太子冰室 (已結業)

兩條友仔呢晚想鋸扒，點知去到金鳳大排長龍⋯喺走人行出去旺角睇下有咩食之際，就見度呢間太子冰室大大個標題寫著鐵板餐⋯就咁我哋兩條友就行咗入去試點知就中伏⋯叫咗兩個扒餐，先講講個豬仔脾⋯嘩！！一食落去已經好大陣雪藏味，方死人唔知你喺雪櫃到拎出嚟咁⋯咁難食食兩啖都已經俾面左佢。而個西冷我要左七成熟，佢就好好人咁俾你十成熟⋯銀過塊D老人既千年腳皮啊！！而佢嘅黑椒汁係可以喊過啲鹹魚，最後我哋埋完單⋯出咗門口企返係個大餐牌前面，先知道原來有甜品送⋯六七個侍應遊手好閑都無人主動提我地有甜品送，咁嘅服務加咁嘅服務質素真係永無下次。

真係7月黎剛剛好，啲員工死人咁既反應，又呆又慢。如果佢唔係企係到，我真係以為自己係醫院探病。上菜耐，兩個常餐十幾分鐘都未到，當時只係半滿座，其中一個餐塊包仲燶左。再等多幾分鐘個熱狗先到，又係成個乾晒，啲醬只係搽係中間又唔多，乾上加乾。啲野飲仲厲害，食晒都未到。點解?因為完美分工，得一個人送野飲，一杯一杯咁送，頂妳，一隻手一杯都算啦，有幾次仲一次只係攞一杯?隻手有事就叫第二個幫手啦，其他員工只係行黎行去。仲要唔跟次序，近水吧就攞左先，有啲台食完飲完走鬼埋啦。唔叫個伙計去追單都唔到。價錢仲比其他餐廳貴。尼啲咁嘅餐廳真係不可一不可再！

今次要介紹既呢間位於旺角彌敦道既茶記 -- 太子冰室。當時身處 mk 既我，突然好想食下炒飯，奈何熟食市場離我果到有點遠，而附近又無餐廳有炒飯食。就係呢個時候，就俾我發現左呢間冰室。雖然佢叫做冰室，但其實只係一間新開既茶記，都係普通既茶記格局，卡位咁樣。我就叫左個海鮮炒飯，$42，係鬧市嚟講呢個價位都算平，所以我都無預期過佢既份量。但係，當我一見到碟飯，“嘩”左出聲。首先，速度快。其次，份量大。最後，多餸！食過海鮮炒飯既朋友都知道好多廚房只會求其整一兩隻蝦，炒埋落飯到就當整好海鮮炒飯，完全係呃稱；但係呢間野，佢既海鮮份量多不但知，仲要有唔同款，例如八爪魚，魷魚等等，咁先有翻種食海鮮既感覺架嘛。最正既係冰室隨餐附上菠蘿冰一杯，入面仲要有兩三舊菠蘿同埋其他生果，完全係價廉物美。唯一唔好既係，伙計係你放低餐具後即刻有種趕你走既感覺，想你快啲埋單，呢點就較為差。

我開男朋友入到去坐低，仲傾緊食乜嗰陣個waitress就行埋黎一輪嘴啫住問食乜！ 完全冇時間比人諗！ 我要份肉眼3成，男朋友要肉眼5成！ 之後唔夠五分鐘d野就一下湧曬上台！ 咁我都明因為一分錢一分貨，當然唔奢望會分step上！ 但男朋友份肉眼明明要5成就黎左3成！都算， 但我叫嗰份係肉眼3成，但佢就黎左份西冷，之後我話我要既係肉眼，佢就話係肉眼！ 我同男朋友本身係做西班牙菜同西餐既，我地本身就識分！ 但佢即刻嗌機叫經理黎話我地點點點！ 而個經理一黎到就話哩到係兩個餐，當然片法唔同！ 之後我地咪話肉眼油脂分布係系扒既中間而且筋比較上小！ 西冷係冇乜油脂之餘成條筋係系扒既邊！ argueh完之後佢地就話冇問題幫我換，但塊扒黎到就3成變左做5成！ 野未食完就係咁收我地既野！I didn't hv openrice account before！ 但真係好嬲要即刻開個account complain!! 態度差服務差食物更差！

