女人街食飯公司

营业中

休息中

之前已經bookmark左呢間充滿懷舊大牌檔風既小菜館一段時間.今日難得經過旺角就黎到碰一碰運氣睇下洗唔洗等位,咁啱一人就有位.由門面到內裏裝修,以木枱,霓虹燈打造出香港懷舊風格.黃金軟殼蟹將軟殼蟹炸香後加上邪惡既流心鹹蛋黃醬,充滿軟殼蟹鮮香既同時亦帶鹹蛋黃既鹹香.沙沙感既鹹蛋黃配上炸軟殼蟹,香而不過膩,作為下酒菜絕配.豉油皇龍鬚炒麵豉油皇炒麵一向都係我係大牌檔必點之一!充滿獲氣既炒麵再加上鹹中帶甜既豉油,味道加倍惹味.炒麵乾身彈牙,入口又唔會油淋淋,配上爽脆既銀芽同彈牙既魷魚令口感更豐富.金銀蛋浸時蔬清甜既白菜仔配上金銀蛋及經蒜頭爆香既湯底,香甜又帶出淡淡鹹蛋黃香.蒜蓉粉絲蒸大元貝原個大大粒開殼帶子加上蒜蓉粉絲蒸熟,新鮮蒸起見到已經覺得超吸引.帶子同殼容易分離,質感彈牙鮮甜.配上充滿蒜香既粉絲極滋味.

以前食過幾次嘅女人街食飯公司，相信最吸引大家嘅喺裏裏外外嘅裝修，猶如返到去80-90年代，我好鍾意懷舊嘅風格，所以真係好鍾意呢間舖頭門口左右有一龍一鳳，入面裝修設計好特別，十足十大排檔一樣，有啲位置係海鮮檔門面、燒肉檔門面、麗晶大賓館門面，理髮店門面、車仔麵店門面…餐廳其中一邊係望街外舊樓，喺舊樓輔助下，完全融入到室內懷舊格調，仲有舊式招牌叫人切勿亂拋垃圾，感覺趣緻呢到播嘅歌曲全部係📀80-90年代金曲🎶，呢個時間出世嘅相信首首都識唱🎵🥢黑椒蜜餞薯仔牛柳粒💰$168一向都好鍾意食呢道菜，炒得好夠鑊氣，牛柳粒一啲都唔韌，勁腍勁易咬，薯仔比牛柳粒更好食，惹味好食，送飯食超讚，自己都不經意食咗成碗飯🥢青芥沙拉骨💰$128比一般沙拉骨多咗浸青芥辣味，所以味道冇咁膩口，送飯啱晒🥢椒鹽鮑魚好大隻鮑魚，炸粉唔厚，肉質好腍，冇煮到過老過韌🍚白飯💰$12🍚油飯💰$22🚩女人街食飯公司 (旺角) @ladies_street_sikfaan 📍旺角通菜街1A-1L威達商業大廈1樓B室

🤍女人街食飯公司🖤旺角通菜街1A-1L威達商業大廈1樓B室📍地點比較近油麻地地鐵站，行3-5分鐘左右就到，夜晚營業時間仲會去到12點，非常方便一班朋友一齊吹水。😽今次去之前已經好期待，因為平時都好鍾意同D朋友去大排檔食飯。呢度更加唔話得，都未入去，門口已經有一對舊式龍鳳🐲，非常懷舊有年代感，有以前香港既特色。香港好少好少地方會有咁既裝修，真係好特別！出面既大排檔多數都好污糟又迫，但呢度好闊落，仲好乾淨添。😌🦐黑松露鮮蝦多士 $28 一舊比平時出面食既大舊好多，非常鬆脆。上面除左有黑松露之外，連佢個沙律醬都撈左黑松露入去，好濃郁！🍍鳳梨懷舊咕嚕肉 $118好抵食，估唔到$118可以有咁多舊。仲要粒粒都炸到外脆內軟，肉質好好，平時食會驚攝牙罅，但呢個完全唔會。🦪豉椒炒蟶子 $48一隻隻蟶子好大隻，D肉好厚。整到啱啱好熟，唔會過熟而變到好韌。🥬XO醬馬拉盞芥蘭煲 $98 (極度推薦💯)用瓦煲上菜嗰陣已經聞到好香好香，仲見到熱辣辣出晒煙咁🌪。本身諗住食個菜，普普通通就得。點知真係出乎我意料咁好食，XO醬同馬拉盞真係好香，最令我驚訝係佢加左肉碎同蝦乾，令到呢道菜浸咸香味昇華左。係超級好餸飯🤩！！

