天鴻燒鵝飯店

营业中

休息中

今天坐西鐵去元朗逛逛，順便試試天鴻燒鵝，因為之前行完山，燒鵝沽清，未能品嚐，有點失望。可能平日關係，5點左右到來，店鋪只有買外賣的客人，堂食只有我們，我們叫了半隻燒鵝，鵝是微暖，師傅做到皮脆肉嫩，鵝肉甘香，好滑有汁，不（un),味道剛剛好，點梅醬也不錯。今天來的時候個心十五十六，山長水遠去不去試，看到食評麻麻，但試過後，我覺得不是食評説得那麼差，真心講系好食，除左師傅自家功夫手藝到家，其中一個更重要原因系，出爐不久即食，必定外皮脆卜卜，試問唔脆皮燒鵝邊個鐘意，所以燒鵝真系要趁熱食。另外，鵝底仲有一隻鵝翼，細細隻，（沒有潮州鵝翼那麼大），應該用白鹵水浸，鵝翼很滑。老闆都幾好人（食評話他幾有個性😅），因為問他某巴士站上車地點，剛巧有位應該是他的熟客，他們商討了一陣，最後熱情地教我們沿天橋行去西鐡站，代替乘巴士（因為巴士他們說要起碼一小時）。

晨早隨攝影班老師到元朗影向日葵，返回市區也是上午十一時左右，山長水遠到來，不想這麼快便回港島，不如先吃午飯，下午才去游泳，因元朗泳池一時才開放，吃完還有時間休息。論元朗名店，不得不提天鴻燒鵝，數年前曾慕名而來吃過一次，但事隔多年，印象隨風而逝，個人喜吃燒鵝若狂，適逢路過，唔好錯過！店子小小，座位不多，店員著令我勿自坐一角，要與其他單身客同坐，理解！理解！看牆上價目，上次來時，留意到燒鵝髀飯是$91，現已加至$135，我只點了燒鵝飯，取價$56。燒鵝飯是一碗的，是翼位，顔色棗紅，有燒烤香味，皮薄而脆，肉質過得去，但缺少甘甜，飯給鵝油添了香味，雖然油膩，但愛吃！可惜的是燒鵝用了不少味精，飯後大半天仍感口渴，舌頭味蕾叫苦連天，真不明白，有如此好聲譽，怎麼還要靠味精，難道對自己的出品沒信心？

雖然係元朗人, 但一直都未有機會食呢間燒鵝.冇嘅....就係因為平日要返工, 假日又訓到晏一晏先出街.話說今年老爹生日, 家姐阿哥齊齊返屋企吃飯.我又點可以唔把握機會ORDER返一隻燒鵝返黎齊齊試下呢.當日6點半去到餐廳拎燒鵝, 當時店內燒鵝已經全部沽清.而當時去拎燒鵝嘅人都有好幾個. 都要等15-20分鐘左右.全隻 多謝哂$508, 價錢的確唔平返到屋企立即打開, 齊齊冇規冇矩咁偷食.賣相好吸引，烤得色澤好靚好平均, 肥瘦適中.一隻分2盒裝, 但後面發現其中有一盒色澤唔同, 媽咪覺得可能唔係同一隻.因為食得快, 所以食落都仲係和暖嘅, 但外皮薄唔算脆身, 而肉質都仲保持到嫩滑.味道方面, 係食到有微微荔枝柴味, 而且醃料味道都好入味, 食落都唔錯的.整體黎講, 雖然未算超級值回票價, 但係品質唔錯嘅, 可以一試又唔會嬲嘅,

兩個人食咁多，我都知係over咗，但呢間野最出名就係燒鵝，一場嚟到，唔叫對唔住自己喎。因為唔想食咁貴，所以只係叫了下裝例牌，再整個玫瑰油雞飯，再加枝涼茶，兩個人真係可以攬住個肚走。鵝味突出，有少許荔枝味，皮脆肉嫰，的確唔可以同鴨相比，味道濃而出色。至於油雞就不過不失，跟普通的燒味檔差不多，坦白說~因為我不食雞皮，所以如果佢連雞肉都入味的話，就更加滿意了。可惜見到肉色就知道了。座位不要期望太闊落和坐好耐，這是不可能的

吃過很多家的燒鵝，元朗的這家是最喜歡的一家，老闆很有個性 每天只是下午五點開張，賣完算數！看你不爽 還不賣你，幸好對我很客氣，每次去我都會買下裝，因為有個漂亮的燒鵝腿，特別吸引，鵝肉出奇的緊緻，有陣陣荔枝柴的底蘊在裡面，是絕技，很好吃，而且皮里也不太見肥油是我最愛的。

