奇納百川 (已結業)

本來興致勃勃去試一下期待已久的韓仔餐廳，點知換來一肚氣。皆因食物質素差到極點！今晚點了牛肉他他，醬油炸雞，泡菜煎餅。其實賣相並不太差都勉強可以瞞騙客人，但一食落去就真的「便知有沒有」。牛肉他他牛肉唔新鮮，肉色已徧少許啡色，而非紅色；加上無乜牛味，又唔Juicy(代表唔新鮮); 配菜的洋蔥和梨絲一樣唔新鮮，充滿隔夜feel😣泡菜煎餅又係唔知想點，圍邊的部分一啲都唔脆，整體唔夠乾身，煎得唔夠香！最後的炸雞都不能幸免，個碟底一大灘油，相信係炸嘅温度控制得差，所以上碟後出油。味道亦平平無奇！難怪星期五晚上6點左右都無乜客。😟總之不敢相信喺海運居然有間咁差嘅餐廳。🥺唔會有再想去嘅諗法！奉勸掌舵人要留意並不時親自驗證出品，否則後果堪輿！

裝修很得意，都係以一個肥妹仔做主題，牆上的壁畫，每一張都很搞笑；而座位則相當寬敞，坐得很舒服，環境很乾淨，吃飯茶聊也會很舒服～蒜香蜜糖炸雞～很大的一盤雞，2個人吃剛剛好，蒜香味很重，帶一點點甜味，炸粉不太厚，雞肉肥美～香蕉榛子朱古力法式多士配蛋白香草雪糕～如果喜歡BBQ時燒棉花糖的，這個是必食‼️🤣棉花糖燒得軟軟棉棉，有一點溶的拉絲感覺；而麵包就有3層，每層也塗得厚厚的榛子醬，邊位也塗得很足，沒有白邊看到；最後雪糕，是埋藏了蛋白球裡，濃濃的雲尼拿味，勁正～凍朱古力～超級濃郁‼️很香很滑，但不會很甜～紅橙泡泡～有幾片紅橙，加了一些蘭香子，有口感得來又有咬口，清新感覺～

今日同媽媽行下海港城shopping，行行下媽咪話肚餓想食下午茶坐下，搵下搵下見到依間又有海景，新式韓國嘢食好似幾好，一於試下先。有維港海景已經值回票價～鮮奶紫芋－ 好重紫芋味，整杯紫紫的，很creamy。 鮮奶抹茶梳乎厘pancake配洋甘菊柚子醬＋雲呢拿雪糕 － 鬆鬆軟軟的梳乎厘pancake, 加香醇vanilla 雪糕，吃著有種幸福的感覺。梨花拌生牛肉 －從前在英國第一次試這道菜，這次再嘗尋回當年的感覺。雪梨配上生牛肉那種爽滑感實在令人回味。舒舒服服在海港城看著海景嘆一個下午茶，人生一樂也。

這間奇納百川位於尖沙咀海港城LCX，店舖環境相當之唔錯🤔，係一間韓國餐廳，裝修都好吸引😮，尤其是坐近窗口位可以望到尖沙咀海境，十分之吸吸，打咭非常之正👍!.松露白菌奄列多士賣相十分之吸引😮，睇見都好想食🤔😋，真係睇得吓，聞到香噴噴黑松露味道😙，兩面金黃色嘅外皮，咬落去脆帶點軟綿綿嘅感覺🤔，非常之正👍，而去嘅滑蛋帶點香嘅黑松露味😙，加埋D白菌超好味😋冇得輸👍!.豚肉定食睇到覺得好似好好味🤔😋，豚肉食入口都好腍身入哂味😋，咬落去都好又口感🤔，去嘅賣相都好吸引😮，增加食慾🤔😋!.梳乎厘班㦸配洋甘菊柚子露十分之吸引嘅甜品😍，食入口好軟滑，味道恰恰好又唔好甜😋，加咗去D柚子露，令到梳乎厘更加好味😋，聞到洋甘菊嘅清香😙，又食到柚子嘅甜味!.茘枝烏龍茶呢杯烏龍茶茶味濃郁😙，好香烏龍茶既味😋，濃淡適中，飲入口又聞到茘枝嘅清香味😙😋，甜度適中!.朱古力味道超濃郁，好香朱古力味😙，去嘅拉花十分之吸引😲，朱古力都可以拉到👍!.**價錢一般，食物都唔算貴又有質素，我覺得值得試吓👍* *

