太子冰室 (已結業)

睇完男兒本色, 同女朋友去太子睇o野, 順便醫o下肚, 就走入太子冰室. 我o地分別o左咖哩牛腩米粉同埋西多士. 咖哩牛腩好夠味, 少少辣, 米粉係銀絲米粉, 個人o黎講唔太like!! 西多士就不過不失, 普普通通.

本來聽聞E度d野一般,好彩試一試~結論係:比想像中好!!2位友人分別叫左1個意粉同1個飯,我2個都試左啖,感覺不錯~而自己果個就極度正~ New zealand牛柳~ 由於第1次試,穩陣起見叫7成熟~有得揀"紅酒汁",不過冇試到...../.\舊牛成寸厚,不過勁'林'!好好切~好好味~完全發揮出牛柳ge本色!餐包幾好,雖然餐湯一般,餐飲亦都麻麻,但舊牛完全彌補晒有突~~~~~侍應質素一般,餐廳環境整體亦都一般~位與位之間太近~

那一天行經太子冰室一帶, 那一帶食肆選擇較少, 而且本已逛得很累的我們也不作他想, 進去吃晚餐!可能時間較晚, 我們兩個人可以坐到卡位, 我們兩個各自叫了一個SET DINNER, 女朋友叫了一個白汁吞拿魚長通粉, 我叫了一個咖哩雞飯!餐湯是一般的貨色, 可幸的是忌廉湯不會像一碗淡而無味的白汁, 配上兩塊蒜蓉包, 感覺OK!主菜來了, 我的咖哩雞賣相不錯, 咖哩雞與飯分開上, 咖哩雞份量算多, 食味亦可以, 薯仔與雞的比例適中, 咖哩煮得很香, 唯帶點辣, 但我不嗜辣的亦可接受!女朋友的白汁長通粉亦相當不錯, 足料, 夠多吞拿魚, 白汁亦焗得很香, 唯吃到大半會感覺較鹹!長通粉亦算大碟, 女朋友一個也不下!餐飲也是一般的咖啡, 茶, 沒什麼特別!餐廳的裝潢算不錯了, 唯侍應的服務可做得更好, 侍應服務不算殷勤, 雖然客一多, 但添水不始終不夠主動, 唯經理等則大多「木口木面」, 沒半點笑容, 而且結帳時也沒一聲「多謝」, 似乎......坦白說食物質素固然重要, 裝修亦要重視, 但服務亦很影響食客的印象, 其實不太介意服務水準的話, 以其價錢來說, 一試無妨!!

今晚睇完戲就同朋友嚟這間餐廳食晚飯。原來巳經成9:45pm，我叫咗我嘅至愛選擇--公司三文治加凍檸茶。朋友叫咗個鷄扒加凍檸茶。公司三文治好大碟，又有薯條伴碟。朋友話個鷄扒都ok但唔算特別好味。之後仲叫咗個意大利芝士餅，好好味。今餐好飽好滿意。下次一定要食埋黑森林蛋糕。

先講環境都算幾好...價錢係旺角來講都唔算貴, 夜晚唔知點啦一去到門口就話係快餐, 所以期望唔係咁高我地三個人去食野我叫左個肉醬意粉其他兩位同事, 一個叫左個牛扒包餐, 一個叫左個熱狗餐肉醬意粉- 都算ok, 有連湯, 都唔係難食, 但係太少啦..牛扒包餐- 一塊漢堡牛扒, 包呀.. 其他野, 都算ok既, 細塊左d咁, 但係同事話ok好食熱狗- 可能因為條熱狗成本平... 所以好鬼大條.. 見我同事話幾好食咁唔洗加一.. 午餐來講都食得過既

放假來個家庭敘。行金魚街前選擇這裏醫肚。各自要了一個lunch set：雜菌龍俐柳飯($32)、黑椒牛柳飯($36)和白菌汁龍俐柳焗飯($32)。原來是快餐，就算是焗飯也轉頭就送上。牛柳大約六、七成熟，感覺幾嫩，不過黑椒落得少。雜菌龍俐柳飯亦算ok，略嫌雜菌太少。白菌汁creamy，不過似乎焗的時間不夠，焗的效果未算理想。不作挑惕，這裏的水準是可以的。

同爸媽到這間茶餐廳食午餐，去到先係一點，估唔到會無雞扒，咁就叫左個白汁龍利柳西蘭花闊條麵。上菜都幾快，服務態度都算不錯，幾有禮貌。食落去，同家附近的茶餐廳水準差不多，不同的是它貴十多元。個白汁唔係咁好食，雖然它是幾濃，不過個味同一般快餐廳的沒有分別。一定要提的是環境真的幾好，乾淨、闊、坐得比茶餐廳舒服，又唔會有一灘灘水在地上。如果有得選擇，以四十元的價錢，我會去其他餐廳嘗試

