太興 (大本型)

营业中

休息中

星期六，我和屋企人去大本型行逛順便去太興食飯，本以為跟一般茶餐廳無異，想不到其食物品質竟是意料之外的好。我們點了一碟瑤柱帶子炒飯和星州炒米，餐飲則點了冰鎮奶茶。這兒的瑤柱帶子炒飯，帶子的size適中，而xo醬和瑤柱的味道配合得天衣無縫，惹味之餘，又突顯了帶子的鮮味，令人大快朵頤。接著是星州炒米，這次嘗到的星州炒米水準屬極佳，令我十分欣賞，平凡的星州炒米要炒得好食其實並不容易，咖哩味既要香濃，亦不可太辛辣，而且火喉鑊氣要足夠，這是很考驗廚師的功力。星州炒米的蝦很大隻，叉燒的份量適中，有齊辣椒，洋蔥，青椒配料，很足料，口感豐富，色香味俱佳，這平凡的星州炒米絕不遜於其他美味佳肴，珍饈美食，平凡中見到不平凡。這裏的冰鎮奶茶也別具特色，每次我都必點之選，冰鎮是用冰座著奶茶，而不是放在奶茶內，故奶茶的味道唔會受到熔冰而轉淡，奶茶濃郁幼滑，又很夠涷。這兩款美食飲品都令平凡的一餐變得別具特色，與眾不同。

油塘呢間太興平時都好多人難得今日行過見冇咩人排隊 就入左去晚餐既餐牌見到唔知點解唔想食反而見到平日只係會下午茶出現既 ：「瑞士汁牛柳炒濕河」上次食過呢個係一試難忘！於是叫左個炒河同 星州炒米。味道都唔差架！

今次淨係想講呢個叉燒包 今時今日，6蚊買到既包真係少之有少。所以我經常會係太興買呢個鬆脆叉燒包又平又好味熱Lak Lak, 皮脆，入面既叉燒又好好味一次可以食兩個～ 11蚊2個太興其他野太貴啦，所以幫襯太興淨係會買佢既外賣包

太興冰鎮奶茶譽滿全城,這天有機路過也去品嘗一下,不知味道如何上場了,冰的賣相不錯,但膠杯給人的感覺有點奇怪,為何不用上普通杯,非常不環保之餘又影響外觀味道方面,跟普通奶茶沒什麼分別,而且茶包味道不足,所以飲起來不好喝茶包是奶茶最重要的一樣東西看起來真的過譽了$20一杯,完全不值

鮑魚海味豐盛盆菜 （$798）近排太興盤菜賣廣告賣到咁「衡」，早幾日司令就訂左個返嚟喇😉。司令咁大個人仔其實都只係食過幾次盤菜咋，所以司令其實都好期待個盤菜會如何！講下個盤菜先，有8隻原隻蠔皇鮑魚、12隻海蝦、蠔皇花膠、明爐燒鵝、紅炆燒肉、豉油皇雞、紅炆花菇、魚肚等。呢個盆菜係要雖然外賣自取，並冇得送到府上。拎到返屋企，即刻開嚟睇睇，標榜係6-8人份量，似乎都算足料！值得讚既係個南乳汁，非常惹味，而且材料都非常新鮮，海蝦好彈牙，鮑魚都唔會韌口難咬！雖然係好足料，但唔知係司令一家胃口大定點，4個大人1個小朋友，一次清晒😰，仲要後加生菜去滾滾佢！雖然司令有拎走少少料嚟做後一日既午餐，但係咁計都係5大1小既份量姐！不過，一家人咁一齊攪攪攪，又幾溫馨既！

從前以燒味聞名的泰興,現在開始有滑落的跡像,燒肉不夠香脆,燒鵝燒太久,唯一值得一讚仍是叉燒,香味依然飯粒尚算不錯,溝上汁後味道不錯,不過份量太小了,有種吃不飽的感覺,餐廳加3蚊也是不太合理可能下次不會再來

甘今日就來呢到hi  tea la ,哈哈,  好多人第一印象,太興hi tea 好似貴過其他大型連鎖台.例如 大快活,大家樂等,哈哈.真心果句,我第一次食太興果陣時都系甘帖不過呢,我食落又覺得幾正喔其實. 哈哈 甘我本人就好中意食包果d啦, 甘就叫左厚多士,仲叫左豬仔包 啦  哈哈 ! 我一個人食甘多,會吾會好變態 呢個厚多士, 真系好鬼厚加 ! 哈哈, 果然無改錯名而且仲有好香濃眉花生咪同奶醬 哈哈真心,真系好大塊... 一開始好好味..只不過, 愈食愈濃d 醬最段頂吾順,食淨 1 塊 跟住我就飲凍奶茶啦. 哈哈 其實佢下面有個碟裝住d 冰, 來維持杯奶茶既冰冷,都算幾特別,哈哈最後,仲有個豬仔包,真心好味,哈哈第一,個包皮好脆, 但入面又吾會好硬, 口感好好, 加上個醬幾好味 , 吾太甜又好味,哈哈師父控制時間做得幾好! 哈哈

早上到太興吃早餐，秖是遲了五分鍾，竟然又轉了午飯牌!當然太與最出名的就是叉燒和燒肉，雖然一碟63元的套餐，我最後也引不住誘惑叫了叉燒分蹄飯，對我來說有点貴，但一分錢一分貨，我覺得叉燒不是浪得虚名，因為燒得好香，而叉燒的賣相真的很漂亮，入口也很軟很香，口感一流，但如果是半肥瘦的叉燒更加好 !凍檸茶也要一提，檸檬有4至5片，最重要茶真的冲得一流，我覺得63元還是值得的!