韓式cafe大行其道， 今天嚟到同事之前介紹在LCX 的"奇納百川" 吃新派韓菜～餐廳行簡約風，木系橢圓形卡座最為特別， 整體空間闊落感覺舒服。 而最注目的當然是那煞食的維港海景～ 日光透過大玻璃引入 ，非常光猛。 景觀開揚， 行街行到攰坐低飲杯咖啡最適合不過。這個自家設計的『奇太郎』 生招牌， 樣子鬼馬，動作多多出現喺餐廳每個角落。 這杯『焦糖咖啡』$48,  面層嘅奶泡層都見到佢。有焦糖香唔會太甜， 咖啡底味並不濃郁，好啱近黃昏呢個時候飲。 顏色漸變層確實飲到奶泡 ，鮮奶，咖啡未攪勻嘅分別。 整體唔錯，打卡特別吸引！韓式牛肉紫菜飯卷$108米飯濕潤程度啱啱好， 唔凍又唔熱正常室溫狀態， 包住的牛肉都幾足料， 青瓜絲夠爽，  韓式醬汁辣度十足，提升飯卷味道！豚肉定食$128熱辣辣鐵板上，呈上枱傳來爆香嘅洋蔥味， 香氣十足，豚肉薄切， 要快點吃否則會被熱辣辣鐵板烤燶～ 配上的米飯放上紫菜碎， 豐富美味。 芽菜和韓式泡菜， 夠爽脆～蒜香蜜糖炸雞$188炸雞肉夠厚外皮酥脆，冇網上評語炸粉偏厚， 雞肉唔乾， 有一兩件仲係雞髀肉好juicy～ 唯一 味道主要來自哪碟蒜蓉醬汁， 但係一啲都唔鹹，

Disappointed with the dish🙂. It was found that a little piece of white paper in my dish. I hv eaten half of it. It is my fist time to visit, also my last time to visit😊. No photo attached as the staff collected back once I raised out the issue. In addition, the taste is quite normal. I suggest you to no need to try this restaurant even though it hs wide and bright sea view.

放假好心情，朋友想食韓國菜，我就提議試這間肥妹仔，之前經過已經比這間的插畫肥妹仔吸引，今天終於有機會一試。今天很幸運，店員安排了一個海景位給我們。我們叫了海鮮煎餅，煎餃子，韓式牛肉包飯卷，豬肉定食。最近還有一個超抵優惠，牛年消費賞，滿500加1蚊就有一個自選炸雞加一杯荔枝紅茶。海鮮煎餅，非常足料，外脆內軟，非常多海鮮。煎餃子火候剛剛好，皮脆，入面的韭菜粉絲都充滿水分。韓式牛肉包飯卷，對於一個熱愛飯卷的粉絲，必叫，牛肉嫩滑，加上麻油，非常入味。豬肉定食以鐵板上，熱辣辣，豬肉不會過老，充滿水分和肉汁，不會太油。一口接一口，吃完才想起忘記手機先食。蒜香蜜糖炸雞，蜜糖的味道陪上剛剛炸好，連我這個平日會食炸雞會走皮的人，都覺得配上蜜糖，脆脆的，但不會太油膩。荔枝紅茶不會過甜，很清新。環境好，有創意的韓國菜，值得下次再來。

最近海港城做緊優惠部分餐廳出現人龍，為左唔想同人迫最後揀左呢間主打韓國食物的餐廳。餐廳窗邊採用無框玻璃，令視野一覽無遺，好岩網紅打卡。由於本人是炸雞控，必點奇太郎原味炸雞(鐵板芝士)$198，炸雞沾到炸粉炸到卜卜脆，約有6大塊，連芝士食絕食是邪惡之選。牛肉炒粉絲$128韓國版的太油膩，這個是改良版本的更適合香港人口味，粉絲索晒醬汁的味道，再配搭洋蔥、牛肉、紅蘿蔔、菇等蔬菜，推介。海鮮煎餅$128正宗韓國煎餅，粉漿是偏林煙韌的，可惜海鮮不多，有點失望。

來到海港城逛逛逛，逛了大半天，是時候搵地方吃個豐富晚餐，上網看看，發現LCX有韓式炸雞，餐廳名字很特別呢。望住維港欣賞夜景吃晚餐，人生一大樂事。到晚上七八點，餐廳已經坐滿食客，門外已經排隊等候入座。牛油果田園沙律(配生薑醬油汁)~材料包括牛油果、車厘茄、紅蘿蔔、生菜等，最特別係有梨子，沙律汁酸咪咪好醒胃。奇太郎原味炸雞(跟鐵板芝士)~熱辣辣鐵板芝士，上枱時熱溶的芝士好似火山熔岩咁，香噴噴食慾大增，炸雞脆卜卜，要趁熱沾上拉絲芝士，這樣吃芝士脆雞美味無比。雙重芝士牛肉辣泡菜堡~漢堡鋪上濃濃車打芝士，又是一個好配搭；牛肉比較熟，包底輕輕烤過更香口；漢堡夾有新鮮番茄及泡菜，使麵包變得淋淋的；加洋蔥圈及脆薯格，仲有韓式配菜(泡菜、白蘿蔔及芽菜)，整個畫面好豐富好有層次感。荔枝烏龍茶(凍)~清新荔枝香味，炸雞香脆可口，很適合飲這個解解熱氣。

