太興 (寶輪街)

香港太興茶餐廳 ，黑糖叉燒驚喜十足，燒肉稍遜一籌！今日專程去咗香港太興茶餐廳試吓佢哋嘅招牌燒味，整體嚟講有驚喜亦有改善空間！首先必讚嘅係「燒味拼盤」入面嘅叉燒，一入口就感受到濃郁嘅黑糖香氣，慢慢喺口腔散開，甜而不膩，肉質軟嫩又多汁，絕對係水準之上！相比之下，燒肉就稍為失色，雖然外皮脆口，但肉質有少少乾身，唔算好juicy，如果可以改善就完美啦～另外叫咗個「魚柳枝竹煲」，味道正常發揮，枝竹吸晒湯汁好入味，魚柳都算滑溜，但未至於有太大驚喜，鍾意清淡口味嘅朋友可以一試。環境方面，餐廳乾淨企理，座位都算舒適，而且地點方便，距離地鐵站只係幾分鐘路程，容易搵到。總括而言，太興嘅叉燒絕對值得回頭，尤其係鍾意黑糖風味嘅朋友，不妨嚟試吓！…查看更多

今日咁啱見到太興$35半斤叉燒好多人排隊 一人限買半斤聽聞太興以燒味出名就想買來試吓攞到返屋企，食飯打開先見到——哇～啲叉燒咁嘅樣嘅一啲都唔係平時食開啲叉燒樣又唔上色 又聞唔到叉燒醬隻味佢唔係紅色㗎 佢係豉油式色試一舊又冇味又乾爭爭好難食呀仲難食過食紙皮佢唔講呢舊係叉燒，我真係唔知佢係叉燒囉又話太興出名燒味連普通叉燒都做得唔好真係冇下次 下次街頭見到太興兩個字 我喺街尾搵路走平時都唔鍾意特登寫食評但係呢舊叉燒太難食啦忍唔到手唔寫我要同全世界講佢啲叉燒真係好難食啊如果唔係最低比一粒星我一粒星都唔想俾佢啊…查看更多

🧧太興 極品鮑魚開心大盆菜 (12位)原隻蠔皇鮑魚(12隻)、瑤柱蠔豉福袋(12個)、5星級燒肉、燒鵝、桶子油雞、大蝦、紅炆花菇、五香芋頭、南乳豬手、雲耳、紅燒鮑菇、健康素鴨、家鄉鯪魚餅、秘製豬皮、清甜蘿蔔。敬送：健康枝竹、新鮮娃娃菜、金菇菜、芋絲過時過節盆菜真係好啱一家大細食 優惠價$1,750所有材料也新鮮，原隻蠔皇鮑魚大隻爽口彈牙👍…查看更多

喺美孚附近返工，得閒就去食但係真係唔掂試過食佢個乳豬飯真係黐線，成堆乳豬得皮同肥膏，無肉嘅叫D客食肥野，仲要79蚊食肥膏我去燒味店買肥叉唔好講到自己馳名燒味，垃圾服務員質素又低，搵佢幫手拎調味轉過頭佢地根本唔記得仲要催多次先慢慢上講到自己所謂高級餐廳買貴野食物服務全無質素去食茶記好過佢仲要啱啱裝修完，個樣完全cheap晒全部用木材料，同原設計根本唔同格局無咩變過，但係又無端端每個餐加2蚊又搵消費者貼裝修費呃錢…查看更多

新裝修未夠一個月，咖啡機壞達通機又壞，大連瑣店早餐竟然冇咖啡提供真係有問題。早餐質素超差，普通通粉都冇味道，連餐蛋公仔麵都可以冇味，仲點幫襯呢？裝修幾靚都冇有喇！完全冇改善過，唔好賴經濟唔好，先檢討自己嘅質素!…查看更多

