奇趣燒鵝

营业中

休息中

嚟到夜晚差唔多10點，帶住幾個小朋友玩完肚餓想食嘢，但係又唔知想食乜嘢，因為又要照顧住啲小朋友嘅喜好，所以我哋揀咗呢間燒味舖。燒味師傅都好風趣，見佢個樣都覺得好開心都算係敬業樂業嘅態度，員工都好好招呼，有傾有講有笑，唔會覺得唔舒服。特別推介佢嘅叉燒，燒鵝同燒肉，因為真係好好食，叉燒肥瘦適中，燒肉又脆皮肉淋，燒鵝又唔韌，而且好香，我哋嗌咗幾個唔同嘅燒味飯，同啲小朋友一齊食，連小朋友都覺得好好味，最想講嘅其中一樣係佢碗例湯，飲完真係唔會覺得口渴，真係真材實料，仲有蠔豉㗎，呢間係我估唔到嘅其中一間舖頭，值得比讚！

奇趣燒鵝(太子)下午茶經過見到幾抵，双拼35蚊連熱飲，点了叉燒燒肉湯瀨粉，熱奶茶，燒味賣相又不錯，份量亦不少，味道不過不失，下午茶真係OK喎，預期之外，下午茶時段只收現金如果点燒鹅双拼就40蚊，都合理價啦。

兩個剩餸40，但有啲餸又唔係40蚊內，店內密密麻麻亂七八糟價錢海報，啲餸全部大兜亂，但要加錢的餸又唔會提醒不包括在40蚊內，比錢時就同你講呢個要加錢，有啲老人打算食個廉價兩餸飯，到埋單已經7，80蚊，雖然出品還可以，但仍然建議數目清晰啲比較好，切勿引人誤會，冇下次。