太興 (大本型)

营业中

休息中

我一向對連鎖茶餐廳印象都一不好一想到那幾間品牌都會想起一堆大陸排隊爭食同埋與社會脫節既餐牌價格不過今日我搵到例外一個麵包好食與否有一半分數都是來自其新鮮度一個新鮮出爐或保待溫度既面包能夠為麵包增加香氣之餘亦能為食既人係咬麵包既時候感受到麵包既一絲絲筋溶化係舌上所帶來既甜味,柔軟度呢間食店買到既麵包總是暖暖的而不是一般街市或連鎖麵包鋪的麵包般涼涼的, 硬邦邦原因有二, 一係有暖櫃 能夠保持溫度我買這間叉燒包時伙計身後有四架叉燒包即使拎最舊一架既STOCK我仍然食到暖暖的內餡二係這間麵包銷售量大雖然不及北河街某麵包店但係如果你要係度買包就一定要排隊舊既一底賣完新既就隨即補上整個流程不用半刻吞吐量如此而又保有質數既鋪頭我想這間也在十八區既十大之列呢度唔似金華咁座立於路邊及遊客區買包既都係上班人士,學生, 遊客係呢度買包既都係師奶街坊街里只係想平嘆一餐但係兩間感受到既氣氛都係一樣買包既顧客聚在一起就好似一班志同道合既人分享同一滋味脆皮叉燒包5.5皮普通脆 叉燒死甜汁多少肉 雖然係大路製法但係在我心目中的秤仍是比不上合格高少少墨西哥奶皇包 6脆皮溶入口中有很濃的椰漿味而且十分香口不知用甚麼油製作

是日又去到太興食早餐,攪到真係太興EVERYDAY.今次就試下頂級午餐肉滑蛋公仔麵$31有食過呢度既午餐肉就知道係比出面既質素高一點,有一些肉絲既質感,肉感十足.滑蛋固然夠滑和富蛋汁,但係油膩左一點點,幸好又有條菜心比我平衡下個自己感覺.湯底就係出前一丁麻油味吧,麵當然係一丁面,煮得熟透吸湯力強,但無咩口感早餐來講太興真係唔錯

一路都覺得太興其實係一間普通茶餐廳不過裝修得靚d 又貼近潮流 識得搵Iron Man做代言人食完今餐就知道原來佢都有返咁上下實力既今晚放工陪媽媽去食晚飯媽媽既"飛佛"就係太興兩個女仔胃口唔大 一於叫個小菜套餐分食就剛剛好太興燒味出名我早就知道 想不到小菜都有數十款可供選擇 讓人花多眼亂媽媽愛清淡 於是點了蕃茄豆腐鯪魚球鍋加錢配成套餐我當然要試一下Iron Man推介的冰鎮奶茶有幾好味道啦奶茶用一盤冰座著 雖然不算好冰但奶茶的香滑與茶澀確實平衡得不錯不過奶茶是大量製作再存放在雪櫃的關係喝到最尾就看到沉積了的茶粉啊由於是即點即製的關係 等了大約15分鐘才上菜啊鯪魚鍋大大個 最喜歡店員即場打開蓋子的一刻 充滿驚喜一看到顏色鮮艷繽紛 就讓人胃口大開先嚐一口熱湯 味道清甜 沒有味精天氣炎炎下飲這個熱湯反為挺清暑啊豆腐滑嫰 配上蔬菜 蓄茄 及雲耳等菇菜類又有口感又健康再來是這道菜的主角 - 鯪魚球也是為什麼我認為這道菜值得推介的原因本來對鯪魚球沒什麼大期望以為不就是街市裡魚檔弄好的鯪魚肉殊不知鯪魚球內原來釀有好多粉葛粒粒頓時為魚肉增加了爽脆的口感亦在我沒期望之下 給我最大驚喜來品嚐過才知道太興的定

都係O個句,太興既早餐相信係油塘番工和居民既選擇之一,因為根本無咩選擇$31 ,價錢比茶記貴少少,但係呢度舒適一點寫住係豬骨湯,但係飲落都有幾分似雞湯,通粉無煮過熟仲有點口感,加上火腿既咸香同食,味道算係不錯,湯既味道亦無咁假.同埋佢加左菜絲,起馬有意識扮下健康一點.如果通粉可以係大大舊粗坑那款更佳(個人口味)嫩滑既炒蛋蛋味一般,但係蛋既生熟度做得出色,約8分熟有蛋汁簡簡單單既早餐都可以係美味既