上星期約朋友二點後去太子購物, 所以自己一個人先走去食飯。行過呢間餐廳, 心諗成日行過門口都未試過, 不如就今日試一試。由於時間尚早, 所以客人唔多。見午餐價錢都唔算太貴, 於是叫一個焗鮮茄雞球飯, 連餐湯+ 凍飲。$38約5-8 分鐘, 先到"羅宋湯"... expected 質數, 都無任何期望, 只係一碗由酸味同辣味混合一起紅色熱水.. =.=" 再過另外8 分鐘, 飯到, 一睇... "唉"....碟飯份量同茶餐廳下午茶時間特價炒粉麪一樣咁"大"碟! 再實質d 形容, 大約係"澳洲牛奶" 用作上通粉的碟大小, 但仲要係"平碟"份量..再睇真飯中配料, "唉唉".... ◎~◎"雞球--- 3件(約拇指大小)蕃茄--- 唔夠一個草菇--- 約1.5 粒切片自問食呢方面要求唔係高, 之但係見到咁情況, 當時有衝動想叫餐廳個"藍衣人"過黎自己睇吓....最係都係... "嗗"聲食完碟飯走人....味道.... 唔想多講, 因為都無乜好講下次無交易

琴晚行開旺角,就去左呢間野食,見價錢都ok,六十幾蚊有個扒餐,點知.....真係唔使錢都唔會再試.先講d人既態度,一d笑容都沒,好似欠佢地錢咁,就連果兩個maybe係經理既人都黑口黑面.叫左個西冷牛扒,要七成熟,點知熟到咬都咬唔爛,俾我老公試左一啖,我老公直情吐出來,真係過份~~於係我就叫左個女經理過來,同佢講太熟,換過份,點知佢竟然問返我如果換左份都係咁點算,態度勁差,好似好唔想換咁,我同佢講換過份都係咁,我以後都唔會再來幫襯,佢先死死地去幫我換,等左十幾分鐘後,終於等到塊扒,咬到,不過唔係煎得好果隻,而係唔新鮮果隻,一咬,d肉就散開晒,都唔知係唔係d過期牛肉,難食到噁.結果我食左兩啖就沒再食到,簡直唔係人食,食到成肚火.我老公見我食到咁嬲,仲話早知就叫牛柳啦~我心諗早知我唔來食tim,搞到兩個人都食到勁唔開心.埋單時,個男經理見我份扒只係咬左兩啖,佢都唔會問下點解,係唔係唔好食,我老公沒俾貼士佢,佢仲要黑面,真係過份,都唔明點解咁既餐廳可以開到依家仲唔執笠.十個唔得~~呢世都唔會再試呢間野~~~~

早幾日0黎呢度食lunch﹐叫0左個set lunch。先講個羅宋湯﹐好似水0甘﹐味淡﹐少料。個飯仲得人驚﹐0係個所謂海鮮飯。個飯唔熱不特止﹐最恐怖係有成10多20隻青口鋪晒0係個飯面﹐真係梯見都唔開胃。但係其他海鮮例如帶子﹐魚柳﹐墨魚等等就每樣只得一兩小件!就算而家D青口平都唔係0甘樣比人食!我都知道呢度D服務出0左名唔好﹐不過寫開就寫埋。呢度大部份的侍應都粗聲粗氣粗手粗腳﹐成日聽到有人掟D腕牒落D盤度﹐特別係0個個tomboy style 的女侍應。另外一個頗粗魯的男侍應係個4眼金毛哥哥。仲有呢度好似要D客"老奉"比貼士﹐如果唔比貼士﹐埋單時D侍應會流露一個唔老黎的表情!唉﹐今時今日0甘0既服務態度!!

情人節那天趕到金都買姊妹鞋,經過這店見套餐價錢合理,就留了電話等回覆,之後去了買鞋.過了一會就告知有位,坐在卡位上,都不錯呢!最後都沒有叫情人節套餐.西冷扒餐:-南瓜忌廉湯的南瓜味不太,有南瓜粒在入,幾有咬口,而味道都可以.餐包是蒜茸包,合我口味,不過已經不夠脆.冷盤是凍雞肉,配上千島醬,酸酸甜甜,十分開胃.主菜的西冷扒要了黑椒汁,味道不外如是大蝦龍蝦汁魚蓉墨魚麵,賣相不俗,份量足夠.淡淡的大蝦和魚蓉應是雪藏貨.墨魚麵韌韌地但與意粉的分別不大.龍蝦汁甜甜地幾好味.最後食完剩碟.跟餐的甜品是藍啤梨忌廉果凍,味道不俗.總括:這店的食物水準一般,但這特別日子以這價錢來說是可以接受.另外,這晚上菜的效率十分慢,不過可以有充足的時間說說笑笑,都不是太差的.TTL:$210

佢有d 野做緊discourt.咁我就try下啦杯意大利coffee 勁苦另外意大利芝士旦糕甜到食唔到...

上星期和朋友在這晚餐. 環境幾好. 服務都okay. 餐湯一般. 主菜我點了羊排, 幾好味. 我朋友點了牛排, 我沒有問我的朋友味道如何, 但牛排外觀不錯. 下次會試試.

d待應服務差不在話嗌左個餐左成十五分鐘先話冇晒要轉第二個餐午餐送湯又唔先送上又要自己催然後拎碗又凍又杰既過黎食物味道普通到不得了成間野唯一可讚就係裝修就係咁人人都俾佢厄入去然後上黎打字成班友呆下呆下不知大腦生在何處唔想食完背脊骨落就咪去喇!

太子唔知有邊到好食, 求其搵一間醫肚, 但食到一肚氣.同朋友2:15pm到, 2:30pm就有下午茶, 好自然等15分鐘, D侍應好唔耐煩(可能因為我地等下午茶), 到左2:35pm, 又唔比MEAU我地, 要叫先比!食物方面麻麻, 我食左美式熱狗, 可能佢D茄醬同黃芥辣用晒, 所以用千島醬代替, 感覺怪怪地...