🇰🇷韓國肥妹仔🇰🇷推介指數 ❤️❤️❤️❤️🤍LCX有間韓國café，門口大大logo、大玻璃、牆身都有隻好可愛嘅肥妹仔見到都好開心。個名趣怪、裝修簡潔，以為過江龍，原來係本土設計師同朋友合作。店主平時做開電影道具，疫情之下開拓新出路嘅食肆！打開本奇納百川美食天書(即menu)謎底終於解開，古語有云「海納百川 有容乃大」，今有「奇納百川 胃容乃大」！🤣🤣🤣嘢食都有唔少選擇，有小食、沙律、薯條、飯卷、炸雞、漢堡包、定食等等。🍗奇太郎原味炸雞跟鐵板芝士✨啖啖肉炸雞，原味已經食到有醃製過，夠哂味。✨熱辣出爐嘅鐵板芝士，未上枱已經聞到、食落奶味濃郁。✨炸雞拉芝令炸雞又多一款味道，如果芝士份量再多啲就好啦，仲有幾舊炸雞未拉～🍔雙重芝士牛肉辣泡菜堡✨除咗主角芝牛堡、配角有薯格、泡菜、醃蘿蔔、醃芽菜，減輕油膩感，✨質素平穩、包面個肥妹仔曬濃咗。🍹荔枝烏龍茶烏龍茶配合淡淡荔枝香氣，感覺清新。總結：-食物 ❤️❤️❤️❤️🤍環境 ❤️❤️❤️❤️❤️服務 ❤️❤️❤️❤️❤️.··餐廳：奇納百川 (尖沙咀)地址：尖沙咀廣東道3-27號海港城海運大廈3樓LCX34號舖

係呢個商場報復式消費後，又係時候坐低開餐，行過呢間食店，被呢個得意卡通人物吸引住，望真D原來係食韓餐，對於我呢個哈韓人當然無問題場內好多位置都有佢嘅蹤影連餐紙都有佢呀，POSE仲要相當抵死.....哇哈哈..........首先出場係泡菜煎餅 ($108)，差唔多大部份食韓餐嘅店舖都有，橙紅色圓形煎餅灑上芝麻及大蔥邊位煎得帶點焦脆，中間部份較為濕軟，泡菜辣度輕微，點埋泡菜醬汁加添味道!友人想食炸鷄，呢度有4款不同口味選擇，既然呢個肥仔咁得意，就叫客奇太朗原味炸鷄 (跟鐵板芝士) ($198)支持下!鐵板芝士送上枱時仲好似熔岩咁"卜下卜下"，趁熱即刻將件炸鷄放上去為佢加件"芝士戰衣"，我最期待嘅畫面出現啦..........係拉絲呀，仲要係好多拉絲 (心心眼中)無骨炸鷄外皮夠晒香脆，被軟綿芝士包住，一啖有兩種口感，鷄肉仍然保持肉汁唔乾，食一件相當有罪惡感.........食緊熱辣辣炸鷄，當然要杯凍飲，多款特色飲品中，呢杯荔枝烏龍茶 ($48)可謂出鏡率相當高，全場差唔多有八成枱都有呢杯嘢飲出現!  飲茶感覺健康D，淡淡嘅烏龍茶味中帶點甜味，初夏日子飲好岩FEEL!又係因為奇太朗而點左呢客

