太興 (東港城)

营业中

休息中

7.1去左東港城行下，在掛8號風球之前，趕緊食個下午茶先番屋企😆😆我哋最後決定去太興食，叫咗兩個燒味飯，另外仲加了個炒飯，都係下午茶餐，值得一提，仲可以加飯添，大家有需要可以諗諗佢😚叉燒就略嫌太過瘦，兩個燒味都好似標配了一隻鹹蛋，燒鵝都幾好食👍🏻👍🏻XO醬元貝菜粒炒飯要等耐d，一上就知道佢係即炒，炒飯一粒一粒的，感覺好正，夠鑊氣。下午茶餐有飲的，加$8有杯紅豆冰（加$8係特飲，凍飲就加$3） 抵食就唔算抵食，係咁二咁啦😆

難得放假早起身緊係要去嘆返個靚早餐☺️天氣凍食返個全餐真係全身都暖晒，好滿足✌🏻黎到太興竟然朝早都要等位，不過等左5分鐘左右都已經入得🙈🍜香煎雞扒滑蛋公仔麵（$42）平時好小會係餐廳食早餐，但記得好多人都讚太興既公仔麵，所以一於試下😝質素確係唔錯👍🏻雞扒煎得好香，而且肉質燉滑👻滑蛋亦都炒得出色，好香滑😋公仔麵就正常，一路食既話浸得耐啲麵質都變林左🙃所以真係要趁熱食 🤓🥪火腿通粉拼香滑炒蛋配香脆多士（$40）呢個就係正常茶餐廳常餐既配搭🤗火腿通粉一上枱個賣相真係好唔得，一啲都唔吸引😂好彩食落味道都唔錯，火腿都好有誠意，唔係得幾條🤪通粉軟硬度亦岩岩好，唔會浸到林晒😌加埋生菜絲令成件事加左分，多左啲脆脆既口感🤩多士滑蛋就正常發揮，呢個既滑蛋反而冇乜味，勝在上枱時仲熱辣辣出煙🤤但服務就麻麻，催左幾次個多士滑蛋都未送黎🥴最後要等到通粉都差唔多食完先送到🤐開頭仲諗住等埋一set先食🧋冰鎮奶茶（套餐+$3）黎得太興都係為左杯奶茶❤️因為用冰鎮唔係直接加冰落奶茶度，所以由頭到尾濃度都一樣，奶茶好香滑😍奶同茶既比例perfect，淨係呢杯奶茶都已經值回票價 😋💯📌太興將軍澳坑口重華路8號東港城2樓217A舖

今天遲咗起床，沒有食早餐便十點幾行山。行完山大概十二點到，肚餓要食飯，好想食咖哩牛腩飯，便諗起去太興。我們柯打咗，馳名椰香咖哩牛腩飯配熱檸水，另一款係星洲炒米配咖啡。椰香咖哩牛腩飯色澤好靚，好多牛坑腩又大件，又有牛筋同埋有薯仔。處理得好淋，牛筋有咬口，椰香味嘅牛腩好濃沃好正。另外一款星洲炒米，味道濃沃，好重黃薑粉味帶點微辣，隻蝦都幾大隻。啲米粉炒得煙韌，係好味嘅。 冇諗到咖啡都好飲喎，唔係冰鎮奶茶領風騷。而家太興轉咗自助落單，只要素描個QR code就可以落單，方便快捷。環境都係一般茶餐廳，乾淨企理啦。整體嚟講，食物質素係好味嘅。

其實太興真係食咗好多年，雖然來來去去佢嘅菜式都係一成不變，你會覺得悶，不過我覺得佢冇乜用味精，食完又唔會話好口渴，同埋份量都啱啱好，又唔會太少。最鍾意飲佢嘅冰鎮奶茶同埋燒味，尤其是燒鵝髀，真係非常好味😋

雖然太興既燒味飯出名好食，不過價錢有點貴，唔會特登走去食，今日久違去左太興食lunch，不過無食到佢地既燒味，order左一個梅菜扣肉飯🍚-梅菜扣肉飯 梅菜扣肉夠晒入味，肉都炆得好林，如果啲汁可以多啲就完美啦🥺🥺-冰鎮奶茶🧊 太興嘅冰鎮奶茶真係冇得輸，夠晒凍之餘，茶味都好香🤤🤤真係飲極都唔厭

今日有運動完，小朋友一定要補充體力啫😁有人想炒餸食飯🤔快餐嗰啲始終冇有鑊氣😁所以佢自己揀嘅太興😆😆我哋叫咗一個咕嚕雞球飯，小朋友最鍾意食酸酸甜甜嘅醬汁㗎喇😋加一碗白飯😋啲肉真係好滑好好味👍酸酸甜甜仲脆卜卜添💯怪唔之得小朋友咁鍾意食啦👍碗飯好大碗架🤣但係小朋友一樣食得晒🤭🤭因為實在太肚餓喇嘛😆😆 叫個七喜罐裝架正👍總括嚟講嚕雞球真係好好味d汁用嚟撈飯超級正，啲肉又嫩又脆卜卜小朋友最鍾意食😋😋

