天龍咖喱

营业中

休息中

元朗開咗一間專賣咖喱嘅小店，裝修木系muji style 同搶眼嘅招牌。就吸引咗大量嘅客人入嚟啦咖喱選擇都非常之多，店員都非常之有禮貌，介紹咗最受歡迎嘅幾個菜式，咁我哋就叫咗個羊架同埋吉列豬扒由於個人認為咖喱一定要配薄餅，所以有一份就叫咗薄餅，店員話正常嘅咖喱配方係小辣大部份人都食到，所以我哋就叫咗一個加辣，一個正常辣試吓兩者嘅分別見到有個嘢飲，叫做鹹檸碧，幾有趣，就叫嚟飲下原來入面係有舊鹹鹹地既檸檬，溝落去雪碧又幾得意一嚟到，個份量會唔會太多😂😂三舊好足料既羊架，煎得剛剛好，醃料非常入味，仲有食羊人最鍾意嘅羊羶味，就算唔點咖哩，都非常夠味，雖然要$92但質素同價錢都成正比嘅一個就係加納一個就係加辣，大家應該睇到當中嘅分別，加咗辣之後個人認為風味更加好，咖喱入面有薯仔洋蔥同大量蔬菜，口感非常之豐富，而且佢個辣係唔會食到人哋好唔舒服可以睇到佢入面係非常之足料另一個叫咗吉列豬扒，拼薄餅，薄餅有三大塊非常之多，豬扒都非常之大塊，個人認為好大適量嘅男人都會食得夠飽😂咖喱點薄餅就最好食㗎喇，加上酥脆嘅吉列豬扒，多重口感香酥雞，感覺有啲似台灣嘅鹽酥雞，非常之熱辣辣同酥脆，同樣醃料非常之足夠，不過又

一坐低見到餐廳嘅裝修都好前衛，完全冇平時固有食咖哩嘅餐廳比到我嘅老土感覺——————🐽 咖喱牛仔骨飯首先要一讀嘅係個咖喱底，本身個咖喱係微辣，如果想要中辣或者大辣都另外加辣汁上面，令到唔太食得辣嘅人都可以享受到巴基斯坦咖喱個咖喱底好多洋蔥粒，辛香料嘅味道都好足夠，份量亦都好多，好惹味牛仔骨亦都好厚實， 食落口唔會太煙靭，仲要不惜工本比夠三大塊🫶🏻🐽 惹爆蔥油豬扒茄子，煎太陽蛋飯蔥油豬扒平時就食得多，今次特登加埋茄子同埋太陽蛋，價錢仲要唔貴，完全係將坊間嘅豬扒煎蛋飯比下去🐽 燒雞脾卷燒雞皮卷外皮好脆，食落口有少少肥膏爆汁嘅感覺，啲雞肉亦都好嫩滑

咖喱有分南洋、日式、印式，甚至港式元朗有間比較特別，巴基斯坦式咖喱自成一派，融合健康夾抵食風格咖喱同牛脷天生一對，呢間牛脷勁厚切，牛脷比例幾乎同咖喱half half，煎得好綿好香咖喱用蔬菜打成蓉煲出嚟，唔會膩同埋相對健康羊架配咖喱比較少見，一碟飯有成3.5塊羊架，極度抵食，煎得靚仔又多肉加$9要多塊薄餅，更具南亞風味咖喱dafault會少些少辣，小朋友都食到，可以加辣雞皮卷簡直係made my day，以雞皮做外皮，一咬就爆雞汁，炸得外脆內juicy，趁熱食唔好攤牛仔骨煎得啱啱好，肉質夠嫩，同時油香滿滿傷檸樂原來係雙檸樂，鹹檸同檸檬加可樂，就算傷風都啱飲椰子冰具解辣力，甜甜地但唔會膩，好過飲奶

