太子冰室 (已結業)

早餐叫了腸仔炒蛋併肉丁麵，女侍應表示炒蛋會慢點，等了10分鐘先到麵，但我朋友叫沙爹牛麵及腸仔煎蛋也到了，麵食完了，炒蛋仍未到，於是追女侍應，其態度非常差表示先前已同你講炒蛋會遲點，我話已食完麵但仍未到喎，佢話係吾同部門整啲你等吓，完來炒蛋同煎蛋吾係同一部門整。

在太子行街行到倦，但約了朋友晚飯又未夠鐘，6:00pm想搵個地方下午茶都幾難，剛巧經過太子冰室，仲有下午茶喎！原來這裡的下午茶至到6:30pm，真好！想飽肚嘅有炒粉麵飯想輕食嘅有沙律薯條西多士熱狗雞翼，好多選擇👍🏻大部分都係卡位，坐得舒適，仲有一啲二人卡位，我一個人岩哂！我點了個雞脾薯條！雞脾好大隻，美味！不過薯條好幼好硬，唔好食！下午茶餐包一杯飲品，可以揀紅豆冰，椰汁味好香好濃，正！坐近雪櫃旁，見到啲cake都好吸引！下次可以試吓！

6月8日晚一行四人第一次往太子冰室晚膳, 本人及弟弟各點了黑菌牛柳伴鹅肝野米飯, 本人將野米飯改意粉. 當食物到時, 卻沒有鵝肝, 問伙計, 答覆是沒有鵝肝, 是鵝肝汁.明明餐牌寫的是鵝肝, 唉,  厡來被騙了!! 而且, 意粉是碎的, 味道也很差!! 真的氣憤!! 一定不再光顧此冰室了....

喺旺角太子附近搵嘢食唔難，但要搵一間好食嘅就有少少難度，門口大大個牌寫住有扒食，好吸引呢!三人行坐低各自點了個午餐。中湯係一般嘅菜乾湯，冇特別驚喜。三絲炆伊麵，汁唔肥，三絲係雞絲，火腿絲，紅蘿蔔小塊好爽口， 加辣醬食才發揮到炆伊麵嘅威力。番茄羅宋湯，料唔算多，都飲得過。午餐有牛扒食，好淋好好味，薯條一般水準，凍咗淋咗。白汁帶子黑松露意粉，香滑汁濃，顏色靚靚。午餐好多選擇，下次真係好想來試下佢個鐵板。

一起身老公就話帶我去太子冰室食lunch, 等我仲鬼死咁期待因為老公話以前係大陸返工，每朝都食呢度嘅早餐係唔錯喎，點知個lunch會搞成咁我只係嗌咗個常餐，點解可以又係冇味嘅究竟係咪家陣啲茶餐廳嘅常/茶餐興唔落味精我覺得連鹽都無囉呢間冰室個牛肉意粉湯底又係冇味道，同杯熱水冇分別，不過多士係OK嘅，夠脆夠熱，而且個炒蛋都合格，老公醒目嗌咗日式咖哩豬扒午餐，反而個豬扒就好有味道，係個咖喱汁稀稀地🙈唯一可取嘅係我個茶餐就送紅豆冰，呢杯紅豆冰個賣相就麻麻哋，飲落還可以

今日行經太子見到餓餓地就搵左間冰室食個下午茶嘆番下，今次就去到係專賣婚禮用品嘅金都商場旁嘅太子冰室。餐廳環境昏暗都幾太氣氛，不過都尚算乾淨。太子冰室主要應該係食扒出名，因為叫牛扒之家， 不過因為未係餓到要食正餐，就叫左個西多食，連凍檸茶37蚊，正常價錢。西多可以自己揀餡，有花生醬等西多炸到金黃色，非常鬆脆，入口即溶，不過花生醬應該落得比較少，因為唔係好食到花生醬味～不過凍檸茶個茶味偏淡，味道一般。係度渡過一個relax嘅下午，爽。

今日同媽咪去愛都睇晚裝，揀左好耐終於揀岩左幾件留待下次試又係時候夠鐘醫肚了，見樓下有間冰室係到，就貪方便走左入去了。環境尚算寬倘舒適，我地搵左個卡位坐係，望望menu價格真係幾平下。我地就每人點了一個下午茶餐，過了不久就送到。但味道偏淡，另一款海鮮炒烏冬夠唒味，但配料又超少之後本人再點多了1⃣️份雞肶薯條，薯條偏淋，唔夠脆，雞肶肉不夠嫩滑

在万宁买完药，被老板拉客进来。夜宵优惠很不错。便宜还挺好吃，不过好吃的扇贝没有单卖，难过。红豆冰还可以续杯。老板很客气，跟每一桌客人聊天，吃的是平价和人情味。很不错啦

下毛毛雨天總念舊事，去舊地吃舊菜，懷念昔日坐過的位置，可惜味道已不復返。當天點了肉眼排鐵板餐，喝了白湯不錯，濃得來有一點點整排的粟米，好像差一點忌廉香，包就不夠 蒜蓉味，有點像牛油吐司。肉眼要了五成，是見到有血水的，但總是有點in和鞋，牛肉不夠香，可以 魷魚很 嫩很爽口，這個又很好，薯條也太林不夠脆基評分: **味道(基基)**外貌*(基基基)*抵食(基基基)**服務(基基)**最後基言:食物質素沒以前好，員工有點胡塗亂送單