都好多年無嚟過「太興」食早餐啦，其實無咩特別原因，只喺美孚有太多選擇喇！不過最近收到 中電送贈嘅現金券，趁快手用咗佢，費事過吓過吓唔記得就嘥咗。正正好耐無嚟過「太興」食早餐，所以，就過嚟嘆返下！環境都喺一般茶餐廳格局，絕大多數都喺卡位，而星期六朝嚟到，都幾多客人，感覺大都喺街坊街里。餐牌選擇唔叫多，兩大板睇晒，不過已經好夠選擇，以二維碼自助落單。附近好幾家茶記，啲粉麵都喺一款餸，再加腿蛋呀、餐蛋呀……配多士，但我哋兩個所揀嘅粉麵餐就單單兩款餸放埋一齊，無配多士嘅。枱側抽櫃，就擺齊晒啲餐具、餐紙，茶記嘅慣常設定。頂級午餐肉滑蛋米粉 $40唔知點頂級法，總之餐肉就喺類似長城牌白豬仔嗰質素，都切得夠厚身，煎得香口，平時老婆就要煎熟蛋，但今次因為啲餸料放晒入湯，所以，滑蛋佢都OK，唔使轉，而啲米粉煮得啱啱好，無過腍，亦唔會有未熟嘅感覺，同埋啲份量都幾多。柑桔蜜平時老婆就多數揀熱檸水、好立克，今次見到有款柑桔蜜，當然更加啱佢飲啦。雖然都喺現成貨開沖，但味道又確喺唔錯，幾香柑桔味，酸酸甜甜咁。沙爹牛肉滑蛋通粉 $40小弟就繼續晌茶記食沙嗲牛肉通（或者公仔麵）系列，一個熱奶茶，一個沙爹牛，我覺得喺茶記嘅首本嘢，普遍嚟講都好少會衰。而呢度嘅沙嗲牛肉都幾大件，又唔會碎濕濕，醃得入味，幾腍滑，個沙嗲汁推得幾香濃，溝埋落啲湯度，食起嚟通粉都特別好味啲。題外話，通粉煮得啱啱好都唔喺必然，好多時啲快餐店hea做，煮定一大盤，啲通粉真喺腍晒。至於件炒滑蛋睇樣好似幾熟吓，但其實入口就幾嫩滑喎，又有蛋香。熱奶茶小弟就安慣例嗌熱奶茶，呢度嘅熱奶茶算唔錯，茶底夠芳香，好有茶味，茶奶比例夠平衡，口感都夠細滑。平時兩公婆食完早餐都會行吓上馬騮山，因為稍後有啲事情要辦，所以，今次就行吓荔枝角公園 ，打個大轉，其實一樣好舒服，兼且幫助消化。…查看更多

太興一向以燒味馳名，但近日發覺質素下降了。上次點了燒味雙拼，燒鵝拼火腩，結果兩者都膏多肉少，味道也偏鹹。這晚點了燒味小菜二重奏，燒味就選了半隻切雞，小菜就點了蝦皇醬通菜炒鮮魷。今天是工作日，所以送了白飯兩碗，另加點了冰鎮奶茶 （ 加$13 ）。切雞半隻，份量頗多，不過雞皮比較乾，口感不夠柔軟，雞肉反而質感不錯，味道也是偏鹹。蝦醬通菜炒鮮魷，鮮魷口感柔軟，通菜也炒得香口，味道好，份量也算不少。冰鎮奶茶，也是太興名物，有茶味，不過今次也好像略甜了一點。…查看更多

食咗粒牛角包，正！🥐包外酥內軟，啖啖牛油香，好有層次感。搽上厚厚嘅芝士同火腿，咬落去既多汁又惹味，一啖口芝士拉絲，咁滑咁滋味，真係好正！西多士餐嘅雞翼😋，皮唔算最脆，但係肉汁保持得唔錯。咖喱味足，辣香挑逗味蕾，雖然可以再猛烈啲。西多士就算唔特別，足料就真。公司三文治餐，較有彈性🥪。料豐富夾雜鮮嫩，雖然無大突破，但食落開胃勁足。每次食完都暗暗嘆息，依家啲三文魚都重口味，但係做得好實在。港式燒味，飛咗幾千海里，原來唔洗喺香港，太興嘅叉燒脆皮乳豬飯，味道鮮美多汁，一啖又一啖，燒鴨好香味，皮脆得黎唔膩，賣相靚，食落嘅感覺更完整。八寶飯濕潤香甜，配料搭得宜，正中秋虢！凍奶茶順滑香濃，飲一口氣爽神怡。總括，呢家店勁好食👍，真係港式情懷實力派，值得再嚟！…查看更多

Sunday，生活節奏自自然然的放慢，加上連續多天下雨，讓人更不想動！午後，天氣終於好轉，可以出外走走，順便吃東西。到達太興已經近下午3時，點了兩份下午茶餐，包括以下的：#公司三文治：賣相佳，好足料，味道好！我喜歡吃公司三文治，太興的定價50元 (包熱飲1杯)，比Café de Coral的貴12元 (約31％)，但太興用料比較好，麵包烘得香脆，而且是“飛邊”，成功勝出！#紅腸油雞飯：我自小喜歡吃燒臘檔的紅腸，太興下午茶餐竟然有“紅腸專區”，surprise！滿滿的童年回憶！#熱奶茶：紅茶底沒有澀味，入口順滑，好喝！#鹹檸水：不想喝奶茶、咖啡的話，鹹檸水是個很好的選擇！…查看更多

