太子冰室 (已結業)

前晚(17-9-2009 Thur)女友人T為提早慶祝我生日,約我到太子食飯,佢帶我o黎呢間.我o地未到7:00pm到o左,都重有好多位,點菜時,T叫我提佢一定要叫$15.00o既串燒牛舌,話好好食.之後我o地叫o左兩個晚餐,T要鐵板晚餐o既$65.00D餐,鐵板西冷牛扒+龍脷魚配薯條,雜菌汁,飲羅宋湯.我要西式晚餐,好似係$58.00o既B:俄羅斯薯仔沙律,泰式香茅豬扒配煙肉炒意粉,飲忌廉湯.不一會,兩個湯同法式蒜蓉包到o黎,我o既忌廉湯裡面好似有煙肉碎,亦有魚翅………瓜o既魚翅,味道,形容唔到,口感就覺得有咬口,有啲一粒粒o既o野o係裡面.味道: 3分而法式蒜蓉包差到呢,凍o既不特止,重要好油好油同又腍又韌,呢個絕對唔掂味道: 0分我o既俄羅斯薯仔沙律到o黎,都係一般啦,冇乜特別o既,不過蕃茄同青瓜片唔係咁新鮮,亦唔好食.味道: 2.5分而串燒牛舌到o黎喇,都幾厚,應該有5-8mm,唔似日本餐廳o個啲薄到死.食落,味道好濃郁,夠腍.不過T話冇等一次食時咁好食,因為o個次係冇燒燶,同外面係燒到好脆o既.但我覺得可以收貨o既.味道: 4分之後係我o既泰式香茅豬扒配煙肉炒意粉到o黎,兩件

星期六下午， 全家總動員為媽媽挑選衣服， 出動之前五人要去醫醫肚。見鄰桌吃的炒飯麵碟頭不小， 所以只叫了三個餐分來吃。中湯是雞腳湯，味道竟不錯。雞扒炒意粉 意粉條條也上色， 不會過淰， 也沒有太油膩膩感覺， 雞扒反而比較淡味。菠蘿海鮮炒飯 飯也算炒得粒粒分明， 海鮮有蝦粒， 蜆肉， 青口， 但整碟味道很淡。忌廉海鮮焗螺絲粉 碟頭是三樣中最小， 但因比較膩， 也都夠飽。

是日晚餐 甚麼不知吃甚麼好 跟友人隨便挑了間《太子冰室》 粉仔本來想吃鐵板餐 可是看餐牌見它的份量好像太大所以最後唯有挑了個晚餐B -- 頭盤是蒜茸荷蘭腸 主菜是巴西豬扒迷迭香燒汁配蔥炒薯 還有餐湯、蒜茸多士、飲品和甜品 只是$58 其實還滿便宜的 但同時心裡對食物的質素已經有點懷疑先上的羅宋湯及蒜茸多士 湯就是十分正常的茶餐廳水準 夠熱 可是蒜茸多士卻冷了 不夠開心蒜茸荷蘭腸 蒜茸汁味道不錯 腸的份量滿多的 可是粉仔覺得切得太薄了 沒甚麼咬口如果切厚一點 或者是一節節 會比較好食 巴西豬扒迷迭香燒汁配蔥炒薯 兩份很薄的豬扒 還好不是很肥 粉仔最怕那種邊有一大片肥膏的豬扒 迷迭香燒汁還好 其實不太吃到迷迭香的味道 蔥炒薯因為薯是粉仔愛吃的 所以基本上不會有甚麼問題 不過只有四、五嚿薯仔 如果多一點就好了^^整體味道 只可說是很一般甜品是香蕉pancake 以茶餐廳甜品的賣相來說 已經算是不錯了不過吃下去pancake 的皮太厚了 而且雪得有點過久 令到皮更加硬味道麻麻 不過連餐的 算了吧 總結:太子冰室的東西 真的很一般 一定不會是美味 但算不上難吃 不過份量跟價錢是滿化算的只能

很久沒來,所以決定和朋友一同來食扒,此店環境都不錯,因沒有擠迫的感覺,而且還有卡位坐,正呀!今餐選擇的:牛扒併龍脷魚 : 牛扒有點薄,所以欠缺質感,但總括而然都算OK o架. 但最失敗是o個件龍脷魚真是有點唔想食,同平時出面食開的處理方法不一樣,令我有點吃驚,因龍脷魚包煙肉有點怪,魚已經熟得擠,加煙肉在外面味道更加怪,我朋友食都唔食.......最後只有浪費了它.羅宋湯 : 夠熱. 正.蒜泥包 : 唔得. 凍o架.紅豆冰 : ok啦! 椰汁多o左d.香蕉pancake : 皮有點厚,香蕉都算ok.服務態度也算可以.總括來說 : 都算可以,因價錢成正比.

