太湖海鮮城 (已結業)

今日去拜完山，下午二點幾打電話問佢有冇位，因為都有成十幾差不多二十人。佢話冇人，重可以飲到四點半，所以成家人三點半到。點知去到原來下面底層話要收，只得上面個層，但已經冇位。我們同侍應話已經訂了位，最後我們等了十分鐘他們先至開下面比我們坐。食物我們叫了二十幾個點心，有大中小點，廚點，叉燒和燒鴨湯麵，一個炒麵和幾枝啤酒等。點心一般哪，最不好是個珍珠雞，糯米幾好，不過入面的料就好似「口者喱」咁，好難食。椒鹽豆腐好淋，冇什麼味道。湯麵ok，但叉燒和鴨就好差，叉燒很硬又乾，鴨就又肥又冇肉，ｄ汁重好難食呀。炒麵只見又濃又乾，所以冇食。這裡地方很污穢，不論桌面和廁所等。食物上得慢，如肚餓，真是餓死都未食到。這裡要收加一，茶錢連小朋友都不放過，連大連細都收足，但就成日冇人加水。最好笑是樓梯和門口都貼滿得獎的獎章，但我可以講一定不是這間分店取的。真是食一次好了，下次找鬼幫襯佢。

太湖海鮮城都幾好食。d 野食大碟又好味又唔貴。一家13口食晚飯，都是千一元落樓。都算平嘛！

呢頭最食得o既酒樓都算呢間呀~ 點心都幾ok可以食下同食得過o既~ 不過唔好簡食"珍珠雞"~ 無乜料...唔好食o既!

D腸粉落o左太多豉油，好咸! <br>D棉花雞落o左太多油，好肥! <br>不過其他點心都okay啦!