太興 (鱷魚恤中心)

营业中

休息中

太興早餐嚟講都算貴叫咗個餐肉煎蛋公仔麵加熱飲 41蚊呢個餐冇多士 感覺好似爭緊啲嘢不過份量都夠飽 如果可以在濃味啲就好d湯底都比較淡 整體不過不失想特別講呢間拎位只可以排隊 連籌都冇得拎 全部人企晒喺出面門口嗰度排隊好迫 建議可以加部機比客人拎籌 會方便更多希望可以改善吓

清晨時分，在觀塘太興匆匆打發一頓早餐。四十元的經典早餐組合，性價比尚算不錯。兩隻白水煮雞蛋火候適中，蛋黃半熟，雖是簡單卻也應付日常所需。榨菜肉絲米粉走的是樸實路線，米粉軟硬適中，榨菜提供了恰到好處的鹹香，與肉絲的鮮味相映成趣。多士烤得金黃可口，配上的牛油份量適中，搭配早餐剛剛好。熱檸檬茶呈現出標準連鎖店的水準，茶味清爽，甜度適中，足以解渴提神。整體而言，這四十元的早餐組合，作為平日的早餐選擇相當合適。在繁忙的觀塘區，能以相宜價格享用一頓穩定水準的早餐，確實是不錯的選擇。

通常喺觀塘食lunch我都鍾意去太興 佢杯奶茶真係好好飲燒味飯我都食到厭啦，有時我就會食呢個鵝絲炆米佢有鵝肉之餘仲有啲配菜青椒洋蔥跟住再炒個米粉色香味都幾好👍除咗燒味飯，呢個係唔錯嘅選擇 如果lunch多人我有時會等到下午茶先去食下午茶食個餐蛋麵其實都夠飽不過我覺得佢哋Menu就有待改進，因為佢哋啲Menu 或新菜唔算更新得快

第一次到此店，早餐、晚餐真係未試過，晚餐牌內除咗招牌嘅燒味外，另外都有些小炒菜色選擇，掃碼落單後大約10分鐘上齊餸菜，雖然小菜款式選擇不多，小菜品質還可以，價錢大眾化，環境及座位可以接受，不妨一試。一般連鎖集團茶餐廳，整體食物中規中矩，價錢也合理，比快餐店貴少少，勝在店內環境尚算整潔，服務尚算好，服務員手腳勤快。總括來說，店舖面積不算大，人多時要排隊，食物質素份量適中，總算可以。

如果我嗰日係要一早出去，我一定會先食早餐，今次去到觀塘區，都趕時間返嚟就係太興，好啦飲杯奶茶啦早餐餐飯都係基本嘢叫咗沙嗲牛通粉炒滑蛋+熱奶茶今日真係比較多人食個餐有少少耐，不過可能係我趕時間啫，心急咗啲佢比其他餐廳少咗塊多士，我女仔嚟講都可以嘅，男士嘅話就有機會要食埋個包先得，佢類似沙茶沙嗲醬，濃嘅，另外佢牛肉係超多食都唔係好想食，而且最令我失望嘅係嗰杯奶茶完全唔熱，算係暖就算再滑，唔係咁接受到令我懷疑佢唔係即時沖，係沖定🫠🫠

第一次見識，無論賣相、味道都差劣的燒鵝瀨粉，圖片果然只供參考。燒鵝只有頭尾兩件有皮，中間幾件多肥膏及骨頭，只有少許肉可吃，瀨粉則煮過時，超“林”，湯清淡無味，只有油膩。幸好冰鎮奶茶仍能保持味道。

中午叫咗個雞扒腸仔煎蛋飯，$56，件雞扒薄過肉片，大約1安士重；可能請左個刺身師傅切肉，開源節流，發展新奸商精神：（縮水欺騙術）。真揾笨！起碼一年唔內唔再幫襯！

同屋企人三個食炒蛋好少，碎哂，根本冇兩隻蛋嘅份量啲湯麵湯米，個湯好似清水咁，完全冇味米粉又未煮開，硬到飛起叉燒浸哂落湯，又係冇哂味叫咗個擔擔麵，都加埋肉碎，一片紅油喺湯面，以為點都有味，又係清水一樣屋企人仲加咗個豬肺湯，又係清水咁，湯冇味，料又冇味三個茶餐，全部唔係冇味，就係冇味多士要多烘，又冇多烘基本上廚師好似唔識煮咁，同其他分店爭好好好遠！Btw以前黎過想買燒味外賣，個斬料師傅態度極差得啲侍應姐姐禮貌比較可以