放0左工, 本來想去太子附近0既金鳳, 不過太多人等位0勒. 所以就去太子冰室食啦.可能之前食0左個金華菠蘿油打底, 冇禁肚餓所以兩個人就食 light 少少咁啦.不過太子冰室大部分都係套餐咁食, 只係做 promote 0既鐵板牛扒可以單叫. 咁兩個人食就叫0左一個 F餐 同埋一份鐵板西冷0勒.鐵板西冷牛扒: 塊扒好大, 有菜同薯條墊底, 講真唔駛跟餐都好夠份量.F餐包括:羅宋湯: 幾濃, 少少辣, 唔算差, 幾足料添, 不過羅宋湯唔駛禁多薯仔煮到個湯禁濃掛...蒜蓉包: 味 okay, 凍0左少少頭盤 - 酥炸魷魚圈, 有三個圈, 夠熱夠脆, 不過都幾油. 頭盤0者, 唔駛食好多!主菜 - 烤羊肋配意大利飯: 烤羊蘇好香, 賣相都幾靚, 有菜襯托. 羊肉有汁好嫩滑, 一咬即開唔使刀切, 烤羊好食過好多酒店添呀! 意大利飯就味道 okay, 不過老實講唔係真係 Risotto, 而係飯! 個汁就一般餐廳 feel 咁, 唔用汁用喼汁食羊仲好食.餐飲: 熱檸茶, okay 啦, 冇驚喜老實講我唔係第一次去太子冰室, 都知道服務普普通通咁. 不過我覺得佢地對唔加 $12 要湯+包+飯/意

今晚食咗白汁焗吞拿魚蜆肉長通粉 (餐).羅宋湯味道普通, 無咩料. 蒜容多士微暖但脆口.我個焗意粉, 講真, 幾好味! 個意粉好熱, 有唔少吞拿魚同蜆肉, 仲有黃色 + 綠色椒, 應該幾新鮮, 因為食到意粉有青椒香味.個飲品就麻麻地, 凍檸茶少甜變咗勁甜.食味其實唔係咁差, 而且呢度係旺角太子可以坐得比較舒服的地方.

近日路過，見到環境坐位ok，諗住不妨一試，order左個set lunch。1. 羅宋湯是暖的，愈飲愈涷，質感比較粉，味道較酸，失望2. 焗肉醬長通粉，規規矩矩，好彩夠熱3. 涷檸茶，好似正常的一片檸檬分開切左3片，唔夠檸檬味service麻麻，食物到左仲未有匙羮叉俾，叫個waiter 攞芝士粉轉個頭冇左回事，找錢又找晒d散紙。咁o既價錢附近大把選擇。

是日陪朋友到金都試姊妹裙，打算完成試裙後再到旺角搜尋要買的東西，所以就在金都附近找地方醫肚，免得在旺角街頭，到處人來人往，全都要等位的，跟本不用吃了。最後我們決定這間冰室吃我們的同類－「扒」，笑。我們倆也叫了牛柳扒鐵板餐的SET DINNER，先來紅湯，味道濃郁，食指大動！附上的蒜蓉多士，很美味，很脆口哩！再來牛柳鐵板，很大份，我和朋友也吃不完各自的牛柳，配上薯菜，薯條新鮮熱的，很脆口。其實我很怕很硬的牛扒牛柳，也怕任由我花了九牛二虎之力也切不開的扒……但我怕血淋淋的肉，所以我的牛柳，要了九成，朋友問：「九成，不會很硬嗎？」我即席示範，輕易易舉的就切開送到咀裏，很美味！最後餐飲的凍檸茶，剛剛好的甜度，對我而言不太甜，但我沒有要少甜哩，其實我也怕太甜，但這杯凍檸茶，為這頓晚飯畫上了完美的句號。這裏的座位設計全卡座，捧極了，我最愛座卡位，感覺私隱一點，和朋友談話也最合適不過。先前沒有瀏覽過開飯的食評，但想不到原來有這麼多的劣評。但我的親身經歷，我卻覺得太子有這樣的一個地方吃飯，是一個不錯的選擇。有機會我會再來！

是日和家人於此處飯聚﹐點了份牛扒﹐牛扒一上臺熱辣辣﹐油煙味好重﹐不過入口有牛味﹐夠香口﹐而且肉汁都夠。另外點了杯熱朱古力﹐熱朱古力好淡﹐沒有太濃的朱古力香味﹐不過甜度適中﹐可惜太淡味。

下午茶餐, 排骨湯米+紅豆冰, 食完才發現有隻小強BB在游水, 是全隻~ 找WAITER理論, 態度極敷衍, 最初時打算換個碗比我地, 但已食晒, 換來有什麼意思? 之後再打算比番兩個餐的錢我地同埋coupon... 但我朋友已成碗食晒... 我也想作嘔... 即是想我地當我地冇黎食過嗎? 一點誠意也沒有... 不用多說... call食環署... 他們才不停過來問我地想怎樣... 但是他們的一句「這些是避免不到」, 更加令我們失望... 食環署到後問了一點資料, 成碗連小強用保鮮紙包再加保鮮袋入住, 再用紅色label貼好, 在貼紙上簽名... 不知結果是怎樣, 這沒悔意的黑店... 你們會來試嗎??

