太興 (已結業)

7.27同男友2 人出發去澳門前, 好肚餓但又趕時間。唯有入茶餐廳式的太興解決一餐之需要!男友要燒肉叉燒飯, 我要蒜茸雞扒飯。 兩個人都飲冰鎮奶茶。蒜茸坑燒雞扒飯要等好耐的, 早知這樣就叫燒味飯吃。雞扒只有一件, 伴碟還有幾件雜菜。蒜茸汁是另外有皿器盛著的。雞扒外層煎過, 但是不是脆身香口的, 反倒是軟身又有肥膏。雞肉不滑, 也未去到「鞋」的情度, 只是沒有調味, 無味道。其實同吃白灼差不多。 何來坑燒呢?蒜茸汁帶有蒜茸味, 不算突出, 卻為無味的雞扒帶來強烈的點綴。冰鎮奶茶沒有驚喜之處, 未見滑身, 也是可接受之作。

尋日早上約0左莎莎梨係觀塘0既<太興新世代>食個早餐, 而且傾下大家0既近況, 同埋攞d 0野俾佢!!! 去到0既時候, 入面都唔係好多人, 咁我地就坐卡位, 不過d 冷氣就勁0左d!!! 1. 沙爹腸牛麵 + 冰鎮奶茶 ($25) ~ 碗麵0既賣相就普通啦, 可能係d顏色問題, 不過食落口就好重沙爹味, 都唔錯. 雖然牛肉同腸仔就一般, 但係配上出前一丁, 就真係唔錯, Hehe!!! 至於凍鎮奶茶就唔洗介紹啦, 夠滑, 加上有冰鎮住, 真係Keep得0個質素好好!!!整體評價：給冰鎮奶茶一個笑樣!!!

雙拼飯（燒鵝 + 燒肉）燒鵝只有4小塊（而且屬於腹部），全部骨。燒肉又硬又乾，比超市關門前的特價貨色都不如！湯又唔掂。44元，超貴！香港越來越多呢類，靠老字號起家、靠電視廣告宣傳，但食品完全唔掂的餐廳，既然浪費錢係宣傳上，為何不搞好管理，唉！一世不會再光顧！

早幾日我去觀塘間太興吃嘢,坐落點咗個火腿生菜通粉,等咗一陣即到好戲即將上演,吃咗一啖嘩!!!認真令我目瞪口呆大失所望,火腿非常多硬渣,通粉硬到...難於下嚥,湯底無乜特別,吃完還要不停飲水,連茶餐廳都不如,服務方面個人認為不值一提,可能無乜生意,服務員可以很自在哋看客人打機,什麼星級服務簡直呃人.搵笨,不知所謂,以后都唔會再去!!!!!!!!!!!!!!!希望好好改善吓啦!!!!!!!!!!!!!!

這是我們吃過最差的一間太興枉我們專登介紹啤爸媽來試太興燒味叉燒特別要求半肥瘦捧到上枱一點肥也看不到肉質非常粗糙連他們最耍家的叉燒亦做得這麼差想不到任何原因要再幫襯觀塘太興！

四月廿五日(五)上完第一堂普通話班黎食，九點鐘都冇人等位，反而對面沙爹王有五﹑六人等緊，肚餓梗係唔等喇嗱嗱聲入去太興，未黎食過都知茶餐廳格局价略貴個隻。燒味套餐要47蚊咁貴，情願食晚餐嘞﹔紅湯﹑豬雞扒配意粉﹑熱奶茶，老公揀咗紅湯﹑咖哩牛腩飯﹑凍o水。紅湯上枱，唔~~好好味喎，又香又濃又多料，唔錯 豬﹑雞扒都煎得好香夠味﹑仲有d肉汁溢出唔會乾柴柴 意粉爽口彈牙 咖哩好香又有椰香味，連薯仔都煎過再煮咖哩工夫做足 凍o水甜味可以再加d，我最愛既熱奶茶好滑好濃 整體呢兩個晚餐好掂，樣樣都好味，一定再黎食

今日係f.7既last day，一班人行遠d食飯，點知花園餐廳冇位，就過左黎。去到唔洗等，即刻有位，午飯時間，都唔少人，所以睇兩睇九個人就叫左七個餐同兩個散叫既飯麵啦。十五分鐘已過，木台上只係得四杯飲品同一碗麵。所以叫左個較高級既服務員，示意追一追單。果位經理聽完我地講就叫我地等多陣，話廚房整緊，即刻去拎比我地。OK!咁叫佢幫我地跟埋另外跟餐果三杯飲品，佢當然話冇問題。時間越黎越少，我地每五分鐘都叫佢追一追單，廢事last day都要遲到收場。好啦，十幾分鐘後見冇動靜，就問問佢啦，佢話原來果三杯飲品係漏左單，入返單比我地喎。當我地見到有d遲我地大約十分鐘入座既食客都有野食，而食既食物我地都有叫既時侯，就問佢原因啦，點知佢又係講果句，等陣啦，廚房整緊架啦。學校規定用膳時間仲有廿分鐘，我地o係已經等左半個鐘有多，而且木台上面只係得一碗已被同學食完既麵碗同二碟等左半個鐘先黎既飯既情況下，決定唔再等，叫佢取消。而呢個時候，冰鎮奶茶同其他飲品就黎啦，我地決定快快飲左佢之後埋單。經理先生話:「你地想點就點啦」，跟住就等佢改單，時間只剩十多分鐘，呢個時侯有位服務員送一碗燒味飯黎，難道叫我倒落肚?就同

