太平洋咖啡 (已結業)

見有時間想起無食過晏, 於是要搵個地方回下氣以為呢間會比較靜, 點知坐左有7 成客其實唔係好餓, 但又唔想食甜野, 於是叫左House Coffee + 菠菜蛋批House Coffee 好大杯, 成大半個湯碗咁, 店員主動加上暖奶, 自己則加很多糖，但味道仲係好苦, 咖啡味原全比苦味蓋過, 係咁多次最難飲既一次而菠菜蛋批加熱過後, 味道還可以, 蛋味足但批皮已淋, 用义拮入去已自動分離….由於2 樣野都失望, 所以食唔晒 ~ 

剛巧看到facebook廣告，知道Pacific Coffee 新推出的咖啡提供買一送一優惠，便去湊熱鬧。分別點了岩鹽焦糖牛奶咖啡、岩鹽烤榛子咖啡及brownie。雖然兩杯都有岩鹽，但並咸味欠奉，前者的咖啡味較淡口，但因有焦糖，所以可以不用落糖。後者咖啡味較濃郁，但卻感覺不了榛子味。brownie的朱古力味不夠濃郁。

Pacific Coffee(沙田) – 連鎖式經營、連鎖式味道。跟友人到了沙田走呀走，走到累了便走到沙田新城巿廣場的Pacific Coffee。 已經是下午茶時間了，看一看餐牌的食物，沒有太多選擇下本想一試它們的精選蛋糕套餐，但一走到櫥窗看一看。 嘩！ 賣相很是一般，切得不均暈，邊位也有點爛爛的。 算了，還是算一個基本上不會失手的，就是華夫、蛋沙律和司華力腸。 上枱時華夫(Waffle)是脆身的，蛋香也足。 證明用料還是上乘，不是吉士粉華夫便算。 華夫上面塗上蜜糖，味道基本上配襯。 但若果那時候還有一球雪糕，就必定會更好了！ 熱熱的華夫上配上冰凍的奶類雪糕，是一絕的食法，也是西歐的食法吧！ 司華力腸沒有燒過的感覺，似是只用滾水燙了幾下便上桌了，比較欠缺誠意。 Pacific Coffee 曾經會做很好的蛋沙律，但今天吃到的是不對辦的貨色。 一吃下去過甜了，酸味也欠奉。 而且，蛋沙律必須要有粉粉的蛋黃，份量要多，這份沙律顯然不夠。 有很大的改善空間呢。 朋友選了焗薯皮套餐，沒有試過便不COMMENT 呢。 但看他吃得滋味，相信不會太差吧。 咖啡也只能說是不過不失，帶點不可口的酸味，也

見到個男人食緊個翻熱左的藍莓muffin好appealing﹐但去到比錢個度又舊病復發叫左凍食tiramisu杯($27)﹐面頭的可可粉不肯定係什麼但係一層脆皮來的﹐很特別﹐cheese位潤滑好吃﹐甜度適中﹐手指餅沒有斟咖啡﹐但非常濕潤斟滿酒﹐好滿足wor。

Pacific Coffee是推介的咖啡店，也是減壓好去處。叫杯咖啡，自攜書本或在店內取本雜誌，找個位置坐下，一口咖啡，一揭手中書，十分寫意。今次抵ｄ，因為用手機玩捉蝴蝶，捉齊 "I love PCC"蝴蝶，可享買一送一。點了杯朱古力泡沫咖啡x2，加上大量my favourite的玉桂(如照片)。

成日聽人講碌卡係先使未來錢，好易搞到債台高築，唔碌卡一樣可以問人借錢，依家銀行啲預先批核，多到得人驚，三幾日一個電話打嚟問你有無需要筆備用現金使吓，借啲錢嚟去吓旅行之類，同佢講唔使還咪借囉，一係就借夠三百萬俾我買番層樓，咁就收線！其實學習善用信用卡，唔好被佢控制你，隨時為自己帶來好多口福嘅。依家啲信用卡公司好興同啲大商場合作，搞推廣，有時都幾吸引，反正有啲嘢都計劃咗要買，在乎晌邊度買啫。相反，如果為咗啲獎金獎品去搏命碌，咁就戇居啦！花旗早半年前晌新城市廣場搞嘅推廣，抽中咗Pacific Coffee嘅贈券，包一件曲奇及一杯咖啡，都值$50架，唯一衰係要指定新城市嘅Pacific Coffee，所以拖到最後限期入開嚟食飯先到此tea吓！曲奇就揀咗Muesli Cookie，屬美式曲奇，大大塊，面積大過一般成年人嘅手掌少少，質感就軟軟腍腍，勁牛油香，亦都勁油膩。其實咩叫Muesli（慕斯里），即係以穀物、堅果、乾果等混合而整成嘅嘢，所以個配搭可以好多變，但整曲奇大路嘅都係燕麥片、小麥胚芽、葵花籽、南瓜籽、碎腰果、碎杏仁、提子乾、杏葡乾……等等，通常都係用2-3款左右，太多太雜食唔出味道。而