最近好鐘意食太興嘅炒滑蛋加泰式扎肉肉碎米粉早餐😋其實都試過附近好多間餐廳嘅早餐炒蛋，但始終覺得都係太興嘅炒蛋最滑同最香，再配埋牛油多士真係好好味。而且扎肉肉碎米粉都有加咗香草同紅蔥頭等炒肉碎，味道很香，所以我每次都會點呢個早餐。不過因為是泰國式，所以會有少少辣，但早餐都可以食到泰式粉面，真係唔多餐廳有。不過其實都有好多其他不同選擇，好似腿通粉都是十分足料，啲火腿同生菜多到鋪滿晒個碗😆同埋一般早餐如雪菜肉絲米，沙嗲牛肉麵，餐蛋公仔麵，各式多士等等也有供應。飲品方面冰鎮奶茶也有很多人選擇，不過我自己就鐘意飲凍檸茶多啲。

四個女人無一起食早餐好耐喇，疫情下都想見見面，我哋好乖㗎配合現有安排2人一抬，唯有分開兩枱坐都無所謂，而且都是隔離座位都可以講到嘢呢！只要開心嘆個靚早餐和吹吹水就滿足，太興原來還有多款罐頭賣添 細細罐幾得意。我就揀咗香辣肉碎扎肉湯米粉加煎雙蛋配鬆脆多士$39嚟太興梗係要飲佢嘅冰鎮奶茶啦！加3元好底。不過好似縮咗水咁，細杯左?不過依然都係咁濃滑好飲，香辣肉碎米粉好大碗啊！少少微辣好開胃 ，食極都食唔曬，最後食淨一半，有啲唔好意思添，煎雙蛋比較過火比較熟，多士係成塊上呢！食完好飽呀！姊妹就係要見下面食下嘢就開心。

之前見到海報晩餐有兩款特價小菜，于是今晚抽空想去試下，去到門口都見到幾多人排隊，心諗應該吾差啦！點知排左一輪入到去，要雞無雞，要松子魚又無，然後連叉燒燒腩都賣曬!無可奈何只能求其叫左三樣回味菠蘿咕嚕肉$70:份量少得可憐的咕嚕肉，只夠小朋友一個食，但係勝在味道可以，外面仲可以保持脆度！滿燻燒鵝1/4上庄$90:食到有煙燻味，味道尚算可以!點上酸梅醬更加好味！魚香茄子煲$70:味道扁咸小小，味道不過不失!每個小菜可以加$19轉套餐,(白飯+熱飲）

眼前冇牛抄河6十幾蚊！連凍飲7十個零半蚊！话比樓面知，可能我笑笑口冇反枱，佢望下就说:你今日當減肥囉！做野由上至下用心先有好结果，成左名有名气就咁！净抄河冇不餸我為有食朋友一件义烧不餸下D河粉一一一一一

今早到太興食早餐，見到餐牌上有新款早餐 - 雞扒蛋公仔麵，因之前只有餐蛋麵，所以今日決定試新野.......公仔麵麻麻地，雞扒好滑好好味，冰鎮奶茶仍然保持水準，不錯！

一早約左朋友係東港城的太興一齊早餐🥣！位置喺二樓近恆生銀行果邊!早餐時間算多人。柚子蜜：好飲，有好清香的柚子香味，少少甜!有D甘甘地的味道，總之好清新！餐蛋麵，:覺得一般般普通不過的公仔麵，無咩特別！泰式扎肉米粉:呢個好有驚喜，湯底有少少辣辣地，又有香茅的香味，再加上炒過的肉碎十分惹味！食落應該仲有薄荷葉的香味！加上一塊厚厚的扎肉，真係超級好味，推介，呢個餐好扺食!再加上牛油方包+雙蛋，非常滿意！

又來到東港城的太興， 等了大約十分鐘終於有位， 這裏長期很多人 ， 差不多每次都要搭枱。點了一個瑞士汁牛柳炒濕河$52， 叉燒鹹蛋飯$46，飲品有茶走和啡走。 叉燒鹹蛋飯好快就到了，到太興點都要食燒味啦， 但味道普通啦不算突出。 差不多食完叉燒鹹蛋飯， 瑞士汁牛柳炒濕河才出現， 上菜時間控制得不太好， 味道依然是普通沒有特別。 反而我欣賞這裏的茶走和啡走， 永遠保持一定的水準。整體來說我都會經常幫襯太興這間連鎖茶餐廳， 但食物質素就每一間都有分別。

豬扒雙蛋飯名符其實就係豬扒加兩隻蛋看似平凡但蛋汁一流出來配埋甜豉油飯真係無得輸係另一種男人的浪漫雖則小編係女仔而豬扒亦無令人失望有肉地爽彈唔會乾一送上台已經好香好香正呀！

第一次來到東港城的太興，中午時段不用排隊入座， 入到去之後看到有午餐餐牌，點了冬瓜蠔仔泡飯和熱奶茶$52，上菜的時候賣相比起餐牌上的簡直係完全兩個樣，蠔仔只有幾粒帶有濃濃的腥味，感覺不是太新鮮， 對於一碗泡飯湯底本身是重要的，但飲完湯底之後好口渴，食完這碗蠔仔泡飯令我想起前幾日我到一間台灣餐廳吃的蠔仔泡飯真是兩回事， 竟然一間不是太出名的台灣料理可以做得出色過太興！今次這碗蠔仔泡飯真是令我對太興印象減分。 幸運的是熱奶茶還有保持水準，沒有令我失望。 希望遲些再有機會食太興嘅時候，佢哋的水準會提升返。