本想去沙嗲王的，但太多人又趕時間，所以去了太興，真後悔。太興是燒味起家的，所以叫燒味應該好穩陣，可惜，叉燒真係差，全是根，吃不下肚。燒鵝就得一個油字，油雞都係一般。叫了個煎脆雪魚，嘩，太厚漿粉了，仲厚過家鄉雞，一定係炸，根本唔係煎。如果係茶餐廳價錢，三十幾蚊一個餐都算，但佢收五十幾、六十幾蚊一個餐，完全唔值。

太久沒吃燒鵝了, 又想試試知名的冰鎮奶茶, 剛好經過太興, 就入店試了.燒鵝, 有點油, 骨極多. 奶茶, 除了濃一點外, 沒有甚麼特別可取的. 美心的奶茶好多了=(座位, 以這樣的價格來說, 有點窄. 好處是...不用等位.

以前是觀塘早餐的首選，用料比人靚及新鮮，就算貴一點都覺得物有所值；近日吃早餐時，令我很驚訝，還以為去錯地方，全部食物都變了：》火腿　－－　好「鞋」，無味》通粉　－－　好硬》牛油　－－　不再是Anchor》餐肉　－－　不是以前的白豬仔，亦簿了很多》雞蛋　－－　少了，「鞋」了，無以前的香味***大家不防去試試***

幾個月冇來食，菜式都變埋，以前果Ｄ焗叉燒飯冇左，頓時少左好多選擇添！唯有叫其他啦，例牌叫燒味八寶飯同冰鎮奶茶，加多個咕嚕肉餐同咖喱牛腩飯。燒味八寶飯顧名思義，有八種餸，包括叉燒，燒肉，燒鵝，紅腸，鹹蛋，燻蹄，切雞，魷魚，個碟係扇型既，好靚，不過咁樣Ｄ飯就少左好多喇。呢個飯Ｄ餸唔係話好特別，但就收五六十蚊，實在係好貴，同埋最差係燒鵝冇酸梅醬！而且以前Ｄ餸都幾多肉，但宜家就得Ｄ骨！至於個咕嚕肉飯，味道還不錯，應該係新鮮整既。咖喱牛腩飯冇食到，不能評價。因為唔夠飽，最後叫多左個燒味飯，不過不失！其實黎呢度都係志在杯冰鎮奶茶，阿媽至鍾意，貪佢有兜冰好似好得意咁，口感亦算香滑，可惜我唔多受到，試過飲完去搭巴士差Ｄ暈左！茶餐廳黎講呢度真係幾貴，反觀對面沙嗲王排長龍，呢邊就大把位，真係高下立見喇！

因對面沙爹王勁排隊,故轉了太興晚市不用排隊,且座位寛敞,食完又可以慢慢傾偈,不怕被人趕走選了兩個晚餐:$46雙併燒味+油菜+飯+飲品, 再加#3轉冰鎮奶茶: 選了油雞及义燒,以這個價錢,燒味質素真的麻麻,义燒切得太大舊,肉較實; 油雞賣相不好,雞肉又鞋又淡而無味,且多雞胸肉,少雞腿,好唔抵$50馬拉盞通菜+飯+熱飲: 用超大瓦煲熱騰騰上桌(只是瓦煲大,通菜仍是一般份量),是啫啫煲形式的,店員再即場揭蓋炒兩炒,香氣撲鼻,好惹味,不過稍嫌鹹了少少總括來說都是偏貴

水準開始下降，價錢又提高了！

唔係乜野撈埋一齊都叫fusion, 根本完全唔夾! 芥辣味太重, 撈到D飯一pat pat, 燒肉又鹹, 搞到個飯中式唔似中式, 日式唔似日式, 真係食到有想嘔0既感覺.......除非係"天生芥辣狂", 平時都鍾意生吞芥辣, 否則真係好難頂

本人喺觀塘太興叫咗個燒味飯, 一拎起見到太部分都係肥油, 同埋碟菜非常老, 於是就叫樓面人黎問, 之後個樓面叫咗個林姓經理, 個經理高高大大, 戴眼鏡, d服務態度非常差, 一行埋黎就問有咩問題, 我就俾佢睇碟飯同埋碟菜, 解釋俾佢知咩事, 佢就非常唔滿意咁話: "係咁架喇, 都冇辦法架! 如果你唔滿意你就去投訴, 門口有投訴電話你自己打去投訴啦" 之後我就即刻走喇我覺得咁樣既服務態度真係連茶餐廳都不如囉, 我都唔會再去太興食嘢, 希望睇到呢件事都唔好去太興食嘢啦, 不知所謂!!!