上次和女友在太子冰室吃的宵夜套餐我倆激讚然後誓要重臨這餐廳終於今天我又懶了不想做飯便又和女友來到太子冰室今天點的是--中式午餐-- 即叫即炒算是有鍋氣唯一美中不足用的烏冬太cheap大概是噹噹的級數不過都是正常茶餐廳質素不能太雞蛋裡挑骨頭$42一個即炒午餐連凍飲再送一碗味精中湯沒有上次晚上來吃時的驚喜連連但也不難吃也算不過不失了

搬了來旺角，常常都出街食飯，都會喜愛找一些特別少少的餐廳食而情有獨中的就是什麼冰室，什麼冰室老實說，這些餐廳愈是老字號，就會愈好食因為在香港已經買少見少了今日下午，來到了一間太子冰室在門口的時間，和女朋友看到黑椒牛仔骨的午餐不由自主地就走進了這餐廳當時大約13:45左右，看見食物都多種類MENU上都好多選擇，感覺好想不錯我當然馬上就點了單而當時都算是人山人海但冷氣方面好凍，經理見到我好像好凍冷，就說幫我調低一下冷氣不過可能太忙的關係，反而愈來愈凍結果我們轉了位感覺好一點後，湯就上了都是一般的湯而牛仔骨以這個份量來說，都算是便宜味道就一般！不過以這個價錢來說，老實就，要求就不能太過！故我都給予合格不過，到了2:00，侍應們換MENU我們發現下午茶的價錢比午餐的還貴，價錢定位是不是有點錯了?因為下午茶通常都是比較少客人的一般都會以便宜的價錢來吸引客人！不過他們剛剛相反了一個西多加一杯餐飲要$30我想，午餐來食，及晚上來食尚可！下午茶就....免了！

約咗人喺太子等，就喺太子食午餐，見呢一間多人，又去食左個午餐，有湯有包有餐飲，以為唔錯。羅宋湯味道嘛嘛，材料不足，似番茄汁加水，個餐包又唔熱，飯來到份量十分少，朱扒又硬又鞋，覺得無味，餐飲細又有多冰，可能因為主力做遊客生意，下次唔會再來吃。

一行6人去了太子冰室聚餐,好久沒見了。蒜蓉包,不俗。羅宋湯,正常。鐵板西冷牛扒,配藍青口,西冷牛扒鬆化,加上香口的蒜茸汁,好惹味,藍青口太小了。朋友西冷牛扒配黑椒汁,可以要求不用鐵板上的,但我較比較用鐵板。凍咖啡,好飲呀。食物味道OK,尚算抵食。

放學去拍拖食飯~由於肥妹實在太肚餓(未上堂已經餓到呱呱叫)，所以一定要有米落肚，男朋友好快就諗到去太子食喇~每人叫一個餐，包飲品﹑湯同蒜蓉包熱檸水正常，紅豆冰正常，重奶味多啲會再好啲~蘿宋湯足料，有肉有菜，味道夠濃(唔知係咪差不多食到煲底嘅關係呢)每人兩塊蒜蓉包，又脆又香，正~男友嘅西冷扒鐵板扒好味，夠林；魷魚得個大，雪到無味；薯菜正常肥妹嘅焗葡國雞飯見到啲飯同雞分開上有啲失望…我相信如果一齊焗會好好味嘅呢~葡汁香濃；雞食落無雪味，但每舊雞都唔多肉；薯仔入味，但如果再林啲啲會仲好~肥妹下次會叫扒，咁就可以啖啖肉喇~

經過依間舖頭幾次, 因為每次都係食完野先經過, 所以都冇試到。今次心血來潮, 剛剛想食牛扒, 就去左依間食, 女朋友叫了個鴨肉紅米飯及沙律, 我就叫了鐵板西冷扒。先講沙律, 有少少鹹,但配菜好新鮮, 至於鴨肉紅米飯, 個飯就比較細, 唔太夠食, 鴨肉就唔錯, 煎得幾香, 入面都幾滑。女朋友仲叫左杯紅豆冰, 唔好飲, 紅豆仲好硬, 冇咩奶味。鐵板西冷扒就正正常常, 冇咩特別。