自從爆發疫情以來，郵輪停駛，已經很久沒有到海運大厦這個香港地標了。今天約了朋友到海港城購物，順道經過海運，被一家餐廳門前的趣緻娃娃吸引，原來是家韓式料理的餐廳。我們被安排坐在擁有“無敵維港海景”的坐位上，尖沙咀鐘樓、中環摩天輪、穿梭往來的天星小輪，盡在窗前。我們見餐牌上的菜式賣相不俗，便點了兩個主菜、一個甜品和飲品。“海鮮煎餅”, 餅皮煙煙韌韌的，有蛋香味，包括著鮮魷魚、蝦、蜆肉等海鮮，海鮮味濃郁，點上韓式醬汁來吃，份外美味。“豚肉定食”, 切成薄片的豬肉，肉質爽口又入味，再加上大蔥的香味，使人回味無窮。“雜莓法式多士配蛋白香草雪糕”, 真實比照片更漂亮呢！香草雪糕外層包裹著微微焦香的蛋白泡沫，口感特別幼滑。多士外面覆蓋著厚厚的紅莓醬，還有一粒粒新鮮的士多啤梨和藍莓，有一種溫馨的感覺。飲品“鮮奶抹茶”, 抹茶香,奶味濃，配搭得宜。「奇納百川」除了可品嚐韓式美味之外，又可飽覽維港景色，更可在充滿趣緻可愛動漫人物的環境下用餐，真是賞心樂事。

今晚去尖沙咀食晚餐，途經 LCX 被 "奇納百川"  門外卡通人物吸引咗入去食晚餐入座之後，叫咗2款食物1.泡菜煎餅2.蒜香蜜糖炸雞 食夠 $200 加咗 $1 換杯荔枝烏龍茶首先蒜香蜜糖炸雞，呢款食物，真係唔得。所謂蒜香蜜糖，只感到將蒜蓉加在類似油既液體再淋落去炸雞，食唔到蜜糖味道，但又搞到啲炸雞淋哂，失去韓式炸雞外面乾身不油膩但又JUICY既感覺。雞肉又乾又好咸，炸粉有點過多過厚。泡菜煎餅，份量尚可，味道不過不失。但以過$100既價錢，性價比不高。食到一半，叫多個牛肉炒粉絲，嚟到外表不錯，聞到好香麻油味，理應食到麻油味，但食第一口後只食到好甜既味道(係好甜)，比荔枝烏龍茶還要甜。但奇怪既係只係粉絲甜而牛肉係正常。另外粉絲質地硬而不是煙韌彈牙。最後決定詢問店員，她回覆粉絲是會甜而韓式粉絲係會硬。但她亦細心聆聽並樂意取消牛肉炒粉絲。這個是值得加許。

#fafafoodblog韓國菜 #fafafoodblog尖沙咀🍴蒜香蜜糖炸雞 188 蚊🍯🐥大大碟炸雞 同平時韓式炸雞有 d唔同 佢既茨粉冇甘厚 少少香脆 🔥 主要係佢個醬汁浸淋左少少脆皮 但個蒜香味好入味 醬汁好 match嫩滑既雞肉 而且雞肉啖啖肉 蜜糖味香 夠香甜🐥好食🍯🍴韓醬牛肉芝士潛艇 128 蚊🥖🐮用長方型既木盤裝住 比想像中大碟 首先講講薯格 好好食 炸得好香脆。薯味夠出🥔🔥 潛艇鋪滿芝士 🧀有大葱洋葱 紅青椒 夠口感又可中和番香濃芝士既膩度 牛肉足料 🐮煙韌得黎帶 d甜味 而出面既包好夠香脆。入面帶 d軟身口感 同餡料好 match 👏🏻🍴梳乎厘班戟配洋甘菊柚子醬 及 蛋白香草雪糕 138 蚊🍞🍦梳乎厘比較軟身 出面個皮焗得幾香 入面好軟熟 蛋味夠香🥚 雪糕俾燒溶左既棉花糖包住 🍡好邪惡 香草雪糕幾香滑夠香口 加埋 柚子 洋甘菊既花瓣 好 match #炸雞#炸雞 #蜜糖 #蒜蓉 #梳乎厘 #雪糕 #香草 #牛肉 #潛艇包 Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygien

今日整天在海港城上堂，剛好6點完結，順便食過晚飯才回家。LCX有好多食肆選擇，見到一間韓國餐廳，裝潢新穎，絕對不是傳統那種，還可望到維港夜景，不錯。香芒白桃乳酪芒果跟白桃的配搭又幾夾喎！乳酪做底會比起奶蓋之類清新，不膩喉。還有粒粒燕麥增添口感。牛油果田園沙律有牛油果之外，還有韓國的豐水梨，爽脆清甜。牛肉炒粉絲心大心細好不好吃呢！炒粉絲如炒得不好會好油膩。熱辣辣，香噴噴上枱了，不油不膩。香口惹味之極。條條粉絲吸收了肉和冬菇的鮮味，入味十足，推介。雜莓法式多士呢個甜品認真吸引。兩塊厚厚的多士，中間是果醬，面上淋上什莓醬，似溶岩的流動。味道酸酸咪咪，開胃，滋味！