This small eatery is located in Yuen Long, specializing in roasted goose as its name implies. Arriving early on the day (around 11:15am), we were surprised to see there were quite a number of people eating already, and with only a few tables most of them were occupied with customers. The seats and setting was not comfortable at all but there was no expectation of such to begin with, and most people would just finish and go anyway. We ordered two Roasted Goose Rice Spaghetti to start, plus the S

話說小弟今日行山，由荃灣行入元朗，到達元朗時大約下午一點半，諗住既然上次食唔到，今次不如一試！去到時大約有三四個人在我前面排隊，而我又一身臭汗，店員話如果我唔介意就開張枱俾我坐出面，我見當時我落雨，就即時答應了！當我一坐低，店員已經話燒鵝飯買晒，我心諗，我來這裏只是想食燒鵝，叉燒切雞我點解要喺呢到食，我正想離開時，店員又話仲有最後一份淨下庒，我唔明㸃解只有淨下庒而沒有燒鵝飯，不過算，照要！好了，等了幾分鐘，有得食了，第一時間夾髀，唉！失望，鵝皮唔夠脆，鵝又唔夠熱，味道偏咸，鵝油超多超肥但唔夠香，理論上我行咗十幾公里，應該擺咩入囗都會覺得好食，但這碟上压，我食了一半就放棄了，因為根本就唔係其他人講得咁好食，店員服務又麻麻，真係唔會有下次了！最後，我仲要不斷飲了好多水，我估係太咸和太多味精了！

今日去買燒鵝食，見到舖面及出面都坐哂人，敢我不是堂食，我買走，就同老闆娘講半隻燒鵝，佢就悔悔氣氣叫我等喇，敢我咪等囉，勁唔好老皮，喂，生意好都要識得服務態度吖，幚襯你哋仲要睇面色，仲慘過乞你哋，以後都唔會再幚襯天鴻燒鵝，無品，無禮貌，態度勁差。

台灣來的友人來香港玩，找我當導遊，指明要吃燒鵝。朋友不喜購物，想貼地一些，去香港本地人會去的地方。就帶他到元朗走走，吃B仔雞亦尖，吃燒鵝，看看風景。這間燒鵝其實我並沒吃過，是偶然聽同事極力推薦，心裡面早就抱著想試一試的念頭，正好跟遊客朋友來。-下裝例牌燒鵝　$150兩個人叫這個size夠吃了。賣相好吸引，烤得顏色均勻，泛著油光。但一吃下去，有點失望。燒鵝並不是熱的，有可能因為是平日中午人客少有關係。不夠熱的副作用就是皮不是酥脆而是變有點韌了。肉倒是沒影響，很嫩滑；可惜味道不太夠，靠著酸梅醬還是美味的。或者是期望過高吧，也可能是運氣不好，朋友說不錯吃，應該總比外地不正宗的好吃，也就罷了。

一不留神無望住佢切就出事話明要4分1下裝...竟然咁樣都可以混水摸魚...用隻鵝髀放面就當係下裝價錢收$150...如果下裝買哂可以講一聲既...唔使用到咁樣既生意手法架喎...咁樣做生意真係不得了...望到盒鵝一D都唔開胃...只此一次...絕冇下次

光顧了天鴻燒鵝約10次，每次都是吃燒鵝，還記得有一次晚上約7:30到達，所有燒鵝已賣光，看到了賣剩的鵝頸，為了解饞老實不客氣的向老闆索取，老闆見龜龜及同行友人沒鵝吃那麼可憐，便斬了兩條鵝頸贈之，友人跟龜龜馬上便就地幹掉了，記得那賣剩的鵝頸還是脆皮温熱的。幾乎每次吃他們的燒鵝也是熱騰騰的，因為流轉超快，燒好的鵝不消一小時便賣完，然後又有一批出場，鵝出爐不久便賣光是一個良性循還，客人吃到的必定是皮脆温熱的鵝。光顧於中午2:30左右，到店本來已不抱吃鵝期望，打算沒鵝便吃別的，喜見鵝踪，點了燒鵝飯一碗，可惜是次吃到的鵝是我光顧以來最差的出品，鵝已全涼，皮是韌的，尤幸鵝肉還是一貫的香滑，奪回不少分數，皮不濟肉出色，優劣相抵下變得質素普通。環境方面，天鴻的室內座就只有20餘個，飯市時間會在室外座迎賓，都是硬座，不是一間可讓客人邊吃邊聊的舒適餐廳。服務普通，相信全世界的燒臘飯店亦一樣，食客需要的是食物上桌速度，食物的新鮮度，侍應禮貌否，態度殷勤否，who care!