平時叫餸食飯🍚🍲多數都會去舊式嘅大排檔或者打冷舖，而今次就同屋企人一齊去到旺角通菜街嘅一間樓上大排檔🤩😋店內嘅設計保留返80年代香港懷舊氣息嘅風格，場內都比較寬敞及乾淨整潔，又有足夠嘅冷氣，炎炎夏日之下都可以係有冷氣嘅地方食享受大排檔嘅美食❤️❤️今次就叫咗兩餸一湯，再加一個小食🥰🤤兩個人食岩岩好👍🏻⭐️招牌杏汁燉豬肺 💰$168超鐘意呢一款湯🤤賣相白雪雪嘅湯已經好吸引❤️飲第一啖就有香濃嘅杏仁味，帶有淡淡嘅豬骨味，我已經愛上左杏汁燉豬肺🥰湯嘅功效唔單只有止咳，仲可以潤肺平喘🤤👍🏻⭐️黑椒蜜餞薯仔牛柳粒 💰$168這一款撚手小菜，係我經常會叫嘅小菜之一🤤唔單只有「鑊氣」，而其中嘅牛柳粒軟嫩多汁🥩，薯仔粒外脆內軟🥔，再配上黑椒蜜糖醬汁，十分惹味。❤️⭐️金銀蒜蒸大元貝 💰$192/4黎到大排檔又點少得食海鮮👍🏻 墊在扇貝下面的粉絲吸收晒扇貝及蒜蓉的精華，加上彈牙鮮甜又大粒嘅扇貝，真係啖啖鮮味。真係好正👍🏻⭐️黑松露鮮蝦多士 💰$28x3=$84蝦多士係港式地道小食之一，嚟到大排檔一定要叫🤤外脆內院嘅多士，再加上爽口彈牙嘅蝦🦐🍤，再點一點佢啲特製嘅黑松露沙律醬，食完第一舊會想繼續食埋第二舊😍🤤🤤離開大排檔

位於旺角的女人街食飯公司走懷舊大排檔風格，以舊式香港霓虹燈招牌、鐵閘、酒樓喜宴金龍等作裝飾，食客可以喺較為乾淨企理嘅地方享受大排檔風味小菜。呢間「室內大排檔」更營業至晚上十二時，想晏少少先食晚飯就多個選擇。🔸黑椒蜜餞薯仔牛柳粒 $168牛柳軟嫩，火候控制得唔錯。薯仔超級出色，外層帶微微焦香感、內裡則保持軟綿細滑口感，做到真正的外脆內軟，再沾滿蜜汁完全係人間美味。第一次食絕對有被驚豔到，今次專程來encore🫶🏻🔸黑松露煎焗雞煲 $158黑松露味唔算好突出，有啲似變奏版啫啫雞煲。雞肉份量頗多，肉質都幾嫩滑，整體夠惹味送飯一流。🔸椒鹽南非五頭鮑魚 $72隻上次嚟已經想試吓海鮮奈何兩個人胃容量有限，今次先一人一隻鮑魚小試牛刀。鮑魚結實彈牙，以椒鹽方式處理惹味香口。🔸蛋白杏仁茶 $28蛋白唔會太大粒，杏仁香氣十足，味道剛剛好唔會太搶，整體口感順滑易入口。🔹王老吉 $18🔹嘉士伯 $30同三五知己或者兄弟嚟食飯，用戰鬥碗飲勝更好feel🍺