三栟燒味黎講貴錢偏，但高味道還可以。找數時見佢好咭機，所以問一問佢收唔收VISA。點知個女店員個樣好似我依家冇錢畀咁樣串串貢話：“唔收咭喎！一係八達通，一係就cash！” OK咁我畀八達通！即係我唔介意你太興可能唔收信用咭或者部機壞咗，咁有禮貌D建議用其他付款方法就可以！無端端畀人串一串，食飽都冇晒mood了！…查看更多

下午茶啦⋯⋯🥰🥐牛角包嘅火腿芝士三文治。二話不說就叫咗呢個餐-火腿，芝士加生菜仲有蕃茄添。一個包已經可以滿足晒我一日應該要有嘅部份營養。-牛角包好鬆脆，牛油香味都好香，好貼心佢已經將佢用牙籤插開做兩份。我只要用一把刀切開中間就可以分開兩份食。就唔需要好狼狽咁成舊咬😝。🧈雞翼西多士餐-雞翼個皮就有啲炸得唔夠常識，但係入面係好好味嘅。西多士就一般貨色。🥪公司三文治餐-佢哋嘅公司三文治不嬲材料都好充足，仲會係特別新鮮。每次叫親嚟食都好有滿足感，因為佢真係樣樣齊。我通常食兩件已經可以頂到一個下午茶餐而又跑肚嘅。剩返落嚟嗰兩件咁點呢，當然我梗係外賣帶走啦😛。…查看更多

Weekend去饒宗頤文化館上工作坊午飯唔知食咩好🤔就行去對面九巴商場食太興😆唔想食澱粉質 所以齋叫燒味🤔叫咗半隻切雞🤣 自己一個食😆上枱賣相都幾靚 斬得都幾整齊🧐仲有兩碟薑蓉 好貼心👍 隻雞肥瘦剛剛好😋而且雞肉都好滑😋就連雞胸肉都幾好食👍👍 另外加錢叫咗個燉湯🍲杏汁煲豬肺湯好耐冇飲過呢個湯 杏仁味相當突出! 豬肺洗得好乾淨 完全無異味👍而且燉到好淋👍口感就好似食緊一舊肥豬肉咁😂上枱熱辣辣♨️ 燉到好出味❗推介👍…查看更多

外賣再次被偷走多士！！！話說上次到美孚曼克頓山太興買外賣，買三個餐有兩個餐跟多士，但太興俾漏左一份多士，咁諗住佢都係唔小心架姐，一次半次我落去拎返就算啦，但係都已經嬲到震。點知今日又係咁，外賣明明叫左三個餐，一個D餐扎肉米跟多士熱檸水，兩個K餐雪菜米跟多士熱檸茶，三個餐都有跟多士。佢一袋咁包好比我咪拎返屋企囉。返到屋企，食食下先發現袋入面又係只得兩塊多士，谷鬼氣！！！今次就豪比佢，唔落去拎啦，咁鐘意扼多士，塊多士就留返俾佢食啦，以後無幫襯！！！…查看更多

老公很愛吃下午茶，太興是他喜愛的選擇。燒鵝湯米粉：本來我覺得$38有點貴，但食物上桌，嘩，竟然是燒鵝髀，立即變得超值！太興燒味一向美味，這燒鵝很好吃，皮脆肉香，高質！太興牛肉麵：似乎是牛𦟌，嫩滑好味道。麵條軟滑，湯頭也不錯。冰鎮奶茶是太興的招牌飲品，奶底香滑，冰鎮保持奶茶的濃度，每次老公必點。柑桔蜜不太甜，也不錯。…查看更多

太興是區內食物較美味的一家食店，這晚到太興晚飯，點了鹹魚蒸肉餅和鮮茄蝦仁炒蛋，前者是特價小菜，只要48元，後者是正價小菜，送白飯和飲品，我們不要飲品，加28元轉要豬肺湯。鹹魚肉質太軟，肉餅味道不錯，份量也不少。鮮茄蝦仁炒蛋味道也好，蛋炒得很滑，蝦仁頗大隻，番茄則不夠鮮味。豬肺湯材料足，味道好，份量有3-4小碗。這兒環境尚算不錯，侍應工作勤快，不過今晚點的是豬肺湯，侍應卻為我們點了鯪魚粉葛赤小豆湯，湯上桌後我們提出，侍應立即為我們更換，雖然忙中有錯，但也算可以接受。…查看更多