝本身既鮮味，加埋蒜蓉、豉油、粉絲一齊蒸，粉絲將d精華索晒後真係好好味呀薑蔥花膠南非鮑魚煲兩隻南非鮑魚好彈牙，花膠食落帶少少粘性，比我想像中大舊，薑蔥爆後好惹味，但個茨汁較油，夠油膩先係傳統老虎大蝦龍蝦湯脆米泡飯老虎蝦好大隻呀，湯味道濃郁，配上一碗脆米，當脆米浸湯後就變成泡飯，食個刻覺得好好味連湯都飲埋，不過之後勁口渴無論

放工約咗朋友黎呢間女人街食飯公司食晚飯，餐廳環境以懷舊香港大排檔為主題，包括有霓虹燈、鐵閘同紙皮石等據代表性嘅裝飾，打卡一流。而且餐廳環境都好大，每張餐枱之間都有一定嘅距離，食客可以安心用餐，而且坐得都幾舒服，啱晒一班朋友敘舊傾偈。麻香手撕雞沙律份量都幾多，雞絲同青瓜絲都夠幼細，雞肉一啲都唔鞋口，青瓜絲爽脆清新，係一道唔錯嘅開胃菜，啱晒夏天食孖寶套餐B，套餐包括薑蔥花膠鮑魚煲同埋蒜蓉粉絲蒸大元貝薑蔥花膠鮑魚煲一上枱已經聞到陣陣既薑蔥香味，花膠煮得好夠淋好滑，入口即化，而且好入味，個汁味道濃郁，好香薑蔥味，送飯一流。而鮑魚大大隻，新鮮爽口彈牙。蒜蓉粉絲蒸大元貝元貝鮮甜彈牙，蒜蓉同粉絲都幾多， 滿滿咁鋪晒喺面，粉絲蒸得夠腍，配埋蒜蓉同豉油更出色，呢個配搭絕配金沙脆鮮魷鮮魷香脆可口，外層包住起晒沙嘅鹹蛋黃，鹹香濃郁，夠晒邪惡，一定要同朋友分享

呢間餐廳我收藏左好耐嘢食係大排檔風味😍室內裝潢係七八十年代懷舊風🤤勁吸引我🥳🥳🥳.🔺黑松露鮮蝦多士 鮮蝦大大隻配香脆多士😋入口淡淡黑松露香味沾埋黑松露醬就更加香濃🥰.🔺啫啫班頭腩煲啫啫煲食得多班頭腩就第一次食煲以鮮香嘅石班腩為主又冇乜骨🤩嫩滑嘅魚肉入味多汁～正！送飯一流😚.🔺香噴噴油飯呢個油飯必食🤣油飯香口但唔油膩💘比一般豬油撈飯更好味.大排檔除咗鑊氣小炒煲仔菜亦係我嘅心頭好💕最後忍唔住叫多煲🤣.🔺金菇沙茶肥牛煲沙茶香濃、金菇肥牛入味仲加左菠蘿令煲仔變得酸甜開胃🤤

未試過食一餐大排檔中餐仲耐過食法國菜.超過40分鐘都未出到第一個餸.追佢出餸嘅時候，先至同你講優惠孖寶入面有個餸已經賣晒.算咁轉另外一個餸.之後再隔多15分鐘， 都依然未見到第一個餸.跟住有侍應走過來問我last order要嗌乜嘢.當時已經差唔多9:15pm . 我亦有問佢我一個餸都未有 ，點叫last order.由於怕唔夠食最後last order 加多一碟菜.最後終於有餸送上到嚟 ， 可以開始食飯.已經9:40pm.Last order 加碟菜仲經典， 個侍應話自己唔記得落單. 幫我地取消番. 跟住轉個頭就走咗去.之後都唔會敢再去呢一度食飯. 服務態度差之外.食物質素非常普通. 青芥末排骨仲係咬極唔開. 韌到以為係牙膠.

想有大排檔感覺但又怕熱，女子組今晚開餐係呢間搞鬼食店，見到門口對龍鳯就知咩料啦係大門口望入去，裝修佈置到成條舊屋邨店舖咁，兒時回憶大迴轉，打咭影相獲LIKE應該無咩難度大圓摺枱及枱面餐具都係大牌檔格局，見到個洗餐具大碗感覺真係返晒黎食物選擇都唔少，想食大牌檔大路菜式應該實搵到雖然今晚唔飲酒，但係係佐酒小食類搵到呢碟屋邨三鮮 ($78)，三鮮即係生腸，鷄腎，墨魚顏色配搭係橙啡橙排列，面頭舖上蔥絲，配以甜醬及芥末三款食物都係爽口型，凍食配上醬汁同食，有點熟悉嘅感覺，好似食緊附近X姐小食，不過係碟上走串枝，哇哈哈.........!今晚嘅食物種類分別有魚/肉/菜，均衡飲食嘛先出場有肉類代表: 青芥沙拉骨 ($108)，擺盤無任何雕花裝飾，肉排上被青芥沙律汁包圍，再灑上芝麻增加香味肉排有相當厚度，食起黎啖啖肉，青芥辣度係溫和嘅，被沙律醬汁包圍嘅肉質變得幼滑，用黎送飯都唔錯!呢碟曼谷咸魚炒芥蘭 ($88)，究竟因咩事關曼谷事?  咸魚定芥蘭來自曼谷?  定抑或係曼谷炒法?  無從考究，好味就得啦!  部份芥蘭係削過皮，食落清甜無渣，混入咸魚碎粒加普寧豆醬一齊炒，咸甜鮮味都有齊!跟住就到薑蔥頭抽魚