女人街食飯公司

营业中

休息中

有朋友喺外國返嚟，最懷念嘅一定係香港嘅地道小炒同大排檔風味！所以今次重臨呢間餐廳⭐️金沙脆鮮魷$118係不能抗拒嘅黃金風味！咸、香、脆齊全，不過得兩個人食，食食吓會有少少漏🤣一次半次冇所謂啦🤣脆皮牛腩$148好少食呢個餸，牛腩本身已經係功夫餸，仲要拎埋去炸，真心誠意之作～牛腩好鬆化唔會黐牙，加埋脆皮同辣汁，香口又入味😙XO醬韭菜花炒爽肉$118韭菜花一定係吹水必備嘅食物，因為可以逐條慢慢夾😂 韭菜花好嫩，炒得香口有鑊氣，一條接一條咁食🤤炒蟶子 $96 兩隻少少地一人一條蟶子，估佢唔到咁大條多肉，鑊氣同鮮味十足～揀呢間餐廳其中一個原因，就係佢開到12點，咁就傾偈傾嘢再都唔怕啦🥳久違了的夜生活🥹

近年多左好多依類新式大排檔有冷氣 坐得好舒服店內裝修十分有心思充滿舊香港嘅特色餐牌上好多食物都好吸引但礙於人少少只係叫得一兩樣芥末沙拉骨十分夠嗆 而且啖啖肉👍脆皮牛腩好驚喜😋 外脆內軟又唔會過油最後 兒時最愛脆麻花夠甜 夠脆 無得頂下次叫多啲friend黎再幫襯🤩

位於旺角女人街的女人街食飯公司將港式大排檔搬入室內以香港情懷為裝飾主題氣氛依然十足 ꔐ鐵板黑椒豬手 ($168)超大隻豬手 鐵板上枱香氣誘人～配上滋滋聲令人食慾大增豬手好軟腍～輕輕一刀就能切開不是肥～是滿滿骨膠原黑椒味濃郁帶微香辣～絕對惹味ꔐ脆皮牛腩（$148)未試過脆皮牛腩牛腩被一層炸皮包裹住外酥內軟～牛腩帶少許脂肪炸完令脂香更為突出一定要配店家自製醬汁帶少少辛辣～無咁膩口ꔐ南非五頭鮑 ($72/時價)巨形五頭鮑～肉身超厚酥脆外層～鮑魚非常非常柔軟仲有少少彈牙感如果唔係太飽～會想encore 多隻¨̮ ᴴᴬᵛᴱ ᴬ ᴳᴼᴼᴰ ᵀᴵᴹᴱ દ ᵕ̈ ૩餐廳營業至凌晨12點好岩放工一族去飲啤酒食宵夜如果晚市去要訂位呀人流超多！！

大排檔一直係我好鍾意嘅香港特式食堂一班人圍埋一起食熱辣辣 有鑊氣嘅餸菜飲番幾杯 隨意嘻哈傾計 真係好開心前排睇完《飯氣攻心》好想去食好有香港特式嘅晚餐就搵到係旺角嘅「女人街食飯公司」商廈內唔怕天氣熱/落雨 裝修有心思 具老香港特色🥢蒜蓉粉絲蒸大元貝($192*/4隻)👉🏻優惠價海鮮 原隻大顆的大元貝 充滿蒜香和元貝嘅鮮味 口感新鮮爽甜👉🏻滿滿的粉絲吸哂啲蒜蓉汁和豉汁 好美味🥢金菇沙茶肥牛煲($138*)👉🏻新鮮熱辣辣上檯嘅肥牛煲 黎到仲係沸騰冒煙的狀態 好有風味👉🏻份量多 有牛味、有鑊氣又唔會過韌嘅沙茶牛肉👉🏻金菇、粉絲都充滿沙茶香 超級惹味又下飯嘅一道 🥢一口臭豆腐($72*)👉🏻臭豆腐聞落唔會好臭 但食落口充滲出佢嘅臭香 👉🏻外層口感好酥脆 沾鹹中帶辣嘅醬汁食 是一道很合適的下酒菜🥢金銀蛋浸時蔬($88*)👉🏻清清地食番個菜 時蔬有白菜、娃娃菜、菠菜選擇 亦都可以加錢轉豆苗👉🏻唔會好濃味 以皮蛋鹹蛋吊味嘅湯底 鹹香足夠又唔太濃 清爽的一道湯煮蔬菜

