影片
以上资料只供参考，请与餐厅确认详情
尖沙咀加连威老道太兴，提供简单快捷的港式风味小菜、五星级烧味、炖汤、冰镇奶茶等。烧味双拼：招牌叉烧色泽红润，边位焦脆诱人，配上甜甜哋既蜜汁，香气十足；烧肉肥瘦相当均匀，肉质软腍，外皮松化，不会有油腻感，的确做得很出色。雪菜鹅丝炆米粉：鹅丝腌得很入味，份量几多，雪菜既味道唔会太咸，米粉炒得湿润，唔会好干，系我喜欢既煮法。烟三文鱼菜粒炒饭：烟三文鱼肉质鲜甜，菜粒爽脆，饭炒得粒粒分明，再洒上鱼䰵，摆盘好靓。瑶柱响螺红枣鸡汤：香浓鸡汤底，淡淡海味响螺，加上干瑶柱和养颜红枣，滋补又好饮。鲮鱼粉葛赤小荳汤：汤底浓厚，材料丰富，鲮鱼肉、粉葛、赤小荳、瘦肉，健康营养高。鸡蛋西式多士：煎得外表金黄，充满蛋香味，涂上厚厚既牛油和香甜既糖浆，极度邪恶美味。冰镇冻奶茶：采用斯里兰卡优质茶叶，以黄金比例冲出来既港式奶茶，入口丝滑，一试难忘。总结，餐厅地点方便，食物有水准，店员服务态度有善，星级茶记之选。
继续阅读
好钟意食烧味但系又怕普通烧味店坐得唔舒服同埋环境比较一般，所以就想食烧味都会谂起太兴见呢间舖头都装修咗好耐，行过见到终于开咗 啲烧味就吸引咗我入去太兴个感觉系唔同啲光猛整齐干净叫咗一个三星拱照 -烧味例牌拼盘有烧肉鸡同埋叉烧， 真系唔系浪得虚名好精致，底仲有个蜡烛热住，所以食到尾仲系可以暖笠笠烧肉皮脆就基本㗎啦 里面嘅肉都好松一层层叉烧几符合我嘅口味，唔系话好肥𠮶种食落去松化， 唔会太甜鸡够滑但系又唔会太生， 感觉滑到好似海南鸡咁， 鸡好重鸡味，食落都觉得好惊喜太兴咕噜肉，次次我嚟都叫， 食过就知正，真系啖啖肉，皮好薄 ，肉肥瘦好均匀， 系唔会可以咬返一嚿肥肉出嚟𠮶种朋友话好想食返个蒸肉饼，所以就叫咗咸鱼蒸肉饼，简简单单家常便饭的感觉太兴又点可以唔叫冰镇奶茶 调味好适中，奶同茶嘅比例都好好，同埋整杯茶好稳定，唔会因为有冰而整淡非常丰富的一餐饭连餐具位置都觉得好整齐第一次嚟呢间舖头食饭，唔单止系太兴一贯嘅味道,服务质素仲好好, 主管阿姐一眼关七， 落单 加菜，加水，态度都好殷勤， 真系觉得如果间间餐厅都系咁样嘅话，香港人日日都想出街食
继续阅读
位于尖沙咀加连威老道的「太兴」新开张，大大的店舖光猛新净，坐位阔落舒适。烧味和冰镇奶茶一向是「太兴」的招牌菜，除此之外，还有各种经典套餐，例如豉汁凉瓜火腩饭，支竹豆腐火腩饭等……而下午茶餐也相当抵食。烧味达人《四喜临门》$138自拼烧味自由度高，我选了烧鹅、乳猪、叉烧和熏蹄，上枱时惊见有烧鹅脾，真是幸运。乳猪皮脆肉嫩，叉烧软腍多汁，样样都很有水准。《太兴切鸡下庄》$60下庄有大大只鸡脾，物超所值，鸡不会太肥，鸡皮薄，肉质嫩，好正。《豆豉排骨炒面》$68除了烧味得，小菜也不逊色，脆卜卜的炒面整成圆柱体，淋上酱汁和加入美味的排骨，好睇又好食。《秘制奶酱多》$37下午茶来碟奶酱多，份量刚刚好。《冰镇奶茶》加$3食「太兴」当然要饮冰镇奶茶，只需加三元，绝对抵。茶香奶滑，咁出名当然是有原因的。《 红豆冰》加$8甜味适中，红豆份量多，如果上面的Cream 转雪糕则更佳。
继续阅读
📍环境 & 新店亮点：尖沙咀加连威老道呢间新开嘅太兴分店，装修光猛又企理，卡位都算好阔落。地点近The One喺正十字路口，相信午市放饭都会好旺场。 🦆烧鹅下庄：虽然太兴出名系叉烧不过今日真系好想食烧鹅😂烧鹅一定系食「下庄位」，啖啖肉又有大大只髀位！髀连胸都斩到厚薄适中，肉质都算嫩嘅～不过略嫌烧鹅皮唔够脆，比较淋身，但油香又唔算特别重。值得一赞系下层有蜡烛保温，唔怕佢好快上台就冻晒，食到尾仲keep住暖嘅👍🏻老实讲，连锁嘅餐厅又唔过两旧水，口痕想食烧鹅嚟讲唔可以要求太多，够收货有突喇✅ 🧊红豆冰：怀旧感爆灯！大大杯，红豆唔会比得少，味道正常～ 见隔篱台嗌左太兴名物，冰镇奶茶，望落都唔错，下次有机会再试🫡
继续阅读
The one附近原来有间太兴，一直都想试下佢既烧味! 叫左个烧肉，份量都几多。猪皮位置非常之脆，中间配埋份量刚好既脂肪，所以咬落唔会干柴，反而嫩香多汁!晚市黎到，当然都要叫下D小送黎食。留意到佢地好够卫生，店员上菜昤，会有个盖吸在碟上，到枱面先拎走个盖，连运送途中都好有保护。椒盐猪扒呢碟好香口惹味，猪扒肉质松软，入口微辣，无论系闻落定食落都散发出椒盐既阵阵咸香，好想配饭食。菠萝咕噜肉咕噜肉唔会有骨，食落好方便。酸甜口味好开胃。咕噜肉即刻淋上酱汁后，肉质仍然保持外面系酥脆。葱油炒蕃薯苗蕃薯苗清脆，而且唔会苦!红豆冰好足料，底下既红豆蓉够晒甜。对太兴第一印象就系冰镇奶茶，呢到既奶茶奶厚茶浓、入口丝滑，冰镇形式令佢摆耐左都唔会冲淡茶味，呢个真系必点之选。
继续阅读