晚餐孖寶 $298🦐🥪蝦多士又脆蝦又彈牙，再加埋黑松露醬真係無得頂！個醬好香黑松露味😍元貝用蒜茸粉絲蒸，即刻唔該3碗白飯🍚蒸得岩岩好，唔會令元貝乾身，口感鮮嫩多汁，再加油蒜蓉粉絲🧄😋😋😋屋村三鮮 $88有墨魚、鴨腎、生腸三款最滋味嘅港式滷味，食到尾聲都夠冰凍🧊"無雞腎就有啲失望"古法豉油重鮮鵝腸 $146呢個我真係好推介😋🫶🏻先講鵝腸十分之爽口，醬汁加芽菜真係好好食！撈埋飯食🍚"我本身唔係飯桶黎架"但食左一啖呢味餸之後，真係要問朋友比啖飯我食🍚🍚🍚🍚🍚🍚Wasbi沙拉骨 $128每件都有滿滿既Wasbi💚亦唔會骨多過肉！不過我就放耐左凍左先食啲肉係又實又硬🥲如果食記得趁熱食🔥八味脆鮮魷 $108🦑炸得好香😍又好脆口

同閨蜜行完街，時間都幾夜啦，又想食下d 小菜啤啤佢，黎呢度就岩啦，因為佢開到凌晨12點😳而且裝修充滿住舊日香港既情懷👍地方又乾乾淨淨，企企理理咁，坐得幾舒服😁🥢屋村三鮮（生腸、鴨腎、墨魚）$883樣食物都夠爽脆，點埋甜醬介辣好開胃，呢樣野真係由細食到大，正😳🥢椒鹽粟米 $78咸咸脆脆既粟米，一條條，食得方便，送埋啤酒一流👍🥢黑椒蜜餞薯仔牛柳粒 $168薯仔外皮香脆，有浸蜜糖味，甜甜鹹鹹，牛柳粒肉嫩唔韌。🥢豉椒蒸蟶子 (時價）估唔到粒蟶子蒸完之後仲係咁大條😮豉椒汁都幾龍尾，加埋啲青椒就啱啱好啦😌同閨蜜share 左枝藍妹，2條女啤啤佢吹下水，開開心心又一日啦🥰

⭐️女人街食飯公司⭐️📍: 旺角通菜街1A-1L號威達商業大廈1樓1B鋪⏰:6:00pm-12:00pm我真系好鐘意食大排檔😍聽聞呢間好出名 所以近日就拉左男朋友去食 呢間餐廳裝修好似大排檔咁 有冷氣既大排檔真系好重要😂 加上有懷舊既霓虹燈招牌同港式店鋪裝飾 打卡一流🙌🏻值得一提 餐廳晚市既營業時間系去到12點架！最好預先訂座 都幾熱鬧架平日都🙌🏻🔸晚市孖寶🔸睇到佢地晚市孖寶好抵食🙌🏻 叫左呢個兩款都岩食既孖寶 有佢地招牌既蝦多士同蒸元貝！👉🏻黑松露厚蝦多士呢款招牌菜 個人泥講大推！！蝦多士好脆口 唔會好油膩 乾身得泥蝦肉新鮮彈牙 加埋黑松露醬 味道濃郁又香 兩者好夾😍👉🏻蒜蓉粉絲蒸大元貝用蒜蓉粉絲蒸 食落口好惹味 大元貝好厚肉 蒸得剛剛好唔會好乾 鮮嫩多汁 用泥配飯食真系一流！🔸風沙九肚魚🔸男朋友好鐘意食九肚魚 每餐必食👍🏻九肚魚炸到好乾身 炸粉薄得黎脆口惹味 唔會好漏 外脆內軟 入面魚肉嫩滑 唔怕細骨 超正🙌🏻🔸油浸筍殼🔸呢款真系未食過 突登叫黎試試💓 筍殼魚經浸炸過後外脆內香 肉質鮮嫩無比 啖啖肉 店主一拎上枱會幫我地切開 食落無乜骨 好正😍#香港美食 #平民美食 #旺角 #旺角美食

女人街食飯公司環境乾淨 好似大排檔風味 但係一啲都唔熱 裝修環境似足7、80年代👍脆皮牛腩個皮超脆 一啲都唔燶 牛腩炆得霖 好有牛味 啫啫雞煲煲仔夠晒熱 個乾蔥 炸得好香 有豬䦞 係我麻麻地 本人唔食內臟蒜蓉炒芥蘭

