太興 (新文華中心)

因為買左這家集團的現金劵，所以到此午餐。排隊十分鐘後，職員安排單人座位，即是中學課室那張枱的呎寸。好很迫！！！Lunch menu ～ 每款都貴左少少囉！梅菜肉餅 肉餅份量不多，應該不會過飽，不會令肚腩現形，所以選這款。 熱辣辣上枱，肉餅顏色較淺，梅菜不多，沒有豉油。 好多肥膏粒，盡量逐把大粒可見的脂肪挑出來，也有一定份量。 分切肉餅方便拌飯，保證每一日都有肉有飯。熱奶茶 近期少食青菜，很需要熱奶茶的副作用。奶茶無茶香無茶味，而且直至當晚深夜也沒有出現那反應。這杯奶茶不合格！…查看更多

想食好少少，所以叫正價叉燒紅腸，唔係叫下午茶特價30幾蚊果個。但除左多2舊，碗粉大啲，個叉燒質素同賣相同完全唔掂，咁樣下次唔會再叫正價餐，下午茶仲平廿蚊。而且見到燒味部員工一邊大聲唱歌，但個口罩係拉落下巴，噴哂口水落去。雖然唔知平時係咪咁，但至少我坐果40分鐘聽到睇到既都係咁。…查看更多

朋友點了新鮮叉燒楊州炒飯，圖片顯示的楊州炒飯上鋪了好幾舊明顯又大塊的叉燒，飯來到，叉燒呢？就是碎到連半塊指甲都沒有，幾粒攝在飯底。朋友問侍應，只換來一句，圖片只供参考，咁點解你唔乾脆就只寫楊州炒飯，要加埋新鮮叉燒四隻字去誤導人？飯本身多油且冇味，已是一碟不合格的楊州炒飯，七十幾蚊碟飯，我知香港物價貴，但起碼食物合格好嗎？香港飲食業如此低謎，你們這群害群之馬有份做成，服務又差，食物唔合格，仲要出張相來呃人，不要持住尖東多人唔休做，附近還有好多競爭對手，客人揀你是因為快，平，正三個字，已經唔平，仲要難食，快就一時時，如此水準，請好自為之。…查看更多

得知今日有71折！連茶餐都有！大約三點入座唔使等位！但都full! 用QR code落單！點知所有咸蛋/紅腸相拼燒味飯全部售罄但其他燒味飯又有叫咗碟燒鵝飯！令人失望！全碟只得三四件有肉食其他唔係皮就係骨碟飯正價要$70！仲衰過棋子下午茶連杯冰鎭奶茶都覺得麻麻哋一向覺得太興燒味雖然貴但質素高❗️今次真係大失所望！…查看更多

喺新年期間，我幫公司系太興新文華訂咗一隻金豬，送來嘅兩位員工，服務態度一流，態度殷勤，很值得讚賞👍🏻在切豬之前，師傅還幫我們揸相機影咗一張開心既大合照☺️，很值得表揚，我也不知道有咩渠道去表場佢哋，所以喺呢度寫吓感受！！👍🏻👍🏻…查看更多

🎉踏入這家茶餐廳，不禁覺得幾舊式，但係就有一種家常嘅感覺。嚟到這兒喺不求華麗，反而慕名而來的係佢嘅招牌奶茶🍵同埋落地得猛嘅菠蘿油😋。報完到，我就點咗份意粉配嘢飲，食物來得快而且份量都夠，當然最critical嘅還係味道啦。首先講講嗰碗意粉，湯底夠哂味但又唔會太鹹，啖啖肉嘅豬肉丸配埋啖啖脆嘅新鮮蔬菜，真係夠晒彈牙，完全可以媲美街邊啲高檔西餐廳。✨講到菠蘿油，甜中帶鹹，酥皮下係滑嘅牛油，入口即溶，真係正到飛起！配上一啖熱辣辣、香噴噴嘅奶茶，我喝第一口嘅感覺就像係冬天裏面嘅一股暖流，滿口生津，順滑得滯，幾至令人忘卻咗等位嘅辛苦。嗰杯奶茶睇落好普通，但飲落就知有幾巴閉。茶味濃郁得嚟又唔苦，奶香而不膩口，重點係溫度掌握得剛好，熱辣辣咁飲落真心舒服。隨便噏吓，今次食得係幸福同滿足。對於追求平民美食嘅我嚟講，這裏無疑係一個好地方。我會再嚟嘅！👍…查看更多

又係同朋友講住要做嘢，所以快快脆脆諗住買個燒味飯食搞掂就得，其中一樣嘢就係貪佢個位置方便，響紅磡地鐵站過咗行人天橋行落嚟就已經見到，所以位置方面係幾好嘅。不過好嘅已經講完啦，其實我個朋友已經堅持咗幾次響泰興買外賣，每次都係想要肥叉燒飯多汁，佢哋每次落單都係有呢個選項，寫明係肥叉，都寫明多汁，系統都做得好清楚。不過個重點係從來冇一次我哋係食到有肥叉燒嘅，不特止，仲要每一次都係瘦叉燒，仲要係好乾嗰隻！作為一間主打宣傳燒味嘅餐廳，實在點都講唔去，我會寧願你話俾我聽冇，或者冇得選擇，但係點解要寫明係肥叉但係又要不斷比瘦叉燒呢？仲要一啲都唔多汁，亦都係每次都冇多個汁！唔係失望，係超級反感！所以我都好無奈地一定要比差評，同埋已經同我朋友講過以後都唔好再去，反正大把地方有得食唔錯嘅叉燒飯，同埋都真係會尊重大家嘅選擇盡量俾返客人需要嘅燒味俾人，所以以後都唔會再去泰興，如果有人講開就會分享呢件事，希望佢哋會有所改善，都衷心祝福佢哋好運。…查看更多