實在大難食，簡直難為左自己個胃!!!!!!!!!!!見餐廳裝修靚左，d食物相又鬼咁吸引，從未食過，所以同朋友走入去食晚餐!!叫左2個set，1個係海鮮闊麵餐$72，1個係羊扒意大利飯$78!!! 嘩! 聽個名仲以為去左高級餐廳!真係好難食!首先係個蒜容多士，淋晒 / 好ur，但都食左落肚!!個羅宋湯，唔夠酸，但都仲可以!個主菜就真係超級頂唔順~ order 2分鐘就到枱，闊麵淋晒，發漲晒，食左2啖就無食!羊扒意大利飯就唔知點解變左西冷扒，照食但跟本都唔係牛扒!!諗深一層，點解要委屈自己，俾成80蚊食個咁難食既餐，於是跟伙計反映!簡直態度惡劣!!! 2個人埋單成$200，食日本野都仲得!d湯都未飲完，主菜都上晒!!! 最難譜係呢間茶餐廳要另收加一，都唔知有咩服務??????d伙計攞張單去你張枱到埋單，就當有服務!!!!!!!!!!!!!! 簡直連屋邨茶餐廳都無得俾!!!唔知佢地當d內地人唔識野，定還是香港人係傻!!!做一間食市連食物基本都做唔到，點解仲要開餐廳!我自己蔒呢d野食，起碼都好食過去10倍! 真係要檢討下! 人地食飯d錢都係血汗錢!

上星期13號經過就隨意進入想吃個早餐。當時餐廳絕不多人，很多侍應也閒著。10:15已點了個極之大眾化的早餐：沙嗲牛肉麵＋餐肉＋煎蛋＋多士＋凍朱古力大約5分鐘後，凍朱古力先來....喝著喝著，眼見有不少客人比我遲來的已經用膳完畢；而我的凍朱古力已經喝完。10:40有經理說漏了單，嗯，我想即是跟單那份普通得很的早餐應當5分鐘便可上檯。10:55，我的早餐來了：餐肉＋煎蛋＋多士11:00，我的主菜來了：沙嗲牛肉麵而這個沙嗲牛肉麵的牛肉，6小塊中有三塊都是韌到咬唔斷的筋。而且沒有沙嗲味。我想講，沙嗲牛肉其實只係罐頭，但都有異味；我沒有多疑，因為我吃完這份等了45分鐘的早餐後，我肚瀉了。我發誓，即使餓死，也不會再到太子冰室。

8月7日, 成日去完旺角等巴士返屋企時望向對面馬路都會見到的太子冰室, 果然係一個黃金舖位! 久而久之就令我好想一試呢間牛扒之家~ 今日襯住又去旺角睇戲就同呀比去咗食喇. 都幾多人, 應該係d街坊成日黎食既餐廳.::: 西式晚餐 ::: 餐湯 + 頭盤 +主菜 + 餐飲 + 甜品 $68餐湯係忌廉湯, 送多兩塊仔蒜茸多士. 忌廉湯橙橙地色. 有少少番茄味. 又有少少似龍蝦湯既味. 不過當然就唔會係龍蝦湯啦~ 質地好杰~ 飲完已經飽左d啦. 蒜茸多士幾好味wor, 夠脆又香蒜茸味~頭盤係蘆筍牛肉卷. Er… 將相影得靚咗, 其實賣相係有d求其. 兩小條用肥牛片包住既蘆筍卷, 肥牛真係好肥, 好彩蘆筍唔太差. 不過成舊野冇乜味~主菜放棄了鐵板扒要了吉列龍利柳伴洋蔥汁咖哩炒飯. 賣相都見得下人~ 味道亦不過不失. 龍利柳好大件, 炸得香但淋左少少. 咖哩炒飯真係只有咖哩同炒飯, 尚且有d咖哩味~ 整體又係ok~餐飲的凍檸茶有茶味, 但檸檬就薄到似正常的1片開3份. 所以似甜茶多d.甜品係一把間尺面積的香蕉pancake. 都係預先整好一大疊的放在雪櫃裡, 要時就拿出來放忌廉同朱古力醬. 好佩

早2年我都成日黎呢度開餐... 但近年.. 越黎越差, 我己經有半年無去了上星期六去lunch, 嘩! 格局都改埋, 成間茶餐廳咁.. d位勁逼而且waiter全是新人, 只有2位經理是熟手的. 嘩! 可以想像有幾咁混亂.. 好失望, 我不會再去了!!

老人家住附近，本想帶佢去飲茶，怕既係太遠太熱太多人，最後近近地揀呢度有自選快餐，點了西冷牛扒+煙肉+pasta+黑椒汁，送紅豆冰或奶茶，索價近四十老人家想吃扒，但食量少，就同佢share，每樣食少少但係覺得完全唔滿意steak，說真的，好難吃，完全overcooked，老人家吃了好久，還是吞不下，最後由我清掉；pasta下得小家子氣，說真的，對女仔黎講這個份量都勉強可以，但男直黎講幾對唔夠，好彩冇過稔既情況出現，老人家也就吃得舒服；煙肉，得一小片，不過四十蚊唔可以太高要求；黑椒汁，正常，沒有特辣的情況出現紅豆冰，好奇怪，下了椰汁，味道極strange，第一啖還以為係黑燸米糖水埋單四十，雖然不貴，但味道奇差，絕不番炒