經過門口見到好多人等外賣🛍 小編就等堂食🤪🫢性價比經濟實惠👍🏻<<人生就像吃咖喱 偶然辛辣一陣子 不會辛苦一輩子>>🍛咖喱厚切牛脷飯 $59 咖喱香口，食落甜甜地香辣的咖喱🥘並唔係只得香料味，而且有大量洋蔥🧅同蕃茄煮成茸🍅 咖喱汁係分開上，仲有入晒咖喱味的薯仔🥔 [*可加辣🌶🌶🌶加左辣後，咖喱更惹味]而且有三大塊厚切牛脷🥩入口濃厚又冧身，配上咖喱汁😍😋配飯食真係好正<<我朋友唔食辣㗎>>😂 生煎芝心和牛漢堡太陽蛋飯 $65和牛漢堡大件夾抵食😍有牛味而有芝心🧀撈埋蛋配飯食完真係好飽肚又滿足✨⚡️雞皮餃子 $38第一次食係用炸既雞皮黎做餃子皮，外皮好薄而且入口好脆🤩雞皮炸到好香口👍🏻話梅可樂 +$8 🥤酸酸甜甜感覺好特別傷檸樂 +$13

呢晚老公突然想食咖哩，經過見到未收就衝入去試下，估唔到這間小店咁有驚喜！.➡️金牌牛魔王咖喱牛大四囍飯 $112➡️咖喱吉列魚柳飯 $56➡️雞皮餃子 $38➡️蔬菜蝦卷 $38➡️豆漿 $10➡️紅豆冰 $10.來呢到緊係點咖喱，一上枱不禁大叫，份量勁多🤩招牌咖喱牛大四囍飯有飯同薄餅真係大胃王餐🤣咖哩上面有金箔😍一共四款餸全部大大件牛筋勁滑，牛腩味道濃厚有咬口，滑牛肉淋身，牛舌厚身，份量十足，cp值好高👍🏻另一款吉列魚柳飯真係大條到呆左，炸得好脆口又juicy魚又嫩滑好好食😋好耐未食過咁好食魚柳！招牌咖喱一定好食，喜歡呢到咖哩可以加辣，照顧到唔同人🥰小食也滿不錯，雞皮餃子皮煙韌餡料多，點泰式辣醬正.呢到真係性價比好高，絕對可以做飯堂，份量超多又好食，買一盒可以食兩餐😂難怪到10點都仲有咁多人買外賣😆同呢到職員人真係唔錯👍🏻態度友善食得開心🥳

元朗足料大大碟咖喱咖喱厚切牛脷 轉三塊薄餅 $59+$23本身咖喱已經小小微辣，不過入口好香濃夠味，如果食得到仲可以揀加辣，全部咖喱配薯仔已經好冧好入味，入邊勁多洋蔥點綴令到整個層次更惹味！厚切牛脷超足秤，大大件牛味好夠，食入口濃厚又冧身，配上咖喱好合拍！咖喱吉列豬扒飯 $58超級大件嘅吉列豬扒，香脆金黃外皮，入口超級多汁啖啖肉夠滋味，配上咖喱汁食入口就更加豐富口感，最緊要係咖喱撈飯，真心推介精華所在，香濃加白飯真係食到停唔到口！特級花枝丸四粒 $33花枝丸外層得脆卜卜 外脆內軟，開埋泰式辣醬更加惹味牛肉薯餅 $38如果有埋落啲咖喱度仲正！鹹檸碧 $25柚子梳打 $25天龍咖喱 (元朗)元朗合益路17-53號合益中心地下23號舖

