太子烘焙 (已結業)

食完飯行經呢間餅店，見到有我鍾意食嘅紅豆餅😋，老婆鍾意食嘅老婆餅🥰，竟然有埋我個仔鍾意食嘅心太軟😚同埋阿女鍾意食嘅乾酥餅😍。嘩！一間餅店4️⃣個願望，拿拿聲入去買嚟試下先！入到舖頭問職員，可唔可以買幾件唔同嘅產品入盒，佢竟然話唔得🙄，一定要半打同類餅先有盒😒，算啦我都係照買各一件試下。老婆餅$5外層鬆化香口，糖冬瓜餡料滿滿，口感煙韌軟熟，甜度到剛剛好👍。紅豆餅$5外層鬆化香口，紅豆餡料滿滿，口感鬆化，香甜有豆香味，口感綿密👍。西樵大餅$10口感鬆軟，甜而不膩👍。心太軟$15朱古力蛋糕及內裡的流心都有朱古力味，口感軟綿👌。總括而言，以呢個價錢食到呢個質素其實唔錯嘅，但服務態度就....

今日放工突然好肚餓又未到食dinner嘅時間咁啱經過見到呢間麵包店俾佢個掌心咁大嘅雪米糍吸引住左咁大個都係$15試吓都無妨呢當然都預咗佢好多cream但入面嘅芒果肉份量不過不失唔會係剩係得芝麻綠豆兩粒我諗指甲大細嘅芒果肉都有四五粒Cream佔嘅比例係七成蛋糕佔兩成果肉佔一成性價比高唔高？自己衡量下吧🙈不過佢除咗麵包之外都仲有唔少嘅件裝蛋糕大概都係$15左右仲有蛋撻曲奇餅皮蛋酥糯米糍等等嘅食物賣如果路過不妨都可以試吓嘅

下晝行經聞到有香味，咁我都買個包醫下肚先 揀左個手掌咁大嘅黑椒雞肉包，$10大大個，都幾重手。咬開口感都扎實，少少咸香雞肉餡置中唔多唔少，黑椒味越食越出，整體感覺都唔錯同埋呢個好飽肚我食左一個連晚飯都食唔落。但個過程最令我疑惑嘅係..... 個包裝袋係印住『紅豆烘焙』？😳 地址係深水埗？然後我出店舖時又抬頭望多次個鋪名..... 『太子烘焙』？😅😅😅

之前經常經過這間麵包店，都聞到這太子烘焙的麵包，香氣濃郁，有天在它接近關門時路過，終於一試。內進之後發現內裏都有強勁的香氣，結果買了一個菠蘿豆沙包。雪凍了再翻熱，菠蘿豆沙包的外皮仍然脆，麵包確是質地煙韌，口感相當不錯，內裏的紅豆餡也不會過甜，不算是保留完整的紅豆粒，有點蓉，已經形成紅豆蓉，整體來說味道確是不錯。強行搶回半條芝士條，口感軟熟，夠香。小店就是小店，你到聖安娜或是美心那些連鎖，店員只會問你有沒有會員，或是現金八達通，完全沒有什麼交流，更遑論服務。這兒，阿姐會留意到我們兩個人，會想到我們一人一個，主動提供分開膠袋承載，服務確一流。

落巴士經過見到呢間麵包鋪，見到佢好光猛，好多選擇，好多野揀所以就去左幫襯！ 見佢有好多種類，基本款既雞尾包，到椰賓包，仲有砵仔糕，到曲奇，蛋糕，咩都有！我因為係早餐，所以就想食麵包only!! 揀左好耐，最後都係試腸仔包~ 服務態度好好，一見您有意欲想買，就主動上前幫您，雖然店員感覺唔係好熟手，同只可以俾現全，冇八達通，但服務都唔錯~至於味道，腸仔包凍左，果時係大概12點，可能岀爐有一陣，咬落好正常，不過腸仔味道好怪，好似有啲氣油味🙈 食食下已經唔係好想食😨 有啲失望，可以咁啱係我果個，所以唔係好敢幫襯下次

之前經同事介紹呢間麵包店，自己就去左了一入到去燈光好明亮，好光猛，好多種類既麵包 而且仲有糯米糍，砵仔糕，白糖糕等等既糕類，又有曲奇餅類 仲要係好多款添，有蛋撻又有蛋糕，應有盡有，好多選擇！我睇左一陣，揀左雞尾包 佢麵包平均大約10蚊內，好多都$7-$8，最平都要$5都算正常價錢🤣雞尾包一咬之下，就咬到入面既料，麵包好鬆軟，唔好太硬，暖暖地 (Ps. 我去既時候係中午時間~) 今次純試，下次試下其他款式整體來說，服務不錯，種類係一個幾驚喜

朝早去咗太子烘焙麵包食，因為同事介紹，呢間麵包舖係款式最齊全嘅麵包舖佢嘅位置比較偏僻，所以難搵少少，因為唔近地鐵站， 又唔係出名嘅大街道，所以搵咗一陣先至搵到見到門口已經放咗好多唔同款式既餅類 𥚃面就係全部麵包類仲有，連砵仔糕，糯米糍都有我就買左麵包：火腿芝士包，正常價錢$7，都大個！服務員好好，主動話要幫我夾，好surprise!!正常就由我睇就算 所以加分！我另外再買左飲品✌🏻 都唔係貴，因為有啲餅舖會買好貴飲料，呢度375ml就$7整體來講，都幾唔錯，會再幫襯

今日返工搭車前去左買早餐，見到門面好光鮮既麵包鋪～又幾多人幫襯，所以就入咗去幫襯𥚃面選擇好多，放得好整齊，可以好早，新鮮岀爐～ 大部份麵包價錢大概$7左右，咁早連蛋撻都有，好驚喜😍店員話仲會有曲奇😱 我買咗芝士條同腸仔包～ 腸仔好賣到剩一個🤣🤣 服務員好好，有禮貌！見到有客人入黎就主動話幫佢夾麵包好主動積極，抵讚！（可能係老闆！🤣🤣） 我之後試個包。腸仔包好好味😱 包好軟身，有氣感，唔會太滯！芝士條一般，冇乜特別，係大舊啲😍👍🏻 整體都唔錯，可再試👏🏻👏🏻

今天經過，見到呢間麵包🍞舖新開張，門口重切緊燒🐷，入去睇下，果然是街坊小店，咁鬼平嘅？個芝麻豬仔包$4？買咗幾個咸包同丹麥條，見啲曲奇🍪新鮮，買了半磅$30，因為平時在啲街坊，果啲好鬼甜！結賬$50幾蚊？嚇得我，以為事頭婆計錯價錢，點知個姐姐話，我地新張期內8折，😅！行出門口，嘩！啲包同曲奇都是熱的，好感倍增！見有蛋糕🎂和凍餅，不過今次未得閒試。一路行，一路食曲奇，嘩，覺得好抵，鬆、香、不太甜、不太騷但有牛油味！yummy! 😋，我咁嘴尖，也覺得原味曲奇非常美味！CP值高！我也試過酒店/高級餅店的曲奇，佢真係絕對唔輸蝕，又平！可能重好味過佢地。因為今天早起，返家吃個腸仔包，哈！居然上邊有黑椒，有啲心思喎。瞓醒晏教，哼，有冇搞錯，屋企人居然吃剩幾塊曲奇。下次再去買過，一定支持街坊小店！