睡至日上三竿，中午還沒吃，就一個人走到樓下太興吃個下午茶。點了一個切雞飯，餐飲可免費升級至意式泡沫咖啡(cappuccino)。咖啡先上，泡沫層不厚，尚算幼滑，咖啡味道不突出。既然太興出名的是奶茶，對於咖啡就無謂太挑剔吧。切雞飯保持太興一貫燒味水準，肉質嫩滑，配附上的薑蓉一流，稍嫌骨的部分多了一點，飯粒軟熟，令我想多吃幾口。埋單$53，是貴了點，下次如果叫奶茶，性價比相信會回升不少。

太興出名燒味就人人都知，今日夜晚黎到食晚餐，諗住啲燒味飯好貴，就食下其他野啦。點知啲小菜樣樣都$80-$90碟，仲要係淨餸唔包飯唔包野飲，見到當堂打個突。反而啲燒味就$65有雙拼，有飯有野飲，仲有碟生菜添，所以就嗌左黎食啦。今次食既係叉燒油雞飯，叉燒真係好軟好香，不失太興一向既水準，油雞都好味，肉都算多，但油得滯，可能我食唔慣啦。黎親必飲既就係呢杯冰鎮奶茶！冇加冰係入面，反而係用冰鎮住佢，唔會溝淡啲奶茶之餘又夠凍，都係同普通凍飲一樣加$3,必飲！$60幾蚊有個餐食黎講，又真係算唔貴架啦，油塘呢到間間餐廳都咁爆咁多人等位，反而太興就少人等，可能因為呢個餐廳本身都偏貴啦。

又係油塘中午天,求其食太興,試下佢地既小炒,$61 涼瓜牛肉就係咁求其叫,先知食出佢地既樂趣,牛肉和涼瓜份量十分多,加左蒜頭又夠惹味,牛肉唔算好化學抵讚.苦瓜爽口唔太苦,醬汁唔太咸又夠豉香,實在難得,以茶記角度算幾高分

之前聽朋友講太興唔抵食，但係媽咪一直話覺得好食又抵食，於是搵日自己親自去試下。叫左幾個菜食，最特別都係個冰鎮咕嚕肉，不過我覺得唔係好岩自己口味，雖然都係酸酸甜甜，但食落去感覺怪怪地，凍凍地但又熱熱地甘，不過味道都係ok既。另外叫左個蔬菜煲，呢個個味道都幾野味，但係菜好似少左啲，不過配飯食最岩。整體上覺得呢間餐廳都唔錯。

雖然我係太興早餐既常客,但係有時候見到那款式不多既MENU,都會覺得悶悶地見到有個輕盈香辣肉碎札肉湯米粉$23,加埋凍飲都係$26,平佢地平時既餐8蚊咁多,就試一試話明輕盈,份量的確少左,札肉既份量的確好貼題.湯底肉味仍舊,肉碎輕輕帶香料味而且帶甜,無中式肉碎咁平凡.米粉無咩口感為敗筆呢個款式不算係個好選擇

身為太興早餐既常客,當然要食埋佢地個餐蛋治蛋夠厚,又夠滑,有蛋汁為上佳,不過有時都會過老,所以好睇彩數.但當遇到呢次咁既水準真非常好.另外配合好似比較靚既餐肉,咬落食到一點點肉絲的感覺,一咸一滑既配合,擔當了豐富早餐既角度.當然凍奶茶仍係呢度既必叫之物

我一向對連鎖茶餐廳印象都一不好一想到那幾間品牌都會想起一堆大陸排隊爭食同埋與社會脫節既餐牌價格不過今日我搵到例外一個麵包好食與否有一半分數都是來自其新鮮度一個新鮮出爐或保待溫度既面包能夠為麵包增加香氣之餘亦能為食既人係咬麵包既時候感受到麵包既一絲絲筋溶化係舌上所帶來既甜味,柔軟度呢間食店買到既麵包總是暖暖的而不是一般街市或連鎖麵包鋪的麵包般涼涼的, 硬邦邦原因有二, 一係有暖櫃 能夠保持溫度我買這間叉燒包時伙計身後有四架叉燒包即使拎最舊一架既STOCK我仍然食到暖暖的內餡二係這間麵包銷售量大雖然不及北河街某麵包店但係如果你要係度買包就一定要排隊舊既一底賣完新既就隨即補上整個流程不用半刻吞吐量如此而又保有質數既鋪頭我想這間也在十八區既十大之列呢度唔似金華咁座立於路邊及遊客區買包既都係上班人士,學生, 遊客係呢度買包既都係師奶街坊街里只係想平嘆一餐但係兩間感受到既氣氛都係一樣買包既顧客聚在一起就好似一班志同道合既人分享同一滋味脆皮叉燒包5.5皮普通脆 叉燒死甜汁多少肉 雖然係大路製法但係在我心目中的秤仍是比不上合格高少少墨西哥奶皇包 6脆皮溶入口中有很濃的椰漿味而且十分香口不知用甚麼油製作