最近好多事都唔係咁順利，不過我自嘲辛苦命，其實又無乜大不了既，能吃便吃，唔洗憂慮太多，問題交俾時間解決。就好似今次我去食依間店「天龍咖喱」既格言咁：人生就如吃咖喱，偶爾辛辣一陣子，不會辛苦一輩子！辛辣一陣子未必係壞事，我決定刺激下自己，前幾日叫老公陪我一齊去試下。平時食得多東南亞和印度咖喱，天龍就主打巴基斯坦咖喱，一場黎到當然要試真啲。🫕咖喱辣度可自選，店長話小辣連好多小朋友都食到，但如果真係完全唔食辣嘅都有唔辣嘅碟頭飯可以揀嘅。🔸金牌牛魔王咖喱牛大四喜飯（附蔥油酥餅兩塊）一碗有齊牛肉，牛筋、牛腩、牛舌4款唔同部位，單睇個咖喱真係同平時食開既好唔同，用左十分之多既洋蔥去煮，咖喱本身偏甜，香料味唔濃，都幾切合港式既口味。我點了中辣，辣味幾温和，我相信一般食到小小辣既朋友都接受到，唔夠辣仲可以叫店員加辣。牛既份量足夠二人食，我最鐘意係牛腩，啖啖肉炆得夠稔又入味。附送2塊蔥油鬆餅🫔，用來點咖喱汁一流。🔸惹味蔥油豬扒茄子煎太陽蛋飯聽個名就會聯想起又係男人的浪漫另一代表作，事實上大大碟又真係好飽肚。蔥油撈飯本身都好好味，仲有巨型煎豬扒、茄子和太陽蛋，雖然唔算咩特別野，但勝在夠晒地道風味。🔸天龍雞

天龍咖喱🤩🐮👅咖喱厚切牛脷飯 $59佢呢個巴基斯坦咖喱既香港版，香料味聞落好香，落口唔會只係得香料味，極大量洋蔥煮到林晒，甜味都落晒咖喱入面，所以係聞落香食落甜既咖喱🥘辣度有分大中小，適合唔同人士選擇。🌶🌶🌶牛脷有三大塊，目測每塊都超過1CM厚，唔講以為自己鋸緊扒，成塊都好林身，而且肉質嫩滑，真係抵食挾大件。🐑咖喱羊架拼薄餅 $92我估唔到，一份有三大個羊架，每件有掌心咁大舊肉，因為炸過，表面香脆乾身，聞落羊騷味好夠，一啖咬落去，孜然粉十足，脆皮下面肉汁豐富，岩岩好熟晒，唔會過火，羊架就咁食尬已經好好味。😋😋個薄餅勁酥脆，搣開見到層次分明，用黎點咖喱就吸晒所有汁，一個字「正」！👍🏻🐔鹽酥雞 $38黎到見到都係平平無奇既炸雞，咬落口先知，老闆既炸物真係好出色，炸雞入面既油係迫晒出黎，入口一啲都唔油膩，重點係食到最尾，碟底都唔見有油架！👍🏻👍🏻💓天龍雞皮卷 $42本來應該係一塊雞扒，點知花時間將皮肉分離，之後又卷返埋，睇落好無謂，但食落就知‼️個雞皮下面層脂肪係切走左，再包返醃左既雞肉，炸完再切到一口分量，方便一啖一件。去左脂肪既雞皮拎去炸係脆到一個點，如果大家燒野食，會燒雞皮就會明點解老闆

天龍主打咖喱，都有少少頹飯格式，見到Menu上嘅咖喱飯，只可以加錢轉配薄餅，但我又想食麵，即管多口問問，不得不提老闆嘅細心同貼心，佢即刻介紹其實可以轉烏冬或者出前一丁，仲可以選擇湯麵或者撈麵，因為老闆認為咖喱始終都係配白飯最好食，所以就無特登將轉麵寫出嚟，原來係hidden menu嚟㗎，大家想食麵就要出聲問喇。#咖喱吉列豬扒撈出前一丁 $58吉列豬扒新鮮炸起熱辣辣，都好大塊，薄薄蘸上撈咗香料嘅麵包糠炸，唔油膩。豬扒唔算厚身，但都唔會炸到乾晒，依然有肉汁。出前一丁唔使另外加錢。成碗咖喱汁奉上，我就直接將丁麵浸落碗咖喱汁度撈嚟食，唔止係咖喱撈丁咁簡單，直頭變咗咖喱濃湯丁，最後成碗咖喱汁都食晒，絕對有下次。#咖喱牛腩飯 $58咖喱汁用咗爆多洋蔥去煮，好有洋蔥嘅甜味，食到好多唔同香料嘅層次。咖喱汁辣度剛好，唔會話辣到食唔到其他味道，客人可另外要求加辣。牛腩大大舊，啖啖肉，份量都唔少，同薯仔一樣炆得腍，好入味。真係學老闆話事齋，其實咖喱汁撈飯先係最正嘅配搭。#天龍咖喱地址：元朗合益路17-53號合益中心地下23號舖