想食大排檔小炒又想坐得舒服啲呢度係一個好選擇🔥 見到佢裝修好特別好似六七十年代既檔口咁🤣 打卡影相一流📷 但係比起大排檔坐得舒服同乾淨😚 今次試左佢啲海鮮餸菜 質素不錯有大排檔風味🤪 重點晚市會開到12點 慢慢飲酒慢慢食都得🍺⭐️ 黃金海中蝦 🍤分量豐富每隻蝦都好大隻🦐 新鮮夠爽口 鹹蛋黃醬超豐富🤤 滿滿鹹香撈飯一流🍳⭐️ 蒜蓉粉絲蒸蟶子 🐚調味相對冇咁濃🌊 輕輕用蒜蓉同豉油帶出蟶嘅鮮味👍🏻⭐️ 鳳梨懷舊咕嚕肉 🍍酸酸甜甜嘅咕嚕肉相信冇人唔鍾意❤️ 用咗新鮮菠蘿甜酸度夠平衡用料有誠意🥰

食過幾次✨女人街食飯公司✨鍾意佢每對小菜都夠晒鑊氣餐廳以香港懷舊大排檔風格為主有舊式招牌 霓虹燈 漁檔等 好多打卡位✨金鴛鴦蒜蓉粉絲蒸蟶子王蟶子王火候控制得好好 爽甜彈牙好新鮮加埋蒜蓉粉絲蒸更加惹味 😋✨黃金軟殼蟹軟殼蟹炸得香脆 每舊都沾滿鹹蛋黃醬 好邪惡🤤✨魚香茄子煲充滿鑊氣嘅經典菜式豬肉碎爆得好香 茄子索晒啲醬汁好香鹹香味 夠晒惹味✨金瑤扒豆苗豆苗好嫩 瑤柱份量幾多茨汁好美味 每次食中式菜必點而家餐廳營業到12點下次喺旺角行完街都可以再去食宵夜😉

雖然成日食西餐 但間唔中都會好想食中菜🤤 難得一班朋友出去食飯gathering 可以叫多幾個餸一齊share 試多啲唔同款式🥰呢間既黑椒蜜餞薯仔牛柳粒真係必食😋 牛柳粒唔會un但有小小咬口 每次食呢個餸都會覺得薯仔🥔先係主角 因為甜甜鹹鹹咁好過癮☺️ 薯仔炸左先炒好香口！另外蝦多士都好正 外脆內軟 配埋黑松露醬出奇地夾😋 好有新鮮感😆其餘小菜都好有鑊氣 呢間食左幾年都keep到水準 仲愈嚟愈正🤭 下次約朋友都會繼續黎！

開飯啦！！等咗出呢個post好耐😍😍😍平日去都排晒長龍就知咩料！先唔講食物質素，超用心嘅懷舊大排檔風格裝潢真係有帶你返返去80年代嘅香港感覺🥹成個用餐體驗都好特別好有氣氛，食物質素更加係超高班！睇吓我食咗啲咩👅😍大排檔必食豉椒炒花甲超高水準！味道正宗夠哂鑊氣唔使講，要特別強調花甲真係隻隻都咁肥美，一粒沙都搵唔到😂芡汁濃郁包着花甲好惹味❤️‍🔥特別推介屋村三鮮比大家！作為一個前菜冷盤真係冇得輸，三鮮包括左豬生腸、墨魚同埋鴨腎，全部都好新鮮爽口🥹好想讚一讚個豉油調配得超級鮮味，完全能夠將食物提升到另一個層次！瑤柱招牌走地雞，睇吓佢哋嘅蔥蒜已經好夠誠意，走地雞真係超級嫩滑，骨肉輕易分離，瑤柱嘅鮮味完全深入雞肉，處理得超有水準👍🏻👍🏻👍🏻壓軸出場嘅係砂煲臘味豬油撈飯🥹麻煩大家一定要叫呢個！呢個係冬季限定菜式，比起一般煲仔飯更加有風味！臘味冬菇香味融入飯粒，食到停唔到！上枱時候記得加入豉油再焗一焗，完美飯焦搞掂🥹🫶🏻下半年我食過嘅餐廳呢間真係數一數二！暫時真係冇嘢可以挑剔，唔係誇張，食物質素真係超乎預期🥹加上環境氛圍真係好有感覺，平時用餐或者慶祝節日都好適合😉特別一提，而家晚市仲營業到去凌晨12點