行過唔同街頭巷尾，終於我喺這家餐廳度找到啲心頭好。廣東話有句嘢講得好，食飯皇帝大，今晚喺這裡食得我真係覺得自己似皇帝咁尊貴呀👑。首先，叉燒飯呢，叉燒嘅味道啱啱好，又甜又香，配上啲飯嘅話，真係夠晒滿足。燒鵝脆皮啲啦，每一啖都充滿驚喜，腍滑過人，令人回味無窮🦢。走過去角落，個乾炒牛河擺低嗰度，真係惹味到不得了。牛肉夠曬腍，河粉滑得黎又煙韌，辣椒油加埋，每一啖都好有層次感。望落啲紅荳奶茶，又滑又綿，不過，甜度就真係高咗少少，不過都好夾個乾炒牛河嘅鮮香。最後，呢個雪菜肉絲米粉，就算沒有太多花巧，都算係一個安心嘅選擇。湯底清甜，肉絲嘅鹹香同雪菜嘅鮮味好夾，但係要講一提，炒蛋要係再腍滑啲就完美了。當我啜一口熱熱嘅柑橘蜜，酸酸甜甜嘅係真心暖笠笠地結束今次嘅味蕾之旅🍯。太興，你下次見到我唔使驚，我一定會再嚟！

今日經过官塘見客,老細比左2張太興優惠卷, 走時在鱷魚恤中心樓下个間太興買了外賣今晚食.由於2張礼卷價值100元, 若買燒味双拼80 好似蝕左所以買左燒腩拼义燒例牌價值126（125+1）等左10分钟取走外賣回家, 到晚上开盒才發現只是普通燒肉+义燒,好 無奈, 只好怪自己當時沒有查看（ 一肚氣）兩者差價45, 味道仲差我街市个間燒味店, 又一間打入本人黑名单食店中, 差 評,差评,差評,重要事情要說3次,希望有关方面留意

5月28日夜晚接朋友收工，唔知食咩好，隨意就到太興食晚飯，叫咗兩個晚餐，打開餐具櫃桶發現筷子油冧冧還有條屍蟲，真係懷疑佢啲筷子係冇洗過，真後悔入嚟食，從來未見過咁污糟嘅食店😤佢啲食物只係一般，價錢又貴，喺度食飯輕則肚痛，重則真係會有肝炎！

-下午茶時段-🌸輕盈燒鵝湯米粉｜$46凍檸茶｜+$3米粉屬於半透明狀比較粗既米粉，口感微爽，好中意呢個口感！而且好索湯。燒鵝正常發揮，食左好多次，質素都好穩定👍🏻不過啲餐具既清潔就差少少，好在每枱都有提供熱水同杯可以洗餐具。

平日繁忙時間，回味一下太興奶茶。不需要等太耐，工作人員反應迅速，上餐快。咖喱牛腩飯。一如既往，保持濃香椰香咖喱，紅油增加顏色。入面有炸薯角，香脆可口。 牛腩入味，夠淋，唔柴，可惜今次得一舊牛筋。保持水準，滿意。冰鎮奶茶繼續保持水準，濃香幼滑，沒有冰塊融化沖淡奶茶的問題。

今日同b🐷 5點半就到咗觀塘APM，見時間尚早仲可以食到下午茶，就即刻6點前入咗泰興叫左個雙拼燒味飯。😎1.叉燒 油雞雙拼飯 （4/5）老老實實，原來太興嘅燒味真係有一手。原本以為大連鎖店只會有一般嘅貨色，點知叉燒落單時有得揀唔同嘅肥度（肥，半肥瘦，瘦）之外，我揀嘅半肥瘦叉燒真係名副其實爽脆得來又唔油膩嘅半肥瘦叉燒👍👍油雞翼都好香，肉質都好嫩滑。比起一般主打燒味嘅餐廳更要好味！🙀地點：APM穿過鱷魚恤中心，一落電梯嘅右手邊就係。由地鐵站行過去，只需5分鐘左右，非常方便。環境：座位模式與一般大連鎖式餐廳一樣，地方都算寬敞，沒有壓迫感。🫶🏻價錢：同出邊連鎖式餐廳相比，價錢合理！下午茶價，食到差不多正餐份量。服務：侍應態度都良好，出餐都很快，整體效率都很高。另外要讚一讚，佢既飲品鐵匙羹好人性化，有心做左個曲線位俾客人容易𢳂起一啖啖咁熱飲🤩。

最愛既奶茶味道😝😝😝😝太興既港式奶茶真係真係好好飲😍😍😍😍每次口痕想飲奶茶，都好想食太興，雖然對佢嘅野食係咩好大感覺😂但係早餐來講都真係好唔錯，尤其係佢嘅多士配雪菜肉絲米🤍都係好喜歡