星期一晚媽媽已經很想試試天鴻燒鵝飯店的燒鵝，可是當晚已賣光，故我們全家翌晚提早點來吃，當然最後都吃到，媽媽更是大讚特讚這裡的燒味燒得不錯，我說我有一早叫她來吃，因為超多朋友都向我推介，只是媽媽沒聽，如果不是的話她應該吃了好幾遍。我們年輕的都點了瀬粉，長輩的則吃白飯，我都沒拍到照片，只顧著吃。小食冷盤我們挑了全家至愛的燻蹄，燻過的燻蹄聞起香味十足，豬皮膠質豐富不油膩，咬起來特別軟彈。沾上酸酸的醋汁，清爽開胃的讓人一口接一口。這下裝例牌燒鵝色澤真的太讓人犯罪了，如果貪吃是一種罪，我們都罪不可赦。其實我超想把它逐一美拍，但媽媽和弟弟都忍不住大開其口，所以只秒拍一張紀錄它的美照。燒鵝送進口中，我只能說這燒鵝值得我為增磅，鵝皮外層香脆，內層油脂卻軟軟綿綿，而且那鵝油香令人驚艷感嘆太香太嫩，驚天地泣鬼神也不為過。鵝肉部份不韌且多汁，讓全家愛不釋口，好吃，好吃。有燒鵝又怎可少得秘制蜜汁叉燒，秘制蜜汁叉燒蜜香四溢，我喜歡吃瘦肉，所以這叉燒正合我心。放一塊入口，叉燒肉質鬆軟度剛剛好，不失彈牙嚼勁，肉香汁濃，帶點脆口的燶邊再添咬口，實在一絕，稱得上妙。

·食燒鵝來講第一推薦一定係元朗既天鴻。不論鵝味、鵝香、鵝油、皮脆都係一流貨色。但係大家首先要不介意食店環境，真係唔係咁好，而且價錢都係屬於貴。話雖如此，但間唔中我都會有癮特登入元朗食一食佢。P.S.呢到既叉燒都唔錯，大家都可以一試🤤🤤

說起元朗馳名燒鵝，非天鴻莫屬！這間元朗老店，每逢大時大節都會有不少街坊預早幾天下單預訂燒鵝，大拿拿5百多元一只，生意仍然絡繹不絕，可想而知擁戴食客何其多！作為老顧客，極力推薦大家吃燒鵝飯/雙併飯！仍記得首次光顧時，夫婦兩人叫了［下裝例牌］加2碗白飯，份量多到吃不完，浪費食物和金錢呢！單/雙併飯優惠之餘，份量剛好，每碗燒鵝的骨肉比例是平均的，絕不會像別的燒味店，會倒楣的遇上全是多骨少肉的，反而只會幸運偶然搭上鵝脾位！燒鵝是熱騰騰現切的，皮脆肉嫩的鵝肉，豐滿的鵝油溢出沁到白飯之中，狠狠扒下一口飯，又吃一口鵝肉，滿足感油然而生！沾一下酸甜的梅醬，鵝肉的油膩減了幾分，但卻把肉香提升到另一個境界!像我般貪心的可以選併叉燒吃，精選豬肉肥瘦相間的部位，配以微甜的醬汁製成的叉燒，真的是很、下、飯！輕輕鬆鬆就吃光光～

終於有機會嚟試下聞名已久嘅「天鴻燒鵝」! 👍🏻😍之前有嚟過剛好碰上佢哋中間落場時段！今次星期日五點幾又唔排隊、加上地膽好友知道我地入咗元朗熱情推介、即管一試！😜可能受盛名所累吧！對佢有期望、有要求！😜是日我和男友各自叫碗「燒鵝髀」瀨！姐姐話冇晒燒鵝髀、建議我哋叫半隻、上下髀免斬、價錢又差唔多！聽落又OK喎！一於照佢意思落單！👍🏻🙏🏻😜果然賣相好得！😍👍🏻但入口....皮有點「Un」要用手幫忙扯、鵝肉....我諗瞌埋眼會食唔出係燒鵝、完全冇乜燒味嘅特有味道！瀨粉湯頭又過咸、我哋兩個都係屬於重口味、如果我倆都覺得咸的話、應該其他人好難接受、但唔知點解好似冇人投訴？有點𢯎頭！😅唔明點解會被吹噓到香港之最！口味真係好個人！😜