又係時候攞起隻戰鬥碗啦！🍻女人街呢間想食好耐了！好彩臨時book得切食第一場，否則已經大排長龍！臭豆腐好香口！大叔焗魚腸超好味，賣相又靚，朋友話呢味餸功夫多，唔係度度食得到㗎👍其他菜式惹味夠鑊氣，朋友最鍾意食辣，尖椒辣到飛起好正呀！整體份量都算多，我哋本身都想慢慢傾慢慢食，但知道有好多人等位，而且限時個半鐘，香港精神唔好阻住人搵食啦😆-豉油王墨魚BB-虎皮尖椒豉蒜爆鮮鵝腸-大叔焗魚腸-一口臭豆腐-XO醬馬拉盞生菜煲-辣酒煮花螺-醇滑嘉士伯

-應該大有半年無來過呢間大排檔😎👍🏻其實都幾中意食下香港地道嘅特色小菜佢地懷舊設計 鐵閘啦 舊式招牌 霓虹燈 全部都係打卡位📸📸📸超有六七十年代嘅嗰種情懷✨💖加上店舖內播住既🔊懷舊金曲 就更加貼切.🤍鴛鴦蒜粉絲蒸蟶子皇 $84(時令)🤍蔥油雞半隻 $158🤍蝦多士 $84🤍柱候蘿蔔豬軟骨煲 $138🤍香噴噴油飯 $22🤍青檸梳打 $26大排檔風味依然保留😋每樣炒菜都好有鑊氣蟶子皇新鮮大隻👍🏻👍🏻蔥油雞雞肉超嫩滑👍🏻👍🏻蝦多士外脆內彈牙👍🏻👍🏻豬軟骨好腍且超入味👍🏻👍🏻超香油飯配上炸蒜👍🏻👍🏻飲品又系每次去必點👍🏻👍🏻絕對值回票價 真系每一樣餸都好出色❤️

呢間位於旺角嘅大排檔唔單止有冷氣嘆住大排檔美食❄️入面嘅裝修仲非常懷舊，而且佢開到凌晨12點，夜晚想食返個宵夜都唔怕冇地方⏰蜜餞金錢鱔 $188平時好少見到蜜汁煮法嘅白鱔🐟油亮嘅鱔件呈金黃色，十分誘人😍白鱔嘅份量唔少，都有十幾舊，每一件都有返咁上下厚度，食落肉質軟腍、油脂豐腴🤤啲鱔件有預先炸過，所以入口特別香，配合埋濃味嘅醬汁，非常適合餸飯🍚而啲三色椒同洋蔥都煮得夠腍，帶出到佢哋嘅甜味😋脆皮牛腩 $148平時食清湯腩就食得多，咁樣脆炸嘅牛腩都係第一次見🐮牛腩本身已經煮腍左，肉味濃郁，油脂分布平均，唔會覺得乾爭爭😆成件牛腩裹上咗粉漿再炸，所以有外脆內軟嘅感覺，加埋個酸酸辣辣嘅泰式醬汁，可以減少油膩感，更加開胃😎辣肉碎炒蟶子皇生菜包 $198估唔到大排檔都會有啲fusion菜式，呢度將平時食到嘅泰式炒辣肉碎加入咗蟶子粒，增添多一重鮮味😗面頭仲灑上咗大量嘅紅蔥酥，帶黎一啲脆脆地嘅口感，將生菜包住辣辣地嘅蟶子肉碎一齊食🌶辣得過癮之餘又可以食返啲蔬菜平衡一下🥬

今日去旺角食企理大排檔，女人街食飯公司。顧名思義，餐廳位於女人街，位置非常方便，鄰近地鐵及巴士站，約朋友一齊食飯十分就腳。餐廳裝修很有特色，帶有一點兒古舊老香港的味道。餐廳營業時間至晚上12時，夜一夜都有好嘢食。-金沙脆鮮魷鮮油夠新鮮，煙靭有咬口，外皮炸得夠脆，加上大量鹹蛋黃醬一齊去炒，夠惹味夠香口。-柱候蘿蔔豬軟骨煲柱候牛腩食得多，用嚟煮豬軟骨真係第一次。柱候醬條配味道適中，豬軟骨煮得夠入味，軟骨部份爽口，豬肉部份肉嫩，特別要提，蘿蔔非常鮮甜入味。-金銀蒜蒸大元貝供應時間6至10點，元貝非常大隻，肉夠厚身，廚師處理得啱啱好，元貝剛剛熟，一點也沒有過老，加上粉絲吸收哂全部精華，非常好食。-XO醬馬拉盞芥蘭煲芥蘭煲一上枱，熱辣辣，枝枝聲不斷，香氣四溢。加咗XO醬同馬拉盞一齊炒芥蘭，味道層次更加豐富。-評分 : 7.5/10