為咗飲好d既奶茶，在尖東區，去太興。叫個冇肉既下午茶，奶茶+多士，同奶茶+西多士同價。唔駛多想，就叫西多士。奶茶，平時既濃度一樣，但荃灣太興，有少少茶香，但今次呢間尖東太興，就感覺唔到。但比附近既富x茶味濃郁。西多士，沒有多餘油份，加牛油，沾少少糖漿，好味，都是有水準。唉！為咗飲杯茶，搞到食咗件高卡路里既西多士！…查看更多

太耐冇食太興，原來依家個價錢咁貴。普通一個lunch都要$60-$70，就揀咗個比較平嘅排骨麵食下。個面都幾好食但份量好少，我一個女仔都食唔飽，不過排骨份量幾多。略為就係個湯有啲太油，送麵食唔太好…查看更多

今日揀左食尖東太興下午茶，直入唔洗等位，叫左個下午茶切雞鹹蛋飯同一杯冰鎮奶茶🥤切雞鹹蛋飯賣相一般，但勝在係髀，味道正常，鹹蛋就一整隻，對鹹蛋迷嚟講係正，醬汁鼓油對我來講偏多，因已有鹹蛋送飯。飲品冰震奶茶係我至愛，茶味濃而且唔太甜，冰係外圍唔會溝淡奶茶味道。環境方面我座的是卡位，不用搭檯，有防飛沬膠板，而單也有擺放位置，唔會飛來飛去，每檯都有自座熱水壺，自助倒水的，算係方便，唔洗下下叫侍應。價錢方面對下午茶嚟算偏貴的…查看更多

一個人的浪漫, 好多人都話係豆腐火腩飯, 但係早餐又點會有得提供呢所以我覺得早餐版既一個人的浪漫, 就係餐蛋麵食過好多間茶記既餐蛋麵, 始終唔及太興既餐蛋麵相比, 用料其實大同小異我一向都鍾意食圓罐形牌既午餐肉, 但太興用既係長罐形, 但相映成趣個蛋熟得黎剛剛好, 都仲係好滑, 不過如果繼續浸係熱湯度, 就會變老, 所以我一向都會用隻羹撈住麵質唔會太硬, 再配上佢既辣椒油, 實在非常美味平常我會選擇配冰鎮奶茶, 但係個肚唔係太舒服, 所以揀左杯熱飲, 柚子蜜居然不另收費, 當然要試試佢啦(ps.如果揀冰鎮奶茶, 又唔想咁凍, 可以叫職員幫你走冰)…查看更多

行開尖沙咀海港城，想搵間高質少少既餐廳食到差雞飯都真係難既，咁岩港威大廈原來有間太興係度！所以決定去試下啦！ 😁我今日叫左蕃茄蝦仁炒蛋飯！😁同西蘭花炒鮮魚！🥰果然係夠獲氣先好食😋食得出蕃茄係原個蕃茄唔係開蕃茄汁俾啲客既💕同埋都落得多蝦肉，無偷工減料架☺轉個頭就清哂啦！😛食得出係新鮮食材黎既！😉大家可以放心去試下！🙃黎緊我會一路為大家試食各樣美味佳餚，大家記得留意我地最新作品同訂閱啦☺…查看更多

圣诞假日后<星期天>下午路过尖东，本想找连锁快餐店吃个下午茶，门前见告示~疫情影响,逄星期六/日假期都停业，疫情影响,立杆见影。肚子饿，见地下有<太兴>摸摸口袋刚好有$50现金券，查询前台可消费用喔。原意点招牌菜<鸭腿汤饭>可惜售罄，退而思其次<干炒牛河>。卖相不错，味道可以，最后<咖啡>啖醇~香，反而有惊喜。整体可接受喔!…查看更多

香港的特色就是有很多茶餐廳，太興是其中的一家，這次我和朋友來吃一個輕食。我叫了一杯忌廉紅豆咖啡，他叫了一杯忌廉紅豆奶茶和吃冬菇米鴨泡飯。忌廉紅豆咖啡的賣相很好，材料也很足，紅豆被熬的軟糯，忌廉令咖啡更加滑了，加上香濃的咖啡，令人垂涎三尺。此外，朋友說他的奶茶也不錯，因為這間餐廳的奶茶很出名，加上紅豆的味道，好喝。主角上來了，冬菇厚切，吃下去很香，鴨腿被煮得輕易就能骨肉分離，當中還有很多的材料，如陳皮、冬瓜，加上芫茜的獨特香氣，簡直是完美的配搭，在夏日當中，午餐能夠有湯喝，能濕濕口，是我很喜歡的習慣。…查看更多

每日返工食lunch都好頭痛食咩好，簡簡單單去食個太興，快！靚！正！最怕等位等得耐，野食等得耐。食得茶餐廳唯一要求就係快！食個叉米加杯冰鎮奶茶叉燒唔會太瘦夠林奶茶咁出名就唔洗多講，唔會苦澀。…查看更多