係油塘的早上,最近公司又有早餐食既餐廳就係太興.入親太興,見到ERIC KWOK都覺得好好笑.在MARKETING上,的確令人印象深刻.老實就,我真係未見過一個地方咁少選擇.早餐選擇約11款,其中最想試一試既首先係沙嗲牛肉腸仔通粉$31.黎到太興有樣野係必叫,就係凍奶茶加$3.冰鎮住夠凍,茶味足,亦夠滑,少甜更可口,如果以連鎖店既角度黎睇,呢杯奶茶的確高質素主角沙嗲牛肉腸仔通粉個樣好大碗,份量的確唔少,湯既味道類似雞湯,咸度適中,亦有不少菜絲.沙嗲味的確夠哂港式,牛肉本身沒有味道,幸好不算被鬆肉粉破壞得很.用特大既SPOON味道不錯喔老實說$34既早餐不算便宜,但環境,服務員水平和食物水準也不錯既情況下,黎太興食早餐絕對食得過

周日心血來潮去左樓下太興幫襯，作為油塘新抱，間唔時都會去，但好似都未寫過太興，今次終於記得影相，介紹一下周日太興除左"燒味"、"奶油豬"、"菠蘿油"以外的選擇。今天叫左個"魚肚排骨泡飯"跟熱奶茶。很大碗，可以當午餐食都得，個湯有辣辣地，唔知係唔係加左胡椒煮，魚肚和排骨份量都足，成碗食晒都幾滿足，再加上太興的奶茶有一定水準，不錯！雖然$46一個Tea幾貴，但係質素好，貴少少都值。原本bill tai tai期望甚殷的"銀龍"開張，幫襯左2次，早餐一次，夜晚一次，食物質素都係好一般，有競爭先有進步，希望油塘多些同類/不同類也好的優質食肆啦！

              這間位於油塘的大本型商場G41號舖的太興，一次偶然經過，見有人圍在門外購買麵包，使我產生好奇，駐足一回瞄瞄，看似很正斗模樣，尤其暖在熱櫃中的鬆脆义燒包，可惜身有要事，未能買來嚐嚐，但臨走時問了賣包的店員除這間有包賣，還有沒有其他的太興分店有賣，店員說只有他們油塘這間有賣。                  過了幾天，專程去嚐了他的包點和奶茶，茶無須說了，太興的奶茶有一定水準，菠蘿包焗出來雖然表層沒有旺角金華的膨脹，但相當脆皮和夠火喉，甜度適中，賣相不錯，端上來時還熱熱辣辣的，從那一刻開始，我充滿喜悅，因為以後想吃高水準的菠蘿包，不用由九東跑到九西了。之後再品嚐鬆脆义燒包，同樣熱辣，外貌和添好運相同，卻沒有像百樂門的有仿沙粒狀，可是一口咬下，鬆軟如棉，嫩口細滑，肉粒甘香，醬汁味美，又給我多一份驚喜，日後要吃這個焗义燒包，何須跑去添好運或大酒樓呢？近在咫尺已能饗食，真高興啊！其實不只這兩款麵包，還有其他幾款，如墨西哥包和兒時常見到﹑滿滿充塞著白奶油的忌廉包，是我這一代人的童年回憶，不錯不錯，這裏有很多很地道的港式麵包，無論早餐還是下茶，也值得來嘆一下。服務方面還

坐低後立即落單，1）八宝飯 2）三併飯（套歺）落単後约5分鐘，同一落單服務員講因燒肉賣唒，以上兩套歺之燒肉可改另一燒味，之後我表示改乳豬可以嗎，她表示可以，我就再落單，隔了约4分鐘，另一服務员向我講兩套歺不能改乳豬，如三併飯無也可説合理，但八宝飯燒肉改乳豬也不可以，仲浪費我時間同之前誤説是有，為何一間出名的歺廳那麽死板呢!  在我心中服務分也减了。