有冷氣嘅大牌檔坐得舒服又食到地道野👍🏻一入去有個霓虹燈招牌好似電影場景咁😂😂餐廳佈置得好懷舊有舊式賓館招牌每個位都好啱打卡📸呢間大牌檔仲開到凌晨12點！大班人聚會好啱👯‍♀️👫👫🏻.🌟辣肉碎炒蟶子皇生菜包 $198肉碎份量好多😍味道好似泰國肉碎辣辣地幾惹味包生菜食或撈飯都好食🍚蟶子都好有咬口好鮮甜又帶點辣味整體好惹味💓.🌟柱侯蘿蔔炆豬軟骨煲 $138一打開煲蓋就出晒煙🔥熱辣辣 入秋食就暖晒☺️蘿蔔冇渣 好清甜👍🏻爽晒醬汁❤️‍🔥豬軟骨好淋有層層肥膏好邪惡😂軟骨都好淋 部分可以入口即溶😋.🌟黃金軟殼蟹 $98鹹蛋黃炒軟殼蟹係不敗組合😍軟殼蟹炸到脆口蟹膏好濃郁.🌟黑椒蜜餞薯仔牛柳粒 $168呢碟係鑊氣小菜👨‍🍳牛柳好軟腍幾重牛味份量都好多💕表面沾滿蜜糖🍯一入口有蜜糖香再咬多幾啖就食到牛味同黑椒調味😋薯仔亦好粉🥔如果表面炸脆啲會更好😜.📍 女人街食飯公司 (旺角)旺角通菜街1A-1L威達商業大廈1樓B室

約埋三五知己👫👫食晚飯遇上打風🌪。梗係要搵間👉🏽可以食得耐d嘅餐廳☺️邊食邊傾啦🗣。我地今次選擇呢間餐廳係因為晚市營業到1️⃣2️⃣點。女人街入面嘅威達商業大廈🏢，搭𨋢上1樓。門口同餐廳入面，懷舊香港💈嘅佈置裝飾🐲好吸引我地。😍廚師精選套餐🤩有好多款。🌝 鹵水屋村三鮮 - 生腸、墨魚、雞腎🌝 黑松露鮮蝦多士🌝 滋補燉湯 - 杏汁燉豬肺🌝 老陳皮蒸龍躉頭腩🌝 豉椒炒蟶子皇🌝 蜜餞薯仔牛柳粒🌝 懷舊鳳梨咕嚕肉🌝 金銀蛋浸時蔬全部足料又大碟😍，而且炒得似大排檔咁有鑊氣。🥳杏汁燉豬肺湯🫕可以裝到6碗，杏汁味道香濃，豬肺又夠腍。🫶🏽鍾意食魚嘅為食仔讚老陳皮蒸龍躉頭腩🐟少骨多肉，而且嫩滑唔會靭。😋豉椒炒蟶子皇🦪肉厚好惹味。😻菠蘿咕嚕肉🍍皮薄肉嫩，咬落鬆軟，出色！👍🏽蜜餞薯仔牛柳粒🥔🐮有焦香味，但唔會過燶。🥰店員推介我地叫埋是日特價推廣嘅”金銀蒜蒸大元貝”🦪。元貝大大隻好新鮮😚，粉絲份量多，而且入味。🤭呢個環境食飯點少得復古版嘅樽裝汽水！❤️

可以坐得舒舒服服既大排檔#女人街食飯有限公司店內裝潢呈現8～90年代面貌，霓虹燈、摺凳、鐵閘、車仔麵店、理髮店等怖置，格具特式。每個角落都充滿香港舊日情懷，環境乾淨企理、寬敞，幾舒服。🧄蒜蓉粉絲蒸扇貝 （時價）粉絲軟身有汁，吸收晒扇貝既鮮、蒜蓉既香，十分入味。扇貝蒸得岩岩好，彈牙鮮甜。🐷蝦醬蒸豬頸肉 $98香噴噴又惹味既蝦醬完全滲入口感爽脆既豬頸肉，散發鹹香味。 加上白滑既豆腐，送飯食一流。🦑金沙脆鮮魷 $118鹹蛋黃控必點☻️咬落去濃郁酥沙，金沙口感綿密，厚實蛋香撲鼻。鹹香既鹹蛋黃配爽脆彈牙既魷魚，惹味又邪惡💯。🥦🥬高湯蝦乾粉絲雜菜煲 $98雜菜有菜芯、西蘭花、小白菜等，仲有粉絲同蝦乾，吸哂湯既精華，清清地，簡單又好味。