講到元朗食咖喱，好多人都諗到咖喱xx，但個間店真係大不如前。是日想去超市買啲野，發現左天龍咖喱，下午時段入面都坐滿人，應該係好野黎喎，試下佢先。咖喱都好多配搭，唔想食咖喱都有其他口味揀，仲有下午茶餐同唔少小食，正喎😋🐏咖喱羊架飯🍚 + 傷檸樂🍋叫左羊架飯，唔係度度有得食，試下特別啲嘅先🤤羊架有三支骨，份量十足呢，仲係即叫即煎，上枱時真係超香，熱辣辣香噴噴超吸引，見到都流晒口水。羊架仲係厚切，啖啖肉，啲脂肪位煎到甘香，咬落啲油脂回甘超正呀😍咖喱係分開上碟的，用左超多料黎煮咁喎，見到有粒粒洋蔥，仲有入晒味嘅薯仔，好好味啊。個人覺得唔夠辣，店家話可以加辣㗎，加完後好正，又辣又香，淨係咖喱汁都可以食兩大碗飯🤤見餐牌有樣飲品叫傷檸樂，原來係檸檬加鹹檸嘅可樂，又叫龍鳳可樂（？）😆橫掂本身想飲檸樂，咁就試下呢個傷檸樂啦。又鹹又酸再加上冰凍可樂，勁正，配咖喱又啱口味👏天龍咖喱啲咖喱真係好好味，有新咖喱據點了，想食咖喱可以黎天龍啦。

🔅因為住元朗，筆者食過幾次天龍咖哩，響好多平台都見到讚佢地個咖哩好得！今次終於寫返個食評推介比大家！佢位於又新街街尾。👨🏽‍🍳佢地個咖喱同出面唔同，係巴基斯坦🇵🇰咖喱，加左好多洋蔥粒🧅同蕃茄，問左年青老闆，因為傳統巴基斯坦咖喱味道太濃太strong, 我地香港人未必接受到，所以佢改良左變返岩香港人口味，吸引好多回頭客返黎再食。🍛咖喱吉列豬扒飯$58咖喱味香濃，落左好多種香料，加上啖啖洋蔥粒，有口感亦非常好餸飯！吉列豬扒炸得新鮮香脆，咬落去啖啖肉，炸粉亦唔會過厚👍🏼飯粒亦都是長條形印度香米。🍕加配薄餅+$9相信好多為食家都會叫多份薄餅點咖哩汁黎食！😋筆者都唔例外，除左香飯之外，用薄餅食又係另一種風味。🍖天龍雞皮卷$42每次去都必食雞皮卷，亦都係店內大熱小食，炸雞皮包住嫩雞肉，外脆內軟，砌成小粒，再沾上泰式酸甜醬，非常美味！大力推薦！🥟店主仲話下次可以試下食雞肉餃子，下次回訪再食～店員都好nice, 大家入黎元朗都不妨過黎試下天龍咖喱。

呢間咖哩開左差唔多年半 離遠就見到大大個招牌由元朗站行過去好方便~而且係食巴基斯坦咖喱 幾特別原來係洋蔥比較多既咖喱 也唔算好辣 (下次可以叫加辣)幾細心 食唔食到辣都可以享受到嘛😆.🔸金牌牛魔王咖喱牛大四囍 $112選擇困難又樣樣都想食既我揀左個巨大的餐 sorry我走左飯🤣 因為唔想浪費呢個餐本身跟飯+兩塊酥油薄餅 的確大份量~而佢d咖喱真係有一粒粒洋蔥粒煮出黎 好足料食得出百分百用香料咖喱粉煮牛大四囍係有: 牛腩, 牛舌, 牛筋, 牛肉醃肉既方法係用蔬菜汁 食落感覺更健康.🔸咖喱吉列豬扒飯 $58個吉列豬扒係酥脆既外皮 肉質juicy而且又係巨大份量食呢間要有心理準備飽到抱住個肚走因為佢d咖喱係越食越開胃😂.🔸天龍雞皮卷 $42招牌雞皮卷 外脆中間多汁🔸雞皮餃子 $38起初以為用雞皮會好油膩食落一d都唔油 餃子仲有好多材料.🔸凍檸碧 $10🔸傷檸樂 $13不能抗拒的咸檸+檸檬組合😉.📍天龍咖喱📌元朗合益路17-53號合益中心地下23號舖