成日食意粉pizza，間唔中都會想食番啲中式嘢嘅。今次嚟到旺角嘅女人街食飯飯店，食下地道有鑊氣嘅餸之餘又感受下懷舊情懷😍雖然佢定位係一間大排檔，不過佢係一間樓上鋪嚟嘅，加入咗好多現代化元素，例如有好涼浸浸嘅冷氣，咁就唔驚天氣熱食到流哂汗，成班人嚟當gathering都得🥳而且，樓面保留咗好多80年代嘅元素，好似坐時光機番叔以前咁，係而家買少見少嘅鋪頭😝黑松露鮮蝦多士係差唔多圍圍都必叫嘅菜！係新鮮即炸，熱辣辣，唔會成舊粉漿住，而且面頭嘅蝦都好爽，點埋佢嘅黑松露沙律醬就一絕，係送啤酒一流嘅小菜🥰鳳梨懷舊咕嚕肉每次出去酒樓都必點嘅小菜，因為唯獨酒樓先會夠鑊氣！😍排骨外皮脆卜卜，入面嘅肉就夠鬆軟，不過略嫌嚿骨大嚿咗少少，冇咗啖啖肉嘅感覺🤣高湯蝦乾粉絲雜菜煲送飯一流嘅熱辣辣粉絲雜菜煲🥰最鍾意佢嘅粉絲夠滑身，好易入口。仲有大大粒嘅蝦乾，唔腥得嚟仲好香添😝蒜蓉粉絲蒜蒸大扇貝大排檔又點會少得海鮮🤓面頭係多到瀉嘅蒜蓉同粉絲，又係可以用嚟送飯😎至於粒扇貝肉，係有少少蒸過龍，不過都可接受嘅🥳而家佢哋仲要開到夜晚12點，可以趁朋友仔未走再嚟多次gathering😢🥺

Bookmark左呢間中菜一段時間，今日放假同屋企人過黎食佢地既鑊氣小炒，餐廳裝修好似大排檔咁，有霓虹燈招牌同特色店鋪既既裝飾，打卡一流☺️佢地營業到凌晨12點架！！🌟晚市孖寶 ($298)見到佢地晚市孖寶好抵，有蝦多士同蒸元貝，兩款都係我最鐘意食既，一定要叫黎試下😍黑松露厚蝦多士平時多數都係見到普通蝦多士，加埋黑松露醬夠矜貴，好香黑松露味，蝦膠爽口彈牙，正😚蒜蓉粉絲蒸大元貝大元貝好厚肉，蒸得剛剛好唔會過火，口感保持鮮嫩多汁，配埋蒜蓉同粉絲一齊食，呢個組合無得輸啦😋😋😋🌟豉椒炒花甲 ($148)花甲處理得好好唔會有沙，蜆肉鮮甜美味，配上豉椒汁一齊炒特別惹味👍🏻👍🏻👍🏻🌟椒鹽南非鮑魚 ($144)用上南非鮑魚好大隻，炸過之後好香脆，鮑魚肉好彈牙，調味少少辣都好惹味

-‼️懷舊風格既室內大排檔～🌶️ 爽脆麻辣魚皮 $68呢個愛黎做前菜真係一流阿‼️魚皮真係夠爽夠脆夠麻夠辣多香～ 真係好好味🥪 黑松露厚蝦多士 $28/1件新鮮即炸，厚蝦爽口彈牙，多士香脆，再加上黑松露點綴，正🖤🐙 豉油皇墨魚BB $128比較似白烚完再埋個豉油汁淋上去就算數，墨魚唔算新鮮，冇乜特別🪱 鐵板尖椒醬爆黃鱔片 $138熱騰騰，勁有獲氣～ 尖椒爆到好香，好好食～ 鱔片都唔錯，唯一係咸左啲啲🐔 黑松露煎焗雞煲 $158黑松露唔算特出，可能煎焗既關係令到帶有小小苦瞨，同時比較偏油，唔建議試🦐 海中蝦籠仔飯 $228蝦比較細唔算新鮮，炒飯底，飯有咬口，不過成個飯冇乜味，要配其他餸🍲 風沙九肚魚 $108九肚魚香脆，滑嘟嘟 😚可樂忌廉 $14/1汽水唔特別多講，係玻璃樽 🤩🥸餐廳懷舊風格出色，做到大排檔既獲氣，又做到坐得舒適～ 餐廳有分時段固定為18:00～20:15，20:30～22:00 🕐 夠鐘就要交枱，如果想坐低傾下計呢到係唔合適既，但係食就一定夠時間慢慢食📍女人街食飯公司旺角通菜街1A-1L威達商業大廈1樓B室