話說前幾晚無咩想食就入左呢間野. 睇緊menu 時個waiter 走過le 話中廚收左爐.(當時係9點零)...好,甘唯有食扒餐. 落單時講左話2份西冷. 點知落哂個態度差waiter話另一個要咩汁.幾成熟?? 我再答.之後佢態度勁差and 黑面話:即係2份啦. 我心想係你自己聾姐!! 食物到啦. 一如所料. 貴and 難食! 80幾蚊個set. 蒜容法包係林既, 扒5成係well done. 呢間野最正係態度差到死,你都要俾10% service charges 囉(我埋單先知). 總括來講,呢間野我已blacklist! 差差差!!!

九月八日 (星期日)回想上年，婚期日近，令向來懶洋洋的我倆也要開始趕工！原來婚宴有如此多的麻煩事，如此多的洗費 是日又來到金都，攪好了部份事宜後已是三時下午茶時段還沒吃午餐，餓得很，急忙找個地方醫肚來到出商場大門的左面行幾步就有這家太子餐廳選了兩份茶餐，雞扒炒烏冬和牛脷炒意粉雞扒炒烏冬雞扒不俗，挺煙韌的只是烏冬較油膩，也較碎牛脷炒意粉港式意粉，質感軟稔牛脷羶香，很不錯想說的是，一般茶餐廳出櫃面結賬便可這裡呢，卻要叫「埋單」的，為何多此一舉?原來是要收加一服務費的，此舉實在有點令人費解實在太餓，相也沒影一張，也是正常賣相吧~

早排經過冰室門囗，水牌有介紹蛋糕茶餐拼紅豆冰只係$32，見價錢唔貴就走入店內休息一番. 侍應生都招呼得唔錯，就算同另外客人deal緊，都會回應番我叫我等陣，你知被冷落嘅心情好唔好受嘛!我叫咗美國芝士蛋糕，只係喺餅櫃擺出嚟兼用朱古力醬了兩了，咁就等咗十零分鐘，件蛋糕到咗但係杯紅豆冰都未到，唔緊要啦...因為件蛋糕需要放暖！ 紅豆冰嘅紅豆既細粒又未煲腍，食落囗可以嗦嗦聲，豆面花奶水好淡，唔夠味，唔好飲！我第一次食過無乜芝士味嘅芝士蛋糕，餅質似黏糊但其實用刀一切就知道係又乾又散，味道係一d都唔討好，應有嘅味道竟然係樣樣欠一些，哎! 唔食好過！

唔知食咩, 我通常都黎太子冰室, 多位唔洗等食物又幾好, 咖啡又香~不過經過歲月, D價錢貴左好多, 散叫就真係傻, 所以一定叫晚餐~約$80個先黎個蒜蓉飽, 有6件好香好脆, 以為唔會食晒6埤(我們2個人咋), 太好味食晒, 配香濃羅宋湯, 一流~等左好耐個扒終於黎啦~好大件, 一個選肉眼扒配魚, 一個選西冷扒配魚, 叫餐真係著數D!D扒比較淋, 應該用梳打粉醃左, 如果...牛味重D, 無禁淋就更好囉...可惜, 好彩黑椒汁補下, 將價就貨啦, 唔係咩西餐廳嘛~仲可以免費升級做紅豆冰.D紅豆再多D就好啦甜品係士多啤梨雪糕有果肉幾好味喎~呢餐勁飽....食完都行左段路減下先得呀, 哈~

原本也沒有打算影相寫食評，食下食下，真是太差了。炒公仔麵，我已沒有諗過有出前一丁食，但也不用整色整水到勁咸。難道鼓油大特價，又就快過期，唔洗落到多成咁。一杯超淡的熱杏霜，杏霜粉太少，水比例過多。我朋友其實要求也算低，他也開口彈，真是幾差。去冰室懷舊，當然要飲番杯紅豆冰，椰汁味就夠，但紅豆太少了，得個杯底，攪完要好難先飲到紅豆。這客是全餐最正常架，起碼味道適中，沒有咸死。選這間冰室也是因為路過，見面門光鮮，又諗住好耐無去懷舊過，點知被它的外表騙了，空有其表，不知之後又有幾多人中伏。