已經回訪過好多次嘅天龍咖喱 終於的起心肝記錄吓 聽佢個名 以為係老店 但其實係由後生仔打理嘅咖喱店同其他咖喱唔同 呢到嘅咖喱佈滿洋蔥蓉每一啖汁都有 味道好適合香港人唔會太辣🍂咖喱牛腩飯-份量唔會過多 牛肉算多 可惜嘅係叫牛腩都係會比埋牛筋-薯仔好入味 如果多2-3嚿會開心啲🍂咖喱生煎肉餅飯-肉餅係厚身嘅 鬆軟 唔會好實 而且俾成3塊 都算多🍂薄餅 (叫咖喱飯可加$9 多一塊薄餅)-唔會太油 🍂紅豆冰 (跟餐加$10)-紅豆唔會過甜 軟硬適中 而且有碎冰 咬紅豆時會咬到冰粒 多重口感💡會繼續回訪嘅小餐廳 覺得個男侍應態度100分❤️反而個女侍應就好似我地食飯欠左佢咁🥲

雖然係街坊但我一直好少留意呢條街直至最近見谷友提過呢間嘅咖哩今日先知原來好多fans，未停過排隊同出外賣首先我好respect佢個名叫咖哩而佢又真係主打咖哩目測全場食客都食緊咖哩😂（餐廳有少量非咖哩食物嘅）我哋梗係跟隊食咖哩啦！🍛咖哩吉烈魚柳飯咖哩汁分開上，無論係汁定條魚定係飯個份量都真係完全冇欺場😂佬飯size咖哩汁，我都唔知用個汁字啱唔啱因為佢其實幾杰身，見到入面有啲蔬菜蓉食落有啲爽爽口感嘅原來係洋蔥碎所以我覺得用中文嘅「辣」形容唔貼切佢哋呢隻咖哩係spicy但唔係hot食落係多香料，著重調味如果想食辣，可能要自己另加辣椒油了下午茶時段有tea set🍜咖哩撈烏冬，可揀一餸，我揀左雞扒雞扒大塊㗎，啖啖肉咖哩汁夠撈曬成個烏冬而且個汁一樣有比薯仔㗎煮到勁淋勁入味👍個烏冬都ok，係彈牙嘅，冇煮到一pat小食而炸物為主街坊大推嘅牛肉薯餅，係日式korokke所以唔好expect入面有牛味😂日式係creamy忌廉狀另外叫咗個芋頭魚餅同蔬菜蝦卷額外有甜酸醬同沙律醬但我會沾埋啲咖哩😆估唔到嘅係佢哋個水吧都幾得杯奶茶真心拍得住茶記！等我仲以為呢度得可樂七喜添🙈小店數埋大概坐得20人但店員服務好好，

【天龍咖喱🍛】睇完YouTube嘅Flat Out 地板油(前蘋果日報員工講車經嘅Channel) 介紹呢間嘅咖喱同牛肉薯餅，又見大牌檔2.0呢度有谷友提過佢哋，前兩日咁啱經過，於是就入去試吓~ 佢哋嘅孜然羊架燒得好香、軟熟多汁，個咖喱唔係一般嘅茶餐廳或者泰式咖喱，係比較有原始香料同原材料嘅味道、接近南亞特色嘅咖喱，如地板油介紹，薯餅配咖喱汁係好夾、好美味嘅，而奶醬酪餅就比一般嘅奶醬多或者夾餅有層次，另外仲有試咗佢哋嘅特飲嘅椰子冰同柚子梳打，都好好味，有機會大家都可以試吓😋😋💛💛