去旺角想食中式菜式，除左去酒樓，原來都可以去樓上鋪係通菜街既商業大廈入便就有一間充滿大排檔風味既餐廳店內充滿懷舊香港風味，以舊式香港霓虹燈招牌、鐵閘、漁檔、酒樓喜宴金龍等作裝飾，除左可以回味大排檔風味，仲可以打卡拍照餐廳空間感十足，再用返木製大圓枱、酒樓櫈椅，真係超有大排檔 feel而且餐廳晚市仲營業時間到12點，就算同朋友係旺角行街行夜左，都可以上黎食宵夜開心 share 食物方面:XO醬海鮮小炒皇 : 小炒皇超有鑊氣，材料十足，有爽口既韭菜花、鹹香味既大乾蝦、脆口既魚乾仔、新鮮既腰果仁及鮮味既魷魚鬚及蝦球，超高質既小炒皇 豉油王墨魚仔BB : 墨魚仔絕對唔係BB，隻隻都大隻厚身啖啖肉，芽菜粗身爽脆，吸收埋豉油王既味道，超惹味豉椒蒸蟶子 : 蟶子清蒸火喉剛剛好，爽甜彈牙有鮮味，再加入豉椒汁、洋蔥、彩椒炒一炒，有鑊氣士多啤梨骨 : 用上腩排，炸粉好薄，肉質嫩滑有口感，再加上酸酸甜甜既士多啤梨味醬，必點菜式之一Ours Tips : 頭段晚餐時間係 1800-2015，如果想食完飯又想打卡拍照，建議選擇第二輪時間

咁夜先開餐即刻就諗起#女人街食飯公司 收成12:00 🤩🤩可以坐底同朋友慢慢食慢慢傾放鬆下👍餐廳裝修食物走🤘🏼大排檔路線但變左豪華乾淨版不過價錢都相當親民份量又大🤣一口臭豆腐夠臭夠酥脆，炸得火候剛好，一口一粒送酒佳品🍻🌶虎皮尖椒豉蒜爆鵝腸呢個真係無得頂，鑊氣足調味適中，鵝腸新鮮彈牙，惹味到極🥬鮮魚湯杞子浸小白菜嚟返個清清地既時蔬增加纖維🤭減少犯罪感😅又可以飲啖湯一舉兩得😋蒜蓉粉絲蒸扇貝同朋友一人一隻，扇貝大隻厚肉🥢我覺得粉絲先係精華所再索哂蒜蓉香味及帶子鮮味😍🍺大啤一枝配上冰凍🥶戰鬥碗食食下不經不覺坐到11點⏰好彩聽日星期六唔使湊返學🎒瞓晏啲先🤣#舒適大排檔 #女人街食飯公司 #豉椒鵝腸#旺角美食 #旺角宵夜首選 #宵夜大排檔 #冷氣大排檔 #一口臭豆腐 #12點關門

想食大排檔小炒又怕食到大汗淋漓🥵依家去樓上餐廳都可以舒舒服服食到啦(´▽｀)重點係佢哋開到凌晨12點，行街夜咗都可以揾佢醫肚啊🥰 -🍢 屋邨三鮮 $88有墨魚、雞腎、生腸三款最鍾意食嘅港式滷味，雪得夠冰凍，必點甜醬芥辣醬，送啤酒一流🍻🦪薑蔥頭抽珍寶蠔 $228煲仔菜都係排檔一定要食嘅，啲蠔粒粒大隻又肥美，煮得剛好入面嘅juicy (˶ฅωฅ˵)鮮味十足唔係得個樣👍🏻🤩🐟風沙九肚魚 $88即炸勁熱勁香口😋炸漿好薄，魚肉紮實唔鬆散又保持到軟綿綿🥘椒鹽南非五頭鮑 $時價炸鮑魚真係唔係成日點，好驚處理得唔好過咗火喉會老同韌，呢個令我覺得好驚喜😳鮑魚厚肉腍滑，值得一試-🍲 女人街食飯公司🏡地址: 旺角通菜街1A-1L威達商業大廈1樓B室☎️電話: 2685 1618🕙營業時間: 18:00 - 00:00 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)