太平洋咖啡

营业中

休息中

行過見無人，就諗住買兩杯飲品同野食入去坐下，點知樣樣都大失水準🥺😔🥤特濃碎朱古力其樂冰 ＆ 🥤芒果其樂冰兩款飲落口都有d失望，朱古力味好淡 一d都唔濃，係飲用水溝淡左嘅冰朱古力奶冰，好古怪，連朱古力碎都無乜朱古力味。芒果其樂冰就正常少少，飲落似係攪溶左嘅芒果乾。另外仲叫左🧁藍梅鬆餅同🧁朱古力鬆餅，味道正常，但朱古力味都係偏淡，入口比較乾身易粉碎，一入口就成口粉😰，質素不似預期。唯一可取嘅地方，係店舖裝潢夠開揚寬敞，座位坐得舒服，服務就正正常常啦

好耐未試過平日甘得閒，來到這裡下午茶。天氣熱熱的，最好就是飲杯凍飲。因為我只可以飲decaf，但這裡的decaf我飲了都係唔舒服，所以便叫了凍朱古力小甜少冰脱脂奶。甜品方面，我叫了這個朱古力榛子泡芙撻。泡芙雖然淋淋地，但都好味的。裏面有些吉士，面頭有些朱古力。撻底都脆，裏面有好多好味的榛子醬。

很久沒來這裡了 來食件蛋糕休息一會先來到店鋪 人流挻多的幸好買單的人不多 很快便買到了🤭由於不想飲東西就只買2件蛋糕食然後我用了會員卡積分抵現金😍變相買一送一耶~ 小確幸💕·海鹽焦糖曲奇芝士餅 🍰金色的牌子是小餅乾😂還以為是巧克力味道很特別😋 但底下的餅乾很硬😭·意大利芝士餅🍰這個口味從小食到大的 但這個我很失望我覺得是很硬的外皮🤬 打不破的外皮😶軟心的意大利芝士只有中間部分🙄

今日很累，不想周圍行，所以就決定到這裡偷下懶。星期六真係好多人，不過好彩有位坐，仲係未坐過的sofa位添。呢間cafe的decaf coffee我飲左都唔得架，所以我次次都飲鮮奶抹茶。我要了脱脂奶，少甜。再叫了件海鹽Oreo 芝士餅，我第一次食咋。鮮奶抹茶🍵真係好濃好好味，熱熱的好溫暖。由於少甜，所以有少少澀味，係抹茶的味道。很好！至於芝士餅，上下的朱古力餅都已經淋左，中間的芝士好明顯係加了魚膠粉的，有些彈彈感，甘就唔夠芝士感覺了。中間有些甜脆餅，我都唔肯定係乜，但幾好食。芝士中有些檸檬皮，有檸檬清新味道。講真，海鹽味真係唔覺囉，而且真係太大件，下次唔會再食。

今日係星期日，下畫出左去公園同屋企人影畢業相，見時間尚早，就決定去pacific coffee 坐下，傾下計。Caramel Latte $37今次又係叫左我最愛嘅焦糖牛奶咖啡，去coffe shop 飲咖啡最開心就係見到個靚靚嘅拉花然後慢慢攬混佢，真係好治癒的飲落去，有少少甜，咖啡味都香嘅但可能天氣凍左嘅關係，我覺得咖啡有啲啲唔夠熱如果然番少少就perfect，始終天氣寒冷都想飲杯熱啲嘅咖啡暖下身Chocolate brownie $20我爸話唔想就咁飲杯咖啡咁濟，就決定叫啲野食下。呢個chocolate brownie 都屬於中上水準，甜就一定甜架啦，係睇下個甜度係咪大家接受到的咁我就好甜嘅，所以都冇咩問題。番熱左之後，個brownie 好正點的P.s. 呢度間pacific cafe 正在一望出去就係一個大嘅人工湖，如果唔洗番工，真係想嚟呢度坐成日

星期六日放假嘅時候，如果唔想出去通常都會去呢間cafe hea下，食下早餐，其實早上佢個環境吾錯，個窗口可以望到出面個湖，個環境好令人心曠神怡，但星期六日早上實在太多人，有D嘈，所以如果想清靜下平日去好D

趁手頭上有Pacific Coffee買一送一的優惠劵,於是試了這裏的飲品。我叫了兩杯熱鮮奶, 因為咖啡不是健康飲品。熱鮮奶加了玉桂, 味道很不錯。環境方面這分店所佔的面積也很大。坐位也頗多,並提供舒適的沙發,很適合談天。可能是因為優惠劵的關係, 當天的人流很多, 有點嘈吵, 而且要找到坐位也比較困難。