影片
以上资料只供参考，请与餐厅确认详情
我啲朋友有Afiniti club 优惠（第一次光顾）$1000 有$500折扣，所以去咗呢一间火锅餐厅试一试，门面装修漂亮（餐厅属于海逸酒店）入到去却有种莫名其妙嘅感觉....可能因为对于酒店入边嘅餐厅有期望...所以入到去有种怪怪地嘅感觉...明明餐厅入面装修唔差好多金色银色白色但系有种....大排档？定系唔知咩嘅感觉...一入到去都有三围坐咗喺度，有一围枱啲男人讲嘢比较大声...枱同枱之间有少少近我好奇问朋友你有冇觉得奇怪怪嘅感觉，唔知系咩感觉...朋友就话俾我听应该系有啲似大陆福建..即刻一语中的正常点左啲火锅汤底同配料嘢食其实唔差，尚算新鲜.猪骨汤底嚟到好香但系好似未都唔算太重，都好咁即系小味精👌🏻麻辣牛肉饺就有啲伏，完全唔掂似系牛肉丸入边加咗啲麻辣汁，亦都唔系太好食👎🏻莴笋菜类都好新鲜👍🏻值得赞呢度竟然有牛骨髓而且亦都好新鲜好好味👍🏻原桶蚝及丸类不过不失👌🏻值得赞西班牙伊比利亚黑毛猪唔多脂肪，好薄，口感好好，味道亦好好👍🏻👍🏻陈年花雕鸡件 鸡都尚算滑，有少少骨头骨尾，酒味淡啲👌🏻叫咗椰青上到嚟竟然入面系变咗冰少少水...真系完全唔似系酒店餐厅👎🏻👎🏻👎🏻总结：食物 60环境 30（如果喜欢福建感觉的人应该有60-70）服务 40回头率 30性价比 50
继续阅读
第一次写食评,从未试过咁难食的中式自助餐,所以一定要写。 因为哩张海报吸引左,所以都去试试。无订位的情况下大约1:00入座, 计埋我地只有四台客,当佢平日所以咁小客人吧。食物不是用纸点餐,是自己出去攞, 虽然poster 写左约廿款食物,但10只手指数得晒,小得可怜, 同一款食物分两个位摆放而已。所谓的点心以为是酒店同集团文华轩的出品, 但我只觉是外购x 龙出品的点心吧, 餐牌写黑松露烧卖,请问d 黑松露系边? 只食得出是一旧粉头的鱼蓉烧卖。其他点心只有义烧包,山竹牛肉,厚皮粉果, 珍珠鸡,想必也是外购金x 点心,特式d 的点心欠奉。另中式小炒,不提也罢, 有豉油鸡,烧鸭, 粟米鱼柳,咕噜骨,炆牛尾, 炒时菜一盘, 炒饭炒伊面, 无嘞。味道及卖相也没有惊喜。到甜品只有相片哩度,但无谂过西米露系酸的。最后想讲服务及其他, 侍应要求我地出去攞食物时要带返个口罩, 疫情下要求合理,我地亦有守规矩。隔离台有位唔知系经理定股东, 由入黎到坐低都无见佢带住口罩, 还带住同行的两位长者(可能系父母吧) 在取食物的范围一路讲住野浇了一圈, 无攞野食的情况下一直高谈阔论,期间无职员阻止或提示哩位先生要带返口罩先去食物区。到我地走时都唔系食紧野。位置在酒店内,但一d 都唔高档,真系一次太差的美食体验,no more next times.
继续阅读
整体评分并不合格。唔会推介依间餐厅，试过一次之后唔会再去食。首先系入错两次单，改单都改咗两次！好彩中途望清楚张手写单同埋啲食物觉得点解数量有啲唔同（例如：叫半份嘅菜单，佢嚟咗一份菜单嘅份量，但系其实手写点单系半份，职员错误入咗一份喺电脑嘅单）。但系职员首先觉得系客人搞错，最后系发现自己入错单，俾人感觉好唔专业。服务系计埋茶水，但系入座超过半小时都没有提供一杯水，要客人问佢攞水，佢先觉得要比水客人。同埋我哋叫咗一份烧银雪鱼，但佢竟然比错咗一条烧鲭鱼。明明就系烧鲭鱼，同职员讲佢应该比错咗条鱼，佢竟然话条烧鲭鱼就系银雪鱼，食物搞错唔紧要，但系将银雪鱼同埋鲭鱼话系同一只鱼，简直系侮辱客人嘅智商。佢嘅解释系，佢哋嘅银雪鱼同出边市面嘅餐厅入货可能有啲唔同。最后佢话可以比客人取消该项目的订单，咁就梗系一定取消订单啦！白痴都知道系鲭鱼唔系银鳕鱼，佢个解释十分之牵强及低智！除此之外，若果佢系走高级餐厅路线，职员服务十分之唔专业，无论态度或者系送食物的速度及次序，亦都系十分之不济。首先系黎晒所有食物但系仍然冇汤底。职员入错单仍然觉得自己冇问题，虽然唔系要佢去道歉，但系职员发现有错应该第一时间更正，而唔系企左系度讨论点解会有错。职员礼貌方面都是欠奉，有待改善。另外，见到有手抱小朋友竟然唔会问你是否需要儿童座位，要你上前去问佢，佢觉得要提供儿童座位俾小朋友。服务效率方面，效率十分之低。入餐厅只系比咗一本餐牌，打开餐牌只系得一张纸写住个套餐。跟住觉得点解咁奇怪，过咗好耐都揾唔到职员，最后揾到另外一个职员发现原来系冇比其他餐牌，所以点菜都用左好耐时间。食物方面，食物味道一般，并不出色。以及食物选择方面唔系咁多。整体评分并不合格。最后就梗系唔会推介依间餐厅，亦都试过一次之后唔会再去食。
继续阅读
表面上火锅配料有折，但附加费用多到抵消了所以折扣。收了我$150下栏($18/位茶、$25/位酱油、$38/碟小食）。虽然这店在酒店内，但服务方面不是酒店水准，问侍应折扣的事，她也不知道，要找经理代答。折扣繁复，不同食物不同折扣，又有些食物除外，难怪自己人都唔明。成晚只有一半客人，但都系叫人才会换碟加汤。上菜时，一只小昆虫在经理面前飞入鸡件上，告诉经理，他答，哦是吗，走开。要赞的是海鲜蟹锅的料非常鲜甜，牛肉亦是上等货。鹅肝虾丸好食但没有鹅肝味。
继续阅读
向来对食物质素有要求，火锅好多时食物质素差啲。难得朋友约地话呢间质素巾保证，咁就试下啦。先讲价钱，晚餐1300蚊一位冇饮酒，其实都几贵，不过比返咁上下质素食物就算佢啦。汤底好有心思，火焰🔥蟹卜卜蚬，有得睇又有得食，汤头鲜浓而不腻。食品点左紫菜响玲，新鲜炸起，劲脆又有紫菜香，系油左小小。手打双拼丸，美国桶蚝，手切牛拼盘，全部都好新鲜，牛有多个部位，仲有啲系从未食过（可能我见识小），牛鲜而唔会有大陆黄牛个款*骚*味。好彩买左佢地个85折券，咁就抵食啲啦。
继续阅读