朋友介紹，就搵一日來試吓，今日嚟到那個地方，環境都算唔錯嘅，我哋五個人，比張四人枱，已經係叫最大張。坐就唔舒服，好逼夾。我哋叫四個餐，放都放唔到，唔掂唔掂，價錢都唔係平架，我叫左兩份牛扒，七成熟，唔好食，好硬同＂鞋＂口， 還叫了一個龍利焗飯，呢個就好食好多啦！份量少價錢貴。同埋一個沙律，冇咩特別，還可以。但係有個弊處就係，啲侍應好似吹住你吹住你咁，你碟野一食完，佢就立刻過嚟同你收起佢，我覺得呢個動作就唔係幾好，好似吹着你快D走咁。總括係坐得唔舒服，食得唔暢快，價錢又貴，食物嘅味道都係一般般。唔值得推介。

每個星期六都同男友去太子上course,今日見上堂之前餓餓地， 去食個茶餐當晚飯，我見台面上冇茶餐餐牌，所以問個男待應拎， 點知佢將果幾張下午茶既餐牌飛落我地張台度，冇誇張，真係飛 ! (但果時唔算係忙), 不過當佢錯手啦由佢，咁我男友叫左個炒意粉，我就叫左肉醬意粉， 當炒意粉黎到既時候，我男友就問個waitress(戴眼鏡呀姐) 拎辣醬，之後我地傾左一分鐘計，好快地佢就拎左黎，不過重點黎，佢放低支辣醬時講左句 "下次落單果時落埋啦， 咁唔洗等咁耐呀嘛" 果下我認真地唔明，望住佢答唔到佢任何野，佢專登再走返轉頭再重覆多次果句， 我終於明佢講咩，其實我地又冇摧佢拎，真係做左咁耐人第一次聽叫人落單要落埋支醬， 大家下次去識做啦記住， 唔係會俾人串嫁~ 真係未食都飽晒

上星期同屋企去金都睇結婚啲野，點知走果時落大雨，所以我地入左去商場隔離既依間餐廳度避雨，其實果刻唔係好肚餓，但又無理由淨係度坐，所以我地點左啲野食我地點左公司三文治同埋炸雞翼公司三文治份量都多，不過中間舊牛肉有啲韌，其他材料都正常既，包表面輕輕烘過，所以入口都好好味，唯獨是餡內個牛肉係需要改善另外炸雞尋味道都正常唔算太油膩，略嫌有點乾身不過無地方去又要避雨，無地方之下所以唯有係度食，整體份量都多，share食就最好

我今日叫外賣講到明話係鋪頭出面等點知D員工 灰色衫果位經理同著便服係出面招呼客既人好冇責任感 外賣出咗都唔通知客人要我入去先同我講擺咗一陣真係態度差！下次唔會再去！

從內地旅遊回港已近晚上八時，旅遊巴停在太子砵蘭街附近，吃了幾天大圍中菜，吃吃西餐也不錯，想起附近太子餐廳，便前往。多年沒來，格局變了，幾乎全是卡位。看看餐牌，中西菜色兼備，形形色色，款式頗多，花多眼亂，結果我們點了二人套餐。羅宋湯配蒜茸包，兩者味道都很好。頭盆是煙三文魚沙律，菜新鮮爽甜，三文魚有四大塊。再來每人一隻中型烤虎蝦，也有鮮味。主菜是肉眼牛扒，大大件，七成熟，很稔滑，也沒雪味，醬汁、薯條好味。吃完已飽九成，那知還有一碟海鮮焗飯，白汁做得很好，但那些海鮮，腥而無味，不食也吧！最後是兩小杯雪糕及飲品。這麼多款式，才是二百多元，味道是遠遜以前，但大件夾抵食，也不能多要求了。

聞名不如見面，呢間位於聯合廣場附近嘅太子冰室經常都會經過，亦都聽好多人講話裏面嘅鋸扒好好味，今次經過開太子，終於忍唔住要試一試。我相信呢間係我會比所有野都係滿分嘅一間餐廳，因為無論嘢食嘅質素、價錢、外在環境等等，各方面都係非常之出色嘅，接落嚟等我介紹一下我哋揀咗嘅嘢食！入到門口之後，暗暗嘅燈光俾人一種好舒服既感覺，而且裏面所有嘅座位都係卡位，將每一台都好整齊地分隔開，好其利，而且所有餐具同成個環境嘅衛生程度都幾好，好舒服地去準備開始我哋嘅鐵板餐！鋸扒之前點少得整個蒜蓉包先兩個人食，叫咗兩個餐，每人兩塊，呢度整得特別香脆，淨係睇個樣都已經流晒口水！我哋兩個，一個叫紅湯，一個叫白湯個湯都係咁餐嘅，識落非常知足了，唔似普通嘅罐頭湯開出來，羅宋湯裏面嘅肉同其他配料都好足料，忌廉湯裏面亦都有火腿肉，鋸扒之前暖一暖個胃先！鐵板肉眼扒（ ＄108 )鋸扒始終都係跟薯菜好，呢個肉眼扒有兩大塊，開頭以為只係一塊仔，但原來兩塊都系厚厚嘅，叫咗四成熟，但實際熟嘅程度似六成多啲，不過食落去又唔會好鞋，好容易咬得開，啖啖鮮嫩嘅肉加埋肉汁，非常之滿足嘅感覺！輪到呢個羊扒唔使講，齋睇圖亦都見到個份量非常充足，有三大