是日晚上屋企冇飯食 家姐問我使唔使買野返黎比我食 我話是但買D估佢唔到佢真係是但買左幾件朱古力曲奇 - 超超超難食,已經夠甜,外面重要有大量蕉糖,個餅太實正,之前食個奶油曲奇好食好多藍莓味蛋糕 - 外面甜甜地,咬落去好重藍莓味...朱古力味蛋糕 - 唔好食,朱古力同個蛋糕唔夾杏仁+香蕉味蛋糕 - 一樣係唔好食,都係怪食呢D蛋糕唔好用刀叉,一定要成個咬唔係會散灑就唔好食

今日下午與姊姊到一田血拚, 場面實在嚇人! 血拚後體力大幅下降, 自然要找個地方坐下來休息兼上電. 對上一次來pcc已經不記得是多久之前的事了, 也懶得去想喝甚麼咖啡, 於是求其點個Tall size的Today's Brew. 看上去也很大杯, 用的是久違了的咖啡杯, 而不是常用的紙杯, 實在是喜出望外! 姊姊說Today's brew是sumatra coffee, 是印尼咖啡. 咖啡不帶酸味但帶苦味, 味道比平常喝的淡, 像在餐後的咖啡奶茶一般, 實在沒甚特別. 其實, 今次主要目的只是歇歇腳, 咖啡的味道只是其次. 不過pcc咖啡的價錢的確貴了不少, 直追starbucks! 要找一杯$30以下的咖啡, 選擇無幾. 下次要喝較相宜咖啡, 可能要到M記咖啡了.

琴日同o左女友來o左沙田行街,行到有d攰,就來o左呢間店到坐下,叫了個朱古力樂園,細杯都要$31,雖然係幾好飲,好有層次感,好滑,但佢o既service就唔多好啦,d小二有小小串.次後仲買o左支番石榴加檸檬汁,嘩,超甜,真係唔得,仲要$22一支,吹脹.......不過呢間店其實都係值得一試o既.但唔好抱太大期望law.

放工後同事相約到沙田一起喝杯咖啡，因為PCC較Starbucks少人一點，而且感覺PCC無論環境或咖啡水準都比星記好，所以今次又去了六樓的太平洋，梳化位早已給那些 Internet Surfers 長時間佔據著，唯有坐在邊旁的小圓檯。 順道一提雖然現時傳媒爭相報導體型小巧精美的NetPC，但見Surfer們還大都還是用較大畫面的筆電上網，可見長時間上網還是看大畫面較舒適。今天想同時享受朱古力的甜味及奶泡的幼滑，叫了一杯 Mochaccino Tall Decaffin，再自行加丁點玉桂粉似提升香氣，每次落柯打總記得湯漢斯主演的電影"網上情緣"中男主角的一段獨白，主角訴說每天早上在咖啡店選擇咖啡時就像是人生中常要作出那麼多的選擇， Coffee Brew...Short/Tall/Long/Grande.....Caffim/Decaffim.....Vanilla......Plain Milk/Skim milk......Cream....Syrup... etc，可看出一杯看來簡單的咖啡其實可以有很多口味上的變化； 因為我總想每次都有新鮮感，所以每次落單前總是花些腦筋找點變化。

無可厚非,PACIFIC COFFEE 啲咖啡真係好飲過STARBUCKS ,因為PACIFIC COFFEE 一路都可以KEEP得住咖啡嘅味道,唔會次次唔同左味。但係佢地啲SERVICE就真係未到家。叫左咖啡就咁放響枱面、又唔講呢杯係乜?我點知個杯咖啡係我O架????

上次去左樓下食左個唔係好得既cheesecake, 今次打死都要上返黎!去親Pacific, 一定會飲我唯一飲得既咖啡－－Latte。唔係賣廣告, 香港呢個價錢既連鎖coffee shop, 真係得Pacific既去到邊都咁好飲!今次仲試左blueberry cheesecake... 份量比樓下果間野大一陪, 價錢只係貴一蚊。呢個cheesecake都真係唔錯~ 入口濕潤, 唔會太膩太heavy, 有香濃既芝士味, 藍莓醬份量都好夠, good!

不是第一次來Pacific Coffee, 若有Pacific, 不會選Starbucks, 因咖啡的品質味道較好。這次放工和同事來這裡談天, 我一說要杯Grande Hazelnut Latte, 那服務員立刻問我是否要skim milk, 我驚喜地奇怪他如何知道, 他答因為聽到剛才我和同事站在旦糕櫃前說起怕漏。很貼心的服務。至於食物方面, 除了Latte 保持水準外, 試了個"茄子乾番茄酥角" 茄子和乾番茄很夾, 酥角皮香而不漏, 好味！！！只不過是10元, 抵。

放學誤入市中心,想搵個地方坐,starbucks人多,就黎呢度...買左個blueberry muffin,唔飲咖啡就求其要枝sparkling apple juice...muffin成個凍凍的,面唔脆之餘入面乾乾的,blueberry極少,而且係酸的...整體唔太甜,唔算難食...sparkling apple juice,不評其味道,只想講呢度比出面市價貴,就算係citysuper都平佢$4.5...下次黎的話,都係食件蛋糕比較實際...至於點解話誤入市中心,係因為搭錯車...

煙三文魚芝士香草包, 芝士唔知去左邊, 食唔到, 見到有d白色既醬, 唔知係cream cheese 定係沙律醬, anyway, 食唔出個d係咩, 煙三文魚極薄, 又少得可憐, 仲有d綠色既菜, 唔知咩菜, 爽得黎有d靭, 好似食草咁! 細細件就$28, 貴兼唔抵! 冇下次!